勁餃笑

营业中

休息中

📍紅磡小有名氣嘅餃子店，用小店形式經營但係都幾有心機，連個筷子座都係用咗餃子造型！湯餃同煎餃都係同價，兩款都嗌咗八隻試吓($48)，煎餃揀咗黑松露粟米豬肉同香蔥豬肉，兩款嘅味道都比較濃，好適合嚟去煎。湯餃就揀咗大葉雞肉同鮮蝦帶子豬肉，個湯係用咗粟米紅蘿蔔湯，清清地幾滋潤，雞肉餡個質地比較粉身，我哋都鍾意豬肉多啲。另外加購咗個皮蛋醬拌麵($25)，叫咗小辣都幾辣，睇落啲醬唔多，但係撈晒嚟食都好夠味。呢度仲有幾款甜品餃子，跟隔籬枱叫咗糖不甩餃（$42)試吓，真係好似平時食開咁點花生椰絲碎食，煎餃入邊仲有麻糬，軟軟糯糯都幾夾！

喺黃埔睇完戲之後都夜晚9:00，朋友晏晝先食完buffet，夜晚想食啲輕啲嘅嘢，咁就揀咗食餃子。我就成日未食過嘢，所以除咗叫餃子之外就叫買咗碗花膠雞絲湯麵。朋友點咗醉雞翼，京蔥牛肉餃拼大葉雞肉餃。我就點左芝士辣雞餃拼黑松露豬肉餃，跟住交換嚟食。 醉雞翼好入味，汁跳得好好，唔會有花雕嗰種苦澀味，但係肉就嚡咗少少。咁多款餃子最鍾意黑松露豬肉餃真係好香，其次就係京蔥牛肉餃，大葉雞肉都香，但係兩款雞肉餃子都比較乾，始終個油分唔係多，不過就感覺健康啲。但係就唔係好鍾意佢兩款雞肉餃子都加粟米，唔係唔鍾意粟米，但係覺得唔一定要咁樣配。最後試埋佢個麵，我嗌咗扁麵，原來係類似啲上海麵咁，其實好怕食上海麵。即係煮得唔好就會有種粉粉地口嘅感覺，但係佢又淥得唔錯。雞絲就預咗佢係煲湯嗰啲嚟㗎啦，所以冇特別期望個花膠就純粹上咗色無餵過同埋有啲硬。但係個雞湯就超好飲好濃厚，一啲都唔肥膩，加埋少少菜譜送埋d麵，最後啲湯全部飲晒。事次用餐為自費。

店主應該係個貓奴，一入門口已經見到好多貓貓Figure同公仔😻本身想要湯餃，但同時想試個芝士辣雞餃，因為淨係可以煎，所以就決定要煎黑松露粟米豬肉餃拼芝士辣雞餃。之後再加個雞湯麵轉菜底就一次過滿足晒我兩個願望啦～🥰辣餃真係有少少辣，但係味道好新奇開胃煎餃令佢更香口松露餃一咬開已經聞到好香松露味值得一讚嘅係加埋新鮮粟米粒粒飽滿增加甜度。特登叫多個雞湯麵就係想試埋佢個湯底，絕無添加味精，濃濃的顏色和住家味道，超好飲！醉雞翼好入味, 試埋期間限定熱蘋果雪梨水好足料成個人滋潤晒~😋😊

今次同朋友仔嚟到紅磡德民街「勁餃笑」食手工餃子🥟，佢地會送自家製菜脯，仲可以免費任加嚟食，口感爽口，而且辣得過癮！餐廳以日式風格裝潢，木色作為基本主調，令人感覺溫暖又舒適。今次叫咗以下嘅美食： 湯餃雙拼 （大蔥牛肉餃 & 黑松露粟米豬肉餃）大蔥牛肉餃入口香滑，餃皮通透，咬開後，滿滿嘅牛肉香味，非常好食；黑松露粟米豬肉餃有咬口，粟米粒粒飽滿又鮮甜，調味剛好！花膠雞絲湯麵份量十足，花膠口感非常軟腍，養顏之選！煮蜆（期間限定） 蜆肉鮮甜，有大量金菇同粉絲，煮得好入味，辣得惹味！關東煮🍢以雞湯做湯底煮製，令到呢個關東煮非常美味，食材豐富！飲品蘋果雪梨水（季節限定），味道清潤益胃，非常香甜，健康之選；羅漢果白茶香氣清新，味道甜香，茶味清甜回甘。

同朋友一齊嚟咗呢間名字幾得意嘅餃子店🥟諗住食個餃子🥟晚餐🤣湯餃/煎餃 【6隻$40 8隻$48 10隻$52】第1個湯餃套餐 （10隻）白菜豬肉餃 併 韭菜豬肉餃；第2個湯餃套餐（10隻）香蔥豬肉餃 併 大葉雞肉餃 +$6 ：全部餃子🥟基本上都大大隻脹卜卜可以食得好飽🤩跟餐加 $15 蠔油時蔬：呢日嘅時蔬係生菜，新鮮幾爽脆🤣跟餐加 $23 醉雞翼：雞翼肉質幾結實🤣跟餐加 $23 月見雞肉串：雞肉裏邊好似撈咗少少雞軟骨脆脆哋🤣跟餐加 $10 自家製 羅漢果白茶（凍）：凍冰冰，甜甜哋，叫咗兩罐🤣

喺紅磡要搵間小店食Dinner好輕鬆~但搵間 又好食+又有heart+價錢親民+ 環境舒服既小店 真係唔易嫁!今次就係搵倒勁餃笑喇🙌🏻玩食字 勁搞笑😂本身諗住而家香港嘢繽紛~ 諗住8:30後應該好多位可以堂食…點知勁餃笑得返兩個位😂啱啱好平時坐吧枱位🥲最怕就係冇位擺袋而呢間舖頭好貼心!吧枱位枱底下面會有個鉤俾你掛袋~餐牌上面都好多選擇, 餃子為主另外有幾款麵食同甜品~好多都好吸引! 好想試多幾款~所以每人都叫咗個雙拼🙌🏻一份煎餃+一份湯餃In general~ 無論煎餃定湯餃, size都好大隻~ 成個散子包咁大🤡餃子皮唔會薄到一夾就穿, 但咬落又唔覺得厚皮~餡料非常之多, 而且唔會散晒出嚟!辣菜脯可以免費加~連埋餃子一齊食, 口感好加分 & 香味亦都好突出🥟煎: 黑松露粟米豬肉餃+芝士辣雞餃松露餃勁香黑松露味🤡啖啖肉辣雞餃好香口可能因為揀咗煎餃, 食起上嚟多咗一份焦香🫶🏻🥟湯: 大蔥牛肉餃鮮蝦帶子豬肉餃湯底比較清香. 飲落唔會有味精味, 真係飲得㗎!豬肉餃入面, 真係會見到有粒帶子! 真材實料啊~唔係帶子碎!如果怕唔飽🤡可以加多個麻辣雞絲拌麵/花甲粉我地兩個都叫哂😂麻辣雞絲拌麵麻辣醬

紅磡｜勁餃笑 -▪️湯餃🥟 (鮮蝦帶子豬肉餃🦐🐷 拼椰菜豬肉餃🥬🐷)餃子大大隻，個皮厚薄適中，包住滿滿嘅餡料。鮮蝦帶子豬肉餃內餡有鮮蝦、珍珠帶子，爽口彈牙，仲加咗啲粟米粒，更有口感。椰菜豬肉餃個菜同肉比例啱啱好，椰菜仲保持到爽脆口感。而個湯底就用咗雞殼🐔、雞腳🐔、蔬菜🥬等熬煮5小時以上，飲得出係冇落味精▪️煎餃🥟 (黑松露粟米豬肉餃🌽🐷 拼白菜豬肉餃🥬🐷)煎餃外皮煎得好脆口，又唔會太油。黑松露粟米餃一入口個黑松露味出晒嚟，好香濃。白菜豬肉餃味道就相對清甜▪️花膠雞絲湯麵🐔🍜揀咗米線，份量都唔少，花膠口感軟腍。不過整體味道偏淡少少，可以加啲自家製菜脯一齊食▪️雞絲胡麻醬拌麵🐔🍜拌麵係熱嘅，揀咗扁麵，有咬口，而且幾掛到個胡麻醬▪️煮蜆蜆肉鮮甜，個底仲有大量金菇同粉絲，好入味，仲帶少少辣，幾惹味▪️麻甩餃🥟外皮香脆，中間包住麻糬，煙煙韌韌，沾啲花生芝麻粉🥜，真係好似食緊糖不甩咁▪️煎紅豆麻糬餃🫘🥟中間同樣包住麻糬，再配上紅豆，口感綿密，甜甜哋，好夾▪️自家製金羅漢果白茶🥤▪️自家製蘋果雪梨水🍎🥤飲品都係自家製，唔會太甜，好滋潤健康嘅感覺勁餃笑📍紅磡德民街36號地下5L號舖

近排去開黃埔睇中醫，就順便係果邊食飯今日見到間平平地，細細間，而且好多人排隊既餃子店價錢真係好平，選擇又多韭菜豬肉餃+香蔥豬肉餃韭菜豬肉餃-韭菜好多香蔥豬肉餃-蔥同豬肉比例十分好胡麻醬拌麵$20份量都多，超值醉蝦$33去左蝦殼，浸得好入味羅漢果白茶清甜帶茶香自家製辣菜團好有口感，條條都好爽口，辣度適中大蔥牛肉餃+椰菜豬肉餃大蔥牛肉餃-大蔥同牛肉好夾椰菜豬肉餃-椰菜份量吾多，但爽甜醉雞翼$23酒香入味

自問已經食過香港好多間餃子舖，但都要講一句呢間真係數一數二咁好食，以後去紅磡黃埔有多一間飯堂👍🏻唔算排咗好耐隊就入得，鋪面好日式用咗好多木嘅設計，牆上面仲黐咗好多好cute嘅貓仔。Menu有好多選擇除咗餃子之外，仲有小食麵食同甜品。我哋叫咗八隻湯餃套餐，韭菜豬肉餃拼大葉雞肉餃，再加購涼拌菠菜。餃子好大粒，而且個皮好煙靭，肉嘅份量亦好多。湯底飲落唔似味噌湯，有老火湯嘅感覺忍唔住一啖接一啖👏🏻另一款就試八隻煎餃餐，芝士辣雞餃拼黑松露豬肉餃，再加購勁高人氣嘅花膠雞絲湯麵。老闆仲推薦一定要試佢哋自家製嘅辣菜脯。兩款煎餃口味都好特別，黑松露味好勁，而芝士辣雞嗰個勁有韓式風味。再配埋辣菜脯一齊食，更有咬口。最驚喜嘅係湯麵好濃好好食，特登嗌咗多蔥，再食埋大大嚿花膠，我會為咗呢碗嘢而再嚟🫶我哋叫咗兩款嘢飲都係舖頭自家製，分別係洛神花茶同埋金羅漢果白茶。包裝勁cute，飲落好養生，正啊！其實仲想試埋佢個甜品，可惜已經太飽，下次再訪一定要食🎉

星期六下午同朋友去左黃埔嘅小店 勁餃笑 食餃子，鋪頭近黃埔站，喺小巷，但好易搵。餐廳細細，但座位擺位都唔錯，就算吧枱位都唔會覺得太窄或者唔舒服。有實體menu，用qrcode落單。我地叫左唔同款色嘅餃子，同加配麵兩份分。先到嘅係 湯雙併 黑松露粟米豬肉餃+鮮蝦帶子豬肉餃鮮蝦帶子豬肉餃餃皮通透，望落，咬落都好滑，用料足，鮮蝦彈牙有鮮味，帶子淡香，豬肉有咬口。調味剛好，食落鮮甜。黑松露粟米豬肉餃黑松露味好夠香，唔會令人覺得難接受，粟米粒粒香甜，配上豬肉饀，口感有層次，非常推薦鐘意黑松露嘅食客一試。煎 香蔥豬肉餃 6隻煎餃香口，熟度控制剛好，咬開勁重香蔥味，鮮嫰爽口，配上醋蔥味更出！自家製金羅漢果白茶，罐裝，飲落清甜解渴，健康好飲！

今日我哋去咗紅磡一間相當受歡迎嘅餃子店，我選擇咗煎餃套餐，揀左辣雞肉芝士餃同韭菜豬肉餃，各有特色，味道絕對令人驚喜。首先，辣雞肉芝士餃，餃子皮煎得金黃香脆，咬開後流出濃郁嘅芝士，配合微辣嘅雞肉，真係令人欲罷不能。辣味唔算太重，剛好可以提升整體風味，而芝士嘅滑嫩更係為餃子增添咗層次感。韭菜豬肉餃則係另一番風味，韭菜嘅香氣同豬肉嘅鮮美完美結合，每一口都充滿咗自然嘅味道。餃子內餡新鮮，肉質鮮嫩，實在令人滿足。套餐中仲有自家製嘅辣菜脯，味道酸辣開胃，搭配餃子食，增加咗一種爽口感。再加埋自家製嘅羅漢果白茶，清新又唔膩，十分適合用來解膩。朋友則選咗湯餃套餐，揀左鮮蝦帶子餃同大蔥牛肉餃。鮮蝦帶子餃口感鮮滑，蝦肉同帶子嘅鮮味完全釋放，配上清湯飲落去，彷彿每一口都充滿海鮮嘅鮮甜。大蔥牛肉餃則係濃郁多汁，牛肉嘅香氣同大蔥嘅清香交融，令人食得相當滿足。最值得一提嘅係皮蛋醬拌麵，麵條彈牙，醬汁味道濃郁，帶有微微嘅鹹香，食落去好開胃，真係一絕。今日嘅用餐體驗非常愉快，無論係餃子定係其他配搭，都令我哋感受到食材嘅新鮮同店家對食物嘅用心。下次一定會再嚟光顧，推薦大家都可以試下！

呢間餐廳開咗唔係好耐，入到去嘅感覺好親切，有好多時下流行嘅公仔同模型，掛滿咗喺櫃上，亦有鈴聲嘅喺個場邊，唔算有華麗嘅裝潢，但係就帶有一種日本嘅情懷，亦都播住日文嘅歌曲，店員遞上筷子，係一個餃子形狀嘅筷子托，認真搞笑。我哋叫咗四個套餐，兩個人食，分別有兩個麵同兩個餃子餐，另外仲有兩杯飲品，埋單$200多少少。啲餃子都算大粒，湯餃清清地，煎餃幾惹味。兩杯飲品都係自家製，辣菜圃辣辣地，幾有咬口。佢嘅花膠雞絲湯麵好補身，皮蛋醬拌麵辣到適中，食到嘴舐舐，皮蛋唔算多，整體嚟講兩碗麵份量適中，如果以呢個價錢嚟睇我個人就會想再多少少麵食，或者配菜。叫咗嘅套餐如下：湯餃套餐（6隻）$58.0韭菜豬肉餃（併 鮮蝦帶子餃）［季節限定］蘋果雪梨水自家製辣菜圃煎餃套餐（6隻）$50.0（煎）韭菜豬肉餃（併（煎）韭菜豬肉餃）羅漢果白茶（凍）花膠雞絲湯麵 $50.0花膠雞絲湯麵（拉麵，多蔥）皮蛋醬拌麵（少辣） $45.0轉扁麵，美式自家製辣菜圃

紅磡呢條街好多嘢食，雖然流動比較大，次次過嚟都有新發現。我以為台灣人好食字，估唔到香港都有代表作🤣中英都食埋，有創意！餐廳細細但好有驚喜，勁多模型同公仔🥹醬料區design勁特別，對於我呢啲半個動漫迷aka貓奴嚟講，入到嚟都已經覺得好興奮！我地叫咗兩個餃子set，一湯一煎。餃子嘅款式除咗傳統既雲耳椰菜白菜果啲之外，大葉呀香蔥款的確比較少見老公10隻大蔥牛肉拚椰菜豬肉，餃子都好大隻，唔係薄皮果款餃子嚟，係我鍾意個皮煙韌果隻餃子足料，食到好香大蔥味，老公話個湯超好飲！有啲味噌湯kix老火湯既感覺眨下眼就比佢飲曬😳我既大葉雞肉拼香蔥豬肉煎餃煎得超香脆，熱到擺咗陣先食到🤣佢地仲有自家製辣菜脯，超辣超惹味，夾煎餃一流！大葉雞肉口感較實，大葉味唔算濃郁但每一啖都好有存在感，整體幾light香蔥豬肉超like！超多蔥同豬肉好夾，忍唔住一下清曬！麵食我地叫咗個皮蛋醬拌拉麵，雖然係賣餃子但呢個麵係全場冠軍🥹真係好好食，啲芫荽同皮蛋醬加埋辣，真係好夾！老公爭住食下食下食鬼曬🤢忍唔住為咗呢個麵過咗幾日再返去食🤣小食我地再加咗個味噌大根，大根煮透心好鮮甜，如果可以切細啲就好啦😛涼拌菠菜非常特別，一般都係韓式做

之前已經知道呢間餃子店大名鼎鼎，今次經過紅磡特登入去試一試係咪甘西利大蔥牛肉餃+大葉雞肉煎餃（$48 + $6）叫左煎餃雙拼8隻，狀態係煎餃同炸餃中間✨牛肉餃一咬爆汁亦都好明顯食到佢係好新鮮牛肉整成嘅餡，另一款大葉雞肉餃仲surprise🥢雖然佢冇爆汁，但係呢款餃喺平時嘅餃子店都好少有，食落去有好香嘅紫蘇葉味，雞肉紮實大舊，個餡比牛肉餃多，大到我一個口都食吾曬！超推🤍煎餃點特製嘅檸檬汁口感更佳！比起醋更加夾鮮蝦帶子餃+香蔥豬肉湯餃（$48 + $6）湯底係純雞湯！好似屋企煲嘅湯，食完餃子可以完全飲晒🙂鮮蝦帶子係超驚喜！大大粒帶子喺入邊，加埋蝦係超清甜！一啲味精都冇食完會頸渴，個餃子皮亦都好薄剛好！香蔥豬肉餃就正常發揮，係好食嘅，但帶子餃真係好食到超越其他餃子！Overall自己私心係鍾意湯餃多d🤞🏻麻辣雞絲拌麵（加購$30）揀左冷麵同少辣，冷麵原來就係蔬菜麵，麻辣雞絲份量幾多，佢係用辣油同辣椒籽尼拌，雖然叫咗小辣，但食落好真係幾辣下！！要瘋狂飲嘢解辣，嗜辣人士可以挑戰吓🔥菜譜（free)辣辣地同食到好多隻蝦炒香左既味，超推薦要試下真係好香好香！

餃子店特別多食字🤭今次又收獲一間餃子🥟餃子款式都幾多 仲係店內即包餃子！最中意佢可以雙拼😌🔻椰菜豬肉餃 ($40/6隻)爆餡款🤣漲卜卜食得好好痛快唔會太重口味 清淡之選🔻鮮蝦帶子豬肉餃 (+$8)海鮮餃子！蝦同帶子都大粒 值得一試🔻大蔥牛肉餃 ($48/8隻) (+$6)牛肉好juicy 個性十足重口味朋友必選😙🔻芝士辣雞餃 (+$6)呢個有驚喜 估唔到芝士味咁出🧀整體唔算辣 怕辣都應該食得到😉麵/飲品/小食🔻花膠雞絲湯麵🍜 (加購價$35)必食推介！湯濃稠 不是味精味！好飲💕麵條分量唔少 很飽🔻可樂 (加購價$8)飲品有冷泡茶及汽水加購價唔貴哦～🔻涼拌菠菜 (加購價$15)加左柚子幾清新 山藥售罄 希望下次試到啦