北海道十勝豚丼 (已結業)

呢間野係難食到一個點，飲品又難飲奶茶澀的，的飯係爛的，其它菜都係難食，不會再光顧，我係吃不完的，只是食到那些豚肉，飯是吃不下，飲料都只係飲得落2啖，咁難食但不知道為何都那麼多人的，仲未執笠

九龍灣megabox 北海道十勝豚丼中華冷拉麵 $42黎到megabox foodcourt會好頭痛 成日唔知食pepper lunch好定係coco好😆😆今次就特別啲食呢一間呢間既lunch係幾平既我就嗌左個中華冷拉麵食🍲一黎到 心諗感大份既攞對筷子夾 原來個底係好多生菜 所以睇落好多感😂佢有好多火腿紫菜同菜個中華沙律就不過不失啦😐個麵就普普通通啦其實成碗野都唔會話好驚喜 畢竟冷拉麵都唔會同其他店有咩太大既分別👄碗面鼓湯都ok但係有啲淡得濟😞整體上 $42算係感既質素既🙆🏻‍♀️

今日去開megabox睇戲所以就係哩度食個dinner想食日本野但5點9度見到隔離店都未開只有壽司同刺身提供 所以就入左十勝食啦個menu主打薄切既豬排飯但由於我係魚既愛好者！ 所以就叫左個靖魚定食！包左個中華沙律同湯 飯都好多下 食到好飽！佢個魚超好味！ 完全係意想之外！ 好熱辣辣 即煎上碟！有檸檬 同燒汁！好正！下次會再食！

想當年在紅磡時經常吃的十勝豬當原來有仲有分店，唔知佢係再開定一路有分店。今次起Megabox睇完戲見到就立刻入返去重溫味道。同以往一樣，佢既筷子係抹到黑色出黎，呢樣野一d都無變，怪怪的。以前只有三個選擇，而家多了很多不同選擇。入返正題，我地三人叫了薄豬、昆布豬、石鍋芝士雞。先來了薄豬大盛，薄豬一如以往很不錯，肥瘦度很好，叫了燒汁另上，因為記憶中味道很濃，的確味道很濃。再來昆布豬， 汁煮的味道不錯但略嫌豬肉比較少。味道上不比薄豬差。最後來了石鍋芝士雞，芝士味很香，但石鍋跟芝士弄出了些燶味。總結，味道可以，以這價錢來說可以一來。

👁‍🗨 汁燒薄切牛脷飯(細) 💲 34 (下午茶餐）行到餓又吾知食咩，就是旦搵左呢間日本餐廳醫下肚😶叫左個汁燒薄切牛脷飯，賣相比想像中失色，而且個飯吾夠汁，想用下佢既燒汁撈飯都有點難度，牛脷亦都有點梅😳冇咩牛脷既香味，不過整體離講，味道不過不失，$34下午茶份量岩岩好又包飲品，算係咁上下🤔真心冇諗過竟然係magabox呢類咁大型既商場，都可以搵倒平價食物，真係幾驚喜😂🔛 整體評分（6.5/10）

諗住未食過試下，叫左個厚切燒豬扒飯Jumbo Set,68蚊無野飲唔算平，一咬舊豬扒已經知奶野，硬到石頭咁，無味瘦肉咁，最後要女朋友過pepper lunch拎d汁求其食完就算(因為佢食pepper lunch唔肯試呢間，好精明），已black list！

好耐冇睇過戲，是晚到附近嘅戲院，睇邊套唔使講啦，都係嗰一套啫由6點睇到差唔多9點，睇完點都肚餓，所以就喺戲院出面求其搵一間算好求其咁睇吓個餐牌，覺得不錯就直接同侍應講兩位，好彩即刻有位入得其實去過呢頭都知呢度似係半 food court，所以間舖只係一個長方形，一眼睇晒唔係太多位因為呢排天氣凍，戲院冷氣又勁，所以叫咗個石鍋飯，最緊要夠熱辣辣北海道燒芝士咖喱烤雞扒石鍋飯（$60，晚市要再加一）坦白講成兜真係冇晒配菜，得芝士、咖喱、雞扒同埋飯，不過冇配菜對我而言冇問題雖然最後都係逃唔過食飯焦（只係小小啫），但係一開始都有搞一搞啲飯，用咖喱汁避免啲飯痴底作為主角嘅雞扒表現唔錯，咬落唔會太韌，加上咖喱汁同埋芝士，令到口感更加豐富咖喱汁唔會太咸，溝飯食都唔錯，但係芝士嘅味道唔算突出，個人而言今次係適中，不過芝士控可能會有啲失望至於份量嚟講都算係適中嘅，起碼夠一餐晚飯嘅份量，不過呢$60係得個飯，並唔係餐，個人而言就差小小野咁下次可能會有，不過會試吓其他餐廳先囉

好鍾意食呢間嘅豬肩脥，因為燒得香口又有質感，個燒完唔會乾爭爭，今日坐左出面，可以買幾間野黎食，之前都係坐裡面食埋其他野，呢間好在都開得好夜下價錢唔算貴我要豬肩脥小食，原來要講明要小食先得，因為最初黎左成份係有飯，個飯仲好大碗添同個職員講完，好好人咁幫我轉番做小食，加上小食的話豬肩脥份量係多d架，有2塊，燒得香口，汁好味，其實如果送飯都好食架，但要多汁先得呢

係呢個商業大型傢私店買完嘢，拎住大袋小袋，唔想行咁遠開飯，好自然係呢個場搵食！係十樓有幾間食店,竟然重遇呢間豬扒飯店，雙腳不由自主行入去！係豬肩狹同豬扒飯權力交戰下，最後點左厚切豬扒飯，要埋套餐，包前菜及麵豉湯！醬汁三款之中點了網燒汁，味道帶甜，可以要求加汁,無論點豬扒及用黎撈飯都好好味！豬扒肉質唔嚡口同唔乾身，無肥膏我鍾意，一口咬落去有少少嚼口，果然係好受歡迎！唯獨唔太夠熱，再熱d肯定味道會仲好d！回頭率都高！

星期六中午同太太去megabox睇戲，睇完之後見有啲肚餓，就落1層去10樓food court嗰度睇下有咩食 ，行過見到呢間北海道十勝豚，咁啱有下午茶餐餐牌，都好多野食。留意：佢個下午茶係逢星期一至六先有，星期日係無的。好彩今日星期六，仲有下午茶餐，於是走入去食。下午茶餐入面有好多款野食，有出名嘅吉列豬扒飯又有唔同嘅拉麵，到最後我揀咗叉燒拉麵，套餐仲連野飲，我就加杯熱奶茶，呢個下午茶套餐都係$38.00蚊,都算非常抵食。點完單之後等五分鐘就有得食，個拉麵個湯底都麵豉湯底都算濃郁 ，雖然叉燒分量比較少，得嗰兩件，但食完個面都夠飽。

雖然見不少負面食評，仍抱住食平DD嘅心態試食，結果…………真係中伏！！淨係講吉列豬扒拉麵，炸粉硬、豬扒實，兼且豬無豬味，講得唔好聽，真係食落肚都【銀】胃！拉麵勉強可以，最離譜隻蛋……只係烚蛋加色，蛋黃仲乾身到粉碎出黎！！一向又懶又怕煩嘅我，「歎」完個麵，實在情不自禁…………

貼錢買難受.職員一d禮貌都冇.漏左單同返職員講..一句回應都冇.唔知以為我地得罪左佢.埋單又計多錢.離開左之後發現漏左個小朋友既背囊係餐廳.返轉頭拎發現個袋擺左係門口既紙皮箱上面.雖然要幫客人保管唔係餐廳責任.但尼個動作已經令人唔可以接受..有d同理心都會keep住先.並唔係當垃圾咁擺係門口

放左工無無聊聊去行megabox之際發現有間豬扒飯店就好想試下，一行到過去店員即刻安排入座，環境都算可以座位都幾闊落。點餐後好快就有得食了~~我覺得豬扒幾好食，肉汁多估唔到佢平價得黎又幾好食!! 相反餃子就比較淡, 無咩特別之處`下次行megabox都可以再來吃！

睇下就戲之前，想食少少野打底唔想食pepper lunch ，就求其揀左呢間日本野，點知中伏😑嗌左吉豬拉麵，麵同味精拉麵差唔多，行野。焦點放番係塊「吉烈豚肉」到，又嚡又韌，應該唔係韌咁簡單，係硬，再加上佢唔夠熱，我真係唔知食左D乜😑都已經無唒心情，食完嘢麵先發現我啱先用黎抹筷子嘅紙巾上面，竟然有明顯黑痕。無錯，對筷子甩色🤐剛才一路用黎食麵嘅筷子甩色呀!我啱啱比完錢，即刻忍唔住要分享比大家，抱歉，可能寫得隨便咗，因為肚有點不舒服。。。

買完BB野，5點幾，見到得呢間有tea time老公話試下！lunch 同tea set做到5：30pm係呢個商場黎講，價錢上真係抵既！不過質素就真係一般啦，叫十勝豚丼，豚肉一定係照牌最好食啦禁就錯哂啦，我地叫兩個都係豚肉，啲肉真係又乾又靭我叫既係lunch set 泡菜豚肉個汁係ok既，送飯岩哂，份量仲好夠，而且好多菜，不過都係個句，啲豚肉硬過石頭我老公叫左tea set 既厚切豚肉件豚肉聞落真係好香，不過一咬，乾過柴皮，我見我老公一咬，撕開係有聲，真係聽得到禁dry最後我比左我個麵鼓湯佢送黎食飲品都係好淡既，價錢黎計算係成正比埋單$90，服務,環境,整潔,價錢搭夠，差啲劣評