叫左特濃芝士蛋糕($110)，靜岡抹茶忌廉紅豆撻($25)，玫瑰伯爵芝士撻($25)，廣島檸檬撻($22)。
芝士蛋糕圓碌碌，一打開就好香蛋味，仲有濃濃芝士味。蛋糕用左三重芝士，混合3.6牛乳製作，所以味道更濃郁。一大個好抵食，切成8件，每件既size都大過切餅左右添。
蛋糕按一按好軟綿，仲會升起，好fluffy。而且橫切一件，見到半熔芝士，而成個蛋糕都混合埋芝士製作，口感更勝一籌。
另外仲有好多非常靚既甜撻，新出既抹茶忌廉紅豆撻d cream好澎湃，擠花成一個小山丘，灑上抹茶粉點綴。
忌廉超濃抹茶味，奶香中和左抹茶既苦澀味，成個撻好creamy。而個撻皮曲奇脆身既feel，凍食一流。價錢仲要親民添，食完好有飽足感。
尼款既忌廉加入玫瑰、伯爵茶，玫瑰味較伯爵茶味突出，所以好有花香感覺。而伯爵茶就改變左忌廉既顏色。
值得一讚既係，每件撻上面既cream食完都唔會覺得膩，反而好幼滑，係甜而不膩。而忌廉底層仲有芝士層，芝士帶少少鹹香味，配合撻皮食，有多一重享受。
鍾意檸檬既朋友就唔可以錯過，因為檸檬既酸甜味非常突出，檸檬汁混入忌廉，第一啖就已經食到檸檬酸溜溜既味道。尼個撻好清新，食完成個人精神哂。
整體，每件蛋糕、甜品、撻，都係即日製作，賣相至味道都好出色，仲要比同類店鋪食物既價錢較經濟實惠，讚。除左可以買屋企慢慢歎，店內仲有唔少座位可以堂食添。
