勇記海南雞

营业中

休息中

之前見咁多雜誌介紹過，講咗成個月，男朋友終於有時間買比我食啦！男朋友今日大概3:30去到，排到佢嘅時候已經4:15，排咗45分鐘先買到，傳媒嘅威力果然厲害👍🏻點解咁多人排，我諗主因係前君悅酒店廚師主理有關，能夠係平民嘅地方，食到酒店嘅味道的確好吸引👍🏻大部分人會買餐，但見有人話份量比較少，因為屋企多人食，所以索性買一隻雞加兩個油飯🐓🐔海南雞一隻 $166雞皮油亮滑潤，雞肉滑嫩結實，除咗雞髀雞翼外其他位置都已經去骨，啖啖肉好滿足，配埋附送嘅酸辣醬就令到海南雞口感更有層次🐔油飯 $16油飯粉粉被雞油包住，而且唔會太油膩，不過就我個人而言我就嫌唔夠香🥲不過面頭鋪咗啲脆脆食落都幾有口感總括嚟講係好食同埋啲雞的確好滑，而且外賣拎到返屋企都冇影響質素，但如果要排咁耐隊嘅話我覺得可以有其他選擇🤓或者等第二時小人啲都不妨再去食嘅😌

古滑的雞 絕不滑稽人氣海南雞，紅磡 勇記海南雞 ，每日限量，開門前就已經要排隊，今日13:15去到排頭位，跟住到一點半已經超過20人排，繼生日群組後會唔會出現海南雞群組，由於武漢肺炎疫情關係，暫時停左堂食只做外賣，外賣由每日兩點開始，賣晒就無，一般6點前就無，試過未到5點已經賣晒。今日買左一隻海南雞分兩盒裝，淨睇顏色已經吸引，雞肉的確做得好滑好嫩有雞味，雞味唔算好重，雞胸位置都做得好滑唔會鞋，雞皮爽口，皮肉間仲有一層薄薄啫喱增強口感，層啫喱要做得好係好考功夫，另外一讚係佢哋個泰式醬，微微酸辣又夠香，濃度適中，完全唔會蓋過主角雞嘅味道，今日排左45分鐘係值得嘅。疫情下好多食店都停堂食甚至暫停營業，情況許可下大家不防外出支持一下小店，多一份支持，佢哋生存空間就大一點。

呢間人氣小店大有來頭，大廚係由君悅酒店出身，去骨海南雞飯超級正😋真正皮爽肉滑😍我平時一定唔食皮都食，皮同肉中間仲有啫喱狀肉汁。唔怪得之經常大排長龍，下午兩點開門， 四五點鐘就沽清，真係好食👍🏻椰子雞湯好鮮甜，油飯香得來又唔算好油，正😋不過個炸蝦餅就普通，細細件，冇咩特別。下次去淨係食海南雞飯加飲湯就夠喇😌

每次經過都見人龍🚶🏻‍♀️🚶🏻🚶🏻‍♂️🚶🏻‍♀️🚶🏻今日突然好想食海南雞🍚門口貼住2:15「開售」2:00去到開始有人龍買緊外賣，可能疫情只有外賣，有效率🚀排隊🔜取餐不過15分鐘果然名不虛傳👍飯香夠乾身、雞的確好古「滑」，成個飯靈魂係個汁，好醒胃😋唔飲湯可轉花🌹茶$55+$1外賣，勝價比高💯一定翻轉頭🔄一定有一次🥡

🇭🇰 • 🐓 HAINANESE CHICKEN海南雞飯關注組成員又出動🙋🏻‍♂️🦠疫情下係勇記(係group入面都好多人share!!)買左1隻招牌去骨海南雞🐓($165(全隻)/$90(半隻))同泰式大拼盤(蝦餅、魚餅、墨魚餅各2件)($40)。🐓 | 睇落個份量唔多，但好高質素🤩成隻雞無論咩部位包括雞胸都好嫩滑，肉質又好彈牙😳，雞皮好薄唔肥，而雞皮底有d透明啫喱，好有雞味好好食🤤唯一美中不足就係食海南雞無買油飯🥲至於汁方面，可以揀一款汁：泰式汁/沙薑汁/蔥油汁/秘製麻辣汁(+$5)😉屋企人揀左泰式汁，但個人都係鍾意甜豉油同薑蓉～🦐 / 🐟/ 🦑 | 外賣🥡既煎炸野比起堂食一定會差d…🥲蝦餅魚餅墨魚餅味道無咩特別(無📸)，下次試下用焗爐reheat先，熱辣辣應該好d🤗$40有6件都幾抵😎希望疫情🦠快d過，可以坐低食熱辣辣既海南雞飯😭話說今日路過上環見到勇記裝修緊既分店～💬📣溫馨提示：勇記係星期日同法定假日休息；堂食全日暫停，外賣2點開始排隊🖐🏻

今次嚟食呢間好出名嘅海南雞飯，我哋到嘅時候早少少， 原來佢係兩點先開門，所以我地係外面排隊 ，未夠鐘開門外面已經係排咗長長嘅一條人龍😂😂😂有少少覺得好彩因為做嘢咁啱黎開呢頭😂 入到去好快就咁樣揀咗要食咩，因為佢出名都係得海南雞飯我哋就要咗一個二人餐 二人餐有半隻雞，兩碗飯，兩個小食，兩個湯， 特別一提佢個湯，係椰子雞湯勁好飲，我仲叫多咗一碗，外賣咗三碗😂😂不過外賣就好唔抵飲，外賣碗係人哋麵豉湯嗰個大細，有啲可惜😅雞超好食 ！！好滑！有雞味 ！ 食完就知點解咁多人排隊其中一個小食我哋叫咗墨魚餅，質素就還好 ，普普通通油飯都好好食唔會太油膩，好怕有啲海南雞飯嘅舖頭個有份係超級油

本來諗住買外賣回家吃，但條外賣隊長過堂食隊，所以決定堂食。雞的確超滑，皮薄香滑，油飯特別好味，加杯香滑奶茶，真心喜歡。雖然光顧的客人很多，但員工超有禮貌，全程殷勤招待實在難得！有空一定會再光顧！下次要試吓肉骨茶，勁吸引😋😋

係一棟唔起眼嘅大廈入面竟然有一間好出色嘅海南雞飯店😋之前睇左米紙介紹之後，呢間野就一直on my list📝本身想堂食，但人太多，又就夠六點，所以決定買半隻雞翻屋企慢慢歎🤩海南雞半隻🐥($90)細細盒但都有2層，啖啖肉，好正👍🏻啲雞好鬼死嫩滑😻同埋好有雞味，唔洗點醬已經好好味😋呢到個係辣醬🌶唔似出面有三色醬，佢一個醬搞掂晒，連埋醬食小小辣更為出色😆重有個雞皮又滑又彈，皮同肉中間重有透明啫喱👍🏻完全唔油膩，都好正😋推薦？🟡🟡🟡🟡⚪️絕對會回頭，下次要試下堂食😆重試埋個油飯☺️

在網絡上見到介紹勇記海南雞，於是慕名而來，因為要揸車搵位都唔容易，本來想去堂食，結果都係要買外賣。海南雞飯嘅靈魂當然係雞，雞係非常之香滑，雞嘅質地係軟淋，聽講係處理嘅過程廚師做嘅步驟係不一樣嘅，所以專心一意買一個主打海南雞係好重要。而且聽講廚師又係老闆，佢以前喺五星級酒店Grand Hyatt學咗呢個海南雞，然後自己開舖，所以平民化價錢食到五星級酒店嘅海南雞你話幾開心呢！然後個飯亦都係喺製作過程非常之用心，所以回頭率係100%。話說第二次想買一隻雞返屋企，當我排隊輪到我嘅時候老闆娘話要等個半鐘喎！咁我話吓要等個半鐘下次再嚟啦！所以呢隻雞係令我念念不忘，鍾意海南雞嘅朋友絕對要一試。

外賣了一隻海南雞，份量奇少，竟然只有一隻雞脾，不知會否太多外賣，遺漏了！雞的味道是可以的，夠味，亦可自選調味料，希望下次份量可以足一點，合理些，唔會少了隻最好味的雞脾！

紅磡馬頭圍道一條唔太起眼嘅巷入面嘅一間小店，當日星期五下午２點開門，２點半去到喺街頭已經見到人頭湧湧，分開左兩條隊排緊（外賣、堂食）。但都唔太意外，因為呢間店喺海南雞關注組討論度好高，加埋「米紙」出片推薦，好多人特意過黎打卡、潮聖（包括我在內）。但當日係閒日，等左唔洗半個鐘就入得，入面環境較為逼少少，但野食好味就冇問題啦。🐓招牌去骨泰式海南雞飯 $55 ★★★★☆本身呢個套餐跟左油飯唔需要加錢，油飯每粒米飯都呈金黃色，煮得剛剛好，粒粒分明，軟糯但有咬口，食落仲有陣陣雞油香味同香茅味，食落唔會太油膩，岩岩好，但如果可以再多d炸蒜會更好，再惹味D，個油飯係做得幾出色。到主角泰式海南雞✨，雖然冇轉到脾位，但雞胸位置都完全唔會鞋或者好柴，食到有雞味但真心唔重，而佢泰式香料唔會蓋過哂，喧賓奪主，味道算夾得平衡。最欣賞個雞皮好爽滑又Q彈，厚薄亦適中，唔會令到人食完好膩口，加埋雞皮下少少啫喱部分，真係好有驚喜。但唯一嘅少少缺點就係當日雞皮部分有啲過咸，同行嘅男友亦指上次佢食都冇咁咸個雞皮，可能重手左，但都冇阻我食哂成個飯同雞。除左雞皮部分，佢地嘅泰式醬汁亦受到我高度的讚賞，佢落左D泰式香料加埋醬油，

之前已經睇咗好多這間店舖既好評。今天終於有機會一試。結果是名乎其實的好。今次叫了一個二人套餐外賣。食物包括半隻雞、手拍靑瓜、小食（蝦餅、魚餅或墨魚餅三選一）、飯（可選油飯或白飯）及飲品（可選花茶或椰子雞湯）雞：嫩滑、有雞味、皮亦爽滑👍青瓜：清爽好有靑瓜鮮味之餘無草靑味👍小食：今次揀咗蝦餅。二人餐每人只有一件。質素不過不失飯：揀咗油飯。飯香不會過於油膩，食得出係落咗雞湯同班蘭去煮👍飲品：今次揀咗花茶同湯各一。花茶係玫瑰花茶，不錯，可解膩。至於湯係落咗椰子、龍眼同紅蘿蔔去煲，味道清甜👍整體來講，值得推薦嘅一間小店。

最近工作量大，忙裡偷閒地拎咗日假，於是約朋友一齊到勇記海南雞探店。今次己是第3次探店，前2次都食唔到，今次終於食到。我同朋友3點09分到，前面約有6-7人排隊，而等外賣嘅都有4-5人，果然好野食係多人幫襯。等左約10分鐘左右，終於輪到我，店內空間唔算好大，但環境算乾淨，我地被安排在靠墙壁位置。拎起餐牌，紙質印刷幾精美同埋都好新，我叫左海南雞laksa朋友叫左海南雞油飯，原本想叫雞湯但已經沽清，唯有試吓花茶。等左5-8鐘左右，朋友嘅海南雞油飯到咗，個碟幾大😂但份量略少，如果係男士食可能會唔夠飽，隔左一陣我嘅海南雞laksa都到咗，份量比海南雞油飯大而且俾咗雞髀位我。雞皮好爽好彈，皮下脂肪唔厚，食多2件都唔會有罪惡感，雞肉食落好滑，雞味亦好重唯美中不足嘅係今日食嘅雞冇啫喱狀在雞皮下（見好多人都話有），油飯d飯粒粒分明煮得啱啱好，金黃色嘅飯上面舖左少少炸蒜令個油飯再添加香味。laksa黎講，個湯底属於偏甜少少嘅，比較重奶香味，而佢用嘅米線同譚仔嘅好唔同係偏幼身但有少少🤏煙韌嘅感覺，係好食嘅。而我覺得最驚係嘅係個醬，真係好好食，食到香茅同青檸味，有少少🤏辣味，好野味。

近排海南雞🐓關注組個個都討論緊e間紅磡大熱🔥海南雞飯🐓，大廚👨🏻‍🍳係君悅酒店🏨出身再加上「米紙」推薦，一開鋪就好快賣曬真心誇張😨 小編今日就專程同大家試下係咪真係咁正先💁🏻‍♀️👉招牌去骨泰式🇹🇭海南雞飯($52)先講個黃金色油飯🍚非常出色👍🏻，第一啖👅就覺得齒頰留香，雞油🐓的精華同鮮香鎖住左係飯裡面😋，加上乾蔥蒜🧄令口感更為香脆可口，看似簡單的油飯🍚層次分明一d都唔簡單💯主角海南雞🐓大份得來全部都超級無敵咁滑嫩🤤，每塊皮中間都有jelly🍮，食落一d都唔油膩😍，小編平時唔食雞皮都食左幾塊🙈不過個醬就帶少少🤏🏻中藥味🌿，唔係個個都鐘意😌跟餐仲要送限量的椰子🥥雞湯🥣，清甜得來又養生，要試就要早d來啦😎備註：▪️營業時間⏰：1500～2030 (一至六)但賣曬就冇架啦😆

今天買了半隻回來一試，但又不是坊間所講的超好味。有以下嘅綜合1）是爽滑的，但雞味不重2）有鹹味，會比一般好食D暫時食那麼多不同嘅海南雞，我會覺得天天海南雞係真係好食，所以係咪電視所講甚至乎坊間所講話話好食到不得了，我只能夠說一般海南雞, 可接受的味道。