利強記北角雞蛋仔

营业中

休息中

很久沒有來這裡買雞蛋仔和格仔餅了，早前有空經過，便再來試試；見條人龍都好長，本來打算下次再來，但看看錶時間還很早，就決定等一等。等了差不多20分鐘(都唔算太久)，終於手上拿到一件雞蛋仔和格仔餅；影完相後，當然立刻試一試，一口咬下去，心想：怎麼沒有了以前的蛋香味呢，而且唔得脆口；格仔餅又落得過甜和太多汁；完全食唔到以前美味的感覺。真不知是材料轉變了，還是手藝(技術)退步了，但現在已再沒有衝動再來買了。

聽電視介紹幾正咁就一家大細去左買左6底因為買5底送一底唔算等得耐但見到佢為左整得快dd漿倒到周圍都係實在有點可惜等左大約15-20分鐘~雞蛋仔外皮勁脆(食到一車都係)內裡...實在有點好似咬空氣如果倒瀉0既漿可以淋番入去就好啦...

最近才涉足北角區, 對一切食物都大感好奇, 這間人山人海, 總不會死錯人吧!!!是日見它只有3個人等, 一於走去試, 即叫即做的, 見它的賣相好像有點lone, 比著平日我一定不會要的, 不過這兒又說有水準, 無理由質疑它, 一於照吃可也!!果然真的是過lone, 脆到不得了, 而且脆得有點過分, 幸好內層仍有現在難得可品嚐到的軟軟蛋仔, 說真一點, 它又自稱用多蛋泡製, 我就覺得蛋味不夠, 粉味十足呢.......真的很懷念舊式雞蛋仔......

個人覺得格餅味道勝於雞蛋仔，若和太安樓相比，那北角真的勝於一籌。另外推介她們的碗仔翅和餃子，碗仔翅材料豐富，亦有假翅(但不是粉絲，素?)，餃子則香脆可口…北角的食肆不容忽視…但環境當然稱不上好，因有巴士穿梭……

好脆但成日排長龍... 我都試過佢係灣仔果間..完全唔洗排都有一樣水準!!!

聽人講過，又睇蘇絲黃介紹過，今日專登過海試一次，點之失望到極。下午四點幾，只有六個人排隊，唔洗十分鐘就買到。拿上手熱到飛起，食落口就大失所望，只得一個「脆」字，味道完全無，無蛋香無甜味，仲收十蚊一底。老公話見到ｄ蛋槳又稀又淡色都知道唔掂。唉～～～無下次呀！

7.10 (tue)經過北角，想試呢個係咪真係咁得o既雞蛋仔…要等５分鐘倒。大部份都係空心，有ｄ就真係有好滑o既蛋。好脆，我覺得我食緊薯片…未食過o既唔駛專登黎食喇。第一次食雞蛋仔係唔飽（每次都係飽死架嘛）反而想試個檸檬薏米水，好似好有營養，下次啦。對一切都係：冇期望就唔會有失望，講完。

食完炳記, 慢慢行落北角, 想起好久無來食雞蛋仔, 又拉隊過來食.食飯時候, 當然沒有長長的人龍, 等了一陣就有得食.雞蛋仔: 7分, 即整的雞蛋仔, 當然係熱辣辣, 外皮係相當香脆, 但入面係空心的, 又唔夠蛋味, 始終感覺係怪怪的, 至少比不上新奇遊樂場吃過的.順路經過附近, 都值得行過來試一下的.當然, 對於掌門人, 記憶仲係停留係大懲罰年代.

六月的某星期日，同男朋友排左15分鐘。好彩無失望，d雞蛋仔同以前一樣好好味!最欣賞佢外面脆口，入面空心，唔會食濟! 排隊其間條街好多小強散步，多得前面d師奶嬸嬸好人，踩死左幾隻。不過我相信d雞蛋仔都係衛生o既!!

相信「掌門人」的雞蛋仔已好味得遠近馳名,夜晚9點半去買都仲要排隊~今次食的格仔餅真係特別正,甜、膩、香、脆全合一,我又麻煩阿姐送d 餅碎邊俾我夾住食,嘩......手指都lam 乾淨埋~~有冇邊度的格仔餅比呢度好? 真係未搵到呀~

19-5-2007 1640當然唔係有混醬先好食。今日天氣勁不穩定，落大雨，通常要排長龍既食店一定比平時少，臨過細海先黎呢度幫襯。黎到果然得小貓三四隻，條龍預設係買雞蛋仔，佢地會根據排隊客人的數量「半預先整定」，如要格仔餅就要出聲，雞蛋仔完成後就立即放落袋，並沒有「休息」一陣先上袋。格仔餅要等大約5分鐘先至有，佢地雞蛋漿放係一個紅色大筒。齊料後就立即過隔離美食廣場「開餐」。紙袋已有幾個小孔，水氣可以及時散去，唔駛整林佢地。雞蛋仔食落相當香脆，裡面係較空心，還有椰汁所帶來的香味，使到蛋味欠奉，可能雞蛋成本仲貴過椰汁，直情叫椰香雞蛋仔仲好；而格仔餅好夠份量，還食到少少蛋香味，加埋練奶、牛油、花生醬及沙塘就差的行唔到。埋單共18蚊，如果只講味覺，的確不錯，但要享受純蛋香的雞蛋仔，這裡便不合格，有時名份真係唔重要。

幾年前o個呢度食過一次雞蛋仔, 覺得幾好食,比起銅鑼灣,旺角o個d有心思得多。佢地應該用左香蕉味既香油, 令到雞蛋仔好香, 用電黎整雞蛋仔, 雖然唔及以前街邊火爐咁有風味,但都可以話有番咁上下味道!但最近o向灣仔見到一間呢個名既雞蛋仔鋪, 一食, 毫無蕉味, 仲唔係咁好食tim, 諗住有機會去返北角試試。大熱天時, 企o個條咁窄既街, 又多人, 又多車, 等左好鬼耐, 終於有啦, o個度d阿姐同幾年前既應該唔同左啦, 好似都無咁好服務。個雞蛋仔食落, 都係無以前咁好食, 唔知係d雞蛋仔變左, 定個人大左呢~總之食側邊既碗仔翅啦, 其實o個位阿姐都幾無奈, 雞蛋仔就咁多人排, 自己個位又被d雞蛋仔客阻住晒, 雖然好似係同一間鋪o者, 但都幾無癮囉~都係o個句, 搵唔返兒時既味道架啦, 連幾年前既味道都搵唔到....

同朋友食完札幌拉麵, 仍然唔夠飽, 諗起呢度未食過, 走0左0黎排隊.雞蛋仔(圖下) 外皮好脆, 蛋味好香, 不過中間空了一半心, 個人而言我會寧願佢唔好咁脆+ 入面多些少蛋漿, 令蛋味更濃, 口感更煙韌.朋友的格仔餅(圖上) 都唔錯, 一樣好香蛋味, 新鮮熱辣. 不過純粹個人口味, 我會prefer 淨落牛油同砂糖!Overall 唔錯, 蛋香真係好夠, 所以俾笑面; 不過係咪值得排長龍/慕名而來呢, 就係另一個問題喇!P.S. 雞蛋仔+ 格仔餅$18 兩底

而家晚上0係北角進修，有時都心郁郁想食呢度0既雞蛋仔或格仔餅。每次經過，都總見到有人在排隊的。食過幾次，覺得味道都幾好，蛋味算濃，口感外脆內軟，格仔餅也一樣，但我覺得以這質素來講，每份$10就不太抵食，因為有些地方，價錢$6 - $8，味道也不太差呢！～而且排隊也排幾耐的，每次最少要十分鐘，這就是我不常去食的原因了！～

試個太安樓嗰檔,還是認為呢間最好,其它無得比,點好食不用多講,排隊是值得的