利苑粥麵專家 (已結業)

我好鐘意呢度o的冰凍紅豆沙^_^ 好味得o黎又足料又夠大碗勁冰凍, 只賣$10.(只有凍無熱) 其他o的粥麵都水準以上呢~不過最唔好呢間o野逼到死, o的位又細又窄, 坐得好辛苦.

和同事食完一品齋甜品行返出CWB諗下一支公食乜.之前食過生記既粥唔錯...又諗到附近有間利苑好似都幾出名.所以入左去.地方和裝修尚算不錯...伙記都是中年男士.都幾多人吃粥,幸好還有一些單人位.隨便叫了豬肝牛肉粥端上來的是粉紅的豬肝和牛肉.個人覺得粥底比生記好,煮得更細綿.可是個碗比較細...肚子滿足感低左少少.豬肝煮到緊緊熟...而且新鮮.牛肉都幾滑又食到牛味. not bad~加上葱香熱熱的冷天除左hotpot最岩食.埋單$25 以size及味道價格較高但係CWB食都算平.

去利苑, 好多時係逼不得已. 因為附近冇似樣少少, delicate少少的粥麵. 不過利苑都只係一般好食.魚蛋米- 魚蛋夠鬆, 不過有雪味, 扣分菜心全走- 呢個掂, 爽脆, 冇渣, 主要係來食呢樣.服務- 唔預有咩服務, 都唔該唔好插隻手指公落d湯呀, 大佬!收銀- 老闆一貫地晦氣, 幾時可以有人開另一間粥麵頂佢呢?

點了一碗豬潤肉丸粥暖胃,肉丸香滑,豬潤爽甜,粥底用了腐竹煲,好綿! 不過味精好重雲吞麵無甚特別,份量好少,賣成廿蚊,不見得好食整體上ok

尋晚同朋友成十二點黎食,我食豬潤粥,朋友食雲吞麵,另一個朋友食牛筋麵.豬潤粥d豬潤幾香,啱啱好熟,幾好味,朋友話d麵好多師傅,d雲吞又好細粒,味道普通啦,但都幾細碗,廿幾蚊都幾貴.

我覺得食雲吞麵同埋粥唔好去呢間食啦, 以前未執野珍味既粥就真係正啦, 而雲吞麵就去麥奀啦. 無謂食完要去睇醫生　！

個豬肝粥有d皂水味,怪怪的隻�\ 同普通果d冇分別,除左大隻d,絕對唔值錢25蚊

年初四同媽咪0黎食晏, 天氣咁凍, 得七度, 最0岩食返碗粥架喇~ d粥依然咁有水準! 不過肉丸就比唔上澳門三元果d...大家如果去開澳門, 一定要試試呀好好味呀~佢d菜心都好正, 蠔油食得出係靚野, 帶哂菜心0既甜味出0黎...我同阿媽一人食左一碟$11碟係物有所值的

利苑唔單止d粥好味,o個度既裹蒸糭都好好味架...我地平時食d 糭多數外層既糯米同綠豆都無乜味架嘛,但利苑d 糉連糯米同綠豆都有被"俺"過...所以利苑既裹蒸糭真係內外都都咁好咪..雖然價錢比起一般粥鋪既裹蒸糭貴...但當你品嘗過佢之後,你都會覺得呢隻裹蒸糭值回票價~

d雲吞面幾好食...不過又唔係話特別正d粥都幾好

某次路過，醒起個個都話呢度d粥同埋雲吞好食，於是由路人甲變成顧客甲走入黎試。個時岩岩好禮拜日，叫左碗雞肉雲吞同肉丸粥，碗粥真係無得彈，碗粥美味可口之餘肉丸又夠鮮甜；不過希望係我記錯啦，我印象中既雞肉雲吞就好一般lor......另外鋪面比我想像中乾淨，一定好過以前係灣仔執左好耐既昌記。

呢度都幫襯左好耐，除左一般麵食有水準外，星期六仲有瑤柱麵供應，而星期日有雞肉雲吞，都可以試下哩。

依間聽就聽o左幾年, 今日第一次試~<br />京都炸醬麵($32) - 好味~ 麵質彈牙, 連我依個唔食鹼水麵o既人都話好食~<br />雲吞伊麵(二十幾蚊) - 麵都ok, 雲吞味道一般~<br />油菜($16) - 菜心幾新鮮~<br />d侍應算幾好招乎o架啦(同其他同類型粥粉麵店compare)~<br />環境都唔會迫, 樓底又高, 幾好喎~

老字號, 果然零舍不同!一碗白粥都正到停唔到口...雲吞彈牙, 不過湯底略油菜遠伊麵有水準, 好清!仲有男友最愛0既腰潤粥....雖然我唔食...但佢話係極品...um...食飽飽, 好滿足丫!!果度其他粥品都好正ga! 基本上我未試過0係果度食到d唔滿意0既野, 必去

雖然迫d，但仍然好多人，可見佢幾出名。皮蛋瘦肉粥好好味，d 粥好香，麵都好好食，好爽，湯底都好正。一定會再試。