到會熱點 (非門市)

营业中

休息中

疫症期間減小出街 叫外賣係必須的！今次係網站叫左個3-4人餐 ($278)，叫4個主食會送沙律同甜品。我地前一日係WhatsApp落左單，第二日夜晚就送黎，訂左7:30佢仲有左20分鐘到添。全部野都用紙袋同錫紙兜包裝好，沙律同甜品仲有保冷袋添。日本一口和牛炒飯配飛魚籽推介指數：8.5/10呢個和牛炒飯我係十分推介，味道唔濃，但好入味。當然，和牛一定唔係咩靚和牛，但係呢個價錢係接受到！再配埋飛魚籽，口感一流！北海道帆立貝野菌炒烏冬配木魚花推介指數：6.5/10呢個炒烏冬味道比較咸，我同家人都唔太中意佢咁咸。食一兩啖係好食，但食多幾啖就會嫌太咸。不過分比四個人就啱啱好！個份量夠晒4個人食飽！泰式香燒豬頸肉推介指數：7.5/10個豬頸肉係朋友推介我哋食嘅，但佢黎到嘅時候竟然係凍嘅，我地就自己開鑊煎翻熱佢，屋企有微波爐就方便啲唔洗洗野！個豬頸肉唔知係咪翻熱左，表面有少少乾，但啲肉質一啲都唔會「鞋」同「Un」！仲好香口添！黑椒一口西班牙腸推介指數：7.5/10呢個一口腸都係朋友推介嘅，但佢就話個樣唔同左，依家呢個款個size太細，好似比小朋友食嘅咁味道都係不過不失～本來諗住4個人會唔夠食，點知超

📸 3-4人餐 任選四款美食、沙律、甜品 $278沙律🥗 甜品🍮 落單先知冇得揀 睇師傅當日準備咩😬小食🥙 日式燒汁茄子 好多汁🥣 份量唔多 感覺偏鹹熱盤🍖 即燒菠蘿梳打BBQ美國豬仔骨🥩 有BBQ sauce 不過我地唔係好食倒即燒菠蘿梳打嘅味...主食🍲 🧀芝士鮮番茄醬焗野菜千層麵🍅如果再焗耐啲，千層麵嘅效果會更好🍜 好易一拮就成層拎起...泰式椰香馬沙文咖哩焗雞皇飯🍛係辣嘅🙈都見倒有啲紅色嘅辣椒喺裡面🌶上面都有塊ok厚嘅扒🙈🌅 揀咗18:15送貨🕡 預鬆咗啦🚚 點知17:35到咗...⛄️

以為到會一定要很多人才能叫剛好在網上看見有三到四人家庭餐.大約$300就可以任選四款，而且還送甜品及沙律.黑松露蛋白炒飯看似平平無奇但其實已想不到的好食很香黑松露味.送的芒果布甸也很不錯.雞鎚六隻很大份.另外也叫了豬仔骨及魚柳卷.也準時送到整體的體驗不錯

今天公司訂了這間店的到會服務， 送餐時間應該是1:00pm，這是公司的吃飯時間，在大家興高采烈在等之際，時間去到1:30pm依然沒有送到，同事開始追，但用了不同的方法也聯絡不到，到了2:00pm只好叫了一些三文字回來，2點多終於聯絡了店家，但是很晦氣的回覆,，沒有車，塞車，聯絡不到司機。。。 但又說30分鐘後會到，但30分鐘後還是未到，最後要3:10pm先到，2個小時的車程加上之前不知放了多久! 食物何來會好吃。送來的食品同訂的有出入，說到食品有一些算是好吃的，但難吃的更多，那汁燒蒜片京蔥和牛串，好像沒燒過一樣，牛肉近乎全生， 千層批是一pat醬，猪仔骨和雞鎚Overcook，軟殼蟹年糕可能因為太久軟殼蟹怪怪的，那熱狗完全同現實的不同，熱狗名是"韓式泡菜豚肉熱狗日式木魚化汁燒肥牛熱狗，泰式肉鬆菠蘿粒熱狗"。這樣的質素和服務當然不會有下次啦!

今日公司開X’max Party叫左 20幾人量既到會12:45到。 因為1點放lunch點知3點都未到中間打極電話都無人聽難得打通一次 得識話 到會出左 好快到見讚 多諗住會好好。點知.....垃圾一定唔會再叫呢間

今年公司想有新嘗試搵其他到會公司就搵到依一間，見佢個menu都有好多選擇好豐富, 老闆見到都話好, 就好快決定要同佢地落單。一路溝通都無咩大問題, 係有時候會唔應或者要催先覆下咁, 都明白聖誕呢d時間佢地會忙未必可以咁快覆到, 中間仲麻煩過佢地要加單, 所有要求都表示ok無問題。個活動中午12點開始,我地要求佢地11:45am要送到, 畢竟人多唔希望大家要等太耐, 而客服就話因應交通情況 會有前後30分鐘既差距, 亦即係11:45am前會送到。為免會有遲既情況出現, 我地就改左11:15am要到, 另外出車都打個電話比我, 佢地都話無問題仲mark左單比我。另外有要求佢地比司機資料我為左登記同方便聯絡, 佢地就話要當日先比到我。到活動當日, 亦即今日, 我早上whatsapp佢地, 完全無覆過我。直到10:43am打比佢地問佢拎司機資料就話唔比得, 咁我表示至少比個電話號碼, 我自己問佢或者有咩事都作通知都好, 佢先肯比。之後問佢地出左車未，佢話唔知要問運輸，咁我叫佢地打返比我。當然又無覆啦. 我10:50am再打去佢地就話出左車, 咁我覺得都okay就無再追問落去。直到11:14我打

年初三訂了這店到會服務， 原訂了6:30送到我家，怎料催促幾次之後都還要等到差不多晚上8:00先有東西吃, 這不是最壞的, 在當中電話聯絡了店家，他還很晦氣的回覆我因為叫不到送貨車，這難道是我的問題嗎？你既然是包送貨不是應該有經驗嗎？不是應該一早安排6點30分的訂單嗎？ 更壞的還在後頭，原來之後加單的菜色都弄錯了，唉! 都不是原先訂的東西! 食物質素可算一般......一般，也不願多致評 ， 但肯定不會推介給朋友，

今日開party叫左到會食呢間到會係d friend之前喺party room叫過 話覺得幾好食見佢menu都幾多選擇 我地就打算叫嚟試下啦其中我覺得有幾樣野係特別好食既😍黑松露野菌燴長通粉配西班牙火腿叫到會既Pasta我成日都好怕最後會變左一pat野 但呢度既長通粉完全唔會長通粉唔會過淋 食落有好重黑松露味 而且菇既份量都幾多 每一啖都會有黑松露蛋白炒飯炒飯炒得好靚仔 夠曬乾身👍🏼呢個食落冇長通粉咁大陣黑松露味 但我覺得都夠味 金黃色既炒飯望落真係好治癒😂泰式酸辣無骨鳳爪鳳爪唔會太辣 就算唔係太食辣既人都handle倒酸辣適中 係幾開胃既一款小食日式燒汁茄子估唔到送到嚟茄子都仲係完整既一條條茄子唔會好淋 有少少咬口 燒汁唔會搞到茄子太過鹹 調味適中蜜糖雞翼+豬仔骨雞翼既肉好嫩 保留左肉汁唔會整到好乾 面頭帶有少少甜味 幾香口豬仔骨面頭就有d類似bbq醬咁 食落d肉夠淋 配合埋d醬好惹味天然糖香芒布丁呢個香芒布丁好快就比人搶曬😂食到飽個個都想食番d甜品 我最後淨係同人share食左兩啖芒果味道好濃而且唔會有種假甜既感覺

同朋友慶祝一齊叫到會食, 食物份量多！ 不過係要叫正餐 飯, 麵果d份量先一定夠飽, 淨叫小食既話d就好似餓鬼咁一次食兩餐。黑松露野菌長通粉配西班牙火腿，係我個人最喜歡，好香黑松露未而且忌廉汁充足，長通粉索晒成個汁嘅味，長通粉唔會淋哂，醬汁加上黑松露好惹味，仲有西班牙火腿，為長通粉帶上少少鹹味。甜品方面Macaron有3隻味~有檸檬味,雜莓味同朱古力味~我就揀咗雜莓味~甜得嚟帶有小小莓味~好好味而其他2隻味朋友都話好味~最後個泡芙我只係食到原味~其他都比人搶晒呢間到會算做得幾有心機~

又到12月了，由於舊同事太難約得齊了，所以我提早11月尾就攪左聖誕P！今次揀左同事推介的到會服務訂食物。呢間到會服務係網上都有好多好評，加上Facebook見到有好多大公司都有用，係安心之選。到會的餐廳提供的款式好多，而且菜式都好Update，已經唔係停留個D腿蛋治、菠蘿腸仔個D。除了和牛炒飯外，仲有芝士釀蘑菇呢D一聽就會餓的菜式。今次前菜揀左近排大愛的煙三文魚他他杯及杯杯紫薯玫瑰凍燴飯。食呢D冷盤最重要係個温度！因為D野食放暖左，除左無咁好食外，三個魚個D仲有機會有菌。所以我好欣賞到會公司預好時間先送貨，並將食物的温度keep得唔錯。呢D冷盤食的時候仲有D冷意，加上三文魚唔腥，燴飯有創意味道又Ok，大家都可以考慮叫黎試下。飽點中，有款用牛角飽夾住他他醬蛋沙律個個幾好食，雖然個個起酥效果平平，不過食落總比普通三文治的口感更好。食到會一定要叫D肉比各位食肉獸！BBQ美國豬仔骨係不錯的選擇，香濃的BBQ汁夠味但唔會太咸，加上份量大大，係抵食之選。另外雞翼都係Party的常客！到會服務除了常見的瑞士雞翼外，更有更香口的蜜糖燒雞翼。雞翼用了雞中翼，食起黎好方便，而且雞翼唔算太肥，食多兩隻都唔驚

上個月屋企人生日，唔想又煮又洗，所以叫左到會。套餐主要係自選形式，6-8人餐可以揀8款主食/小食。鮮蕃茄藜麥沙律D菜幾新鮮脆口，加埋麻醬食幾香幾Fresh。北海道帆立貝炒烏冬的帶子唔算特別多，不過炒得幾香，份量又大。前菜有煙三文魚他他杯及紫薯玫瑰凍燴飯都唔錯。我比較鍾意紫薯飯，佢除了有塊紫茈薯係面，仲有花茶個D玫瑰係入面，D飯食落富有紫薯味外，仲帶有微微的玫塊香。日式燒汁茄子煮得夠淋，而且夠入味。蜜糖芥末雞鎚配流心榴槤炸彈都炸得香口但不太油。蔗蝦配薯絲蝦的蝦肉唔霉，加上炸得鬆脆。日式炸香脆餃子正常水準。脆炸吉列蝦拼魷魚圈唔會太油膩。食馬卡龍最緊要係色，呢份繽紛馬卡龍的色唔會太深，係近排大熱的淺色系。我對馬卡龍不嬲無特別喜好，不過食落唔算太甜。

公司一般都係叫大XX或美X既外賣到會，不過今年一反常態，試叫間專門做到會既供應商。套餐由6人到30人都有，就算30人up都有得叫，最岩公司開Party。鮮蕃茄藜麥沙律，菜食落都仲脆好fresh。另外仲有盒麻醬比埋，岩哂啲要食有味沙律既人。泰式酸辣無骨鳳爪，完全無骨，而且唔係好辣，正正正！迷你海鮮釀蟹蓋味道唔算濃，有唔少海鮮碎攪埋一齊。一口芝士豆腐，黎到無左啲熱氣，但都無油淋淋既感覺。黑椒一口西班牙腸，食落有啲似台灣腸，但就無咁咸。天使雪花一口西多士，又係比較邪惡既野，西多士+糖+煉奶，甜得黎幾好食。他他醬蛋沙律迷你牛角包，個牛角包黎到無淋到，蛋沙律唔多但已經好香好夠味。黑松露蛋白炒飯，本身蛋白炒飯應該無乜味的，但加埋黑松露一齊炒就完全兩會事，而且無肉方便食齋既同事。法式繽紛雲呢拿朱古力泡芙，入面啲cream好豐富同幾滑。

2018又就黎完了，無論係公司或者係朋友都有不同的聚會，希望係今年完之前聚一聚。早前去左位於觀塘的Party Room玩，大家咁耐無見，當然唔會揾人去買野食啦⋯ 見網上好多人推介Feverfood，一於就試試！我們今次叫左份套餐A，即6-8人餐。8個人除返開都只係88蚊位，非常抵食。食物全部都用錫紙兜裝住，夠晒保温。他他醬蛋沙律迷你牛角飽一共有10個，蛋沙律的比例都唔錯，加埋塊蕃茄夠晒Fresh！即燒美國BBQ豬仔骨個汁幾正，加埋唔少肉的豬仔骨，真係好滋味。BBQ蜜糖雞翼的蜜糖味都叫夠，食落也不錯。有你係到點可以無炸物！日式炸香脆餃子雖然個皮厚左少少，不過都OK的。脆炸吉列蝦拼魷魚圈的炸得夠乾身。蔗蝦拼薯絲蝦，我比較鍾意薯絲蝦，因為口感較豐富。主食有多款選擇，黑松露野菌燴長通粉加了洋蔥，令味道更香口，長通粉口感有咬口。提提大家食之前要先拌匀，因為D汁係晒底哦。我們成班黑松露怪，一份黑松露意粉邊夠喉呀？所以我地再叫一盒黑松露蛋白炒飯。雖然配料唔多，不過個惹味的黑松露，就成為整體的主角。甜品係Party的Must Have Item！今次就叫左份法式繽紛泡芙，呢份泡芙有雲尼拿味及朱古力味。

上星期表姐從澳洲回港 我哋幾家人一齊約埋聚會，舅母屋企夠大，於是我哋就叫到會嘢食返屋企聚餐，林林總總，食物數之不盡，各地美食都有，絕對有你喜歡嘅，有中有西，有辣有唔辣，有煎有炸，有炆有煮有焗，應有盡有，只要你講得出啲都有，仲要係味道質素好有水準，而且價錢都十分公道。例如舉例講下佢嘅黑松露蛋白炒飯，真係有五星級酒店質素，黑松露散發著陣陣幽香，未食已經吸引，顆顆飯粒飽滿圓潤，亮麗的蛋白給每一顆好像是穿著一件白衣裳似的，晶瑩亮麗，閃爍生輝。另一款甜品法式繽紛雲呢拿朱古力泡芙，同樣出色的，賣相跟味道同屬高層次質素，一試便知龍與鳳。

今日好開心終於見成到一份長工，唔使再part time了，今日約埋一班死黨齊齊開大食會，慶祝一下，今次我哋用一個到會形式嚟聚會，有好多不同款式嘅食物供應，有幾款我特別喜愛。一個鮮蕃茄藜麥沙律，佢嘅食材真係好新鮮，番茄鮮紅亮麗，非常清甜，其他配菜食起上嚟索索聲，清爽甜美。另一款BBQ蜜糖雞翼加豬仔骨，好食到不得了，食每一件時都好像剛剛烤出來似的，皮脆肉嫩蜜味香甜，大廚嘅功力真係不得了。仲有佢嘅甜品天然糖香芒布甸，同樣出色，手藝嘅嘢真係呃唔到人，放落口中就見真章，佢個甜味清甜無比，濃郁嘅芒果清香，質感滑溜非常。佢嘅食品更加添我嘅心情錦上添花。