加多娜天然酵母手作麵包店

营业中

休息中

嘉多娜法式布甸飽.喺綱紅了一段時間.但因為時間及排隊嘅關係.所以一直都無機會嘗試！見今日有點時間.所以我專程去排隊買俾家人品嚐.佢哋出爐時間喺下午四點半及七點半.去到嘉多娜剛剛四點正.見到條人龍排到過咗OK便利店.唯有跟著龍尾排隊.真係誇張.已經過咗咁耐日子.還有這麼多熱愛美味布甸飽追求者.排了半小時.見人龍開始郁動.跟著人龍郁動咗大蓋20分鐘.逐知輪到我哋啦！我哋要咗兩盒共八個.分別原味四個原味.兩個抹茶紅豆麻薯味兩個.黑白竹炭芝麻味兩個.合共有八個.店舖姐姐為咗方便我哋分開取走.所以把唔同味道嘅布甸飽分開兩盒.真係細心.令外最值得讃係囡囡又要出錢又出力.低我😘愛錫佢.囡囡同埋我各自分開取一盒回家品嚐！

法式麵包布甸超多人排隊買食香港人對於包真係情有獨鍾超級瘋狂~人龍兩行咁啱嗰日落雨少人牌先試下新鮮出爐果然餡料同包都勁好食第一次食同朋友分享一齊食好滋味大贊識食👏

行過油麻地見到有間麵包舖非常多人人龍有增無減立即使出八卦本能原來係最近好hit既網紅布甸麵包好奇心驅使我排隊買吃到嘴裏第一啖就覺得好驚喜奶香味非常濃烈配外層既法式麵包超！級！好！味！

➲油麻地 嘉多利天然酵母手作麵包店今次去咗油麻地店，16:30 出爐，15:30 開始已經有人排隊，大概16:10 開始賣。運送要小心啲，嘉多娜嘅布甸包超級流質，好容易倒瀉。布甸泡芙就係佐敦店先買到，油麻地店係無㗎。15:00 出爐，15:15 去到都仲有，而且無人龍，可能佐敦店偏僻少少無咁多人。➳ 原味法式布甸包 ⁽⁹/¹⁰⁾Size較紅荳烘焙細，布甸漿十分流質，一切開即刻流晒出來，雲尼拿同蛋味好濃，食多咗有啲膩，法包皮好薄，但係唔脆比較難咬，厚返少少口感會好食啲。➳ 京都抹茶紅豆麻糬布甸包 ⁽⁸/¹⁰⁾濃抹！抹茶布甸漿無粉感，麻糬軟淋淋，唔難咬，但亦唔煙韌。包體一樣無乜厚度，比較難咬、唔脆身。紅豆大大粒，粒粒分明，係無加工過糖漿。同埋要好小心食先可以啖啖食曬紅豆麻糬同抹茶布甸漿。抹茶色應該唔係天然，食嘅時侯滴咗落枱墊染咗色，抹極都抹唔甩。➳ 黑白布甸包 ⁽⁷/¹⁰⁾黑白布甸嗰漿係燉蛋白，個包唔係滿曬漿。面頭成個白色加埋啲黑芝麻，好日系。上層燉蛋白，底層芝麻漿。好似食緊芝麻糊，超級濃郁。布甸一樣好流質，一切開即刻流曬出來，完全影唔到切面。包體係竹炭包，比原味嘅法包脆身。➳ 布甸泡芙

經過大熱麵包店，發現咁啱係法式布甸麵包嘅出爐時間，大概排咗15-20min就買到喇！上網睇依間店嘅出爐時間分別係4:30pm & 7:30pm~.🔸原味法式布甸麵包 $15喺室温或者攤凍咗先食嘅話，麵包會比較韌，但冰凍又濃厚嘅布甸依然好滑💕只要放入焗爐焗大概150度約10min，麵包就會變得外脆內軟，裡面嘅布甸仲係有少少凍冰冰，又熱又凍好好味✨.🔸黑白燉蛋布甸 - 左 $23麵包同原味一樣，只係將原味布甸餡換咗芝麻同牛奶燉蛋口味，鐘意濃郁芝麻味嘅朋友應該會好鐘意~.🔸抹茶紅豆布甸 - 右 $23抹茶紅豆味嘅布甸麵包比原味再細少少😅抹茶味苦澀中帶少少甘甜，紅豆好大粒而且幾有咬口，布甸依舊好滑！裡面仲有一粒好煙韌嘅麻糬~🔸開心果泡芙 - 前開心果味餡味道都唔錯啊~.🔸紫薯麻糬麵包 - 左麵包好軟熟﹑紫薯餡亦唔會太甜，裡面仲有一粒細麻糬，不過麵包都幾細個啊🔸芝士 & 芝麻貝果 - 前 & 後睇落好唔起眼嘅bagel居然幾出色🤗同樣放入焗爐焗大概150度約10min，bagel算幾煙韌，唔會太軟或者過硬，係我鐘意嘅口感啊！裡面仲包咗芝士或者芝麻醬餡，除咗原味法式布甸，bagel都係要必買啊‼️

每星期返學前後，總會經過這間經常人山人海的麵包店。今日心血來潮，想請好東西給同學老師。看看先！猜猜這是甚麼！？新的！蕃茄芝士蔬菜包 HK$17.00/2個，噢！我們眾人都是第一次見和品嚐這款新的麵包。我很喜歡它的大小，如半隻手掌，剛好不太多！除了份量之外，我們都覺得好味感覺好似吃 芝士蕃茄披薩 pizza，我只是買了 HK$51.00 就有6個，再把每個一分為二，總共有12份。大家食到啖啖芝士，個個舔舔脷！

嗚哇 撞過板好多次 但值得的 超好吃！以前唔識 去其他分店問有冇抹茶布甸包佢哋都話碧街呢間先有 之後就喺公眾假期去先知公眾假期唔賣:’3 最後 竟然係前幾日五點幾經過 見到有得賣就排隊然後買到QAQ▫️京都抹茶紅豆麻糬布甸包 [$23]😭好好食啊 💚抹茶夠濃 布甸口感香滑 唔太鍾意紅豆嘅me ❤️見到咁大粒紅豆都忍唔住食 🤍重點係麻糬！！夠Q唔痴牙 plus抹茶布甸 味道口感一流 真心讚 值得QAQ包嘅質素當然唔使講 夠軟熟 就算雪過都唔會過硬▫️黑白布甸包 [$23]咁正得唔得架 黑芝麻好似芝麻糊咁 加上上面嘅牛奶布甸 一齊食就係充滿奶香嘅芝麻糊咁成日布甸加麵包咁食 REALLY AMAZINGY🖤🤍

每次經過都排曬長龍，麵包布丁hit左咁耐都仲排得咁誇都幾勁，我就未有興趣排埋一份😵‍💫所以就行入去睇下有無其他野岩，鋪頭細細，有好多特色麵包，有mini bagel 🥯 $17/2，原來仲有樣野叫布甸泡芙竟然唔洗排隊可以自己夾~買左個布甸泡芙$20，係脆皮泡芙，一咬未食到布甸，第二啖就食到，之後就要好小心咁食，最好個口有咁大得咁大咁咬，每啖都超級爆漿🤭💛布甸好滑好流質，亦都好香，不過我就覺得偏甜左小小，但又未到螞蟻甜🐜第二啖👇🏻第三啖 超爆漿😽✨如果比條隊嚇親，可以行去望望有無泡芙，唔洗空手而回😏

好興奮！我成日黎買吐司食都會順便留意下有冇得買布甸包，今次大約7pm經過竟然仲有得買，仲要只得10人左右排隊！呢幾個人氣產品岀左咁耐，我終於買到啦 美中不足係買唔到原味布甸包！值得一提：之前試過買原味布甸包拎去氣炸，個外皮會變得好脆卜卜好似法包既外皮，但入面既包口感好煙韌，而且內餡會變流心同香味好濃郁，整體超好食！京都抹茶紅豆麻糬布甸包（$23）：餡料好正！抹茶味超濃而且有回甘，配合又甜又大粒既紅豆食真係好夾。紅豆口感硬身，同超Creamy既布甸一齊食，個層次感好豐富！身為煙韌麻糬控，有少少失望因為食落麻糬個存在感超低，只係切開個包見到有少少白色麻糬...咬落可能佢完美融入左個餡到，所以食唔岀咩味咩口感除左布甸，包都好重要！今次食覺得整體包既大小好似細左。餡相對都較少，所以大部份時間都係淨係食包。包冇咩特別味但口感又冇之前食原味咁Chewy，今次食個包係較硬身，要用力撕用力咬先分開到…另外黑白布甸包既芝麻味好香好突出，但我食唔岀白色係咩味，個包都係覺得硬左啲…總結：有啲失望…可能係原味既布甸包太驚艷太好食，導致對呢幾款產品既期望太高…下次都係會再黎買包，但唔會再買呢3樣了。

嘉多娜天然酵母手作麵包店 (油麻地)$23 京都抹茶紅豆麻糬(8/10🌟)搽茶味道好特出，甘香。紅豆大粒。麵包外層明顯較靭。$15原味法式布甸(8/10🌟)同布甸泡芙味道好似，而麵包外習會相對煙靭。$20 布甸泡芙(8.5/10🌟)好多好多吉士，但唔會太甜，泡芙頂部似曲奇碎，好食。📍油麻地碧街54號地舖其他分店：📍佐敦文苑街1-23號文英樓地下1號舖📍何文田窩打老道69號地下C2號舖#麵包 #布甸 #泡芙 #嘉多娜 #香港美食 #油麻地美食

個個都話嘉多娜個布甸包好食，日日都排長龍又盛，仲唔少名店小店爭相推出布甸包搶客。是日見排隊嘅人唔算太多，就抱住一試無妨嘅心態去買下。約有十幾個人排緊，條隊好守規矩，仲去得好快添，一陣已經買到。買左一個原味同一個綠茶味試下，其實是日仲有款黑白芝麻味，不過留返下次先試啦。睇個樣又真係唔錯，拎上手仲係微暖嘅。晏晝買擺到夜晚先食，見有人教用氣炸鍋返熱，咁就試下擺落光波爐返焗一下啦，焗緊期間真係香噴噴。出爐～外脆微溫，布甸餡仲係凍，切開仲布甸流心，甜而不膩，滑溜溜有蛋香。另外綠茶味都好正，綠茶甘味帶苦澀，紅豆甜甜地中和返個綠茶，平衡做得好好。價錢貼地又好味嘅布甸包，唔怪之得咁多人排隊買，雖然人多都做唔切，但店員態度仲好友善，支持！

有一晚突然之間好想食甜品咁啱朋友嚟探我佢買咗呢款布甸麵包佢本身唔識得間嘉多利餅店佢只係經過間舖頭見到有人排隊就買咗嚟探我哋啦之前經過呢間餅店都想買來食但因為未出爐所以買唔到今次突然之間有得食所以特別開心食完晚飯之後我係首先將佢焗熱翻嚟食我最鍾意食原味唔係誇張但真係好香蛋味同埋見得到佢個蛋漿要流出黎嘅時候感覺非常之治癒佢本身都好嬲所以食1/2至1/3 個就已經啱啱好食晒成個嘅話MUV就好低啦我覺得大家都可以試吓放啲生果上去切個笑臉出嚟都好開心

一個普通星期二，五點幾行過，見只有10幾人排隊，碰下運氣，咁就買到(對我嚟講係)新嘅「豆腐芝麻味🖤🤍」同埋「抹茶紅豆味💚❤️」。【雪咗兩日，雪櫃拎岀嚟，再焗5分鐘】可以做到外脆，內軟⋯⋯『豆腐芝麻味🖤🤍』先食白，再食黑，豆腐清淡、芝麻濃郁；⋯⋯『抹茶紅豆味💚❤️』大大粒紅豆，煮到啱啱好咬到，但唔係淋晒；抹茶層甘甜⋯⋯比起上次室温食，我鍾意今次「稍為焗香」嘅version 。📍嘉多娜天然酵母手作麵包店 (油麻地)油麻地碧街54號地舖。好味指數：🌕🌕🌕🌕🌑回味指數：🌕🌕🌕🌕🌑

🌟🌟小小願望達成✅⁡之前一直都好想試嘉多娜新口味嘅布甸包🍮，可惜一直都未有試間去排隊呢～⁡⁡今日喺附近做嘢早收工，終於可以排隊買布甸包😁～⁡雖然熱潮好似過左，16：15去到都見到排隊嘅人龍。果然布甸包唔可以睇小🤫!!!⁡油麻地店有原味，🍵抹茶麻糬及⚫黑白口味～⁡⁡🍮原味⁡一如既往，布甸香甜濃厚，滑溜口感🥰~⁡🍵抹茶麻糬⁡布甸比例比較少，質感似抹茶生朱古力😍，濃郁抹茶味，大人苦甜口味😋~⁡麻糬QQ軟糯❤⁡⚫黑白⁡黑芝麻味道濃郁😍，甜度不高，布甸照樣滑溜😍⁡⁡下次要去佐敦試埋🍫朱古力味先🤩!!!⁡

好味指數😋😋😋😋回頭指數 ⭐️⭐️⭐️開心指數🤗🤗🤗之前朋友特登去買呢間餅店何文田分店嘅法式布甸麵包俾我食，我真心覺得好食！我一直都知道油麻地店，係有出另外兩款味，不過每個人都講話要排隊，所以都冇諗過要專登去排。有一個平日嘅下晝，我4點鬆D 響附近，我知道佢嘅出爐時間係4:30pm，就諗住去睇吓多唔多人排隊，諗住唔排得耐就買嚟試吓。我大概4:15pm 左右到，見到有20人左右排緊，因為店舖已貼出每人每款限買2個嘅告示，即係一定買到啦，我就即刻排隊。4:20pm 左右，條人龍開始郁，10分鐘都唔使就入到店，店員已經一早 pack 好晒各種購買組合，講要咩就即刻攞一盒俾你睇啱唔啱，俾錢就走得，買完都只不過係4:30pm，成個過程都幾快，我隨即摸一摸個盒，原來係凍嘅！我一路都響度諗，呢兩款布甸包係凍嘅，咁究竟係熱食定係凍食呢？但我自己又唔太鍾意食又凍又韌咗嘅法包，所以都係用氣炸鍋整返熱食。🍴黑白布甸（$23）竹炭包比較軟身帶煙韌感，因為整熱咗再切開，布甸直接爆漿，白布甸（應該係蛋白布甸）同黑布甸（黑芝麻布甸）已經大致混合咗啦，兩者都非常滑，但基本上一啖食落去，會俾香濃嘅黑芝麻味蓋過，後尾搵返啖蛋白