到會熱點 (非門市)

营业中

休息中

朋友介紹下，發現最後係牛頭角附近新開左間到會價錢唔貴當然好想試一試佢都好多野食下 黑松露野菌炒意大利麵🇮🇹 原本以為得小小點知真係好大份而且勁香勁好食 一打開屋企人都衝左過來搶住食 黑松露味都好出下 意粉煮到岩岩好勁夾唷日式和風雞扒 雞扒大大塊配埋d汁勁juice 喔仲有小小芝麻係個面到不得了唷👏🏻👏🏻炸香脆餃子🥟 雖然我地遲左食凍左dd，但依然好好味 勁脆口 一人一舊就搶哂了泡芙 食完當然要有甜品啦 有兩種味朱古力同原味 而個凍凍地👅👅👅 一咬落去d cream爆哂出來 yummy yummy 👅雖然佢係到會 ，無得堂食！ 但食物質素依然好出色

同事聚餐，就選擇咗呢間觀塘嘅到會🤓兩大袋都幾重😂呢個四人餐已經擺滿左一張枱😝有兩個炒飯，有豬仔骨，肉丸，煙肉腸仔卷，雞翼，榴槤炸彈，芒果布甸，三文魚他他，朱古力糯米糍同紫薯泠熗飯😋黑松露蛋白炒飯呢個炒飯真係好好食🤤吵得夠獲氣，蛋白滑身，黑松露味都好出，淡淡黑松露香👍🏻雞翼都幾香口入味，煙肉腸仔卷，同事話好似有細個食嘅感覺😝另外肉丸都幾彈牙🐷甜品方面就係朱古力糯米糍同紫薯泠熗飯紫薯脆脆幾香脆，泠熗飯幾特別，健康又好食😋朱古力糯米糍煙韌，朱古力味重🍫呢間到會質素都唔錯，值得一試🤟🏻

一班人食野，到會一向都係一個好選擇🤓上網搵到呢間到會仲要都幾近我，就提早一星期打左電話去book野食💁🏻‍♀️唔同人數佢都有安排唔同套餐比你選擇既我地四個人，餐廳就建議我地揀兩款主食，兩款小食同兩款甜品鮮茄焗豬扒飯🐷有成兩磅咁多😱好香蕃茄味，炒飯都好惹味有蛋香，豬扒都大大件，鮮茄汁香甜，撈飯正😋拼盤包括即燒美國BBQ豬仔骨，芝士墨西哥肉醬焗肉丸同流心榴槤炸彈💁🏻‍♀️BBQ骨個燒汁好香，豬仔骨入味，肥美肉厚，啖啖肉，唔係得個骨🍖肉丸有好邪惡既芝士同肉醬，幾惹味😝甜品有三文魚他他同芒果布甸💁🏻‍♀️三文魚新鮮爽口，配上沙律醬，又有多層口感，不錯👍🏻芒果布甸都幾滑，心形外型幾可愛☺️

今日難得家庭聚會，懶懶地又唔使煮飯嘅做法就梗係直接叫到會啦，老實講市面上到會良莠不齊，食物質素未必好，但係今次我就食到一間超水準發揮嘅都會服務，即刻等我同大家介紹下今次我哋大概四至六人份量，餐廳都好好幫我地做咗小小嘅調整同通融，等我都逐一同大家介紹下我有食嘅菜式：芝士鮮番茄醬焗野菜千層麵：一打開包裝之後發現非常大盤，芝士面烘得金黃焦香，切落去之後層層分明，入邊嘅蘑菇、蔬菜等等嘅配料非常大粒㗎，食落去之後千層麵嘅厚度剛剛好、蔬菜嘅口味非常新鮮、蘑菇嘅嚼勁增加左口感，再配埋側邊大量嘅蔬果，好味得來又健康！拼盤烤雞肉串美味得很，肉質彈牙可口，炭香味十足。芝士炸樹角每一條都非常大條，每一條同我手掌嘅長度近乎一樣，凸顯出呢間到會服務非常貼心同埋大方，醬汁調配出色，濃郁之中帶着甜味，食落口口感鬆脆，又夠飽肚😋黑椒西班牙腸食落好有台灣腸嘅口感，每一口都非常濃郁，好有肉感，食完更加會齒頰留香添，即使細節都做得風味十足，值得一讚！煙三文魚他他: 外觀製作非常漂亮，精美風格為主，上面嘅沙律醬增添左風味，三文魚嘅新鮮彈牙增添左不少口感，下層以碎番茄為主，清新嘅口感難以抗拒啊！朱古力軟心糯米糍：名副其實，非常

見到menu既食物唔錯，所以落左order外送...點知個幾鐘之後外賣冇到，仲要收到message通知話餐廳唔接你order!!自問order金額唔算低，但咁又點呢？如果唔想做外送既不如直接唔好做外送啦！唔好浪費客人時間，反正你地既食物又唔係鑲金既！叫咁多次外送都未試過咁樣，最多都係遲ｄ到，但從來未試過會等咁耐時間先收到通知話唔接order囉！之後喺apps評語先見到，原來唔係第一次無啦啦取消人地order!

晨早以經落order全數入埋佢銀行請哂同事開party本來真係好高興約好點三deliver等到點九冇人影明明之前已confirm打極電話都唔通真係打咗成粒鐘老細餓到冇表情下年實冇加人工電話終於有人接佢話廚房煮唔切我話接得我生意唔該一定要守時問佢幾時可送貨佢話張單唔見咗要再等多一個鐘佢話真係搞唔掂仲話不如退返錢只好買飯俾老細聖誕到會變炸雞一定唔會再幫襯唔係真係激死人fever foodis no good