北京樓 (新城市廣場一期)

营业中

休息中

每星期早上☀️如常去新城市北京樓飲茶☕，但今次好嬲😤，係咪因為疫情好番啲就服務態度即轉差呢……😒。當時早上外面沒有人在等位，而且又好多枱剩。正想行去一張窗邊4人枱坐下時，有樓面問一位短髮疑似女部長，問💬“比唔比我哋坐呢張枱”？呢位短髮女部長話“唔坐得”(我問點解😳？？)，但我當時見到前面兩張枱，一張只得一位老人，另一張只有兩人，仲有成行我👀都係坐咗一至二人(見杯碟已確定人數)。我問佢點解唔坐得💬，而其他人就坐得而仲係坐緊，佢竟然唔答我，而要我一定坐其他枱😡，我相信佢可能留比佢想比嘅客人，成間酒樓佢話哂事，而要佢批先坐得呢。咁嘅情況我情願唔食走人啦(成肚氣😤)，唔係只得佢一間酒樓有茶飲啫。作為今時今日嘅食肆，仲有呢種咁嘅態度嘅服務人員，真係影響集團嘅形象並因此降格。我唸集團管理層都明白優質食肆除咗食品外，服務質素都好重要 !真可惜🙄!

由於限聚令還未解禁，我地有4人所以專登打電話問有無一張大枱中間用透明板相隔，接線生說有，但到現場才發現全部均是2人枱... anyways, 今次是見到片皮鴨全日6折所以來試試。頭盤茉莉花茶煙燻素鵝有驚喜，通常素鵝都是熱盤，冷盤沒有了油膩感，茉莉花茶煙燻有淡淡的茶香，煙燻豆腐皮味濃，配搭微甜的紅蘿蔔和芹菜口感一流。擔擔麵稍微辣了一點。全餐最喜歡是榨菜肉末配燒餅，燒餅有芝麻香又酥脆，肉末肥瘦均勻榨菜脆口，如果晚飯配飯更是一絕。片皮鴨賣相不錯，特價後十分抵食但如正價就不會特地來吃。我地每枱叫了半隻。牛肉餡餅賣相不太飽滿，煎over了少少，但吃下去肉汁豐富，一人一個唔使share。甜品豆沙煎餅最失望，餅薄內餡不多，唯有打包超過一半走。整體滿意，人均不用$200。

今日約咗朋友去北京樓食晚飯整體環境非常之唔錯！好舒服👏🏻👏🏻服務員嘅服務都非常之周到。今日都算多人，有半個鐘就入到去啦。今日所有菜式全日半價。當然嗌最出名嘅北京填鴨啦！呢碟餸非常之多汁美味，香脆可口，值得一讚。跟住就叫咗一碟瑤柱蛋白炒飯，^_^^_^。可以講非常之好食！啲炒飯粒粒分明，唔會太濕又唔會太乾，非常之好食😋！都好大份，瑤柱都比較多，呢碟炒飯值得推薦。你講比人知推薦大家去食！！！

Peking house providing tranquil and comsy environment, having meal here is enjoyable Barbecued Peking Duck is pretty good, fresh and yummy, crispy skin, it's nice rolling Peking duck insides thin layer with vegetables and sauces, though it's enough for me to have two to three pieces cause indeed oily haaaFried Rice with conpoy having good taste even therere not much ingredients insides but we'll cooked, you won't resist from this nice dishes Pan fried string beans with minced pork is indeed a go

沙田北京樓推出下午茶優惠，逢星期一至五，大丶中丶小點所有點心全部都只係＄20 ！下午茶時段是2點至4點，不過就唔清楚是否每間分店都有呢個超級優惠。趁著限聚令放寬左，由原本每枱最多四位，增加至最多八位。今日終於可以和家人共聚天倫，多d人先可以食多幾款點心。今次可以一次過食到咁多款點心，真係好滿足😋。今次叫左十四款點心，再加一款炒麵，埋單都係五百幾蚊，非常抵食。而且環境舒適，服務態度好。絕對係物有所值。

從社會運動及疫情，都好耐冇嚟沙田食嘢飯，今日突然間好想食片皮鴨！原來以前嘅川淮居轉咗北京樓，都冇問題一定有片皮鴨食加上可以叫半隻，太好了，我哋可以多點幾個餸佢哋嘅包的皮特別薄，而且好細心，每一片會隔一張牛油紙，而且keep得暖，喺第二度食，通常成日都食到一半啲包皮就凍哂啦！今次我哋記得叫銀絲卷，同埋少少辣嘅紅油抄手，醒胃又唔會太飽肚, 咁樣我哋先可以叫多幾樣嘢食！另外叫咗金腿津白，不太鹹也不太濃味，好有驚喜！至於雞絲粉皮，可以自己撈起當然唔少得一定要叫甜品啦！我哋其中兩個人每人叫咗一碗，補腦嘅合桃糊，有養顏嘅蛋白杏仁茶作完美嘅句號！今次我哋三人行，叫咗好多嘢食，加上用咗AE 卡優惠，超抵食

今日中午嚟咗北京樓飲茶，呢一間北京樓飲茶比葵芳嘅北京樓食物較遜色，鮑汁鳳爪整得最好味，最入味，其他點心都係中規中矩，冇咩特別，不過附近飲茶都多人，北京樓最快可以入、冇得揀之下都還可以嘅

2020年5月5日廷續返上篇食評，去左大埔翠園飲下午茶之後，夜晚轉場去左沙田新城市廣場行街，行到好多店舖都陸續關門。於是決定去沙田北京樓食晚餐。沙田新城市廣場八樓全層都屬於美心集團，有三間美心中菜，包括有翠園丶潮庭丶北京樓。較早前見到有6折優惠，而優惠至到5月7日，所以把握最後機會食返餐。今次叫左六款菜式，胡麻醬雞絲拉皮丶京淮蔥油拌海蜇頭丶北京醬爆雞丁丶京淮嫩雞煨麵丶雪菜肉絲湯麵丶高力豆沙香蕉。全部都份量十足，質素高。非常抵食。特別推介北京醬爆雞丁，有驚喜，回味無窮😋。而且服務態度好，環境舒適。

聽朋友講北京樓做緊半價，甘抵，突然又想嚟食片皮鴨，今日又嚟到沙田新城市廣場，點知等左成個鐘先入得去，食物質素仍然保持原先咁，並無因為特價比少啲你、或者質素下降，抵食

因為疫情關係，已經好少出街食飯，而且都有一段日子冇食北京填鴨，所以今日專登去沙田北京樓買咗片皮鴨外賣，我覺得北京樓嘅片皮鴨一向都有水準，個鴨皮香脆而且又唔太肥，鴨肉唔會咬吾開，而且啲肉都好juicy。而用嚟包住北京填鴨嘅薄皮每塊之間都有張纸隔住，唔會好似其他某啲食店咁黐埋曬，而且唔會一包就穿，特製嘅北京填鴨醬汁又係冇得彈，中間夾埋大蒜青瓜一齊食，我哋一家食到唔停得口，眨下眼一隻鴨就食曬，睇嚟下次好快又要去北京樓食多次~~

早前見到北京樓早茶做緊優惠，就是大丶中丶小點一律＄18，呢個價錢真係好吸引😍好抵食。所以今日又黎飲早茶，早上9點半左右，都幾多人黎飲早茶，需要等位，等左大約十五分鐘先有位。今次都無緣坐窗口位，望下張點心紙📄，發現少左款式，比較返上次飲早茶的點心紙，無左香菇雞包仔丶川芎燉魚頭丶黑松露淮山餃丶鮮蝦瑤柱菜苗餃丶蒜蓉蒸鮮魷丶鵪鶉蛋燒賣丶臘味糯米包丶香煎韭菜粿丶潮式煎茶粿丶炸芋絲春卷丶鮮蝦腐皮卷丶焗墨西哥叉燒餐包丶子薑皮蛋炸蝦筒⋯⋯無左咁多款點心😔，不過我都會繼續支持丶幫襯。美心集團有質素，一定要支持。以上係4月1日同4月23日點心紙的比較

在美心中菜社交平台專頁 見到北京樓丶翠園丶美中鴨子丶潮庭丶八月花丶八月居⋯⋯由2020年4月24日起，逢星期一至四晚市堂食可享6折優惠！而星期五丶六丶日及公眾假期就享有68折優惠，萬勿錯過。取代左之前半價優惠😭。而全綫北京樓丶美中鴨子(荃灣分店)丶魚塘鴨子的午市都有6折丶68折。趁優惠今日開始即刻搶先黎沙田北京樓食晚餐，今日(24號)係星期五，只有68折優惠。經過上次經歷，8點半去翠園已經好多菜式都無，今次刻意早d黎食晚餐，7點幾就入坐，可能有68折優惠，所以無左孖寶優惠。今晚叫左紅油抄手(8隻)丶芥味沙律蝦球丶榨菜肉末跟叉子丶咕嚕肉丶北京填鴨(半隻)，而北京填鴨可享半價優惠。除左咕嚕肉之外，其他都保持水準。門外見到有外賣自取便當，全部一律＄78，而且有燉湯送，仲要有8折，有十二款選擇。折實＄六十幾，呢個飯盒真係好扺食，份量驚人，又有前菜丶又有南北杏淮山牛蒡雪梨燉豬展。

早前見到沙田新城市廣場北京樓，做緊早茶(早上8點至11點)及下午茶(下午2點至4點)優惠，就是大點丶中點丶小點和粥一律都是$18。見到呢個優惠咁吸引，於是嘗試一個人去嘆早茶。雖然一個人飲茶有一定限制，食唔到好多款式點心。今次好可惜坐唔到窗口位，坐左入去廳房，想搵人落單丶埋單都有d難度，因為佢地太忙。我叫左一碗皮蛋瘦肉粥丶鮮蝦瑤柱菜苗餃丶煎蘿蔔糕。呢碗皮蛋瘦肉粥非常大碗😧，但係幾好味，好足料，配埋脆脆一齊食，將味道層次大大提升。而蘿蔔糕都好大件丶煎得好靚，平時飲茶只有三件蘿蔔糕，北京樓竟然有四件。菜苗餃都唔錯。全部都好滿意。

因應新型冠狀病毒，政府落實多項防疫措施，根據《預防及控制疾病（規定及指示）（業務及處所）規例》枱與枱之間至少要有1.5米距離或有其他分隔安排；不得有多於四人同坐一桌；在該處所內除飲食外須一直佩戴口罩。上次見到沙田北京樓有早茶(8點至11點)及下午茶(2點至4點）優惠，大丶中丶小點一律$18。所以今日咁啱同家人一齊放假可以去飲茶，而且人數無超出限制，啱啱好四個人。第一次去北京樓飲茶，覺得呢度都幾多款式選擇，而且仲有下午茶優惠，真係好抵食。唔使次次都淨係去翠園飲茶，多個選擇。北京樓位於新城市廣場8樓，居高臨下，窗口位可以有天然光線照射。大中小點都只係$18，除左蝦餃＄43。全部都唔錯，有水準。

突然想食片皮鴨，所以當晚約左親戚食餐即興飯局。選擇去＂北京樓＂食烤北京填鴨，一踏進酒樓就需要量度體溫才可進入，途中經過見到有張枱係用黎消毒餐具，用熱水浸住碗丶杯等餐具，感覺好衛生。當晚被安排坐在窗口位置，居高臨下，位於沙田新城市廣場頂層。揭起餐牌望下，選擇款式好多。當晚叫左一隻烤北京填鴨＄320丶雪菜肉絲炒年糕＄118丶四川擔擔麵＄68丶紅油抄手＄68（8隻)丶九菜撈蛋煎餅＄68（2隻)丶好朋友榨菜肉末(跟叉子燒餅)＄138丶優惠孖寶- 芝士牛油焗大蝦｛(伊麵底)4隻｝＄268及咕嚕炒魚柳。呢個優惠孖寶好低食，$268有兩道菜。全部都好好食，食到捧腹而歸。呢度好細心，提供埋手套和濕紙巾。店員服務態度好。環境乾淨企理。