更多
2024-02-17
291 浏览
大年初一想搵地方食晚饭其实都有啲难度,呢度仲可以唔使指定叫新春套餐,可以散叫,系一个唔错嘅选择!我哋叫咗半只片皮鸭,炸蟹钳,炸小黄鱼,咕噜虾球,醉鸡同埋素鹅。片皮鸭质素唔错,唔会太多肥膏,有十几块薄饼可以夹肉,绝对足够有余。炸蟹钳上菜嘅时候热辣辣嘅,相信系即炸,咬落啖啖虾胶肉,最後仲有真蟹肉,几好味。炸小黄鱼炸得刚刚好,鱼皮脆脆地好香口,虽然叫小黄鱼,但其实一啲都唔细条!醉鸡都酒味浓,份量足,但略嫌太多鸡胸,比较鞋口,净系个底有两件鸡髀肉。素鹅原来系冷盘,有烟薰味,几特别,可以一试。
张贴