利苑酒家 (時代廣場)

营业中

休息中

今日過嚟銅鑼灣做嘢，誤打誤撞泊咗架車入時代廣場，咁求其睇吓有乜嘢食，上面果幾層睇落酒樓多，揀咗想試好耐嘅～利苑。蝦餃～正常味道，細細粒粒，有啲似廣東一口雲吞，一啖一個，沒驚喜，咁如果比較「太子得獎」蝦餃好多。芋絲脆春卷 ～咁佢又無講錯，脆春卷佢真係做到，但芋絲就差啲，第二張相係橫邊～無咬過，我會覺得佢係炸咗入面層先再包多層炸？所以導致入面果層芋絲「硬晒」，無晒層次？蘿蔔糕～正常水準，食到一絲蘿蔔，臘肉亦夠，收貨。干炒牛河～一放底，係有陣鑊氣衝過嚟，又有一陣香味，急不及待夾嚟食，佢係有鑊氣～但唔知係咪想啲客健康啲？唔夠味，牛肉口感又「鞋」咗小小小小，係真係小小，油又多咗小小，真係成口油，正常我唔會咁挑剔，但你哋收$145/碟，我就要要求高啲。個個都話佢係天花板，咁可能係晚晚炒餸，今日淨係試咗茶市，無乜驚喜，咁喺銅鑼灣價錢高啲又喺正常嘅，但以我呢啲cheap精嚟講，質素真係好一般。回頭度～3/10以上純粹個人食後分享，本人絶無收受任何利益或優惠，亦對以上言論承擔所有責任。

利苑啲蝦餃真係好好食，粒粒都好多蝦，個皮都晶瑩剔透。小籠包都皮薄多汁，肉質鮮嫩可口。芋盒炸得金黃酥脆，香口惹味。馬拉糕完全帶出了古法既味道，食過會翻尋味。可惜叉燒就略微遜色，因為有筋，而且偏向肥，肉質都滑但感覺鬆弛。餛飩雞湯感覺高品質，湯熬煮得十分好喝，是用一隻完整的雞熬的，餛飩都和雞湯都很配。#利苑酒家

當日時代廣場人煙稀少，呢間叫做多食客啲。我們被安排坐近厨房位置，油煙味傳到出嚟，真係要整理吓！我哋叫咗個$888二人套餐，再加沙薑鳳爪。沙薑鳳爪大隻肥美，比想像中淡味。前菜：秘製滷水鴨舌、金柱貢菜鴨舌平平無奇，尚算入味。貢菜微辣爽口，很開胃！蜜汁叉燒香口燶邊，肉腍，甜度適中燒腩仔皮脆肉嫩，唔鹹。自選兩個小菜：雙冬炆海班頭腩，份量足，但班腩唔係新鮮，用好多粉包住。咕嚕雞球，睇落細碟，其實有四大件雞，雞肉滑，略嫌酸甜味唔夠。是日燉湯：耆黨燉當羊奶白色的湯，材料豐富，好香當歸味夠晒暖胃。炒得乾身，臘味粒唔少，偏甜，個人喜歡鹹香味多啲最常食的飯後甜品，甜度正常，杏仁味一般。試過幾間利苑，呢間係最普通，冇乜嘢值得回味！

由細到大都有幫襯，各間分店都有捧場，過年過節都會有派利是，都知道集團嘅員工質素有參差，只是想不到可以變得咁差！唔好怪香港人北上搵食遊客都唔嚟啦！你哋今时今日嘅服務質素同態度！我寧願幫襯其他地方都唔會再去睇你面色！人在江湖！你哋唔好以為自己仲係以前嗰啲利苑！

今天，腍住俾多次機會這間做得越來越差嘅利宛，最後是非常失望。第一，中午12:45前埋單有85折，攞佢少少著數，一夠鐘就趕客，又有吉枱又冇人排隊第位，態度又惡劣。第2，叫左個例牌义燒，吩咐要腍身d,但d肉都係硬和鞋口，失敗。蝦餃個樣ok,但入面d蝦散收收。鮑汁鳳瓜又吾淋又夠味。個例湯ok。但唯一一個男待應服務態度吾合格，冇笑容，因佢有個上级女高級侍應重衰過佢，吾怪得d客越來越少。大家小心上當及浪費金錢。

他們的夥計眼睛生在頭頂，這個應該好多人都知道。但我很好奇他們不但在香港的分店是這樣，在國內的也是😂不過，最趕客的莫過於門口帶位那幾位大媽！每次訂位都說幾點要還檯，講幾次！然後又會不斷打電話來confirm😑叫外賣就非常不願意下單，每次都說要等起碼45分鐘😠非常趕客！食物現在也不能跟以前同日而語，去過的就知道我的意思。但你又拿他沒辦法，因為他就是人多😑真的令人費解🤔I am not a dim sum person,但我看他們的點心應該也是中央廚房的吧！

每年爸爸生日都會去利苑飲茶慶祝的，今年都唔例外🍽️地點係位於銅鑼灣時代廣場食通天10樓埋位第一時間，叫咗一壺陳皮普洱茶☕可以消滯解油再嚟當然唔少得爸媽喜歡嘅鹵水🥜花生🧈豆腐，仲有沙薑雞腳仲有紅油抄手同埋爽口又彈牙嘅海蜇都係媽咪至愛！生日喎！當然唔少得海王魚翅同🦀蟹肉魚翅啦！食完媽咪話唔夠飽，再嚟多 一個魚肉雲耳魚湯米線煲，同埋金銀蛋莧菜，今次嘅莧菜非常幼嫩，而且好翠綠🥬最後當然要食返個甜品先至叫做完滿，所以我哋叫咗個酥皮蛋撻，酥皮唔會太厚身，一口一個啱啱好😋

十年前到九龍旺角東附近吃過，對利苑酒家的印象都很滿意；這次到銅鑼灣分店用餐，主管級接待人員服務態度不佳，點了幾道點心的味道也不佳，雞翼的肉味好重，新鮮度不夠，一行四人快速吃完後就不想再待下去⋯⋯

在星期五晚和家人吃睌飯，吃了一圍每人约五佰元的餐，表面看菜單，真的不錯，有小吃，龍蠆兩味，蟶子，蝦，燒雞，湯，等，不过除了椰子雞湯可取之外，其他只有燒鸡，甜品及白灼蝦算是合格。蟶子不新鲜，完全咬不开，龍蠆也没有味道，可能是雪了很久，所以红燒頭腩還可以，炒班片就暴露出它的缺点，小吃豬腳仔，很好但有一点辣，不像广府菜的做法，蘿白可以，另外一味炸鱼皮，可以説不知所謂，其实之前吃过這間利苑，雖然比其他分店差，也不是差得這広利害，水準一落千丈。不过招呼還是可以的，地方布置也可以，若对味道要求不高，可以一試

剛在銅鑼灣利苑晚飯。一行三人。叫了一個蔥爆牛肉。來到是一些牛柳粒加一啲凍冰冰的椰菜。200幾蚊質素極差。在普通餐廳不能接受，何況是利苑？叫部長經理過來問一下，態度惡劣：”我們這一菜就是這樣的! ” 繼續和她說兩句亦馬上和你鬥大聲，”那麼就取消吧！” 馬上離開….這樣的客戶服務怪不得好多人返大陸消費。

《米芝蓮推介餐廳🤤 銅鑼灣利苑酒家👍🏻》1. 金榜醬焗開邊龍蝦伊麵 ($238)醬汁調味好食，但係龍蝦肉太少，伊麵分量亦太少，唔太抵食。🌟 評分: 6/10🍽️ 晚市海鮮組合: $598 / 3餸2. 脆皮燒農場雞燒雞皮脆肉嫩，份量偏大，一入口啲油脂出晒嚟，好juicy!🌟 評分: 8/103. 日本和牛粒 和牛粒香口嫩滑，肉質新鮮，油脂四射，非常惹味！🌟 評分: 8/104. 金榜題名 醬汁濃郁，味道香濃，蝦味十足！🌟 評分: 7/105. 如意吉祥帶子 ($245)帶子好鮮甜，肉質厚身，高質！🌟 評分: 9/106. 七味脆豆腐 ($42)炸豆腐外脆內軟，味道偏淡少少，都幾好食。🌟 評分: 7/107. 冰燒三層肉 ($145)外皮好香同脆卜卜，肥瘦適中，燒得層次分明，但以呢個價錢嚟講份量太少，性價比低。🌟 評分: 8/108. 香芒布甸 ($40)香滑嘅芒果布甸，不過份量較少，價錢偏貴。🌟 評分: 6/10環境方面意外地包了一間放到兩圍枱嘅房，服務態度良好，一入去店員已經笑面迎人咁講歡迎光臨。不過性價比真係偏低，賣單都$1400，但份量都偏小。🎖️整體評分🎖️❤️ 味道: 8/10🧡 環

一碗斑片米線，收人百幾蚊，得嗰兩粒魚肉。呢啲咁嘅食肆，以後唔會再嚟！廁所非常舊。叉燒包又唔好食，鹹水角又麻麻地。啲燒賣又細粒又冇味。完全諗唔到邊樣嘢值得再嚟幫襯呢間舖頭。

來利苑都是100個放心，無論是二人簡單吃飯還是家庭聚會，中當價位 中高檔的質素，今日中午二人午餐，青紅蘿蔔豬骨雞湯 第一啖落去就感受到食材和火候的質量，濃郁平衡，每一樣食材的味道都很突出。烤米鴨細細隻，皮脆肉嫩，皮下無脂肪，不油膩，瘦肉醃製入味。幹炒牛河水準高，香口並軟糯，盤底沒有一滴油，這是近期吃過很好的乾炒牛河。點心選了燒賣和蝦餃，點心質素正常。上湯莧菜分量足，蔬菜不老，選的很好。總體來說利苑用三個字形容，有保障

員工疏忽大意 ，低級錯誤👎🏼👎🏼👎🏼👎🏼👎🏼離開後收到飯店電話發現刷卡收費錯誤，特地回去但被一口氣咬定要付現金不能刷卡？？？？？ 真不敢相信為什麼不能刷卡

香港人最鍾意飲茶， 飲茶自然少不了點心， 點心的質素才是鍾意飲茶嘅人最重視嘅部分。 如果經常出啲新嘅點心品種就更加好 。今日又嚟飲茶， 叫咗啲唔同嘅點心， 不再點蝦餃燒賣腸粉 ，揀咗 排骨 ，松露包， 蘿蔔絲酥餅， 牛肉燒賣 ，椒鹽魷魚鬚， 茶果 ，仲有兩個甜品 ，棗皇糕同埋桃膠。 個個點心都幾好食， 最好味係魷魚鬚， 食得出魷魚鬚係好新鮮， 所以唔使點嘢都好鮮味。 松露包都係好特別嘅點心， 好香嘅蘑菇味， 啲餡都係蘑菇做嘅 ，好清新。 蘿蔔絲酥餅都好好食， 酥皮鬆化， 蘿蔔絲餡鮮甜 多汁。 仲有山竹牛肉 ，加啲喼汁好好味。 仲要讚下呢度嘅服務， 每次揭開個茶壺就即刻有人沖茶 ，埋單嘅效率都好快， 因為有好多人客喺度等位 ，生意好 食物自然輪轉得快， 食材自然就會新鮮D， 咁就應該有保障啦。