影片
更多
2020-01-18
1776 浏览
喺facebook見到利寶閣有中式放題， 又有佛跳牆，好多款中式美食，好吸引! 第一時間打電話去book位同個有少少大陸口音嘅阿姐講想book七點食放題， 佢話聽晚full咗，叫我八點半之後嚟，嚟到都要等。 我哋覺得時間都ok，所以都照book咗。 (期間個阿姐啲態度都好似唔想做你生意咁， 態度認真麻麻)當晚在銅鑼灣有少少塞車， 已經8點45分， 所以打個電話去講我哋會遲少少到，而家喺銅鑼灣塞緊車。 個大陸口音阿姐即刻話: o下~師傅走曬㗎喇喎。跟住我問: 啲師傅幾時走呀？阿姐話: 你上嚟先啦~睇下啦到時(我心諗, 你話啲師傅走, 我仲上嚟做乜嘢？)我問佢: 咁你即係呢度幾點冇得食㗎? 啲師傅幾時走?佢話: 11點都有得食，不過熄曬冷氣，你咪坐喺度食囉 (完全撩交嗌)我哋差唔多去到，咪照上去上到去叫我哋坐低等一陣，等咗成十五分鐘都冇人理我哋。 問佢哋而家點樣，跟住就話等一等，乘機又行咗去冇返轉頭。 跟住又係嗰個大陸阿姐 (原來佢長頭髮嘅,認得佢把聲) 佢話: 而家好多嘢都冇得食㗎喇， 你食唔食呀？ 一係你哋轉食小菜我特登過嚟食放題， 我嚟到你叫我食小菜， 你冇嘢食仲叫人嚟， 好有欺騙
同個有少少大陸口音嘅阿姐講想book七點食放題， 佢話聽晚full咗，叫我八點半之後嚟，嚟到都要等。 我哋覺得時間都ok，所以都照book咗。 (期間個阿姐啲態度都好似唔想做你生意咁， 態度認真麻麻)
當晚在銅鑼灣有少少塞車， 已經8點45分， 所以打個電話去講我哋會遲少少到，而家喺銅鑼灣塞緊車。
個大陸口音阿姐即刻話: o下~師傅走曬㗎喇喎。
跟住我問: 啲師傅幾時走呀？
阿姐話: 你上嚟先啦~睇下啦到時
(我心諗, 你話啲師傅走, 我仲上嚟做乜嘢？)
我問佢: 咁你即係呢度幾點冇得食㗎? 啲師傅幾時走?
佢話: 11點都有得食，不過熄曬冷氣，你咪坐喺度食囉 (完全撩交嗌)
我哋差唔多去到，咪照上去
上到去叫我哋坐低等一陣，等咗成十五分鐘都冇人理我哋。 問佢哋而家點樣，跟住就話等一等，乘機又行咗去冇返轉頭。
跟住又係嗰個大陸阿姐 (原來佢長頭髮嘅,認得佢把聲) 佢話: 而家好多嘢都冇得食㗎喇， 你食唔食呀？ 一係你哋轉食小菜
我特登過嚟食放題， 我嚟到你叫我食小菜， 你冇嘢食仲叫人嚟， 好有欺騙成份
跟住我話: 係你叫我哋八點半過嚟喎，你而家又話畀我哋聽你哋個放題咩都冇得食
跟住之後佢又話，其實淨係冇燒味啫，其他都有得食。跟住我哋坐低咗，即刻劃點心紙嗌嘢食， 嗰時應該大約九點半。送嘅佛跳牆同埋虎蝦天使麵到左， 個佛跳牆都算ok，但係嗰個上湯虎蝦天使麵 好難食 啲蝦一啲都唔虎，個汁又冇乜味，傑撻撻
食完呢兩樣嘢之後，就冇嘢食嚟過， 嗰時已經係十點。問佢哋我哋啲嘢食仲未嚟，跟住呢個又話跟，嗰個又話跟，個個都走咗去冇回頭。 之後個大陸阿姐拎住一碟我哋冇點嘅嘢食走過嚟( 似係隔離枱食淨，然之後走過嚟問我哋要唔要)， 劈喺張枱度問我哋食唔食， 跟住我話我哋冇嗌，跟住佢話你哋食就食唔食就算。 嗰刻完全覺得，佢係咪當我哋係狗
有一個四眼短頭髮嘅部長態度好少少， 佢都有話唔好意思，話我哋之前落咗嘅單而家跟緊，會好快出嚟。
跟住之後攞左碟豆腐嚟，又攞咗一碟我哋都冇叫嘅炸蝦餃，勁難食
呢個放題嘅食物質數超低，好似一啲賣淨嘅點心或者食物夜晚放題再放返出嚟畀啲客食。 佢有一個鹹菜豬肚個湯咸到呢同埋一啲胡椒味都冇。
到最後10點45分，我哋啲乾炒牛河，水煮魚 等等飽肚食物一碟都冇嚟過， 跟住問個男部長， 佢先話，冇啦，啲師傅走曬啦。 之前個部長又話叫我哋等，啲嘢食會嚟，我哋真係信佢，等， 但之後原來啲廚房走曬又唔話畀我哋聽!
佢哋無論食物同埋服務嘅質素，都係非常惡劣!
二百幾蚊食埋啲垃圾, 真係嘥時間,嘥心機!
张贴
