北京老家 (已結業)

話說十一月尾有個好姐妹生日，可惜大家因為更期不合，結果延期至今日實行，平常聚餐都只是食西餐或cafe多，今次壽星女卻要搞搞新意思，改為吃中菜，於是便介紹一間和家人經常都會去幫襯的北京老家。胡同素鵝（$78)五人同行，結果點了五道菜。先來的是胡同素鵝，記得上次點了雞絲粉皮和蒜泥白肉都令人感到失望，相反素鵝的質素竟然有好表現，所以決定再翻兜。預先切定條狀的素鵝，腐皮卷呈黃金黃帶啡，一層層有如千絲酥的腐皮，入口外層香脆，豆香什濃，中心的腐皮未算炸得太過火，保留了一點帶濕潤且軟身的韌性，再醮點少許喼汁，令豆味更鮮明可口。皮蛋尖椒豆腐 ($72)平常見到街外吃到的皮蛋尖椒豆腐，皮蛋會是主角，切為片狀成瓣舖滿碟邊，中心才舖上豆腐粒。不過這裏的皮蛋卻一早切粒和豆腐混在一起，皮蛋的份量更是少得可憐，讓人感覺有點寒酸吧。幸而味道方面搭救，添加辣椒油、蒜頭蓉和酒醋，令甜甜酸酸的豆腐帶點微勁清爽，但豆腐粒仍然滑滑溜溜，很開胃。糖醋魚片與咕嚕骨同一做法的魚片，外層均匀沾滿橙黃令身的糖漿，黏黏濕濕，魚肉挺身不爛，尚算嫩滑，未見有雪味，甜酸程度也適中。只略嫌菠蘿粒切得太細碎，未能一口咬下爆汁酸性的刺激。北京烤鴨(

同朋友慶祝生日 簡d唔限時既餐廳 貪佢夠多時間吹水 朋友簡左呢間 地點方便 太子站 始創隔離 地方夠大 5個人比左張大台 叫左北京填鴨 個皮出奇好食 但一籠得10片 唔夠半只鴨 叫多一籠 要30$ 跟住叫左夫妻肺片 小黃魚 小籠包 雞絲粉皮 茄子 包菜 梅窩肉 最後叫個香蕉拔絲 超靚 5個人埋單1200$ 不過不失 份量略少

中午食飯同同事到旺角，見到呢一間北京菜好似不錯 ，就走咗上去食。佢嘅環境好有北京feel，好中國。 最緊要人唔多，可以慢慢坐 。一開始，就有個湯飲，唔錯唔錯。見餐牌有炒刀削麵，幾特別，所以叫咗 。味道比想像中好，下次有時間可以再食。

一大班朋友食生日飯。餐廳裝修超有北京風味，古色古香涼拌土豆絲酸味較重，口感爽口，夠開胃。雞絲粉皮既質感唔夠爽，麻醬不足，唔好味糖醋排骨既肉質軟腍但唔夠熱，唔夠酸甜，強差人意炒年糕味道正常，無特別。炒刀削麵似炒河粉，火喉唔夠。酸菜魚肉質白滑，少酸少辣，味道還可以。片皮鴨不算太肥，烤得剛好，皮脆最好味上湯浸時蔬係最好味既餸，清清甜甜甜品拔絲士多啤梨得個靚樣士多啤梨外層仲有厚厚既糖槳，超甜超似冰糖葫蘆。

出旺角食飯，唔想同人迫，又想食好野？考慮下呢間，絕對有驚喜～餐牌選擇繁多，要研究好耐先諗好要食咩。不過未落單之前已經有surprise, 事關枱中間係魚缸，有三數條小魚在「游」閒！可能是平日的關係，晚飯時間客人都不多，環境清靜。餐廳裏的裝潢有心思，不論是牆上、地板，未開飯都讓眼睛先滿足。侍應會親切的介紹菜色，也沒有催促落單。素鵝，上菜尚算脆，但無論用料和味道都真的很素。葱油餅，不算油膩，葱可以多一點，餅很充實，算是物有所值。忘了 exact name，總之是菇和雞啦。最入味係呢碟，雞炆得好焾，好快清碟。汁送飯一流。侍應之推介。凍豆腐豬肉粿條。味道我本人不太喜歡，但家人食得津津有味。我比較喜歡這個蕃薯苗。我本身不喜歡食蕃薯苗，但這裏煮得好鮮味，我不經不覺食咗好多整體而言，雖然呢一餐叫唔中樣樣都啱食，但勝在選擇多，環境搭夠，應該有下次。

之前食過尖沙咀果間，覺得唔錯，今晚咪試下旺角分店，點知……我以為自己食緊快餐-_-食過一次，唔會有第二次！訂枱訂左晚上7:30，5個人，早左少少入座，7:20有朋友坐低左，7:30齊人，大概7:45點好菜，等上菜，加埋食，唔夠一個鐘，d侍應開始收碟，請我地賣單，仲話我地已過時，本來係食到8:30....聽到真係一頭霧水……由訂座到入座，從來冇講過有限時，個朋友仲食緊條肉絲……當下都未火，反而真係好奇原來有限時，咁咪認真問個侍應，係咪有限時，我地book位book 7點半，只可食一個鐘，8點半要走？！佢支吾以對，仲竟然屈返我地轉頭，話我地遲到乜乜乜…幾時有遲到呀？？？…一係你就一早講明用膳有時限，一係你就直接講有人等位，想我地配合下，早d賣單，咁樣反而可以體諒，我地唔係唔明生意唔易做，但唔好用呢d咁惡劣嘅態度趕客……最後我想講嘅係，究竟用餐時限係幾耐？可惜在我地被「請」出餐廳之時，仍無法從侍應口中得知，唯有黯然離開……其實“快餐”有好多種，仲有好多更出色的，恕我諗唔倒點解仲要幫襯佢……PS: 又話網上訂座有95折，結果係……無囉。

之前中秋做節... 訂左位都等左好耐... 但服務好好... 叫左 6-8人餐... 驚會唔夠食... 但個 staff 同我地講實夠食... 仲可以轉餐既餸添...好好味... 碟碟清晒... 果然夠晒我地一台九個人食~ 大家實太餓... 前菜同蝦就無影到...拔絲香蕉 （原先係士多啤梨）呢度其中一度招牌菜... 果然好食... 但要一上即食... 凍左就會好硬架啦個糖...老家柚子魚（原先係酸菜魚）夠晒開胃... 唔油又多肉~烤北京填鴨好耐無食過啦~ 少少帶邊肥連肉... 差 d 唔夠分~ 見我地多人會分為兩碟~草捆牛骨不得了太好食... 一咬即溶咁... 記得要加埋個汁... 個汁撈飯勁正... 唔放條骨係度... 會以為食緊炆牛脷...農家魚麵湯好清甜... 未食過呢 d 麵... 每人一小碗就夠...京燒排骨架勁淋... 以為個汁係酸酸甜甜... 如果係會更岩食...上湯浸時蔬食左咁多肉... 好在有碟菜... 唔老好食~白菜肉水餃咁鐘意食餃既婆仔對呢個餃一般... 伴鎮江醋... 搞到婆仔食想大閘蟹囉...超飽超滿足~

一早預早約了2030晚市時段，準時到達。一到達，男侍應回應：「稍等，執緊枱。」一等再等，前前後後問了我們五次幾多位！同一個人問我們五次！我真心想問：你究竟有無帶個腦返工？我地企喺同一個位無郁過。點解你可以重複問完再問我地幾多位？等了又等，等足半個鐘都未有枱。咪玩啦！執枱執半粒鐘都咪有枱比我地。我唔介意等，但唔好呃顧客執緊枱啦！誠實啲認自己 Overbooking，無位比我地仲好啦！結果，食都無食，等咗40分鐘，餓住走咗！Booking 等如無 Booking，咁Book 嚟有咩意思？

星期日和朋友吃飯慶祝朋友生日,叫了10人餐，每碟小菜都夠多夠好味，每一口都要給讚👍，北京填吃到停不到手，牛骨肉質好軟，甜品賣相精緻，配士多啤梨夠香甜(≧∇≦)，值得和朋友家人再光顧

今次兔仔兔女黎到一間裝修別緻既食店晚膳，訂左7點半，已經差不多九成滿，平日晚上，真的很好生意呢！坐低見到枱下有兩條金魚游來游去，幾得意！我地叫左三樣食物，差不多清枱，真誇張！草捆牛骨 - 個汁甜甜地送飯一流，牛骨肉好軟嫩入味，上枱時見到個size真係嚇左一跳！辣子雞 - 炸得好香口，唔嚡。微辣，下次要求加辣先得！酸辣粉 - 好香，都係微辣小小麻既味道，薯粉入晒味，回味中！兔仔仲叫左支二鍋頭試下，不算太嗆喉，飲慣酒既可以試下

我哋一行8位朋友訂位7點半，7點已入座，當叫菜嘅時候,侍應係咁叫你叫套餐，D套餐都唔啱食，我哋叫單點，小籠包厚皮，其他都可以,不過8個人叫十一碟餸都唔係好飽，最慘係當你食完枱面D餸一陣，侍應就話執枱，再過十分鐘已經攞張單埋唻，我哋好肯定無人叫埋單攞！好似有D趕客走，我睇張單8點10分埋單，全餐晚餐連叫餸都食在一個鐘都有一無,連傾計的時間都無。

跟家人來吃的  第二次光顧這餐廳  生發大廈外觀舊舊的  去北京老家吃飯要搭電梯上三樓  電梯也是舊舊的! 但餐廳很漂亮 裝修很有中國風味  也很乾淨整齊  我一向都不太喜歡吃中菜 但這家餐廳很對我口味四個人點了酸辣粉 苦瓜炒蛋 番茄雞蛋餃子 北京炒餅(這個超級好吃 好多蒜頭 我很喜歡吃蒜頭) 山渣糕(太酸了 下次點拔絲做甜點好了)記得要用TABLEMAP訂位子埋單有95折!

2/7/2016一大班朋友去吃飯，很多時候選擇的都是火鍋，日式放題，韓式烤肉炸雞。這天與朋友相約，想嘗試點不一樣的，於是選擇來了北京老家。北京老家共有三家分點，我們來到的是旺角分店。剛踏出電梯，已經看到充滿中國色彩的裝潢設計，猶如置身北京餐館的感覺，對於我這個喜歡古老建築和文化的人當然大為喜愛。餐具和餐牌也別具特色。由於菜式花多眼亂，我們也猶豫了好久。值得一提的是詢問職員招牌菜式的時候，他尤其真誠，並不會介紹特別昂貴的。比如餐廳分別有小籠包和蟹粉小籠包。店員就告訴我們點小籠包就可以了。在店員幫助下我們點了三碟菜，分別是北京烤鴨（半份），糖醋魚塊和小籠包。上菜的速度很快，馬上烤鴨就登場了。烤鴨的質素不俗，開吃的時候皮還是暖暖的帶點微脆，至於薄餅也不會很厚。包上烤鴨，黃瓜條，京蔥，再配上醬料，口感非常好。這裡的烤鴨比較起之前在中環北京樓吃過的也有過之而無不及。唯一可惜的是，我個人很喜歡吃那個薄餅，但是分量不足夠把每片烤鴨都包起來。然後是糖醋魚塊。酸酸甜甜的，非常開胃，魚塊份量也不小，不會出現配料比主菜還要豐富的問題，哈哈。這個菜要是搭配炒飯之類一起吃的話會更好，因為吃多了可能會比較酸。那當

香港京菜很多時都做得一般或者好貴，但呢間菜館真係唔錯，菜式選擇豐富，可恨我們咪有兩個人。我們點了半隻片皮鴨，鴨就一般冇特別，但個餅皮超香麵粉味。酸辣湯超大碗，每人四碗! 水餃好好味，多肉汁最最失敗係拔絲地瓜，竟然唔係炸熟，係先水煮過D 地瓜，搞到濕淋淋，失敗!

朋友生日飯提議到北京老家，第一次來， 環境算不錯。枱面中間是透明，吾好以為可以一邊食野一邊賞魚， 當食物放滿在枱上， 便不能看到金魚了。我們選擇了"興"套餐。首先來個四喜大拼盤，分別為牛，海蜇，菠菜，手撕雞。 海蜇夾集一些類似蘿蔔絲的物體，好爽口。手撕雞好入味，牛硬度適中，有咬口。京燒排骨架， 半肥瘦，啖啖肉，味道似酸甜排骨。 賽螃蟹, 份量好夠，蛋白好多，有冬菇肉粒 配襯， 但味道稍淡。魚翅，魚翅較少，湯多料少，麻麻。燒桂魚，外脆肉嫩， 有濃烈醬汁味。草捆牛骨，真係有牛蘇味，好食呀。來到北京菜館， 當然要食北京填鴨。 好在此鴨不太肥，配上甜醬及蔥菜，好味。北京水餃不能少，餃皮軟熟，餃肉多汁。最後來碟香蕉拔絲，由於太好吃，吃了两粒。第一粒外層超硬，內層香蕉熱辣辣;但二粒外層就軟得多了。