利苑粥麵專家 (已結業)

坐落先知咁貴，叫了一個水餃撈麪，三十幾蚊。水餃味道麻麻。好多麪，食唔晒。太多蠔油，好鹹。餐廳燈光昏暗，夥計態度....這一間，亦係“只此一次”店。

看着是老字號，不知道何時會消失，就去試試。叫了個水餃撈麪，麪很多，也不錯，但是水餃有點不太新鮮，食落有點“怪”味。如果沒有記錯，是三十多元的一個撈麪，有D貴，有D唔抵.....

幫襯了好多年的粥店,傳統的粥和麵都掂,價錢大眾化,但是服務和衛生郤仍然像數十年前開店時的一樣,並不與時並進.伙計阿叔不講衛生,枱面油膩,連牆壁也是,油漬像隨時滴下來.阿叔落單時粗聲粗氣和沒耐性.但食物方面,豬潤粥好得,粥底綿滑好味,雖然有味精,份量亦可接受,豬潤甚多,有七八件之多,很爽滑,沒有怪味,淥得剛好,上時七成熟,要把它壓在底,先吃粥,才吃僅熟的豬潤.只是粥不多,不及佐敦的和味那麼大碗.沒有吃麵，因知道有梘水味．

我覺得他們的豬膶粥和吞麵不錯, 雖然地方不太清潔, 但是仍保持以前粥麵店的特色, 支裝水,古老的收銀機。

幫襯過ｎ次，全因就腳，但今晚唔知係我無胃口定點．．．d野食．．．唔掂．叫左豬手撈麵($32)，鯇魚片湯($25)，豬潤牛肉粥(25)，全部都唔好味．阿伯態度唔好就預左，但野食唔得就好難再來啦～

星期日晚上9點我同屋企人去咗哩間利苑食粥，叫咗2碗雲吞麵(無蝦雲吞)、2碗豬潤肉丸粥合共$90，價錢貴與平並不是問題，最緊要係食到反胃兼一肚氣……利苑的環境係眾所周知既污漕又殘舊，至於服務態度簡直差到不堪，尤其是有個類似老闆的阿伯擺出一副不可一世、全世界虧欠他的惡相(最核突係佢插咗隻手指落碗粥度，未食已經令人作嘔)。雲吞麵的雲吞無蝦都算，麵的鹼水味重得不得了。至於碗豬潤肉丸粥的豬潤又苦又有押味、肉丸的肉枚嘅……難食到我忍唔住衝入洗手間想嘔，初時都嘔唔出，但望一望利苑厠所的周遭環境~~即刻嘔得出。它們的出品如此差劣，為了不想再有食客有相同的遭遇，所以於星期一(昨日)下午致電利苑，提醒他們有關食物及衛生的問題，希望可以有所改善。點知聽電話的阿伯(那個惡形惡相男人的聲線)仲不知悔改、話我好咁多事……忍無可忍下責駡他們出品奇差、沒有顧及客人的感受，之後他主動提出賠償我$90的食費，但食物我不是全吐出來，所以很合理下我答應經過駱克道時才拿回$30……(要的原因係想他們知道品質的差劣而明白要改善)今日中午，前晚和我一起同行的女仕順路過去拿回$30，到達後他竟打999報警話我們@@，我的朋友斯斯文文

天時暑熱下連灌了兩支烏龍茶，一肚水，強忍著迎面而來的強勁澎湃鹼水味，棄豬潤粥不顧，叫了豬手撈，又要了白灼魚皮作配菜。有魚粥的小店多數都有魚皮作伴，加點薑蔥絲、淋點麻油伴碟，胡椒粉與豉油自助方式，任添任斟，「豉油撈魚」，是對付眼前「發水」的魚皮最好方法。見腸胃好轉，放膽地試試本地特產豬手撈，鮮艷的南乳色澤確是搶眼，然，在不夠熟油下，左撈右攪下仍是黏在一起，不但撈不起，亦撈不出個味來，真難搞。撇開「機車」得要命的撈麵，試試豬手，一舊手、一舊蹄，蹄的皮黏而不散，帶點點膠質，竟炆得好過大大舊的豬手，雖說「好過」但與佳記或玉葉比，仍差大截距離，反而那碗大地魚湯味道溫和不太鹹，若有天嗅不到強勁的鹼水味，試碗雲吞麵，該不會太差。

間鋪有好大陣蟑螂味!!!檯椅dirty.及弟肉丸粥$34比較貴! 粥底唔錯! 有下次!

老字號粥麵舖, 由裝修,地板,椅,都係舊式, 而且口碑都keep得唔錯.雲吞麵新鮮, 少少鹼水味, 味精味唔重, 麵爽唔易斷, 有口感, good.粥, 粥底好重要, 係成碗粥靈魂所在, 呢度粥底夠綿, 好味!價錢合理, 份量適中.

因為要過銅鑼灣上堂,上堂前去利苑食碗牛腩麫$23加菜心$114，牛腩好淋,麫有少少"皂"水味,但唔算好重,麫好彈牙!最緊要係個湯唔會好鹹，食完唔口渴!叫了菜心,很翠綠兼冇"渣"!連我唔係咁鍾意食菜心的人都可以成碟食清!!!

曾經好耐之前講過,全老銅最出色的雲吞麵,就是利苑,比何洪記出品更好,其他的薑荵撈伊,不知何故某段時間,每次宵夜也例叫此味.反而生滾粥就一直絕緣.其實此店還有另一味殺著,就是冰凍紅豆沙.原碗放在可樂冰櫃內雪藏,一有單便即取出奉客.味道沒有車品品的甘甜,但亦不是一味死甜.淡淡的陳皮味,化作一點微妙的平衡作用.,前文的Isobel Campbell最多為你送暖,這一趟冷冰冰,猶如Goldfrapp的神音,引領諸君到Utopia.

小時候跟爸爸來吃過它的雞肉雲吞，在小小的心靈中，只記得是臭的。之後就知道，雲吞還是要用豬肉的。很久都沒有吃過了，今天要到金百利上課，再次和四個大男孩踏足這小店，吃了雲吞麵和南乳豬手。雲吞小小的，吃下去味道很不錯，而豬手很入味，而且膠質很重，跟朋友們說對皮膚很好，但對這些男孩子來說是對牛彈琴吧。吃過這一次，算是對這店子的一個平反吧～

又要上堂，因時間關係，就來了這裡。叫了一碗雲吞麵和一碟蠔油西生菜。雲吞麵- 雲吞細細粒，一口一粒剛剛好，蝦肉又爽又彈牙，味道又好又正宗；麵質煙煙韌韌，好有咬口，鹼水味唔算太濃，幾好；除了麥x外，這間都叫做幾好的了。蠔油西生菜- 蠔油唔算好香，但一碟$12元的菜，可以要求幾高，心裡明白；西生菜算幾新鮮，雖然部份菜有點爛，但都算底食。

男友考完車之後非常肚餓，於是我便陪他前往利苑食粥醫肚。男友點了$25蚊的黄沙豬肝粥，粥底比坊間稀，我兩都覺得太水汪汪，味道亦偏咸，感覺重味精。豬肝/豬潤非常腍身，失去了豬肝應有的口感，加上非常咸，食完極度口渴。價錢唔平，地方和食具都十分污糟，食物不見得好，唔明點解會有咁多人捧場。

一碟牛腩撈麵$32 (一碗$22)貴唔貴就見仁見智. 銅鑼灣黃金地段我就覺得可以接受lor. 因為一撈麵係非常飽肚既. 牛腩好腍又香,正!D粥幾錦,配油炸鬼一流.我唔鐘意食儍,冇叫過.紅包沙稀一D, 夠凍! 我當佢紅豆冰錦飲,$10唔錯ar. 一碟牛腩撈麵+紅包沙, 飽到上心口. 題外話: 見搭枱位阿叔,一碗炸醬麵再黎碗粥加油炸鬼.一次過食幾樣野,好羨慕...!