加藤屋 (慈雲山中心) (已結業)

我諗以前好多人想食牛肉飯都會諗起吉野家，但其實有一間食牛肉飯嘅日式連鎖餐廳都好出名，就係加藤屋啦。前排好多人都會排隊幫襯加藤屋，所以趁而家加藤屋冇咁墟冚嘅時候，就去幫襯一下。當日去食嘅時候係下午茶，諗都冇諗就叫咗佢嘅加藤牛肉飯同埋豚肉飯試吓，再加左串脆炸瘋薯棒其實味道真係同吉野家差唔多，但係串瘋薯棒真係不得了，就好似去咗長洲食佢哋嘅名物咁，味道就好似KFC嘅薯格嘅味道，只係轉左形狀，一樣咁好味，價錢又抵食，只係$10。雖然只係下午茶份量，但係都夠我同朋友食，下次會試埋佢啲鍋物，總括嚟講加藤屋係超級性價比高，而且不得不支持

好鬼抵食～次次都好飽🙈成日見佢有優惠，有次晚餐二個人，80蚊都唔駛，好抵食（好懷疑佢有無錢賺😂）真係好有良心，而且味道唔錯，二個人都食到好滿足，非常推薦❤️黑椒三文魚鐵板飯，唔會比pepper lunch 遜色，值得試，而且份量比pepper lunch 多！鐵板牛肉飯，惹味～煎雞扒，係我私心最鐘意❤️，雞扒每次都煎得好香，夠乾身，但仍有少少肉汁～以下係配和風咖哩，日式咖哩口味，唔會好辣☺️朋友就試豬扒👍自己幫襯過好多次，無論食邊款，份量都好多，佛心喔～🥰🥰🥰 價格相宜，性價比算高～👍

地方大，清潔乾淨， 推BB車都入到， 仲有條小走廊走。排隊人龍多數外賣， 堂食就多數係鍋物或鐵板。等候時間唔長， 快餐應有水準。特盛牛肉飯，百事走冰牛肉份量多到不得了， 飯都夠2個女仔食，牛肉切到好薄，加點醬汁，話咁快就食完。加藤豚肉飯，家豬無豬肉咁肥， 白白的肉片，加醬汁，非常美味。正價套餐減$10, 原價都唔貴，晚餐仲要減十蚊。實在太抵食，食完再追加烏冬鍋物。真係好美味，湯底好香， 鍋物一直keep住熱度，烏冬彈牙有口感，食完今次又有排減。。非常值得推薦， 原諒我， 太美味一早食曬只有個吉碗。

加藤屋 (English name: Katoya) is a fast food chain that oddly brings you the beef bowls you love from Yoshinoya and the hot sizzling beef plates from Pepper Lunch .. all in one shop! It's like the best of both fast food places in one. An it's also half the price. Boyfriend had been here several times and I was curious. So he brought me to the shop close to his home.Menu is in Chinese but there is an English menu available upon asking. As it's a fast food set up like McDonald's, there is no 10% serv

加藤屋啲野食本身已經夠平 估唔到晚市仲有-$10優惠⋯ 大大碗嘅「特盛牛肉飯」都只係$45 仲有附送飲品 真係大滿足啊🐷😚 而另一碗嘅「日式雞肉雜炊」（轉烏冬）都只係$32，兩個人成餐飯$80都唔洗😂 不過牛肉飯略嫌乾咗少少 但都好食 呢個價錢同份量真係冇野好挑剔啦～ 平靚正 簡直係超高質黃店💛😍😍

加藤豚肉飯 （下午茶 $22）（加麻辣 +$1）（免費配汽水/ 麵豉湯）😆呢個下午茶餐係超級抵食，雖然係細碗，但下午茶黎講非常飽肚，而且麻辣味好夠，肉亦非常易入口，好食！23蚊就食到個飽肚又好食既下午茶，真係抵到爛，出面正正常常都要3,40蚊。黑椒鐵板牛肉飯 （套餐$51）套餐學生有得減$8, 晚市去食所有人都有得減$10，真係好抵好抵！我覺得係超級有質素，份量又多，價錢又平。牛肉唔會太硬，個汁又唔會太鹹，10分可以俾足10分，真係好好味！黃店連鎖店，學生哥都食得起，一定要去懲罰！💛😆

好耐之前就聽過加藤屋又抵又好食，終於搵左一日特登上慈雲山試下佢，又真係cp值極高喎！我同朋友分別叫左日式牛肉雜炊同埋咖喱牛肉飯～湯底我就揀左日式濃湯，好重牛肉味，雜炊入面有菜有肉有烏冬，絕對唔係劣食！另外朋友既牛肉飯牛肉份量都唔少，咖哩香口，但有啲大食既佢話唔係好夠飽，咁既價錢叫多份都唔肉赤haha晚市可以減10蚊真係好匪夷所思，好似係慈雲山店獨家優惠黎，70蚊可以餵飽兩個人，諗唔到唔多啲黎食既理由！

終於有機會試下佢個鍋物😀堂食唔算太多人，多人外賣自取啦📸 鍋物定食 配雞肉 $43 (晚市堂食減$10!! 外賣好似係減 $8! ) ⠀⠀⠀揀咗壽喜湯底😛 個鍋好似食極都有咁😳

💛💛💛黃店推介💛💛💛慈雲山、深水埗、太和、屯門都有分店嘅加藤屋曾經多次為公義發聲、參與罷市。我哋兩姐妹都成日去「懲罰」佢咖😋今次就介紹食慈雲山嗰間加藤屋嘅經驗店面唔算大，每個座位都唔算闊落，而且人流幾多，唔係一間可以坐得耐嘅餐廳。但加藤屋勝在抵食！一個餐四十幾什至三十幾蚊，仲經常有減5蚊/減10蚊嘅優惠，抵到爛呀！有時都好疑惑究竟加藤屋係點賺錢咖🤔雜炊泡飯配雞肉（$38）加藤牛肉飯（$35）每個套餐會配一杯嘢飲，可以揀玄米茶或者汔水。都可以另加一啲小食 例如生菜 等等😋

呢間出名深黃嘅日式飯店，以前唔多覺眼，有啲似吉野家，但多款式好多，本人覺得好食過吉野家好多倍辣味豚肉飯成過幾次呢個飯，平時食開牛肉飯因為中意啲牛削得夠薄夠入味，有次阿媽推薦食豚肉，佢話好似牛咁薄，一試就愛上感覺豬比牛健康，未食過削到咁薄嘅豬，啲辣味同啲豬好夾，好開胃外賣會將啲豬肉同飯分開，食先倒落啲飯撈埋，好貼心而且款式多過吉野家，食過加藤屋就唔洗再食吉野家另外仲試過咖喱豬扒飯同鐵板牛肉飯，水準一樣不差，價錢平宜，只係各分店都比較偏僻，去開附近一定會食

黎親女朋友屋企附近呢都唔知食咩最近呢就發現咗有加藤屋今日就一是究竟咁自己就要咗個牛肉飯鐵板嗰隻味道都唔錯而且呢佢上嘅食物夠熱最緊要係超級平連埋嘢飲夜晚仲要有得減價連埋個蝦嘅小食先係$50落樓

日式牛肉鍋定食 ($45)配大大碗白飯、泡菜同汽水/玄米茶/麵豉湯，湯底我揀咗壽喜燒日式濃湯，甜甜地好開胃呀，另外仲有清湯、味噌湯同麻辣湯(微辣至中辣+$1 大辣+$2)。牛肉份量都幾多下，肥膏唔多，其他材料仲有雞蛋、蟹柳、獅子狗、金菇、豆卜、娃娃菜、木耳同粟米，十分豐富，學生優惠減$8=$37，又平又好食又有良心，大家快啲去懲罰佢，抵制吉野家！

又係一間有參與罷工既小黃店💛同埋佢有好多學生優惠 碗碟都黃過人 仲要真係大件夾抵食 不得了😎😎·野菜雞扒飯 $33雖然佢個樣同吉野家一模一樣 但係佢個味唔同既 不過佢個雞扒都好有誠意😍😍好味😋·壽喜燒湯底豚肉鍋物 $33個湯底幾好味 不過油左少少 個豚肉出乎意料幾好味😍同埋個鍋其實有好多野 有椰菜 菇 粟米 木耳絲 蟹棒 真係好有誠意😌😌·

話說我響慈雲山返工，放飯當然去附近嘅慈雲山中心搵食。呢間加藤屋，我想食好耐，不過次次撞正學生放飯時候，坐滿晒成間舖，遲遲都唔可以試下。今日，學生放聖誕假，我呢啲打工仔終於可以懲罰下佢喇。我叫左個招牌牛肉飯，$35包野食，飯嘅份量超多，對於我一個女仔嚟講，係超級飽！！！回想起以前食嘅另一間連鎖牛肉飯店，份量簡直無得比，多出半倍。但價錢係佢嘅一半！呢個良心價，真係幫到好多學生，同樣都幫到我呢啲月尾窮到爆嘅打工仔，簡直係窮人恩物。

話說哩間野當初開左好奈（差唔多有半年甘濟都開鋪，我都仲以為開唔成）點知終於開左啦，一開始都唔算多人食，次次隔離“譚仔”條龍都比佢長直至佢開始左“減價$15”有我最愛嘅鍋物梗系要試下有清湯/壽喜燒/麻辣+$另外就仲有牛肉/豚肉/雞肉（唔同價錢，$2～$3差左右）甘我就要左牛肉配壽喜燒 要烏冬入面啲配料幾多（雞蛋/金菇/木耳/豆卜/獅子狗粟米/椰菜/鮮冬菇/蟹柳/牛肉）我哩個餐減完個$10優惠甘大配甘足料都系$28試問依家邊到有$28蚊比你食到個甘嘅晚餐哩度都系唔洗$20嘅加配價留意番喔依家變左減$10啦