勝發餅家

营业中

休息中

勝發餅家以老字號聞名每逢星期六日，都見到有一條長長嘅人龍排喺舖頭門口。上網嘅時候，曾經見過有個留言係 店內不准拍照，見到你拍照，會喝止你。記得新年嘅時候，諗住買啲笑口棗、角仔等等嘅過年食品，去到門口已經見到大排長龍，再去多次已經話要訂貨，唔接受排隊購買。今次再次去到餅家門口，可能係因為平日嘅關係門口未見長長嘅人龍不過因為疫情，所以貼咗張紙係門口每次只限兩個人進出但係冇講明可以係邊度排隊.. 對出就係馬路，而左右兩邊更加有其他舖頭..究竟想啲人喺邊度排隊呢？如果可以貼張紙仔，相信會更加方便同埋要注意返，唔好諗住店內有兩個人手就可以分開落單，店內嘅人員係會喝止你，叫你排好隊，一個跟一個。入到去買咗個忌廉筒($8)同蝴蝶酥($8)返屋企千祈千祈唔好就咁食最好食嘅方法就係搵焗爐或者微波爐叮翻熱佢到時候忌廉筒入邊嘅忌廉就會流晒出嚟，有少少似鳥結糖，而外皮會更鬆脆！蝴蝶酥都係同一個原理，外皮脆卜卜，同冇翻熱過係唔同感覺！！不過之前買佢個蛋撻，個味道就差得遠，可以唔使試

試過一次就夠，真心唔值得排隊等，係比媒體吹得太誇張。好彩個時仲未有而家咁誇張，我仲未排出門外，不過前面有個客一次過買3打，搞到我地後面啲客要等勁耐先有，建議限買會好啲。買6個先有盒裝，忌廉筒嘅size好細，忌廉又比得少，味道普普通通唔係差嘅，不過$7一個真係比較貴。其實唔係淨係得錦田呢間餅舖先有忌廉筒，我之前食過好多次連鎖店Pxxxxx仲正。最弊係見到師傅無戴口罩，係到整忌廉筒同埋講嘢，真係食佢口水🤢 無衛生意識😰

今日睇到新假期介紹勝發，話個忌廉筒好正，於是問下住系元朗幾十年的朋友，佢話好多年前食過，普普通通，所以都無再去買。點知道老友11點幾WhatsApp來話去左，點知道條龍長到離譜，最後佢排左兩個鐘至買到。可能又系電視節目東張西望的魔力，加埋香港人哩兩年去吾到旅行，所以有新野都去，好似哩排油麻地間兩餸飯，一出電視就每日條龍1-200人當然老友送到比我已經下午2點幾，梗係吾熱。常溫版食法- 酥皮比較硬，但都系酥，吾會好似牛角包咁油膩，奶油吾算甜，口感都幾滑。微波爐翻丁- 哩個食法居然有驚喜，酥皮更酥更鬆更香，忌廉融左好似流心，食落感覺甜兩到三倍，但因為融左，可以用個酥皮舔來食，鐘意甜D又得，怕肥食少D又得，得左。大家要留意-營業時間：6am-8pm（每隔一個星期四休息），最好先問清楚有無休息。-準備足夠排隊時間。

買少見少的懷舊奶油卷筒，去到錦田真係要買嚟食！現在舊式的西餅師傅，已經買少見少，因為做此款奶油卷筒非常多工序，又麻煩，很多餅店已沒有再生產了。難得此餅店的老師傅還堅持製作，我們怎樣可以錯過呢！盛惠$7@。平日較少人，買完可以慢慢食。撇開佢係萬惡之首之外，其實又真係好好食，奶油鬆軟有少少鹹鹹甘甘的味道，一個小卷，不用數秒已經全個K.O.

入元朗錦田，沒有太多高樓大廈，冇元朗市中心的局促感覺，呼吸的是清新鄉郊空氣，伴隨這種清新感覺，就係周身蚊叮，因本人熱血，被蚊盯上了。路經錦田公路兩邊的小市集，遠處已看見一家店鋪聚集了一班人，行去望望，原來是一家餅店，有賣蛋撻、蛋糕及麵包。但憑我尋找美食的觸角，應該不止咁簡單，問問我阿哥，問谷歌，才知道呢間就係香港現時為數不多賣忌廉筒的餅家。二話不說，躋身隊列，等候取筒。經典美味的忌廉筒，原來就係這麼近那麼遠，creamy香噴噴的忌廉配上鬆脆酥皮筒，口感層次豐富，一邊品嚐一邊幻想60-80年代香港本地孩童的美食，彷彿哼起我係小忌廉的兒歌，餅家把這經典美食繼續傳承下去，係心的奉獻，美的奉獻，愛的奉獻!P.S.: 俺乃80後

去錦田四處逛逛，剛好遇上新鮮出爐的忌廉筒麵包，每人限買4件，於是排隊一湊熱鬧😄「勝發餅家」的忌廉筒的的式式，$7一個，麵包很鬆脆，整個筒內塞滿忌廉，忌廉厚厚的個人覺得偏甜，但小小的吃一個還是不錯啦。懷舊小吃，老師傅的堅持，必需要支持一下🙂

去到錦田半日遊，行過一間舊式麵包舖，一陣陣麵包香味！ 一入到去，見到有忌廉筒呢款懷舊小食😍😍 非常之吸引！忌廉筒 $7 一個; 半打有盒裝😊 試食個皮好脆，一食落覺得忌廉好「漏」，但係食食吓食到個 cream 有少少咸味，又幾口味喎！食食下就話咁快食完😂😂 係幾 ok 的 😃除咗忌廉筒，仲有唔同麵包同大大個嘅蝴蝶酥！下次有機會再試埋先 😉😃

細個食到既野，到而家未必每樣都可以食得返好多已失傳左，所以而家每次食到童年的回憶時，真的要好好紀念一番勝發的忌廉筒呢個味道現今就算整得出，都未必是當年的味道，因為材料不同、手勢不同，同埋新一代師傅往往加入了新元素，雖然會比當年的更美味，但都不能夠代替到舊日的情懷勝發餅家～一家由7️⃣0️⃣多歲老師傅打理至今的舊式餅店，位置於錦田已經有60年的老字號，師傅堅持每日新鮮製造的～忌廉筒，金黃色的三角筒，內裏加入濃厚的幼滑忌廉，酥皮筒香脆，小小硬身，不會一咬就散忌廉有小小鹹鹹地，呢d真是兒時回憶。雖然製造過程繁複，但師傅所賣的價錢絕對都是舊日的價錢-每個💰7。細看勝發的故事📚原來店主一直以來都是用香港製造的麵粉和食材，唔怪得食落有滿滿的香港舊日情懷啦，在此希望老師傅身體健康，繼續為香港人製造如此美味的餅點。

感謝友人山長水遠入去買完再送到公司比我🙏🙏🙏呢款舊式嘅忌廉筒真係好耐冇食過啦⋯⋯懷舊嘅味道😋😋😋佢嘅size唔係太大個，大概手掌咁大淺嘗一兩個絕對唔會有油膩感友人送到我手上嘅時候佢仲有微暖外層既酥皮酥脆酥脆🤗裏面嘅忌廉好幼滑將食淨左嘅放入雪櫃發現原來凍食係有另一番滋味一樣咁好食雪凍左入面嘅忌廉變得厚實左❤️

元朗錦田既6️⃣0️⃣年老餅家👨🏻‍🍳👨🏼‍🍳依種懷舊既味道，越黎越少見🙍🏿‍♀️🤦🏿‍♀️舊式麵包店應該係好多人既兒時回憶🧒🏻💭90後既我，其實都幾鍾意依種舊式味道🗝📜有人情味🥰價錢又便宜🤩唔怪得會成日都會有人排長龍啦🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻~•~•~•~•~•~•~•~•~•~•~•~•~•~•~•~•~•~•~• ▪ 忌廉筒 🍦🥐細細個雪糕筒形既外表🍦入面係滿滿滿到爆既C̥ͦr̥ͦe̥ͦḁͦm̥ͦ✨外層係一層金黃色酥皮💫有少少似牛角包個種🥐中間既CREAM既質地好S̥ͦm̥ͦo̥ͦo̥ͦt̥ͦh̥ͦ😳好幼滑。食到最後一啖都仲有C̥ͦr̥ͦe̥ͦḁͦm̥ͦ✌🏻唔係得表面個😋係唧到滿曬成個筒👍🏻🤲🏻整體💁🏻‍♀️成個係外脆內軟滑，味道甜甜地•少少牛油味🧈鹹香，甜甜鹹鹹咁，唔會好滯😌買6️⃣個就會有盒🥡🎁▪ 蝴蝶酥 🦋🥐依隻蝴蝶酥同平時多數見開最唔同既就係S̥ͦi̥ͦz̥ͦe̥ͦ勁勁勁大😜🤪買左未食，隔住口罩😷都嗅到味👃🏻🤔咩味? 香味囉😈😈焗到金金黃黃⚜️睇到👀曬酥皮既層次🤏🏻一層一層。🙆🏻‍♀️外圍痴滿左粒粒白砂糖🤍🍬增加左脆脆既口感💥唔算🙅🏻‍♀️好厚身，外脆內酥🤗好味。~•~•~•~•~•~•~•~•~•~•~•~•~•~•~•~•~•~•~• 🔺整過酥皮既都知，

經過錦田必試，支持傳統小店❗️勝發餅家係元朗錦田一間有59年歷史既老字號麵包舖🥖全部麵包人手搓製，鬆軟香綿✨而且麵包全部都係街坊價，例如有菠蘿包、腿蛋包、雞尾包、蛋撻、椰撻，懷舊蛋糕等等，款款都係$6至$8咋💥係回憶既味道同價錢呀🌟🌟🌟推介推介一定要食忌廉筒❗️已經好少地方可以食到🙌🏻❐ 忌廉筒 $7評分 ▮ ▮ ▮ ▮ ▮ ▮ ▮ ▮ ▯ ▯ 💁🏻‍♀️推介❗⟰ 外表焗到金黃色好似牛角包🥐⟰ 三角筒形裡面有超厚既忌廉💥⟰一咬落去外面係好香既牛油酥皮味🧈仲有好鬆既酥皮口感🌟⟰入面係吾會好甜有少少鹹超幼滑又香既忌廉，諗起細細個食既椰絲忌廉包，但呢個係再creamy d好驚喜❗️⟰ 呢個價錢呢個功夫同味道真係要支持✨💃🏻🍚推介指數☻ ☻ ☻ ☻ ☻ ☻ ☻ ☻ ☹ ☹ (10為最高)

勝發餅店，近期大熱，今日有緣見到，一定要試吓啦！去到已經排長龍😱因為每次出爐都需時，而且每人都幾個幾個咁買，所以等咗都幾耐！勝發是舊式餅店，前舖後廚房！除咗奶油筒還有其他西餅，麵包等賣！奶油筒，黃金脆皮，奶油香濃👍🏻蛋撻餅皮香脆，蛋香味重又夠滑！

屋企人最近喺勝發餅家買咗忌廉筒返嚟 聽講佢係唔少人嘅兒時回憶 表面係雪糕筒形嘅金黃色酥皮 入面就有滿滿嘅奶油 第一次食忌廉筒嘅我覺得佢個樣好得意🤣不過酥皮冇牛角酥咁鬆脆 反而係偏向厚實 而忌廉亦都唔係而家常見嘅幼滑口感  所以唔係我鍾意嘅口味 但我屋企人就覺得幾好食 可能係因為令佢哋諗起以前嘅味道？睇返相關資料 原來忌廉筒早於於50年代面世 有一段唔短嘅歷史 但由於製作工序繁複 所以而家喺香港已經買少見少 所以仲有餅家堅持製作係好難得 經已喺香港屹立59年嘅勝發餅家就係其中之一～

今日去錦田半日遊。行完壁畫村後，見到對面馬路間餅家有人龍，我又去湊熱鬧佢賣的麵包係大路嘢:菠蘿包，雞尾包，腸仔包...仲有老婆餅，紅豆餅，蛋撻，椰撻等...吸睛的忌廉筒條人龍就係為左呢款食物九龍好少見到茶餐廳或餅店有得賣。咁遠來到，都唔好執輸，買返件來試鋪頭細細，得4個人打理。兩個外，兩個內。就算唔係遊客的，街方客都絡繹不絕忙到有氣無掟抖本來一開始排的時候，仲有兩條剩。點知，好快就俾人買埋，要等下一round。其間，有人order40個菠蘿包，30條忌廉筒。其他客就10個10個包咁買蛋撻就半打半打咁買，真係嚇死人！原來錦田人咁鍾意食包等左半個鐘，終於到我喇！一盤19條，第一位的丫姐買10條，第二位買2條。好在我係第3位，買4條皇天不負有心人丫。。。會合班frd之後就開餐喇都過左7分鐘左右𠺢，但仲有微溫。個筒好酥，伯伯的手勢勁得。啲忌廉其實係咪奶油嚟𠺢呢？都係微溫，又鹹鹹地，仲好軟滑不過就有啲漏，食一條就夠喇！下次再嚟，要encore丫題外話:其中一個店員(唔知係咪老闆娘)勁好脾氣。啲客等得耐，有啲鼓燥。佢仲好聲好氣咁回覆

錦田一日遊，見到早前有報道介紹呢間五十幾年老字號麵包店🤩，行過都聞到陣陣牛油香味，一於入去買返幾個食吓🤗。近日人氣嘅忌廉筒🧁係必買之選，佢仲有好多傳統蛋糕㗎！我哋仲買咗蛋撻、椰撻、合桃蛋糕同蝴蝶酥，全部都係街坊價💰。第一次食忌廉筒😋，好好味呀！三角筒形造型巳經夠特別，酥皮外層金黃香脆，裏面滿滿嘅忌廉，甜中帶少少鹹，柔軟幼滑。另外，我仲食埋個椰撻，椰香味超重，啖啖椰絲，唔會焗得太乾，少少濕潤口感😊。