影片
以上资料只供参考，请与餐厅确认详情
招牌菜
2008年12月28号 - 下午1点左右今日去左花园街。 去左果头行左一阵同埋经过一个好nice (超级nice添) 的auntie教我织冷衫之后, 我就去找野食la。 今日去到一条我不常去的区。 虽然也是花园街, 但是太子道西以北的花园街。 见到"劲好味大碗面" (有电视看新闻) 就入左去试试。入到去就看看他们有什么野食。 虽然他们主打的是面, 但是我见下午时间就比较钟情饭多D。 我最后拣左个香茅鸡扒煎双蛋(26)+冻奶茶(+6)。当我等我的午餐的时候, 我就慢慢留意同欣赏他们的装修。 我觉得这餐厅好舒服, 但是D凳有点硬。 他们的价钱都可以说平。 可以接受。等左一会儿我的奶茶同饭来la。 试试先。 冻奶茶的味道好好同够甜。 饭都OK, 但是觉得D蛋比较肥腻, 落左好多油来煮。 鸡肉都OK, 主要原因是觉得比较冷一点。 总括来讲都算OK。由于环境同卫生方面带给我一个好好的感觉同埋价钱合理, 所以我决定在 "经济同地道米芝莲" 的环节给他们一粒星。 下次试埋他们的面先。
继续阅读
食左个牛肚..墨丸面..真系好难食...要牛腩汁..但无乜牛腩味..唔明点解车仔面都可以整得咁难食...杯奶荼系暖暖地唔热既... 个女人态度好差....
继续阅读
今晚一个人在花墟行完街,求其揾一间野食. 我见这间有电视睇, 个餐又唔贵, 便入去试下.个大碗饭餐, 有饭, 再加菜同饮品. 我叫了金菇龙脷鱼大碗饭. 心想, 饭又有菜, 又再加一碟菜, 好健康.首先, 佢上菜speed好慢, 等了一会, staff出来再问我要乜野汁. 我话要洋葱汁.到上碗饭时, 上面有一粒疑似曱屎物体东西, 但我又唔系好肯定, 拿走了便算数了.d鱼好咸, 咸到我唔想食, 但无𩠌斋食饭咪好蚀? 所以免强吃了几块. 金菇又好多 "渣".我一心还在等那一碟菜, 可以帮助送饭. 后来佢无再出野比我, 再细心看清楚碗饭, 原来狂旁边加了几条菜. Er...唔通佢poster话个餐送菜送餐饮, 当中所指既就系lee几条菜?! 我再问清楚个staff, 佢话系.由于冻饮加$2, total=$31lee餐, 最好食都算系个洋葱汁o罗! 全靠佢, 我先至食到果半碗白饭.
继续阅读
唉, 点解你地d人话好食架?唔通依家d人食饱左就算?定系d人对食野态度要求低左?上星期日下午, 我同女朋友去左太子睇花, 佢话想食车仔面,于是就拣左依间。入到去, 我女友话我知个收银处旁, 后面有个镜头仔, 真系唔讲唔知,放到咁埋, 唔通唔见得光?入正题, 我同女友一齐叫左个三𩠌面, 不过睇埋餐牌, "热饮加5元, 冻饮加7元",哗!!!开头想唔叫野饮, 不过女朋友要求下, 我叫左杯冻奶茶,而佢叫左杯冻柠茶, 佢饮左后话d柠茶无茶味, 好啖...之后, 个面来到, 佢话佢个面好多油, 而我个面就无, 望落个面卖相ok, 但系食左第一啖后就出事啦,"哗!!d配料冻既,一d都唔热, d面好硬",女友话似烚过黎摊冻左,完全系无心机整的, 一d都无食车仔面的感觉......食完之后觉得好似无食过野咁.......计落一碗面加一杯饮品都要29元, 咁既价钱同质素我出去食四宝饭或云吞面好过,我同女友都话以后唔帮衬劲好味。
继续阅读
星期日返完教会差唔多成2点，落太子揾食，一支公，揾食无要求，随意揾算吧喇，一句讲晒平靓正就得！见到哩间嘢叫“劲好味大碗面”，茶餐厅仔格局，买车仔面，铺面又贴晒杂志介绍嘅文章，不过，稍为吸引我系门口张易拉架海报，下午茶$17，两款𩠌，加嘢饮，所以点都晌花园街兜多个圈等 2:30啦，顺路上埋新世纪广场嘟地铁飞悭2蚊，惠康话斋悭得1蚊得1蚊！下午茶即系下午茶，先前经过客唔多，依家差唔多坐满，你话丫，香港人都好识揾位悭番D！速战速决，两𩠌要沙爹牛同鱿鱼须，配油面（好耐无食过）嘢饮要豆浆（健康D嘛，但系个面又要唔多健康嘅油面，香港人就系咁矛盾），都几大碗吓，份量都算系咁喇，至于味道都OK架，不过用个“劲”字都明知系夸张D啫，话晒收你$17蚊咋，你想点！
继续阅读