北京樓 (形點 I)

营业中

休息中

北京樓最佳菜式非片皮鴨莫屬了 鴨皮脆 鴨肉嫩 每一桌食客必點用熱辣辣的麵皮包裹著青瓜 大蒜 蘿蔔 白糖 甜醬和片皮鴨 一口吃掉 鴨油香氣在口中釋放 忍不住一片一片再一片 咕嚕肉沒有什麼特別 沒有特別好吃 也沒有特別不好吃 中規中矩吧

人生第一次係openrice,寫食評昨晚同最愛既長輩們食晚餐，呢間北京樓要排隊拎位，無得book,唸住應該D野都唔差，點知，一路食，我一路個心都係到罵，第一賣相差，我係一個好中意影食物相既人，成晚10幾樣餸，我一張都無影過，想逐樣影留念都無........真心好難，佢只係食得落口，完全與好食掛不上嘴邊，1.羊肋排$178（得6舊左右）又硬又鞋又細碟，成碟前菜咁款2.咕嚕肉$138不好食，上菜已經唔熱，舊野好大舊咬第一啖已經唔想食想放棄，唔脆又多粉，應該2餸飯都好食過佢3.素鵝$88嘩，係宇宙最強怪味，非常難食，口感差，已經唸唔到點形容.4片皮鴨$398一隻應該係主打菜，打完全唔值，片得好樣衰，又唔香又唔脆老實講，我食左一舊已經無衝動想食第二舊......5.小豆苗呢碟已級臭青，臭青都唔緊要，豆苗都有渣既，我食左一小口，吐左出來，已級劣質。總結：以上5樣，係呢餐飯數1數2，難食+失望既餐點，另外我仲食左其他有小籠包，賽磅蟹，炒飯..總有好幾道已經唸唔起叫咩名，仲有食左用匯豐卡優惠個套餐，全部都非常一般..埋單$3xxx,總次失望至極，非常劣質又要扮高級既一間飯店，希望想去食既朋友，真係會

炎炎盛夏，剛巧是食鴨的季節，不少中菜餐廳都推出了片皮鴨餐應巿，最近本人都去了幾間不同的餐廳，品嚐它們的出品，嚐過後認為這間出品最符合我的口味。餐廳為美心旗下，主題與名稱相符，主打北京菜，菜單種類上難免有所局限。餐廳不大，裝修風格偏向古色古香，配上現代的元素點綴，典雅不庸俗。服務不錯，上菜、收碟、添水都很勤快，即使當天來用餐的人數不少。餐點方面，由於各人口味各有不同，不作詳述。(請參考附圖)總括而言，本來是被這間餐廳最近與匯豐推出聯乘優惠吸引，並沒有抱太大期待，但結果整體令人滿意。

又咸又難食，炸黃花魚咸到無哂魚肉鮮味，隔離鋪既黃花好食過佢多多聲；連照牌菜北京填鴨個水準都唔得，有少少鴨騷味，配料份量又俾得少，完全係茶記/低級酒樓質素。員工茶記態度，指你去張枱，唔夠座椅又唔主動單聲，要再出到聲問佢先加。規定食個半鐘都算，張枱太細，起菜係將所有野半個鐘內塞爆你張枱，咁細張枱似快餐。野食普通、整體安排差唔專業、員工禮貌尚可、裝修靚但張枱好細、價錢唔值。假期仲要無得攞飛，要排隊攞籌/排隊入場，特登排咁耐俾啲咁嘅質素，中伏！

提前慶祝父親節，北京樓不可以電話book要walk in, 不知為何晚上6點前餐館已接近full晒，大約6點拿位，6點9先有位。裡面裝修晤錯，有點氣派。用餐時間90分鐘。服務員都比較年輕所以做野都晤會太慢，上菜速度都幾快。每碟菜擺盤都有花心思，每隻碟都晤同，每次上碟都令我心心眼😍 雞絲粉皮好好味，豬手切得好精緻，蝦球好大隻，小黃魚都好大條，個湯好足料有花膠海參火腿粉絲⋯片皮鴨個粉皮都好夠薄及新鮮，甜品都好正。最後大家都食到好飽，滿肚水。

母親節帶咗阿媽同老婆去食，今次唔叫餐，散叫，雖然同食個套餐價錢差唔多，不過冇規限地揀阿媽鍾意食嘅嘢，是必須的😂首先小食，叫咗醉雞、燻蹄、炸饅頭同埋小籠包～基本小食都係保持到水準，小籠包入邊舊湯汁，味道好食（唔記得咗影相）反而燻蹄係估佢唔到，厚薄適中，夠味道，逐塊食，邊傾偈，邊送茶，非常好嘅選擇👍🏻叫咗個魚肚羹，影得衰😂，不過如果未食晒啲餸，女士們千祈唔好飲晒，因為碗湯都好足料好容易飽，會飽得滯食唔到其他嘢🫣主菜叫咗個糖醋桂花魚，糖醋汁OK，基本上只要夠汁同埋炸得香口，一定唔會難食，所以是非常穩陣的必叫餸菜之一。我哋三個人，叫咗半隻鴨，份量的確唔算多，味道都係正常水準，好處就是有將皮同肉切開，變相我哋可以選擇食肉還是食鴨皮，說到底就沒有驚喜，而且份量真係少左啲，唔覺得有半隻😅我諗對比另一間食扁皮鴨嘅老店-北京老家半隻鴨，北京樓佢嘅份量就少過嗰邊，同埋一開頭溜單，做晒啲隔籬枱嘅母親節套餐和外賣，好明顯唔記得咗我哋嗰張枱😂所以最後先食到扁皮鴨，不過佢個餅皮有烤熱，熱熱地，呢個位OK加分👍🏻👍🏻

屋企人母親節去咗北京樓食飯沒有訂枱 五點已經去到排隊 等到五點半開始派籌比人入去 大概5:40可以入座 用餐時間到七點要離座烤北京填鴨（全隻）$388唔知係咪今日母親節太忙 等咗差唔多50mins最後先食到呢度菜 片皮鴨一啲都唔脆 配料又少唔覺得特別好食 反而餅皮有驚喜每一層都有蒸紙隔住 而且拎上手仲係微暖皮簿煙韌有咬口日本松葉炸蟹鉗 $74/隻蟹鉗好大舊 啖啖肉 幾彈牙配上甜酸汁更惹味屋𥚃箱咕嚕肉 $118咕嚕肉炸得有點乾柴 汁略酸只有菠蘿用上新鮮鳳梨 最好食金華火腿雜錦炒飯 $128純粹係一個普通嘅炒飯 配料就好似將雞蛋炒飯咁 無尼味道三鮮乾炆麵 $148完全係淋Pat Pat 既口感…蟹粉小籠包 $110/5隻皮唔係薄 入面無咩湯汁 味道平凡無特別百步香蒽油餅 $40超級油膩嘅蔥油餅 好大浸油味嘅外皮咬一啖 已經唔想食落去🥲總括嚟講 名過於實 非常難食🫠🫠

很久沒吃北京樓了，8點左右來到，人很多，需要等位，大概八點半後入座。我們兩個人點了雞湯小雲吞，蔥爆羊肉配叉子燒餅，茶樹菇炒雞丁，最後怕老公吃不飽，再叫多一碗白飯（沒想到白飯也出乎意料地好吃）。雞湯小雲吞一如既往的鮮美，但我今日最喜歡的是這個蔥爆羊肉，有嚼勁且有著淡淡孜然味，而叉子燒餅又香又脆，除了羊肉，裹著茶樹菇雞丁吃也不錯～最後點的洛神花雪梨水也很好喝，今晚吃得很舒服～

朋友一早等位，茶點了瑰荔堂煌。是玫瑰荔枝，荔枝味很出，沖了幾轉都仍然有淡淡的荔枝味。前菜很好食，微微的麻辣味，很惹味。豆粕很入味，青瓜亦很爽。莧菜黃花魚羹，黃花魚很鮮甜。略嫌太稀。蟲草花炒小豆苗，小豆苗份量很多，但蟲草花的份量很少，沒有青草的味道。味道很清爽。一向都很喜歡食片皮鴨，所以每次去北京樓都必叫。今次的片皮鴨，略為有點肥，但皮都仍是脆。不知道是否太忙，有好幾個員工都扮睇唔到我哋。有enjoy卡仍然有九折優惠，前後平三十多元。

因為想食片皮鴨嘅關係，去了北京樓，一到晚上時間就好多人等位。成日經過都因為太多人而放棄。難得今次等到位。本來想叫二人套餐，但係冇片皮鴨，唯有散叫。前菜整得好好食㗎，好惹味。賽螃蟹熱辣辣咁整出嚟，蛋白再加埋蟹肉再落埋少少醋，好滑，好食。半隻片皮鴨，望落去個份量好少。但係佢切到每一件都細細件好平均，亦都會將皮同肉分開，冇咗皮同肉中間的肥膏，食落冇咁油膩。鴨皮亦都好脆。肉好香，包住片皮鴨的皮好薄，好煙韌。就算食咗好多皮落肚，都唔會好濟。依然維持到水準。最後見到有職員同隔離枱講原來enjoy卡仲做緊優惠九折，(只限餸菜)。

話說我真係好鍾意食片皮鴨架，突然心血來潮，好想食片皮鴨，就搵吓附近有咩選擇啦！最後，去咗Yoho北京樓，我第一次去，不過，應該都係最後一次去，我去到坐低，有碟小食，咁我就問吓侍應可唔可以唔要，因為都唔啱食，佢話可以，但係入咗單喇喎，要取消囉！我話咁唔該幫我取消丫，跟住，佢同個經理講，入咗單佢話要取消喎，其實，我根本就冇叫過，好似講到係我入咗單再取消咁。跟住我叫咗半隻北京填鴨、咕嚕肉、小籠包同炸饅頭。北京填鴨嚟到已經唔脆，有點雪藏味，好失望😔，咕嚕肉都係唔脆，較重甜酸味，覺得很口渴，而小籠包同炸饅頭一般，埋單時，同個經理講，隻北京填鴨嚟到已經唔脆，係淋架，你哋要留意一下，仲比埋相佢睇，但佢只回應我，可能今日太多人，就走咗喇！其實我去時係無乜人，所以，我唔會再去食。北京填鴨（半隻）價錢:$180CP值：⭐️咕嚕肉價錢:$128CP值：⭐️小籠包價錢:$66CP值：⭐️炸饅頭價錢:$50CP值：⭐️白飯價錢$15CP值：⭐️茶位（每位）價錢:$14CP值：⭐️

.同媽咪慶祝生日，佢話想食片皮鴨🥢唸起北京樓近近哋之餘，仲有恒生信用卡客户優惠！！超抵啊真係😆 咁啱個指定4人套餐嘅配搭又啱我哋胃口😋.✊🏼要預早book位，平日夜晚都好full booking‼️**through電話book位，只係得6:00 / 8:30 pm揀**.▪️烤北京填鴨(一隻) • 9/10重頭戲😋‼️肥瘦適中嘅鴨件，皮脆肉嫩🥹切得非常薄身，皮肉分離，鴨皮基本上冇任何肥膏～夠脆、夠香口🥹 鴨肉嘅肉質柔軟，充滿鴨香👍🏼配料都係基本嘅青瓜、京蔥、蘿蔔片，仲有砂糖同烤鴨醬～餅皮份量都幾多，每層都有蒸紙隔住🫓皮薄又夠煙韌，拎上手仲熱辣辣添！.▪️兩小碟：芳香素腐方、羶香酒醉雞 • 8/10充滿驚喜嘅素腐方！好多汁、夠入味；反而醉雞嘅肉質夠嫩滑，但就略嫌唔夠入味～.▪️高郵鹹蛋蝦球 • 2/10蝦球好大粒，數量都唔少，不過炸粉太多、太厚☹️.▪️海皇燕窩羹 • 7/10估唔到都幾足料👍🏼👍🏼 真係有大大嚿燕窩！！.▪️茶樹菇蒸魚方 • 7/10茶樹菇味道香濃，同魚塊配搭一齊蒸，味道不錯。魚肉亦都夠滑，夠厚實👍🏼.▪️蟲草花炒小豆苗 • 6/10清清哋都幾健康，不過不失～.▪️灌湯小籠包 • 9/1

好難食•一定唔會再幫襯呢個片皮鴨，完全唔脆，d皮同肉都係韌既！條魚超級酸，廚師係咪唔識調教份量！全晚最難食就係呢碟！啲豬肉一陣臭豬味！味道正常但非常油膩！皮厚，餡無特別！好難得有味道正常既野食成餐飯最好食既，就係呢碟前菜！

每次黎到北京樓都會叫片皮鴨，我地有4個人食，就叫左半隻鴨，每人兩至三塊。餐廳好多人叫鴨，所以每次黎都需要d時間，等左15分鐘左右，但每次都暖暖地，仲係脆。不過，今次食既時候就略嫌皮下脂肪有d多，一咬落去油脂有d多。另外，包住鴨個塊皮唔會太厚，而且韌度都高，整體黎講都係好。

今日一家人都放假 打算去Yoho既北京樓食野 去yoho食野前 通常都會download “The point” 依個app 攞定位 我地提早大概20分鐘攞位 去到餐廳啱啱好下張枱到我地 入到去我地坐左係open kitchen 前面 可以見住d廚師🔪北京填鴨 一路欣賞佢地精湛既刀工 一路嘆住美食🤤 真係一舉兩得 雖然係廚房附近 但都唔會太多油煙 又唔會好嘈👍🏻係我地坐位既右面有d大細不一既燈籠🏮 唔會太浮誇 亦都有點綴既作用 令到餐廳望落唔會太乏味 過左大概一分鐘就有個侍應走黎問我地飲咩茶 亦叫我地可以用QR code下單 但亦都有比左本單點同套餐既menu我地睇 menu 既指示都算清楚 會提示素食既選擇 亦有講明份量第一碟黎既餸就係頭盤茉莉花燻素鵝🦢 依個係一個冷盤 一入口就食到腐皮既豆香味 緊住腐皮包住爽脆既蘿蔔、芹菜同冬菇絲 但整個味道有d過甜 而甜味唔係黎自蔬菜既味道 而係有另加糖調味 而蘿蔔既味道比較特出 其他蔬菜既味道欠奉 亦都冇茉莉花既燻香味 所以唔太推薦叫依個👎🏻緊住黎既就係莧菜黃花魚羹🍲 一見到個羹都已經覺得好吸引 因為佢望落好足料 有好多魚粒 亦有不少莧菜 本身