加藤屋 (慈雲山中心) (已結業)

加藤屋都開左一段日子 第一次食😋😋嗌左兩個鍋物定食 有白飯有泡菜我地嗌左...牛肉(清湯)雞肉(壽喜燒湯底)勁多野食 包埋野飲 都係30幾40蚊！仲要啲食材唔係差，又多料，之後都會瘋狂幫襯☺️

不得不說呢間野真係冇得頂無論係食物 服務 價錢CP值爆分既一間舖首先呢間黃色小店我地先唔加分呢個鐵板牛肉加碗麵豉湯42蚊呢個餐係男朋友叫既 但因為我個個仲未到幫我等所以遲遲都冇掂過跟住有位姐姐就過黎拎起隻匙羹比我話：阿妹 快啲撈撈佢 唔係啲肉有啲會唔熟同埋芝士唔溶~你話平時個啲點會理你我呢間牛肉鍋物仲誇張一鍋一飯一泡菜一飲品本身佢正價都已經好平43蚊但佢而家再減10蚊我地兩個餐先食左75蚊晚餐喎 係邊到搵呢個牛肉鍋仲要都幾多肉多菜啦 有半隻蛋 獅子狗 蟹柳 豆卜叫左壽喜燒湯底冇得輸

一入間舖多人到傻咗，排隊買野食條人龍由收銀排到出門口良心企業多人撐係正常嘅第一次試麻辣牛肉飯(中辣)，叫埋多汁好入味，仲要少少痺嘅感覺，食得辣嘅會好鐘意。另外加咗個小食，粟米薯餅都唔差重點係價錢，所有野加埋 $22 咋，係咪痴線架!!

上forum見到咁多人大推，本住試下的心態來食。結果好有驚喜wuahhhhhhhhhhhh！叫左兩個牛肉鳥冬鍋，兩個餐加埋只係$55！！！！！！omg，我見所有人見到自己張單都呆一呆，以為收錯錢，點知係慈云山分店最近做緊promo，每個餐都會減 $15......唔怪得之等位等左咁耐啦........$55兩個餐，佢會唔會蝕本架!份量岩岩好，男人食都飽肚！牛肉份量都唔細，都有成 5-6 塊大大塊的肥牛。其實佢個湯底係吉ｘ家濃湯火鍋鍋底，exactly the same。配料都係。不過就算冇減＄１５的promo優惠，都平過吉ｘ家呀　：）＊重連野飲架！希望佢可以周圍開多ｄ分店啦，簡直係窮人恩物ｏｍｇ

好耐都無食過牛肉飯啦，住黃大仙其實從未試過上山搵食，但今次就步行上山去試一試呢間傳聞中嘅抵食良心食店係咪真係咁抵食。係黃大仙行上去其實都係4個字左右，由地鐵站行到上聖文德堂再上少少已經有升降機接駁，比想像中輕鬆。初初入去人稱「慈中」嘅慈雲山中心搵咗好耐都搵唔到呢間加藤屋係邊，原來係最底層地面向馬路，而且外牆剛好維修，地理位置有點兒難發現。但去到門口就會見到黃到發光嘅裝修，仲有幾個banner 有做緊嘅優惠，下午茶做緊$15 起，學生叫套餐減$10，仲有晚餐套餐減$15。望下menu 有咩食，全部都平。下午茶飯都係$20~$26，仲平過去食茶餐廳。(雖然無問到邊樣係$15)食正常午餐嘅，鍋物都係$40蚊左右連飲品，普通飯餐都係$35蚊起跳，最貴都係講緊$50蚊左右，晚餐減埋即係$20~$35 食到個飯，咁平咁有良心嘅價錢呢啲時間仲可以係邊度搵?價錢咁平，咁會唔會將貨就價呢，一於叫個鍋物試試，呢啲鍋物係出面日本餐廳食都講緊$6-70蚊起跳，點咗個牛肉鍋轉烏冬，賣相非常可以，用料都非常足，牛肉唔係得啲剩肥無肉嘅肥牛，其他材料仲有粟米、撕子狗、蟹柳、雞蛋、木耳、豆卜仲有菜，唔錯，雖然壽喜燒湯

今日同朋友去左加籐屋食個下午茶,嘩,真係一間良心舖頭,香港地百物騰貴,依家15蚊仲可以食到個牛肉飯連野飲,扺到你唔信,去邊處揾？成間餐廳環境舒服,地方乾淨光猛,很快揾到位,由於人流多,野食超级熱,我和朋友叫左兩碗肥牛烏冬和一碗牛肉飯,連野飲,承惠49蚊,D肥牛唔肥而且新鲜,烏冬非常之滑,可以一食再食.本身加籐屋野食都唔貴,但它晚市每個餐可再減15蚊,學生哥着校服又可減十蚊,所有下午茶都係15蚊起,真係一間良心舖頭,可以多多幫襯,一食再食.

第一次嚟呢度食 之後都真係幾驚喜下叫咗個日式雞肉雜炊 轉烏冬 清湯底講咗個湯底先啦其實本身有諗過揀壽喜燒嘅但因為見到有人話太鹹 所以就轉左揀清湯但。。。其實清湯我都覺得偏鹹（不過利申係非重口味人士 所以我諗大眾應該都普遍覺得接受到）但係最開心嘅事佢有好多好多嘅菜椰菜金菇木耳粟米 （粟米好多渣 其他都正常水準）仲有獅子狗 蟹柳 豆卜 大佬啊咁嘅質素$38邊度揾！烏冬都好抵讚 係我鍾意嘅質感 彈牙㗎！ 如果丸龜嘅烏冬彈牙程度係 8.5/10 佢都有大概6.5-7/10!同埋烏冬份量算ok不過雞肉佢就份量唔係話超多 同埋比較多肥肉嘅順道一提呢度啱哂我呢啲毒食客 唔算話好多人同埋有啲2人位都幾有私人空間

呢間加藤屋開咗好耐都未有機會去試，今日又同男朋友一齊去食下。作為日式快餐店來講鋪頭有少少細，人唔係好多，但係見到Menu上面選擇都唔少，唔使成日食吉野家。今日仲有做優惠添。每個餐減$15。你冇睇錯係減$15 ，係$15。我哋各自都叫咗個牛肉鍋壽喜燒湯底，飲品就揀咗麵豉湯。味道幾好，份量都夠，幾分鐘就可以食。而且每個餐減$15真係難以置信，應該早啲嚟呢度食。佢算係一個好嘅平民美食。大家有機會經過都可以食下。

放假出街搵嘢食，發現呢間新開嘅加藤屋，好似都幾多選擇，所以就決定試吓。佢嘅嘢食大致上分為三類: 鍋物、丼飯同鐵板燒。因為佢嘅鍋物實在太吸引，所以我哋分別嗌咗牛肉鍋、雞肉鍋同豚肉鍋。豚肉鍋定食有一個鍋物再加一碗飯同埋一小碟泡菜。牛肉雜炊同埋雞肉雜炊就可以揀拉麵或者烏冬。鍋物嘅內容好豐富，除咗有好多肉之外，仲有半隻蛋、椰菜、蟹柳、獅子狗、豆卜、金菇、冬菇、粟米、木耳絲等等，40幾蚊有咁多餸，真係好抵食。個人認為豚肉最好食，肥瘦適中。牛肉同雞肉就正正常常，冇乜特別。佢嘅日式濃湯底好濃好夠味，不過食多幾啖就覺得有少少咸，希望可以改善下啦。

放假成日同男朋友好晏先食lunch，當周圍都要等位時，我地最愛去呢度又好食，又快，又少人 我最中意呢個湯拉麵，超級足料！除左有蛋、粟米、黑木耳，佢仲有菇、獅子狗、金菇等等佢既麻辣湯底真心好正～ 而且用個熱鍋上，一路食都可以keep到溫度，呢個價錢黎講實在抵到爛男朋友就中意食呢個鐵板三文魚飯，我覺得都好食！不過就偏咸左啲，但同樣都係極多料～ 追加左車打芝士，成件事更正最抵係佢加$6既小食，呢個粟米薯餅一啲都唔頹，即叫即炸熱辣辣，好香薯味，仲有好多粟米粒呢個炸蝦角都好正！入面真係有一隻蝦簡簡單單但都覺得好好食。 誠意推介呢間快餐！我覺得性價比極高，呢啲既姐姐服務態度都勁好，係度用餐既感覺好良好，絕對係價廉物美大愛！