到會熱點 (非門市)

营业中

休息中

公司一般都係叫大XX或美X既外賣到會，不過今年一反常態，試叫間專門做到會既供應商。套餐由6人到30人都有，就算30人up都有得叫，最岩公司開Party。鮮蕃茄藜麥沙律，菜食落都仲脆好fresh。另外仲有盒麻醬比埋，岩哂啲要食有味沙律既人。泰式酸辣無骨鳳爪，完全無骨，而且唔係好辣，正正正！迷你海鮮釀蟹蓋味道唔算濃，有唔少海鮮碎攪埋一齊。一口芝士豆腐，黎到無左啲熱氣，但都無油淋淋既感覺。黑椒一口西班牙腸，食落有啲似台灣腸，但就無咁咸。天使雪花一口西多士，又係比較邪惡既野，西多士+糖+煉奶，甜得黎幾好食。他他醬蛋沙律迷你牛角包，個牛角包黎到無淋到，蛋沙律唔多但已經好香好夠味。黑松露蛋白炒飯，本身蛋白炒飯應該無乜味的，但加埋黑松露一齊炒就完全兩會事，而且無肉方便食齋既同事。法式繽紛雲呢拿朱古力泡芙，入面啲cream好豐富同幾滑。