加多娜天然酵母手作麵包店

营业中

休息中

每日都大排長龍，吸引一眾食客慕名而來的法示布甸這個法示布甸主要由蛋漿和外層的麵包組成。先講蛋漿部分，整體而言蛋香四溢，口感綿滑細膩，味道甜美可口。師傅用上德國淡忌廉加丹麥全脂牛奶，用料脂肪愈豐富代表味道愈邪惡，事實上的確如此。至於麵包部分，食落口感頗像傳統法棍🥖，煙韌有咬口有撕扯感，但又比傳統法包鬆軟唔硬身，原來當中又有巧思。與傳統法包相比，師傅開粉時用多了一定比例的水，以致麵團濕度增加，故焗起的成品更加鬆軟。總括而言，嘉多利的法式布甸蛋香四溢，口感綿滑，味道甜美；法包鬆軟，煙韌可口。15蚊見小店巧思，性價比十足。備註：星期日及公眾假期法式布甸暫停供應，有興趣的食客請留意。#sj_foodmap

I like transitional bread and bakery house. everytime I go to ham tsim kong district, I go to this bakery house.$15 french style budding , queue for 20 mins and allow to purchase max 4units for each person. only supply on weekdays and sat (except sun and public holiday)filing is smooth , taste like condensed milk ,rich in favour.

📍嘉多利餅店📍身為麵包愛好者嘅我要同各位分享呢間小店📢📢 嘉多利餅店 📢📢雖然係一間街坊麵包店，但佢地賣嘅麵包好好食，性價比都好高💛真喺臥虎藏龍！每次經過都忍唔住要買！今次要介紹最近仍然好hit嘅法式布甸包🍮($15)！上網已經見到好多食評，幾經辛苦終於食到！依架只有佐敦同油麻地分店先有，售賣時間都唔一樣㗎！佐敦下午一半開始派籌，油麻地就四點會出爐一轉🕺🏻今次喺油麻地買，未到四點已經有一條長長嘅人龍，店員會預先將布甸包裝好，所以只可兩個或四個咁買。法包外層脆得嚟又有咬口，裏面嘅布甸好出色，又滑又香，屋企人食完都讚好！（p.s 布甸包雪完用焗爐或氣炸鍋加熱一陣都好好食，外暖內凍！）除咗法式布甸包外，我仲好欣賞小店嘅丹麥吐司同芝士粒吐司！芝士粒吐司好足粒，每口咬落都有芝士，好滿足！丹麥吐司都好出色，稍為烘熱已經口感鬆脆🤤圖中嘅3Q餅就較為普通，入面有肉鬆、豆沙、麻糬同鹹蛋黃等。總括而言，身為麵包愛好者嘅我真係食得開心又滿足，仲要係良心小店💛.推薦指數：🍞🍞🍞🍞🍞（5/5）

唔太起眼嘅一間麵包舖～ 都係經朋友介紹先至發現原來呢間自己成日路過嘅舖頭係人氣麵包點！😋🤤所以就即刻去咗試喇～果日就買咗栗子同紫薯包兩款包都係一咬落去就係餡 滿滿嘅栗子同紫薯蓉🤤 紫薯包入面仲有麻薯 口感好豐富個人私心中意栗子🤤🤤 真係好少有栗子包係咁足料 有唔會太甜🤩🤩平平哋就食到鬆軟足料嘅麵包 真係超級推薦！下次都想試埋個布甸麵包😍 睇下係咪咁好食！但係次次經過都排長龍 可能要買真係要出爐前早啲排定！

之前食過好多佢哋嘅產品，例如迷你bagel，覺得佢哋價格實惠，質素中上，正正常常咁啦不過之後出咗呢個法式布甸麵包，超級多人排隊，心諗應該同之前嘅質素差唔多，都只不過係正正常常。今次經過見到好多人排，不過我就超級得閒，所以一齊去排隊，想試吓咩味！哈哈！佢哋已經袋好咗一盒四個，或者一盒兩個，我買左一盒兩個試吓。拎到返屋企，即刻食，以為好普通，原來幾好食😋，中間其實唔算係布甸，好流質，系好濃郁的吉士忌廉！

迪麻地唔太多靚麵包店嘉多利就係其中一間 相信大家都一定聽過 因為近排個 法式布甸麵包🇳🇱真係好大熱原先今日都諗住去買 點知佢16:00同19:00先出爐但係佢其他麵包都相當吸引 有傳統麵包: 菠蘿包 雞尾包 有啲小甜西餅 同 傳統椰撻 蛋撻今日就買啲新式啲 特別啲嘅款式1️⃣紫芯麻薯 ($18/3個, $6.5/個）面頭加咗紫薯粉 麵包圓碌碌 細細個一個人食啱啱好 (可能唔夠食添🙈)麵包好鬆軟 食落超有質感麵粉靚 似湯種麵包切開超靚 見到大量真嘅紫薯蓉🍠之後下面有白食厚厚一層麻薯食到好香好出紫薯味 但係唔過甜麻薯好得意 非常之黏 少少煙韌不過自己原先麻麻哋麻薯味道 所以俾4星2️⃣栗子合桃包 ($18/3個, $6.5/個）呢個同紫薯包一齊買 外形一樣 只係冇紫薯粉起面所以麵包一樣質感好好佢個餡一樣爆曬出嚟呢個係栗子蓉🌰加埋少少大大粒嘅合桃栗子蓉比起紫薯蓉甜啲 但係栗子味都好出 口感似芋泥咁 又幾滑合桃就好香脆 估唔到幾夾味呢個好食 值得試3️⃣提子合桃法包 ($15/2個, $8/個)呢個係我一見到已經揀咗嘅包佢size比上面兩個大同厚 同埋係長方形佢連麵包質感都好唔同呢個唔係軟熟個隻 而係硬身

終於試到嘉多利既名物啦😚聽人講未開賣就有長長既人龍🥺有人仲預早一小時排隊呢🥲果然名不虛傳😗食落超有蛋香味 咬落十分滑溜😚有人話焗完之後會更加好味😙所以我就用咗200度焗5mins👩🏻‍🍳焗完出嚟脹卜卜😬更有澎拜既流心效果😆口感就好似食緊creme brûlée 🤩十分creamy滑溜😚一切開便流晒出嚟😱外皮仲焗到脆脆地咁🤭唔怪之得人龍不絕呢🤣性價比咁高 大家都要bookmark吓呢🤪

可能係孝感動天嘅關係，係次次行過都係排到街尾block 晒10幾間舖嘅門口情況下，有一日早收工，返到來見到仲有15mins 就6pm 排得唔係好多人，就試下排啦，排排下過左6pm 先發現原來係6:30pm出爐😒😒😒😒咁都照排啦，都排左咁耐啦。。😭😭 差唔多6:30pm 其實係隊尾真係去到街口，多人到爆。。開賣前時，我數過前面有幾多個人，有成25個人，諗住今轉如果得100個包包，人人買4個嘅話，我咪gg?😭😭😭 好在，排到我時都仲有得買🤣🤣🤣🤣等左咁耐返到屋企即刻試返個先🤣🤣 成個包感覺好似細嘅農夫包，不同嘅係入面係布甸，原來個包係凍食，入面個布甸係凍嘅，個包暖暖地，食落個布甸普通偏甜，個包就唔算硬，開頭食覺得無乜特別，布甸還布甸，包還包咁食，因為太多布甸，好難一口咬晒，但直到包連布甸咁食，先覺得佢勁好食，個布甸又無整淋到個包，而且個包少少鹹鹹地，中和左布甸個甜味，真心好食。。👍🏻👍🏻👍🏻自己食左一個其他分晒俾家姐同佢個女，呀媽同呀爸，我真係一個好孝順嘅女🤣🤣🤣🤣 (自我感覺良好中。。)

諗住出去食晚飯，路過見到咁多人排隊又八卦望下👀原來係排緊近日好受歡迎嘅【法式布甸】😯眼見人龍唔算好長，而且已經開始出爐...就算臨食飯都決定要買嚟同朋友開心share😝估唔到拎上手係凍嘅，比「出爐」時間誤導咗...以為會係熱辣辣😆蛋漿好滑，甜度適中👍🏻蛋味唔算好出，反而奶味重少少🍼麵包煙韌帶少少咸味，個人都幾鍾意呢種口感😋$15/大大個，好味又夠抵🤑今次撞啱時間真係超好彩🥳🥳🥳

係法式布甸包大熱之前，我就已經發現左呢間深藏不露嘅麵包店。試過一次佢哋嘅包就知道，唔係一般嘅街坊店質素，啲麵包係好軟熟又唔會乾嘅。近法式布甸包突然爆紅，我次次經過都見到好大條人龍，想試都試唔到。點知今次去到竟然見到條龍短左好多，仲好似係開始賣緊，梗係即刻買反兩個。因為太多人排隊，所以而家佢哋分左開賣嘅時間，但係就變左係雪凍左嘅包。拎到反去用氣炸鍋整左4-5分鐘，個布甸好香，有少少流心但係仲可以連埋個包一齊食，食落好滑不過就略嫌甜左啲。個包整熱左個皮好脆，加埋個布甸嘅配搭真係唔錯😍。第二日我又試下凍食，同熱嘅感覺好唔同，個布甸都係咁滑，不過係實淨啲嘅。個包因為無整熱，所以就會韌啲，但係我都覺得好食😆。佢嘅3Q餅都幾受歡迎，下次要試下！

終於比我試到人氣黃店嘅法式布丁喇😍😍平時睇人哋IG覺得細細個好得意，但點知見到真人係咁有份量！而且仲只係$15/個難怪成日都排晒長龍😆入面嘅布丁比較流質，咬開左之後會湧晒出嚟🤣食到好呢Hea味道嘅話我就覺得還好，唔算太甜 有小小 cream cheese的酸😌 反而我幾鍾意佢個包😂煙煙韌韌 有咬口😂😂油麻地店每日都會有供應呀！同埋地鐵站一出就係了😍😍————————————————————————————🍴嘉多利天然酵母手作麵包店 (油麻地)📍油麻地碧街54號地舖————————————————————————————

最多人買嘅法式布甸.....終於有時間可以去買佢啦 ，如果計價錢同味道都合理 又大份 。味道嚟講佢嘅布甸除咗香滑之外仲有香草味嘅咩，食落口感真喺 好正 ，可惜個法包煙韌度差啲啲，唔太韌，亦都唔喺軟如果佢將個包整脆啲就好。

前排出咗法式布丁包，一直都好想食，但係知道每日只有兩輪，仲要限量！今次終於的起心肝決定要買黎食！因為買咗4個，所以試吓凍食同熱食😆，個布丁好creamy同好香丶滑嫩，又唔會好甜👍🏻👍🏻凍食個包就軟身，但係個布丁動L咁😂。熱食個包好脆口，布丁會流心丶入口即化咁😋布丁雪凍同焗熱咗又唔同，可以2個食法都試吓😋除咗布丁包之外，梗係唔少得我最愛嘅芝士包，我次次黎都必買！佢哋嘅芝士包係爆芝士，好似食緊芝士而唔係包😂而我媽媽最愛嘅係合桃酥，真係好香合桃味同好鬆脆😋

呢間無添加麵包店聽聞好耐自從開咗油麻地分店之後次次經過都忍唔住買啲麵包返去食🤤又一間我好鍾意嘅本土麵包小店！近排超紅嘅法式布甸麵包都係來自佢由一開始得佐敦分店有得買仲要固定時間出爐一出爐就搶購晒到而家油麻地店都有得買逢下午6:30出爐限購仍然超多人排隊好快冇哂想食又係靠緣分🤦🏻‍♀️托朋友的福買到分享咗一個俾我先食到🥺❤️法式布甸呢次係集合咗自己同朋友嘅食法總結🍽常溫食口感好滑溜好似雙皮奶咁布甸好有奶香同蛋香味唔算太甜 法包嘅口感比較煙韌帶微微麵粉香♨️焗熱食焗咗嘅法包外層好脆裡面嘅麵包帶少少嚼勁個人覺得呢個食法麵包係最好食反而裏便嘅布甸就變咗結結地流心嘅漿咁雲尼拿味同甜味會出啲❄️雪20-30分鐘凍食法包質感比常溫食更煙韌有啲紙皮感凍食布甸反而更出色比較硬身真係食到布甸口感反而咁食個布甸就冇咁甜我會推薦常溫>凍食>焗熱今次幸運地朋友買到先食到呢個布甸麵包真係好出色不過各種食法真係各有出色之處食完一個唔夠喉🤤🤤難怪大排長龍都要買到佢

禁岩出開旺角，又禁岩六點鐘，拿拿聲跑去試吓買唔買到，好彩個開賣時間遲左，職員話六點半先開賣，禁就比我買到四個👏🏻👏🏻👏🏻拿到返屋企，雪一雪先食，個布甸超級香濃又滑溜❤️ 雲呢拿味好出👍🏻👍🏻不過可能因為雪櫃雪過，啲麵包有啲un 😅不過$15一個，真心抵嘅，如果下次都唔洗點排隊，我都會再買嘅順便買埋個3Q餅，叮叮過先食，煙煙un un，加埋啲肉鬆平均返個甜味👍🏻👍🏻而且勁重勁多料，抵食