北海道爐端 (已結業)

屋企就喺D2 place 附近，但夜晚好少行過嚟食飯。難得今日同屋企人有事慶祝就揀咗嚟依間日本餐廳食飯。餐廳環境幾闊落，邊邊有d私隱度高d嘅包廂位，可惜冇預先book定就已經full哂了。前菜方面，平時成日叫開沙律，今次就食d未食過嘅，叫咗個雜錦海鮮膾。雖然實物同餐廳上嘅圖有d不符😂但都幾特別嘅。佢入面有切粒三文魚同吞拿魚，上面再加隻半生熟蛋。個汁有少少酸酸甜甜，所以都係個幾開胃嘅前菜。之後點咗個店長推介欄嘅雜錦天婦羅有一件茄子、三條蝦同兩件蕃薯。我冇食到茄子，不過我覺得天婦羅蝦同蕃薯都好好食。炸粉厚到適中，入面嘅蝦啖啖肉，蕃薯切到薄薄一片，而且佢好夠甜同嫩。喺四款鍋物入面，我地叫咗個鹿兒島赤雞鍋($268)，佢d配菜材料都幾豐富。聽講鹿兒島嘅赤雞雞肉味濃，而且質地厚實，脂肪唔多，食落果然真係。一開始上嘅清雞湯。估唔到盆配菜同個雞咁大份😀加咗$18食個烏冬。雞肉味已經好鮮，其實唔點芝麻醬都已經好好食。總括而言都係一次唔錯嘅用餐體驗☺️

驚喜的日本餐本來帶着雙寶到葵芳覓食，但到了葵芳，實在太多人排隊等餐廳食飯，所以我們決定去荔枝角。荔枝角是個小社區，但五臟俱全，有很多特色的美食。我們選了D2 place 日本居酒屋北海道爐端燒享用晚膳🍣傳統日式居酒屋的深木色設計，地方寬敞。當中還有幾間私隱度較高的廂房，讓客人可以盡情享受美食之餘也可以一起跟朋友暢談。帶着雙寶，他們細心的為他們預備BB櫈，食物的價錢不太貴，是可接受的範圍內。我點了三文魚及魚籽飯🍱三文魚子脆卜卜，鮮甜又沒有腥味。海鮮北海道麵沙律，味噌肉操飯，埋單不用$300。#yummy #hkblogger #blogger #foodie #hkfoodie #相機先食 #北海道爐端燒#荔枝角長義街9號D2place二期109舖

今日男朋友放假一齊食晚飯，我提議食日本菜，咁就睇下有咩類似居酒屋嘅餐廳可以選擇。上網見到依間爐端燒好似好正，就吸引咗我地去。😋門口就已經見到$128就有5款串燒啦 好抵食喎😯我地總共叫咗六款嘢食、兩杯嘢飲同一款甜品。我叫咗柚子檸檬梳打，飲落酸酸甜甜好夠氣同冰凍，好解渴呀。😋男朋友叫咗巨峰提子梳打，依杯比較甜，提子味都濃郁好夠氣，底下有提子肉㗎！日式煎餃子，餃子皮煎得好香脆，皮夠薄餡夠足料，好多肉汁，同埋醋汁一齊食好開胃！魚骹位好好食！燒得好香好香，肉好嫩滑鮮味，肉質一啲都唔老，仲要好juicy啖啖入口都係肉。豬軟骨拉麵湯底好濃郁，麵質有咬口煮得適中，豬軟骨肉質入口軟嫩，軟骨好有膠質。明太子雞翼炸得香脆不油膩，雞翼肉質嫩滑多汁，無太多調味，雞翼內嘅明太子鹹鹹地中和咗無咩調味嘅雞肉。大蔥串燒得好香口，大蔥本身就帶有甜味，加上醬汁和木魚花 忍唔住一啖接一啖咁食曬！5款串燒分別有芥末豬腩肉、雞軟骨串，小甜薯，元貝同雞翼串。芥末豬腩肉嘅芥末味比較淡，豬腩肉脂肪均勻，食落唔會乾柴。雞軟骨串係咁多個之中我至愛，佢juicy得嚟又不失雞軟骨嘅脆脆口感，醬汁仲要甜甜鹹鹹，好鍾意呀。小甜薯燒得好香，薯肉好

幾高汁既日式🇯🇵餐廳🤤🤤叫左一碗地獄拉麵🍜 顧名思義姐係辣🌶拉麵啦😍😍😍 湯底佢幾濃都幾香辛辣味 但可惜唔係我鍾意既直麵😖 如果係會更好🤤-叫左幾樣炸物同燒物 兩樣都整得啱啱好唔會炸得過火 每樣野入口都係脆身既😳 三文魚🍣刺身都幾新鮮同埋佢都落咗小小鹽加強個味覺🤤 燒魷魚🦑 三文魚 呢啲全部嗌得過🌝-到最後嗌咗小丸子雪糕杯做甜品🍮 雖然佢睇上去的的式式但d餡勁多 仲有我鍾意既雪糕糯米糍😍😍 價錢都幾抵食 嗌得過！-

荔枝角D2 Place 二期開咗一段時間， 間唔中都會去下 ，因為這D2 商場一、二期都好近， 商場又有特色, 加上很多特別嘅食店進駐，揾好野食唔難。就像二期一樓這間北海道爐端Majimeya日本餐廳， 幫襯了兩次,水準都保持得好好， 今日晚餐就食日式火鍋和雜錦串燒，加杯Draft beer和海鮮丼 ，極豐富美味的一餐。日式火鍋是牛肉壽喜鍋,另加烏冬半份，HK$158。牛肉賣相吸引，肉脂分佈比例平均，肥膏少，味道濃，如份量更多更好。 湯底配料新鮮， 以雜菜為主， 味道清甜，用來滾日本烏冬非常美味。雜錦串燒有五款不同味道,分別是芥辣豬腩串、帆立貝串、鹽燒雞翼、汁燒雞軟骨棒和日本番薯仔， 五款口味，盛惠HK128。味道好正， 除材料新鮮外，絕對是師父嘅功架，燒得啱啱好，少少燶，食落十分脆口， 一邊食一邊飲啤酒，滿足。Draft Beer是三德利頂級生啤(中),HK$48杯，味道不苦澀，啤酒味濃又顺口， 幾好飲。最後海鮮丼， 有三文魚、吞拿魚、 油甘魚、八爪魚、 飛魚子和牡丹蝦， 全部新鮮刺身， 肥美肉厚，鮮甜真味，回味無窮。

今日係開學日，就搵個藉口同左屋企人去食餐好嘅。家住長沙灣，知道荔枝角嗰邊好多新餐廳，就去咗D2 Place搵食。嚟到雖然唔算好多人，但係啲包廂位就坐滿晒。首先嚟一客蒲燒鰻魚，盛惠$158。一人一片已經食晒，但係的確係高質嘅鰻魚。入口實肉，一啲都唔煤，鰻魚皮煙韌有膠質，絕非一般連鎖壽司店嘅質素。尚算厚身鰻魚汁重手左少少，可以唔使咁鹹。北海道芝士年糕超好食！只係$48，新鮮油炸，外脆內軟，而且好有飽肚感。可以見到芝士仲係流心添！如果可以吸走表面嘅油，感覺會更加健康。當選擇困難嘅時候，最好就係叫拼盤㗎啦壽司拼盤， $168，全部嘅魚生都好新鮮。多人一齊分享最啱就係打邊爐去完鹿兒島嘅媽媽對嗰度嘅赤雞念念不忘，所以今次特登叫咗，一個鍋連配料$268，加配半份烏冬都係$18。同樣地用料上乘，好新鮮嘅雞肉，放落超濃郁嘅自家製雞湯，更加能夠得出雞嘅鮮味。雞肉都係超健康嘅雞肉，唔太肥膩，結實又彈牙。雖然$268都唔平，但份量多，用料好，總算值回票價。最後點左個照燒牛脷，$42一串。一分錢一分貨，如果鍾意食牛脷，係值得叫嘅。椒鹽嘅調味啱啱好，貼心地加上檸檬可以解膩。牛脷既有肉汁，又有口感。牛脷嘅香味喺口裏

夜晚九點幾嚟到D2 Place 2期，搵到呢間北海道爐端燒仲未收就入咗去🌙。叫咗個二人份嘅煙肉奶油意大利麵（$128）；兩客三文魚壽司（$28/客）；一杯北海道巨峰提子梳打（$28）同北海道蜜瓜梳打（$28）。·個所謂嘅二人份其實只係同一個普通意粉差唔多🌞不過勝在入面嘅芝士可以膩到飽咁解；意粉都好足料，有蝦、蟹柳同煙肉。三文魚壽司不過不失，不過$28蚊兩件同元氣差唔多質素就唔係好抵啦。最後杯蜜瓜梳打唔係好啱我口味🙈好重人工水果糖漿味；巨峰提子相對上好味啲，但味道仍然偏甜。

Happy Friday 最好就當然是找一間美味的日本料理，大吃一頓😂😂 荔枝角D2 Place 都有不少環境不錯的餐廳，這次選了北海道爐端，感覺不錯！💪🏻👍魚生飯- 魚生新鮮，魚生有相當厚度，亦是飽肚之選。炸雞軟骨- 好吃👍 不會過多油，香脆可口，並非每間雞軟骨都會炸得好吃！大阪燒- 這個沒有什麼特別，因為都好難煮得難吃環境方面，這個非常滿意，因為座位是間隔開的，每台客人都感覺很有私隱，是談心拍拖的好去處！

大家日日夜夜返工返學 無咩時間可以抽空去下旅行 呢到好近地鐵站 好方便 位於商場既二期一樓 輕輕鬆鬆就可以食到日本野木系成見餐廳的主要設計 地方都算系闊 而今次我就book咗位來 所以我地就可以坐房 個到好有私人空間 但系一間房大概只系可以做到4個人左右 呢到亦都有好好既服務 每張臺都有一個可按鍵的牌: 服務, 加水, 結賬 好放便 貼心的我們分別叫了兩杯飲品 一杯是巨峰疏打同密瓜疏打 兩杯分別都好濃味 都幾好飲既 但系可惜我之後再叫多次巨峰疏打 呢杯係好淡 淡到好似飲緊水咁樣 隻色同第一次叫個杯都差好遠 好淡。不過之後再同待應講 佢地都好有禮貌咁同我地換過杯好d既🙇🏻‍♀️之後我地就叫咗呢個海膽來食 海膽並沒有腥味 每一淡都融系口入面 比我一開始想象中好 (因為有好多其他餐廳都唔系咁好味🤔) 另外仲比咗紫菜，青瓜，海葡萄 夾埋一齊食添呢個軟殼蟹沙津 炸到脆卜卜的軟殼蟹 同清甜的蔬菜 夾埋一齊食 真系岩岩好 有一種拉和返油膩的感覺 邊得又清新 有好味岩岩熱辣辣的炸出來的蠔 咬落去每一口 都感覺都好多汁 系好肥好甜的蠔👍如果點埋沙律醬就更加提升到炸蠔的層次呢個蛋卷其實唔算特別 但系都唔系難

周末返工實在使人太沮喪，唯有暴飲暴食治癒心靈！甫走入北海道爐端，除了舖面較為凌亂，整體擺設都幾有日本feel。打開menu更加見到日劇中（東京白日夢女！）居酒屋常見的佐酒小食－鱈魚白子！白子乃是魚類的精巢，鱈魚白子顧名思義即是鱈魚的精巢...燒香的白子，口感不像平日吃肉類內臓「鞋烚烚」的感覺，反而有少許油脂香，可能因為非當造時令、來貨不夠新鮮，餘韻有點腥，不算太討好。啤酒呢，想不到細杯真的細到好像玩具杯，有意啤一啤的就要自己衡量啦。menu選擇多，但日式主食（飯麵類）則寥寥可數，炒麵尚算足料，蔬菜、豬肉片份量充足，炒麵的調味亦頗有關西風味。口痕之下再來一客明太子雞翼。外表夠乾身香脆亮麗，咬開也是滿滿的明太子，不肯定是否因炒麵太重口味而影響味蕾，實在不太嘗到明太子的原味。

呢間都算係我最常去嘅日本料理之一，係咪特別平呢？唔係。特別好食？都唔係。係特別好坐，可能因為佢太隱蔽，真係每次去都得小貓三四隻嘅。尖沙咀有一間好似佢咁上下隱蔽嘅餐廳，又係日本料理黎，不日介紹。咁一枝公黎呢間呢，我就每次都係叫明太子蛋卷同炒麵嘅，140蚊埋單，真係唔算平，但計埋包場費嘅話就唔貴啦係咪？明太子蛋卷味道亦都絕對唔輸蝕架，餡料算足，蛋嘅口感幾厚實立體，有蛋香，唔點醬汁都已經夠哂味。至於炒麵，其實係有少少因為貪平先叫嘅，味道ok，輸蝕在食頭幾啖有鑊氣，之後鑊氣就好快散。不過嗌黎送蛋卷都唔錯嘅。

Having been and enjoyed the Majimeya in TST a couple of times before, I was glad to see a second branch open in Lai Chi Kok. Here at D2 Place TWO, the location is quite accessible as it's just right next to the MTR exit. There're also plenty of local stores and boutiques to shop around, and I have a vision on seeing this area thrive in the future. Arriving at the storefront, the design of the restaurant looks every part as Japanese-y as you would expect. The lanterns are reminiscent of ones that

今日同仔仔要去荔枝角學野，學完野已經又到晚飯時間，諗諗下..好耐都冇同仔仔撐下枱腳，我仔仔至愛日本菜，所以去左附近商埸揾食，D2 Place見到呢間日本菜門口已經好吸引，又見唔使等位，急不及待衝左入去！大部分壽司都係一客兩件！抵食夾大件！鰻魚壽司呢個係我至愛..厚肉嘅鰻魚，好正！三文魚刺身肉厚、鮮甜、大大件，無得輸！雜錦天婦羅即叫即炸，唔會太厚炸粉，上到枱仲熱辣辣，炸蝦天婦羅仲好鮮甜！三文魚壽司、油金魚壽司、八爪魚壽司、芥辣八爪魚壽司堅大件，全部用料新鮮！蘋果秋海淡淡嘅蘋果味，再加上有清甜嘅酒味！衛生環境乾淨，員工態度十分有禮貌！

平時喺荔枝角返工經過見到商場有間日本餐廳，都好想試吓，今次就同同事試吓晚餐。餐廳環境好大，門口擺放一個大酒櫃，有吧枱同埋私隱度極高嘅卡位位置，仲要靠近窗邊，傾計都唔怕嘈親人。店員隨即俾咗幾份餐牌俾我哋，仲提供熱辣辣嘅茶水，非常體貼。壽司刺身款式極多，當中有我最喜歡嘅火炙左口魚邊壽司，左口魚燒得很香，魚油滲透晒入飯入面，面頭有些少蔥花，食落去有幾重口感。明太子雞翼燒得好香，外皮非常香脆，咬落去入面嘅明太子同埋肉份量好多，食落去仲有少少辣嘅味道，好滋味。醬油燒鶴鶉蛋一份有好多粒，每一粒都好入味。荔枝煙肉卷賣相好吸引，一串有三粒，而且入面嘅荔枝肉多汁鮮甜，煙肉唔算太鹹，兩者味道非常match。香酥雞軟骨同埋鹽燒三文魚骨都非常香脆可口，即叫即整。由於我哋太大食了，而且每一款食物都好好食，我哋仲叫咗一碗豬骨拉麵煮雞蛋Share食。湯底味道相當濃郁，配料很豐富，大大塊脆紫菜，加兩大件叉燒、一隻溫泉蛋、一些筍、木耳、蔥花等等，食落去有不同口感，而且麵度軟硬適中，再加埋七味粉，更加滋味。最後仲叫咗一個賣相精緻吸引嘅北海道蜜瓜甜糕小丸子作為飯後甜品，面頭鋪滿一粒粒嘅蜜瓜，食落去多汁鮮甜，極為滿足。食咗咁

一向都鍾意食日本菜嘅我們，去到荔枝角一個大型商場D2，搜尋到一間北海道爐端燒餐廳。餐廳裝修以木為主，門口掛滿日式燈籠，非常耀眼，另外餐牌同埋特別推介嘅食物都可以喺門口先預覽，能切合客人嘅需要。餐牌上嘅食物選擇繁多。除此之外，餐廳牆上黑板都有是日嘅特別推介，首先我哋叫咗啲刺身同壽司等。刺身方面，點少得叫我最鍾意嘅三文魚同埋甜蝦刺身，兩者都非常新鮮，而且甜蝦好大隻，肉質爽口彈牙，唔使點Wasabi已經好鮮甜。壽司方面，海膽壽司賣相非常吸引，呈現鮮橙黃色，仲要係我至愛嘅日本北海道直送嘅海膽，正。見到黑板上嘅鰻魚蛋卷特別推介，所以叫咗一份試吓。一份有六片，中間GAP住好多鰻魚肉，食落去蛋卷好香滑，蛋味濃郁。串燒中嘅牛舌同埋白鱔串都燒得非常香口，牛舌質感爽口，白鱔串一啲都唔腥，仲要冇乜骨。除此之外，仲叫咗明太子雞翼、醬油燒鶴鶉蛋、荔枝煙肉卷、香酥雞軟骨同埋鹽燒三文魚骨等，同樣地每款食物都非常新鮮美味。