北京樓 (太古城中心)

营业中

休息中

話說上個禮拜, 一家人去提前慶祝父親節, 為咗就腳去咗太古個間.叫咗,1.黃土地...載帽(唔記得咗) 跟4牌餅2.义子燒餅3.紅燒桂魚4...其他野都一般, 冇問題, 但2同3就...2. 好似酥餅咁又乾又硬...隻餅好似擺咗好耐咁冇哂彈性.由於我地差唔多八點九先order, 都唔係唔明, 不過好心佢當冇得賣算...整d咁野出黎就...3. 呢個重犀利...係我地面前的居然唔係桂魚, 而係一條黃魚, 我對魚唔熟, 但兩啖後就唔想食, 好唔新鮮...對魚熟悉的家人跟住叫咗人黎換...半個鐘後魚係黎啱咗, 不過亦都好唔新鮮...咬兩口後全家人都停筷.呢間野一家人都幫襯過唔少次, 但咁離譜都係第一次, 唉...

我同意以上幾位所講...間野實再係好金...哈哈~~不過我又唔係太介意.十幾個人食餐貴lunch~~ 叫o左一個八人餐, 一個六人餐. 另加幾碟o野.d o野唔係我叫, 所以好多都唔知乜. 見o野就食...So far 冇野唔好食. 樣樣都有美心水準wor...個填鴨就真係勁正~~ d醬冇得頂~~ 皮又夠脆~~ 不過塊皮o甘厚, 兩快就飽晒~~ 想食都食唔落. 如果有人覺得北京樓d填鴨唔正, 請去所謂出名o既全x德食一次佢個d....你就知差幾遠...服務方面, d阿姐好搞笑亦好nice. 太多野食唔晒, 打包伶走, 第日再食過...

上星期,公司在這裡春茗,包了房間.那種裝修風格,與電影\"黃金鴨\"同出一轍,堆砌出來的耀眼.同事們都說:駛唔駛咁金呀~~?既然是美心集團,以為水準雖無驚喜,也應不過不失.但原來,這間北京樓是異數.除了第一道乳豬拼盆還可以接受之外,其他的...唉...石斑居然蒸不熟,有血呀...,蝦球完全沒味道...,炸子雞十分乾身...以為拿手的京菜小點小籠包會好少少...卻皮厚兼凍冰冰;連高力豆沙,都是油膩又冇味道的.連枝紅酒都唔掂~~乜差成咁呀~~同事個個一邊食一邊彈~~全場最好食的,居然是那碟炒豆苗!!幸好是公司出錢.非常同意之前的那位網友的評語.要食似樣的北京菜,大把其他選擇.

上個星期同屋企人去咗呢間嘢食晚飯，見係北京樓，估都應該唔錯。入到去，裝修同服務都不過不失啦！懶得睇有乜食，叫咗過套餐。前菜同頭兩個小菜都ok啦！食到中間先上片皮鴨(先後次序唔講)，隻鴨好似參加過瘦身療程，無脂肪，好乾好鞋；個塊叫做薄餅嘅野，又凍又厚，整大些再加蕃茄醬、芝士、肉腸可以做Pizza。之後食小籠包，好似食濕水生煎包，塊皮比一般小籠包厚一倍，好特色，好飽肚，哈！我一定唔會再去呢間北京樓，連這些基本的地方菜式都做得噤有特色。如果下次要食片皮鴨同小籠包，大把地方可以選擇，唔好嘥錢！

美心集團成員幾標準化既裝潢燈光愈黎愈金,金到刺眼!!沙田北京人家又係坐到唔舒服唔想留低咁.食物.一行7人叫點心叫飯麵點心:奶皇包,包皮滑,鬆軟適中,奶皇好正.香甜好味.小籠包,普通水準.厚皮肉汁略為不足.醉雞唔入味,酒還酒雞還雞xx竹荀, 幾入味,撈飯唔錯.燒賣, 好大隻, 面上蟹子甩晒色,賣相差左少少,但蝦味唔夠鮮.蒸排骨, 肉質幾腍, 但骨同肉好唔平均,有時真係幾夠都係骨.冇左啖啖肉既滿足.上海粗炒同炒飯,唔好提.同茶餐廳果d冇得比.可能我依唔慣扮中產口呆既北京式炒飯麵.服務好好,老闆識個經理.但全場唔多夠staff.整體黎講晚餐應該出色d.飲茶就無謂黎依度.冇乜特別.