勇記海南雞

营业中

休息中

好好味，地方雖小，食物質素高！推介海南雞飯，冇乜地方食到咁正！湯都好好飲，亦都可以試吓海南雞喇沙，唔算太辣，啱我口味，仲有辣鳳爪，整體好入味，老闆娘好有禮貌，仲好靚女👍🏻👍🏻😁

本身好中意食海南雞,已經試左好多間最近睇FB關注海南雞群組,得知勇記海南雞,當然要美食家出動決定黎試一試,都幾意想不到海南雞飯有驚喜,雞好嫩滑而且好入味同咪皮都好爽至於飯方面,有小小椰香味,飯粒粒幾分明,飯上面仲有亁蔥頭,好香食落口感更加好而且都幾大份下,$50黎講都算好抵食朋友叫左喇沙米線, 配料有魚片,豆卜同蝦球,都係呢D普通野啦但湯底好正呀,好香椰香味同好滑,感覺好似飲湯愛健康既我都忍唔入住飲灑D湯啦,哈哈至於環境方面,都比較細,比起大餐廳,當然呢度係坐得無咁舒服但有人情味,老闆娘好好傾,招呼好周到而且好乾淨,最緊要乾淨所以好值得再幫襯,感覺良好本身好中意食海南雞,已經試左好多間最近睇FB關注海南雞群組,得知勇記海南雞,當然要美食家出動決定黎試一試,都幾意想不到海南雞飯有驚喜,雞好嫩滑而且好入味同咪皮都好爽至於飯方面,有小小椰香味,飯粒粒幾分明,飯上面仲有亁蔥頭,好香食落口感更加好而且都幾大份下,$50黎講都算好抵食朋友叫左喇沙米線, 配料有魚片,豆卜同蝦球,都係呢D普通野啦但湯底好正呀,好香椰香味同好滑,感覺好似飲湯愛健康既我都忍唔入住飲灑D湯啦,哈哈至於環境方面,都比較細,比

今日叫左個勇記海南雞飯，食完心諗又多間飯堂了😀好有驚喜，雞皮脆口雞肉滑，有淡淡嘅班蘭葉味。油飯唔會食到成口油但又有油香，醬汁唔會太搶但又調到味。價錢又唔貴，推薦俾係付近番工嘅你👍🏻

雞鮮肉滑，飯一粒粒濕乾度岩岩好，好有驚喜，會再食。份量合理，味道有雞味之餘軟綿綿，一般我好驚會好鞋，環境ok好坐，雖然地方少少隔攝但值得過去食，價錢合理，服務員有禮👍🏽是香港少有的好味海南雞飯了

我好係一個好少寫食評嘅人。我上網見到d人話好食我去試下，間鋪頭個位好難搵，係街兜咗幾個圈都搵唔到。本來想食海南雞飯因為我減緊肥所以叫咗白飯，點知見到人地d油飯好似好靚咁， 老實講我真係好想食，應該比個店員見到我d眼神，佢問點解唔食油飯呀？講講下其實我減緊肥，可能大家都係女仔，佢隻眼笑咗笑，上枱個時，帮我整咗半個油飯😂我勁開心不過老實講佢d雞真係好好食，好滑好滑同埋佢好似同出面d雞有d唔同，爽滑有雞味，同埋總之係唔同啦，但我唔識講。油飯好香好食粒粒分明軟綿有質感。十分滿分我比9.5，人情味加100分，總分119.5分。有其他野食我冇影相，個泰式鳳爪我個fd話好食，不過我冇食。同埋個湯都好飲問過冇味精的，真係直得食，我會再黎的。順便講一講佢鋪面唔係好靚，唔好因為咁 錯過咗。

今日黎到紅磡谷友介紹勇記海南雞食完好好食飯色香味俱全。雞滑有雞味賣相好靚淨係望都夠飽。餐廳環境20個座位留下，環境衛生幾好，乾淨老闆娘好好人，都幾搞笑唔好lunch過嚟，要排隊，各位雞友記得lunch過黎

聽聞紅磡開咗間隱世海南雞店，好好食，今日就去一探虛實！自問都食過各大品牌嘅海南雞，除咗灣仔某大酒店嘅出品，其他的都唔會令我回頭！希望今日唔會失望啦！店舖不太明顯，位於工廈地鋪，行條走廊入！(果然隱世！) 店面唔大不過好乾淨👍🏻坐低叫咗個招牌海南雞飲，等咗二三分鐘就有得食！賣相同一般出面嘅差唔多，雞肉有胸有脾有翼，油飯，伴碟有生菜絲青瓜蕃茄！先食一啖油飯，不得了！油香十足，唔會太咸！食舊雞胸，又不得了！連胸都可以整到咁滑，雞皮彈牙，唔油膩，其他部分唔駛講！再試埋個秘製醬汁，泰style，十分開胃！三樣嘢加埋一齊食簡直係無敵！再試埋個雞湯，今日係南瓜雞湯，清甜無味精！唔會死咸👍🏻 非常出色！大滿足！好耐無食過咁用心做好每個部分嘅海南雞飯！一定要讚！👍🏻👍🏻👍🏻店員親切有禮，問咗其他食物嘅嘢都解釋得好清楚！希望呢間隱世小店可以keep住呢個質素，因為我仲會再番嚟試其他嘢！多謝呢位老闆大廚帶嚟呢個咁用心出色嘅海南雞飯！

網上見到有人話紅磡廣場附近有間海南雞唔錯，今天下午4點零鐘經過，順路買外賣回家當晚餐。當我企係門口看餐牌時，女侍應馬上出來招呼我，介紹一下餐牌上的食物。我最後還是決定買了兩客招牌海南雞飯。因還是午餐時段，一客是$50另加$1外賣盒。$51有一客海南雞飯加湯/熱飲，非常抵食。在我等候外賣期間，店員不時走出來跟我說「唔好意思，等多陣」，她還提我如果回家不是馬上吃的話，應如何處理食物。講返重點，整盒海南雞飯份量十足，雞又多又滑，還有蕃茄和青瓜作配菜。雞油飯好香雞油味還有淡淡椰香。雞醬酸辣度適中，很開胃。美中不足的是雞湯太細碗，如果大碗一點更好。我家的兩位小朋友秒清晒整個餐，他們都說好味，比起Thai Plxx好食，叫我下次再買。而價錢方面也平宜很多。

哩個海雞飯係我食過暫時黎講最好食的😊 每日由家維邨行去紅磡廣場門口搭車翻工時，我都會不由自主咁望一望隆基大夏入面，但住左係紅磡咁多年，行入去食飯嘅次數不超過5次。成日都想放假行入去睇下究竟變成點。 今日終於都放假，把心一橫就入去睇下。 行到入去時，原來變左咁多，選擇相當多，有燒味，有茶記，再睇真啲，開左間海南雞。 係我印象中，紅磡區做海南雞的多不勝數，我自己亦都中過唔少伏，加上哩間”勇記”門面亦唔算靚，但我自認都算半個海南雞達人，冇理由唔入去試下。 坐低叫左個A餐，可能唔係繁忙時間，唔洗3分鐘就有得食。 食左啖飯，再加件雞，當場個心 哇 左一聲。油飯鹹香，雞油個控制非常恰當好處 海雞嫩滑，雞皮彈牙！再試埋個泰雞汁，味道非常清新 食到一半發現唔記得叫多飯，諗住咁好食嘅油飯點都要加幾蚊啦，唉，加就加啦。於是叫靚女幫我加多少少飯！ 食完飽飽，飲埋杯咖啡睇睇時間又係時候去接個女放學。多謝53蚊.。吓？多飯唔洗加錢？哇，食餐飯哇左咁多聲都係53蚊，抵到爛。 我一定會食第二次，仲要帶埋老婆黎！ 下次叫老婆試個叻沙咁我又可以食多樣

酒店式美食，大眾化價錢。今日試了招牌海南雞飯，價錢合理。但食材及賣相都有酒店的水準。幸好今年每一星期都有一天在紅磡工作，可以去試試了。食肆也很乾淨及坐得舒服，招呼服務也不錯。

係紅磡做野十幾年，每當有新餐廳開張都一定會入去試試。勇記海南雞係近年試過最驚喜的餐廳，d野真係超好食，仲要係抵食   由於受歡迎，我經常要提早我既食飯時段以免比人賣晒 ( 有4次真係賣晒食唔到)食左成個月，試過以下款式1) 招牌海南雞飯  ------第一次幫親勇記點既套餐，從此爱上了此餐廳，個sauce好似係加左香矛，開胃2) 去骨麻辣雞飯  ------又係個sauce同一般餐廳大路既唔同3) 泰式豬頸肉飯 -------一開始係想食豬排，但咁啱果排換左餐牌，得豬頸肉。點知一叫又係有驚喜，成大件豬頸肉，好有咬口。食過係會想再試既餐。4) 泰式魚餅雞翼飯  -------一開始係想食蝦餅，但又係換左餐牌，得魚餅。點知一叫都係有驚喜，唔知大廚加左d咩香料，總之個魚餅好野味。雞翼好入味。佢地個煎蛋.....有圖有真相....個豉油都係勇哥特別調的.....其實我比$43，食到咁用心既野，真係有點感動....5) 咖哩牛腩飯 ---------早期新開張，老闆無預咁多食材, 海南雞飯豬排飯等成日賣晒, 有一日得返咖哩牛腩，咁我都試埋啦，佢地個咖哩牛腩唔辣的，咖哩唔係我喜好，但我都好感動佢張

❤️紅磡工廠區隱蔽美味海南雞🐔海南雞飯一直也是我的最愛，特別是無骨那些，香港很多打正旗號說是賣馳名海南雞，其實味道也一般般，沒有很深刻的印象。海南雞🐔除了要有滑滑的雞肉，其味道、醬汁與油飯也重要。適逢去紅磡的影印公司，等候期間，無意之間看到勇記海南雞，店外寫新店開張，店子細细，裝修簡潔，我在外👀餐牌，入面的老闆娘（應該是吧）立即出來介紹菜式給我，我就要了其招牌海南雞飯餐（要脾的位置），跟雞湯和熱🍋水。因懷孕🤰，不太方便堂食，所以就買外賣回公司食。外賣賣相也不錯，很整齊，雞的份量也算多，除了有脾的位置，也有雞翼，雞肉嫰滑，充滿雞味，沒有點汁，也覺好好味😋，另外油飯一點也不油膩，配⬆️少許炸蒜，更加有風味，另雞湯清清甜甜，也不錯。埋單好像$64，連外賣盒，絕對抵食，親民價格，性價比高，有時間一定要去幫襯！其實我已經幫襯了數次，每次也keep 到水準，才寫這篇食評。😋支持有Heart小店❤️！

第一次去食呢間海南雞飯，啲雞比平時食開既雞仲滑，啲雞醬夠開胃，啲黃油飯又唔油，賣相唔錯，仲試左手拍青瓜好入味，店內全新裝修，座位夠舒適，冷氣足夠，老闆同老闆娘招呼又周到，一定會再試