功夫點心

营业中

休息中

還有不足一個月便是農曆新年，也是時候開始搜羅賀年糕點以作送禮或過年款客之用。近幾年市面上的賀年糕點，款式愈出愈多，創新口味層出不窮，不過筆者自問是個古板守舊的人，無論潮流如何走，最重視的還是傳統口味，而年糕、蘿蔔糕始終是家中必備。筆者早前就收到「功夫點心」公關送贈的兩盒功夫賀年糕點，分別是椰汁年糕及臘味蘿蔔糕，哈哈，兩款都是傳統口味，正合我意，而且個盒仲以喜氣慶洋洋的紅色及金色作包裝，充滿新年氣氛，真係見到都開心，在此先要說聲多謝。拿了兩盒糕點後，已急不及待，要即晚率先試吃，先說這款臘味蘿蔔糕 (現貨價 $88)，切開後發現蘿蔔分量極多，入口不會太腍軟，而且蘿蔔分佈非常均勻，挾起每一塊都配有粗條蘿蔔，清晰可見；而配料方面，雖然沒混入矜貴的西班牙黑毛豬，只有簡單的蝦米、臘腸，但煎香後入口軟硬適中，而內裡的蘿蔔條亦夠乾脆爽身；面層餡料煎至半焦，效果香脆之餘，更帶出蝦米的香氣，吃起來更覺惹味。至於另一款椰汁年糕 (現貨價 $78)，入口雖然椰汁味唔算好強，不過甜味輕怡，吃起來更帶著淡淡的椰香，糕身煙韌不黐牙，煎香後外層脆口，內裡軟糯香甜，十分好吃。原來這兩款賀年糕點仲做緊 promotion

今次係第二次光顧，上次帶媽媽食完一次，呢次帶男朋友去，可惜無甘好食lu.......兩個去食點心，呢樣又想食，嗰樣又想食，加上我個人甘為食蝦餃，燒賣係男朋友飲茶必點嘅，呢度有樣好，可以逐件甘樣點（兩件起計）蝦餃唔錯，夾起時個皮唔會爛，入面除了為左辟腥嘅胡椒粉外，仲加入左黑椒，幾特别！燒賣就覺得一般，入面好大舊肥肉！腸粉皮薄，而且都好多料今次呢碟香煎糯米雞，的確好香脆，但一咬落去滿口都係油，比上次失色了到最後，想講兩次黎呢間食店都係無服務可言。當晚九點幾去食，入面只有兩，三枱客，我倆入去自己揀左張枱坐下，叫服務員開左茶，落單！我係鐘意食辣嘅朋友，想叫一碟辣椒油，但舉手一陣都無人理，樓面面人，只見收銀枱那邊有兩位服務員坐著傾計，幾分鐘後，有人送食物上枱，終於有辣椒油啦，唉……想沖茶更加唔洗講如果無咩客，服務係甘，真想像唔到繁忙時間會係點！

Since my last visit in September I never intended to go to Kung Fu again until a recent tasting at the TST branch, the food was great there so I decided to come back for the food I tried at the TST branch.Thinking it was the same group, the food would be the same, but the food was better at TST.The fly that was there in September probably died because its lifespan is only a month, but on this visit, there was still a fly there, probably its nth generation ★☆★☆★☆★☆★☆★☆★☆★☆★☆★☆★☆★Glutinous rice

與太座逛街後，約小妮子一起晚膳，不想吃飯飯麵麵，不如吃點心如何？來到這店，客人不多，也許未到晚市當旺時間，疏疏落落，我們坐在卡位，點了普洱茶。明白到點心是即叫即蒸的，等候需時是應該的，等了十多分鐘後，終於見到廚房通知侍應出菜，唯我們所見是侍應拿著廚房傳出來的出品，你問我，我問你的境況，便有待改善，而貌似較高級的女職員則坐在一旁在篤計數機，也許工作繁重，要睇實盤數，因此入單起菜等瑣碎事務便任由他們自由發揮，經過他們一輪「小組討論」，「抽絲剝繭」，「明查暗訪」，「順藤摸瓜」，少說也有三、四分鐘，終於找到是哪檯點的食物，靠逐檯逐檯問你是否有點這點那，後來才知道入單時入錯了檯號，全部亂了。蝦餃皇，幾大隻，蝦肉爽口，餃皮沒有一挾即破，不錯。蟹子香菇燒賣皇，樣子不太齊整，肉質肥瘦比例恰當，有肉汁。鳳凰煎糯米雞，材料不怎豐富，但加隻蛋，煎一煎外表，竟有不同效果，好有蛋香，好味！明爐叉燒腸，腸粉拉得不算太厚，叉燒質素一般，喜歡吃腸粉，怎也會收貨。原隻鮮蝦腸，蝦爽口，賣$23，算抵。新鮮鯇魚骨腩粥，粥底幾綿，鯇魚肉也甜美。蟲草花滑雞飯，雖不是鮮雞，但雞蒸得幾滑，蟲草花本身無味，裝飾作用，飯也好吃。上湯浸

星期日也是上班日，而且返夜(T^T)，上班前爭取時間和男朋友見面吃個午餐。本想去吃人氣沾麵，但沒開門，於是來了這家功夫點心。其實前一晚打算網上訂位享9折優惠，但都預約滿了。來到時要等7張枱差點想走了，不過還是繼續等，差不多等了半小時才有位。進去後二話不說就寫點心，他最愛的懷舊綿香馬拉糕，還有我最愛的鮮蝦菜苗餃，等位時聽到別人說好吃的鳯凰煎糯米雞，吃點心必吃的蟹籽香菇燒賣皇兩粒，以及濃湯魚肚鮮竹卷。嘩好多等了很久也未有得吃，於是無無聊聊又加單要了酥皮焗奶皇包。好了！請停手，要肥死了！加單的酥皮焗奶皇包竟然比之前叫的點心早到，顯然是預先大量做好。一客三個，像BB仔的拳頭那麼大，預先焗好的所以不會很熱，不過還保持了一定的溫度。外皮很脆，像菠蘿包一樣，不過沒有菠蘿包那麼甜，奶皇不是流沙的，顏色較深，頗甜，算幾好吃，我想如果新鮮熱辣的話必定加分。接著來了糯米雞，煎得挺香，外面微焦，吃起來完全不像平常吃用荷葉包著的糯米雞那種荷葉味道，取而代之的是蝦米味，餡料更有蛋黃，整體不錯，最喜歡脆脆的飯焦。馬拉糕和菜苗餃也來了。馬拉糕外型吸引，但完全可以不試，馬拉糕又稱為鬆糕，應該是鬆化才對，但這個馬拉糕很實

長週的星期六必定約埋同事食早餐再一齊返工，今日都不例外，但附近的茶記都吃厭了，原本想去附近酒樓嘆茶食點心，咁啱同事講起呢間功夫點心，就不妨試試……可能星期六關係大約坐左兩三檯，所以唔洗等位！呢本秘笈就係功夫點心紙，有心思，仲寫明係即叫即蒸添，新鮮熱辣辣蟹子香菰燒賣皇-大大粒好爽口功夫蝦餃皇-不愧為功夫蝦餃皇夠扎實兼充料鮮蝦菜苗餃-皮夠薄味道還可以，但唔知點解夾起嗰時散哂！（蝦餃燒賣可以逐粒叫，不過最少叫兩粒）腸粉最緊要皮薄足料，牛肉腸有別一般酒樓，可能加左金菇變得好爽口...而叉燒腸啖啖肉，無咩肥豬肉熱辣辣香噴噴嘅粥，肉丸味道有驚喜，值得一試即係迷你菠蘿奶皇飽，細細隻幾得意，咬下時酥皮飛散，奶皇又香甜，好味道牛肚夠淋同入味，仲有白蘿蔔，都幾香口！如果想安靜嘆茶同唔洗點等位，不妨試試功夫點心，價錢都算合理！茶錢每位$4

琴日上openrice睇到可以上網訂位, 而且仲有九折, 一於試下先~~~不過唔知係唔係system嘅問題, 登記了好幾次都未有收到電話msg今日準時1點去到，不用等位真好。店內裝修環境不錯，當然沒有酒樓般嘈雜。入座後立刻看看點心紙有咩食啦~點心紙設計不錯~~好有中國特色，睇落好似功夫秘笈點了幾款點心後，等食.......上菜時間稍耐，如果點蒸飯，點心紙都寫了需要等15分鐘。叉燒包比起酒樓的size較細，看上去不錯，但我冇食到，不知味道如何~蝦餃不錯~~大大粒，實的的蝦餃、燒賣一類點心是每粒叫的，最少2粒起，如果2個人黎食都可以叫2粒，唔洗叫一籠，又可以食多其他款點心，抵讚送上台時覺得好細籠，但係有6件，每人食少少~~馬拉糕好味道，好鬆軟，夾起放落碗都會彈返起。鳳瓜冇食到，應該同酒樓差不多煎糯米雞好細份，入面冇咩料，煎咗後食到外層好似飯蕉，可以一試嘅。不過我都係喜歡傳統糯米雞。牛肚同蘿白好入味差唔多食完點心先到嘅排骨蒸飯

好日都唔過海食飯，今晚因為要去睇詹SIR的『歡樂有渣拿』，首次踏足新光戲院，所以要落北角晚膳。從港鐵B1出口，想搵吓英皇道有乜食，結果係無野想食咁行份去渣華道啦！老婆本身話去熟食中心，但我因為拎住部大相機，怕坐得唔太舒服，所以BAN了..行過見到這間點心店，向來好點心的我倆，想了一想就入去了..我哋叫咗：1. 酥皮奶黃包 (這個幾有創意，而且細細、又唔太甜2. 叉燒腸粉 (叉燒腸最忌係無茜菜，有好多點心店甚至酒樓宦係忽略咗的，這個就有喇，所以勁好味，讚)3. 煎糯米雞 (煎得都幾脆口，飯同配料的比例為7:3，但食落又唔係太多飯，所以都係值得推介)4. 蝦餃 (爽口，皮都算簿，但一定好食過一般酒樓內的蝦餃)5. 燒賣 (好札實，食落卻非常爽口，喜歡佢上面的橙色粒粒不是太多.....)6. 薑汁紅棗糕 (本以為佢係凍的，原因係熱；又係唔太甜，好有口感)7. 小籠包 (這個比較敗北，小籠包內的餡料較鬆散，一咬就散晒，唔太喜歡)8. 潮洲粉果(這個無相) (好味道，餡多，皮都算簿，有少少辣，但一定要點埋佢隨上的辣椒油，正！)店內裝修都算幾古色古鄉，又算有特色....不實為北角區內的其中一間推介

每一年的歡樂滿東華，在尾段時間，有個環節卡拉之星，是廣受大眾歡迎的節目。由二，三線藝員獻唱名曲，有何特別？最大賣點，就是夠搞笑！當年，便出了魯振順，與王俊棠。兩位資歷甚深的演員，估不到憑一年一度的卡拉之星，才廣為人認識！近年，他們沒有再出現歡樂滿東華了，因為他們太受歡迎，所以亦成為惡搞對像，大多捐款都被走數，於是，便絕跡卡拉之星，自此，可觀性大減。而王俊棠繼續演戲，登台，還有，進軍飲食業，開設了功夫點心，由天后第一間店開始，如今已經有數間分店了。最新一間，位於北角渣華道。挺有霸氣的店名，相信與他早年的兇神惡煞形象，不無關係。店內裝飾頗為典雅，天花吊著空雀籠，大抵是想模仿數十年前，拿著籠雀去飲早茶的時光吧。於正午十二點前來，全單更享有八折優惠。蝦餃以兩件上，最適合想吃多幾味，但不想吃太多的朋友，外皮薄得弱不襟風，夾一夾外皮便破，餡料的蝦肉雖然新鮮，只是澄皮的失誤，要打七折。燒賣同樣以兩件上，豬肉與蝦肉混合了之後，肉質爽甜，還有鬆化的感覺，面頭舖上蟹子，已成為現今的潮流。十多年前在澳門陶陶居飲茶，吃過煎米雞，留下極佳印象，自此，一直埋怨香港為何沒有此味，年前終於在譚點吃到，如今，功夫點心也

留意到渣華道街市對面開左間點心餐廳終於找左個週末早上去試下最美味的酥皮香麻蘿蔔糕，口感十足，味道不錯其他就不過不失啦～唔想去酒樓飲茶的另類選擇，不過食得多點心就有點略貴

因有同事曾經幫襯功夫點心, 覺得都幾 OK, 所以同老婆去試下睇下得唔得.今次去咗天后分店試下, 可能我地早食, 當日唔算多人, 坐得唔算迫, 上點心時間唔使話等好耐.試咗同事推介既酥皮香麻蘿蔔糕, 炸得真係皮脆內軟, 而且有的芹菜粒既香味, 真係值得推介, 其他既重有馬拉糕, 燒賣皇, 牛肉球, 同煎糯米雞等都不妨試食, 甜品就介紹大家試下雪沙香芒卷果然的點心係有的功夫仔, 此店可以再試..

Upon entering the restaraurant, it was nice, clean and modern.After I sat down, they put those glass bowls with hot water for you to clean the bowls, chopsticks and cups.I was not expecting that in a modern looking dim sum restaurant or perhaps it was not so modern.Anyway I generally avoid going to dim sum restaurants where you need to wash the cups because to me it means they were not prewashed before or they are dirty.While I was looking at the menu I saw a black fly walking on the rims of a b

新開張..行過見到就入去試下午市人流較旺,好彩等左10分鐘左右就有位不過座位與座位之間較窄,真係肥小小都塞唔落點心上得幾快~XO醬金錢肚($19):完全冇XO醬味..淡口馬來沙爹蒸鳳爪($17):鳳爪唔夠淋..墊底的花生好生...蟹子香菇燒賣皇(@$6):我幾欣賞佢有得遂隻嗌!不過賣相唔好..1隻有一堆蟹子喺面另1隻得幾粒orz懷舊馬拉糕($15):賣相好精緻!熱辣辣好香好軟熟!脆皮咸水角($15):上枱只係微暖..應該冇用大火炸所以個皮入哂油..又爆餡鳳凰煎糯米雞($20):煎得幾好..糯米冇煎過籠仲好煙韌唔痴牙..可惜又係唔夠熱..濃湯魚肚鮮竹卷($17):最差呢樣..一夾起塊所謂魚肚就已經覺得似豬皮..食落口就肯定係豬皮!我係為左魚肚先揀呢款點心,如果冇好心就改名叫"濃湯鮮竹卷"啦!呃人!(塊豬皮仲要唔淋!)想飲茶又想快..試下都ok想坐得舒服d就去返一般茶樓啦,反正價錢/質素差唔多

晚上想食點心, 所以同友人們就來此店試下.原來蝦餃同燒賣都可以以粒點餐, 就算少人來每樣只叫2粒都可以.另外叫左又燒腸同蒸排骨飯.此店既腸粉真係好好味, 做得出色皮薄又滑另外蒸飯都唔錯, 排骨醃得入味.還有沙薑雞腳同樣出色, 沙薑味好香好入味, 雞腳又整得夠淋,此店點心樣樣都做得幾有水準, 下次都可以再來

六月下旬‧熱這幾年除了拉麵，其實中式點心店也大行其道，好幾個點心店的牌子都越開越多分店，這裡也有第二分店了。中式點心的好處就是吃多可以，想吃少少亦得，這裡一些點心可以兩件的叫。海鮮湯好似一壺茶，味道幾清甜的。雪山叉燒包面脆而叉燒餡也美味，焗得熱熱的自然美味。幾時也一試無妨的。