勇記海南雞

营业中

休息中

品嚐了他們的招牌去骨海南雞飯，讓我感受到了海南雞飯的另一種風味。一進入餐廳，就能聞到飄散在空氣中的椰子香氣，彷彿置身於海南的熱帶氛圍中。我點了椰子雞湯作為前菜，這道湯清淡而鮮美，湯裡還有碎椰子肉的口感，令人回味無窮。而主菜——去骨海南雞飯，也是一絕。雞肉呈現出白色，肉質鮮嫩多汁，吃起來鮮甜可口，令人食指大動。海南雞飯裡的醬料也是令人驚喜，搭配雞肉食用，入口香滑微辣，帶點甜味，讓我一試難忘。雞飯的飯粒也十分軟糯，與醬料完美融合，讓人一口接一口，欲罷不能。

勇記海南雞總店響紅磡古滑的雞真係絕不滑稽花時間同心機嘅手工菜果然係唔同啲平民嘅價錢有米芝蓮嘅級數性價比高超抵食/唔怪得日日都大排長龍成日六點前都未夠就賣晒✨招牌海南雞🐔 - 半隻$92外賣叫咗半隻海南雞外賣份量啱啱好/夠晒兩個人食雞皮較厚但係爽脆Q彈入口嫩滑/海南雞啲雞肉好滑好嫩仲要係啖啖肉配埋個特製嘅醬汁真係好味到爆不過如果唔鍾意辣嘢嘅話就要小心喇/因為醬汁係的確有啲辣提提你現時勇記海南雞只係收現金㗎咋

同朋友去咗紅磡區行街，最後係openrice發現咗一間叫做勇記海南雞嘅店。我哋就決定試下佢哋嘅海南雞飯。🍗價錢方面，一份海南雞飯只要55蚊，同埋仲有一杯花茶附送，覺得幾抵。😊 雞肉方面，份量足夠，而且雞肉質地細膩，雞皮又薄又滑，口感唔錯。👍最吸引我嘅係佢哋嘅雞油飯。飯嘅香味同雞油完美結合，令人食指大動。🍚 雖然飯量有啲多，但我同朋友都算大食，最後都成功ko。😋總括嚟講，我覺得勇記海南雞喺紅磡區係一間值得試試嘅餐廳。下次再去紅磡，我哋會考慮再光顧。🙂

自從食過一次上環店覺得質素一般🥴 今日午餐時間心血來潮又想食海南雞🐔 於是試一試呢間出名既總店 開門前十五分鐘已經有一條隊係度好在第一輪入到🤣 座位方面老實比較迫唔算舒服 而且冷氣吹到正比較凍🌝 但係食物方面真係唔錯 海南雞既質素絕對搭夠💛 飲埋湯好抵食⭐️ 招牌去骨泰式海南雞飯 🇹🇭雞皮同雞肉一D都唔肥🥹 入口就算係雞胸位置都好嫩滑💪🏻 配上泰式醬汁調味同辣度啱啱好🌶️ 如果份量多少少就完美 雞油飯坦白說唔太濃雞味🍚 反而好在食完唔會太油⭐️ 去骨沙薑雞飯 🤎除左海南雞飯好食之外覺得沙薑雞飯同樣值得被注意🥺 沙薑調味鹹香🏜️更能凸顯雞肉既原味⭐️ 椰子雞湯 🥥終於試到另一樣名物🏅️入口清甜唔會太油 淡淡的椰子香好滋補

在陰霾的一天，吃到令你晴朗的雞🫢🌈✨小妹今天第一次幫襯這間出名的海南雞店，果然名不虛傳👍🏻一個不能再差的陰天下午，令你意想不到這麼平民的價錢可以吃到各方面都做得出色(連侍應服務態度都禮貌，有水準）的海南雞店！首次幫襯用外賣自取服務，準時起貨相當有效率👍🏻先不說最重點的海南雞。反而令人驚喜的，是湯喇沙🫢✨人生第一次看到「新鮮金邊粉」（雖然是+$4），試了蝦喇沙金邊粉⋯真的要說：必食+$4新鮮金邊粉！從來沒有吃過，無論再貴的價錢這麼滑、新鮮的金邊粉！🫢其次係喇沙湯底，平衡得幾好，好清新唔會有過量的奶饐味、沒有太重手的辣油味、而且湯底唔會過分渴，唔會有太多沉澱物同埋有渣滓的感覺。（唔會有薑/香茅渣攝牙罅）配料也不遜色，蝦雖然係沒頭沒蝦殼的，卻比平時再貴一點的價錢吃到冰鮮有頭有殼蝦好很多，起碼新鮮彈牙唔使自己搣殼。其次，白魚蛋豆腐卜，魚片頭，都超級新鮮，以這個價錢來說已經CP值很高了。（好遺憾喇沙沒有拍照。因為一氣呵成吃完了喇沙才打算追寫一下食評⋯😅）回到正題！海南雞確實冇得輸！🌝🤟🏻✨不說其他就是價錢和質素已經成正比，再超出預期的好了！顏色夠黃有光澤、脂肪同肉比例分明、有啫喱狀油脂、肉質滑但

一講到海南雞飯，大家一定識勇記，話說紅磡先係總店，放假特登黎買個外賣番屋企慢慢嘆，可能假曰少左打工仔買外賣，我2pm幾去都仲有椰子雞湯送。果雞飯唔洗講，雞肉嫩滑，雞皮爽脆，油飯不會有油溢味，份量多大，必食推介！

呢間餐廳係一條巷仔入面，位置本身唔太起眼，但經過眾多媒體介紹後，都好多人會慕名而來🫣其實佢明明係我屋企附近，但一直懶得去排隊🫠呢日終於的起心肝比起開門時間早左大概半個鐘到，已經排到第六張，小店關係都只係岩好做到第一輪入座🙏🏻▪️ 招牌去骨泰式海南雞飯 (油飯) + 椰子雞湯💲55海南雞幾有水準，雞皮薄身爽彈，完全唔會肥膩，雞肉就算係雞胸位都夠嫩滑，而且無雪味，配上個自家製既泰式酸辣醬🐔另一碟+$13轉全脾，不過感覺就無咩大分別😅個飯粒粒分明，但雞油香無預期中出色，以香茅味同炸乾蔥為主🍚椰子雞湯每日得兩煲，第一轉入座都應該勉強可以飲到，另一轉就真係睇緣分😌望落都知足料，的確幾有驚喜既，香濃得黎又夠清甜唔會成口油🥥🔎 整體評分（8/10）

每次見到有水準的海南雞飯都會去試，這間經常聽個名好多人話好食，又要排長龍，所以今次用外賣速遞送上門試吓😬全部叫🐥系列👇🏽招牌去骨海南雞飯$75雞口感滑的，但係咪好有驚喜⋯⋯⋯⋯個人覺得普通，因為暫時覺得某間最好食。去骨沙薑雞飯$70話明係沙薑雞，但食落和海南雞的味道不是太大分別，口感一樣滑。海南雞椰香喇沙米線$88麵和湯分開上是基本個喇沙湯好重椰香味，但就無乜辣味。總括嚟講這間的食品是好食的，但如果無比較。

海南雞飯近年係香港遍地開花 就好似車仔麵一樣 總有一間係左近 較多人識既有過江龍天天到近年狀態大勇既陀地勇記👍🏻年幾前試過勇記紅磡總店既外賣 午餐時間由落單到外賣到手 等左我足足九個字😵‍💫 今日放工時間拎車去紅磡廣場附近車房 見七點幾唔駛等位 就決定試下堂食 同上次一樣嗌左招牌去骨海南雞飯 配 泰式醬汁🍗雞件有脾同胸肉 皮黃 賣相幾靚仔😍 雞既肉質係嫩滑有汁 連胸肉都好食 冰火處理得宜💯 肥瘦都舒中 皮都爽既 以雞論雞 好食✔️ 旦味道上唔突出 "好好味啊!"不能 其實只係應有既味道？一向原味主意既我 會建議配埋個泰式汁一齊食 帶點香茅香 無甘悶🙃🍚另一靈魂-油飯 以油飯黎講 油香飯香味欠奉 既做唔到粒粒分明 口感又冧😒 你配個好食既白飯我反而會欣賞你 以飯論飯 失敗❌️建議大家買淨海南雞 穩贏唔會輸🙂非專業評分 (滿分4👅)賣相：👅👅味道：👅👅環境/服務：👅👅回頭率：👅

食過好幾間紅磡/黃埔嘅海南雞同手撕雞都係覺得勇記最好臨收鋪買到最後半隻雞再買埋鳳爪 可惜無晒雞湯每次去到，雖然永遠人多 ，但員工都好有禮貌，打電話問野員工再忙都會一一回答出街食野，食物味道再好，服務態度差就咪搞喇勇記係其中一間值得翻桌嘅餐廳，加油呀！

我真係超級鍾意食海南雞，雖然每次食勇記都要等好耐，食過就會知道係值得嘅，叫咗個海南雞飯，個油飯做得好入味，佢碗湯就好清甜。最要讚嘅係佢啲雞，真係做得好滑同埋係有一層啫喱喺入面嘅。

聞名不如見面，朋友一年前返黎香港探親已經想試，但唔啱時間食唔到；我就試過上環分店(外賣)覺得極普通，唔明點解咁多人追捧，今次咁啱朋友又返黎，決定比多次機會試一試總店。依家勇記午市13:15開門，我哋提早大概15分鐘到，好彩一早決定去等開門，如果唔係就食唔到第一輪！坐低咗好快落埋單，我哋兩個都叫海南雞+喇沙，隔咗一陣就嚟咗碗招牌椰子雞湯，個湯真係幾唔錯，夠濃味又唔會好甜，到差唔多飲完湯主菜就上枱。啲雞望落係幾靚仔，雞皮「令立立」又唔覺有幼毛，整體雞份量算多，同埋處理得好；至於喇沙睇落都幾大碗，唯一唔中意嘅就係有生菜。食落啲雞都係同印象中同一問題——雞肉完全冇味，不過都冇雪味，肉質睇部位，雞胸都係嚡，其他部位算滑，雞雖然冇味但蘸辣雞醬係救得返，加埋係好惹味。至於喇沙就幾好食，麵底係米線，湯底濃得黎唔會太重椰奶搞到漿口，淡淡地花生味同埋辣味，仲有半隻蛋、芽菜同生菜，作為湯麵都幾出色。整體成個套餐係ok，主食連埋靚湯對得住個價錢，但齋focus係啲雞度的話我就覺得一般。同行朋友本身話為咗個喇沙值得再嚟，點知食完餐飯，我地兩個都超-級-口-渴！之後要狂飲水我甚至食完晚餐之後都覺得個口腔仲有辣醬陣

作為街坊，一食再食都食唔厭！果然係蠱惑的雞絕不滑稽今日同老公分別嗌咗：海南雞飯 $55 包飲品或湯（揀咗椰子雞湯）- 佢配嗰個醬汁好味🤤，食完一啖又一啖！- 佢個椰子雞湯，超足料好多一條條嘅椰子，我連渣食晒！！椰子超香必嗌！個人覺得抵飲過飲品，因為唔係度度有麻辣涼拌海南雞飯米線$55（+$5 轉左金邊粉）包飲品或湯- 金邊粉好煙韌，個醬汁幾香，但係希望可以再麻辣多少少🤏🏻- 雞：一如以往咁嫩滑！唔肥，個皮好薄有啲啫喱咸香雞翼尖$10- 我覺得太鹹，不過佢又真係講咸香嘅…下次唔會再嗌😂大小食拼盤- 4款小食、每款兩件，有款雞棗幾特別，墨魚餅都OK、其他沒有深刻印象。

都聽講好多人介紹勇記海南雞呢間紅磡人氣海南雞飯，終於到我黎試一試，果然名不虛傳😍餐廳寫住<<古滑的雞 •絕不滑稽>>佢啲雞係堅滑，唔係講笑😎仲有個油飯都好香，食落個咀又唔會好油。多數食海南雞飯都會有湯送，呢到既椰子雞湯分2煲出，隨機發送，我夜晚食dinner就派晒嚕🥹如果唔係都真係想試試，好多人都話正👍🏻另外叫左個椰香喇沙，湯底都唔差，椰香味好夠，不過米線就淋左少少🤏呢到仲有啲泰式小食，我地就叫左雞棗，不過就炸得唔夠熱，個芯仲凍凍地🥲同左店員講都換左一碟俾我地，份量都幾多既👍🏻總結下，海南雞飯係好推薦既一路食都有好多人買外賣，信心保證！簡單食個海南雞飯都好滿足🥰🔸招牌去骨泰式海南雞飯$55🔸海南雞椰香喇沙$66📍#勇記海南雞 (#紅磡美食)紅磡馬頭圍道23-35H號隆基大樓地下29L號舖

勇記海南雞，雞好滑身，雞味好正配支白酒，令個果味再岀左，帶少少honey，飲到啤梨味多左，再帶礦物鹽味，奶油味，支酒係有唔同層次飲到。飲完再食雞，雞味再重左，酒既creamy令雞皮同雞肉中間既啫喱再提升。勇記海南雞係無得輸