別府駅前料理 (已結業)

都唔知幾耐歷史無去過別府喇,蔡瀾節目一介紹過,有新野,即管再試。麻辣鹽火炙三文魚加州卷$28,上枱時感覺到剛火炙的暖,當影完相後,變回一件普通的三文魚反卷,沒有什麼火炙香。還有什麼麻辣鹽?感覺唔到喎。黑松露吞拿魚撻撻軍艦$32,就係節目中的新品,果然好好食,紫菜仍微脆,同埋完全估唔到黑松露同吞拿魚蓉,味道會咁match!好想encore!火地獄拉麵(小辣),果真係小辣。湯有點稀,和不濃味,精髓失色,攪到整碗麵都好平凡,就係填飽你個肚就算。一品Pizza(芥末醬)$32,吓….乜呢d叫pizza!? Pastry黎ju 喎!上面撻堆煙肉片、大pet芥醬,滲到個酥皮腍晒! 此時幾個侍應,續個問我地,野食黎齊晒未,和老公仍可食多少少,咪加碟軟殼蟹卷。剛剛的侍應同我地加單後,之後又問食物黎齊未。然後又一個侍應,見我地清晒枱上食物時,問都無問就收晒我地d碟、筷。(之前壽司碟上的薑片未食晒,無問又收左)碟軟殼蟹卷來,佢咪又要擺過碟、筷、紙巾!軟殼蟹卷,一吃,已見真章!只有軟殼蟹炸得脆,壽司餡少、飯多、飯無乜醋味、又死實。睇黎,別府在我心中,都未能翻身。p.s. 壽司八折

夜晚揀左去青衣城食飯間間餐廳都要等位, 揀左一間等10幾張枱ge別府, 半個鐘到就有得食~友人介紹左鰻魚炒飯, 呢個飯好香, 好多鰻魚, 而且份量都唔細, 2個人食都ok另外叫左帶子pizza, pizza底幾特別, 係用酥皮底, 好香仲有一個叫做"溫泉蛋芝士鵝肝鴨胸", 聽落好正, 但賣相唔係咁討好,一pat白色ge野, 上面再有一pat芝士, 而且食唔到鵝肝, 總之就麻麻啦壽司叫左甜蝦同火炙三文魚, 普通laoverall黎講, 呢間ge野食都ok~

有一日放左學之後，唔知邊個話要黎呢度。我地入左去睇下有咩食，都有幾多既午市定食，加十蚊仲有小食。炸蝦餅一食就知係雪藏既貨色，味道就普通啦。都有小小蝦味，個蝦餅又唔係食到成啖粉。牛肉雜錦鍋個定食仲有個飯既，而呢個鍋都唔錯既。有豆腐、牛肉、雞蛋等。總之都幾雜錦啦。個湯就甜甜地，唔錯既。而牛肉就係普通既肥牛，都有三、四件。其他既材料都無乜特別，都算唔錯啦。凍奶茶好大杯，但等左好耐。雖然無茶記咁好飲，不過都唔差既。其實呢餐都唔算太抵食，個份量都係剛剛好。小食可以唔加既，因為個份量同價錢唔成正比。

今日為左"黑松露珍寶帶子壽司"而來, 因同事食過話好好食, 而家加一蚊多一件, 即$26有兩件, 平時都唔會去別府, 覺得其他嘢食都係一般!!黑松露珍寶帶子壽司 ~ 好掂...帶子大粒厚肉又好新鮮, 黑松露醬都唔少, 醬味好濃甘香!!咖哩豬扒飯 ~ 呢乜特別話好好食..算ok既!!豬豚肉拉面 ~ 之前試過6隻椒, 都食到, 今次叫咗8 隻辣椒, order 時待應都問我有無食過, 哇...真係好勁辣, 值得一讚..唔係得個辣字, 湯底都好濃, 食得辣既人一定要去試試, d 豬豚肉係分蹄肉, 入晒味好食!!

果日同屋企人一行5人7:00PM已攞張籌等叫入座....開始等果陣都叫到21號籌，只係差5個籌就到我哋(我哋攞住係26號籌)，點知等左成45分鐘，只係叫左一張枱入內，人多我吾怪你哋...但最激氣係....寫明左如果超過3個籌就要重新登記....無啦啦有個14號籌的人出現...佢話遲左過嚟....個服務小姐 (余小姐)...佢就話輪3個籌就俾枱佢....有冇搞錯...咁寫個條文出嚟做咩....咁我哋當然同佢嘈啦....余小姐仲理直氣壯咁話佢冇錯.....規矩係咁...我哋咪叫佢經理出嚟理論...一個黃小姐的經理走出嚟...問都吾問清楚就話佢哋冇錯....火都嚟埋.....佢哋D態度仲要係好冇禮貌...對吾住都吾講聲...當然嘈都冇謂....勞氣之下咪走...以後都吾使我會再去，臨走果陣聽到另一家人都係嘈依樣野....，鬧完一次都仲係咁，真係不知所謂....

本身我經過青衣城見好耐無食過別府先去等下位, 食完我終於明白點解連德福都執埋...我由拎飛開始, 2人等位 (從來未試過2人去食野等位時間仲耐過4人去), 等左45 分鐘, 但係講緊只係等幾個號碼, 門口位姐姐不停叫3-4人入, 2人位10分鐘都唔叫一張....我唔明呢d 係咩安排, 真係未試過2人去食野等位時間要耐過3-4人講番野食, 叫左:炸雞拉麵 - 好普通芥辣餃子雞翼 - 炸到乾晒, 都幾難食唔知咩黃金帶子雜菌既野 - 只係者一d 菇放係帶子上面, 帶子放係個shell 上面, 再放一d 汁上面, 唔識形容, 唔怕錢多可以叫中華地獄冷面 - 我係未食過d 咁難食同9唔答8既野, 個汁勁辣, 但辣得黎一d 味都無, 本人都幾鍾意食辣, 但未食過一種辣係食完唔知食左咩, 撈埋落d 冷面到係waste左成個冷麵, 真係完全唔夾......總括, 有人請我都未必再去

收到「凌凌狗」的戲票，想看戲及逛逛商場，我提議去青衣城，因多年沒有去過。可能是週末的下午，差不多所有食肆都要排隊等位，看看手錶，距離入場還有一小時，但又不想吃快餐，來到「別府」，即刻有位，我們被帶到一間很細小的房間，內裏已有兩檯客人，我隨便點了北海道黑豚肉黑芝麻拉麵，雙色鰻魚飯定食連汽水，若加十元有兩件三文魚壽司。雙色鰻魚飯定食有兩種鰻魚，山葵白鰻魚和蒲鰻燒，蒲鰻燒味道還可以，但白鰻魚是無味的，而質感亦很曖昧，不彈牙，還有點腥，加上我不吃山葵，更加腥，而珍珠米煮的飯亦覺糊口，太軟，北海道黑豚肉黑芝麻拉麵有幾片豬肉眼，完全無調味，肉質頗「鞋」及硬，懶得理是北海道，還是北海盜，不好就是不好，可能我在街市買的豬眼肉會更好，湯底呈黑灰色，因有黑芝麻，很香口，麵質則一般。三文魚壽司是普通貨色。試過這餐，多少明白到這店為何不用等位。

果日食完返到屋企都已經想上黎比比食評，因為相機借了給細妹用未知道幾時還比我，先上黎比左食評先！果日約左幾個朋友仔去本來想去青衣板長食壽司既，點知道去到板長好多人排隊，點知道我地望過去見到別府唔洗等，行到過去別府見到佢特大帶子壽司加＄１多一件，所以我地咁就去左別府到食啦，因為我地要去睇戲所以好快咁叫完，唔洗３０分鐘Ｄ野食都到齊啦，Ｄ野食黎齊哂見到Ｄ野食唔係好對路，刺身／壽司用眼睇都已經唔新鮮囉，其他就唔想再講，見到都唔想食果隻，連最基本既三文魚都完全唔得囉，三文魚係就係好大件，但係食落口臭既，仲要係唔係幾夠凍，好在佢係用冰底，仲有一樣想講就係三文魚籽壽司，Ｄ三文魚籽有苦澀味既，點知道大家都覺得Ｄ野食唔係咁得，就叫位哥哥仔幫我地可唔可以換一換Ｄ野食，佢都算幾好即刻張Ｄ唔得既野食換哂佢，但係問題都一樣係咁，即係唔係單一問題，算啦，我地就出絕招好食就食唔好食就唔食，衰然別府食野價錢真係都算係平，但係都唔係要我地食垃圾呀，換完都仲係有問題，真係唔知道佢想點，唯獨是果個黑松露帶子壽司，加１蚊多１件算係新鮮Ｄ之外，佢既刺身壽司完全係垃圾，好多人都知道生食既野就算點好食大件都一定死，我朋友至搞笑話想問

今次係第3次食別府...第1次係好多年前同朋友慶祝生日...都係0係青衣呢間食...淨係記得如果要堂食我地帶去既蛋糕..要每位收番$50切餅費...知道之後真係想走..不過壽星女話想食..就算啦...當然最後都無0係別府食蛋糕...拎左出海旁切...! 之後都怕左無再去....到第2次去係因為老公話想食...咁我諗住都隔左咁多年就一於試下啦..0個次0係荃灣食又ok喎....點知今日再去青衣呢間...又帶黎唔好經歷....今日同老公叫左5樣野.....全部都水準之下....真係好失望...三文魚刺身 ($38 - 5件): 無左買一送一優惠都算....質素仲要差左好多...見到都唔開胃...豆腐胡麻沙律 ($28): 好多洋蔥...豆腐就好少...牛肉壽喜陶板鍋 ($45): 尚算可以...牛肉得兩三片..加埋兩粒豆腐.金菇..芋絲同菜....本人覺得唔抵食...吉列豬扒拉麵 ($42): 算係全晚最好...豬扒炸得鬆脆...拉麵都幾彈牙...錫紙芝士焗什菇 ($26): 我諗自己整都好食過佢...只係得一d無味既菇...上面加塊芝士...焗一焗就算...d鍚紙完全反映出焗既時間有幾長

幾年前成日同朋友睇戲前黎呢度食野....事隔幾年後, 面目全非......就連食物質素都變埋!!!今日同男朋黎睇戲, 就試下再食...叫左豬軟骨拉麵 - 一樣咁好味!!!!叉燒拉麵 - 男朋友話唔好味!!冇味!!!鑲雞翼 - 都幾味!!!但入口即散....炸生蠔 - 呢個全餐最好味!!!但係$38/3件....貴左D....八爪魚餅 - 我想食墨魚餅....但個侍應話冇...提議不如改做八爪魚餅, 口感一樣, 但係......我真係食唔出有咩口感囉......

幾個朋友約埋青衣城行街街.....累到死~買左少少戰利品....幾件衫+一條普通既手鏈...都算有收穫~大家肚餓到冇力行...就聽到別府門口個姐姐話壽司有8折,,三文魚刺生買一送一喎...見好似好底,,就去問個三文魚刺生幾錢..!?原來o個個係叫娜威三文魚~$38一客....買一送一就+埋有10片~我地就比個刺生吸引左....入去~好采我地6點幾入,唔洗等就有位...(晚市)佢地拍左張6人木台 比我地...個位坐得都唔錯~大家都好口渴,,但係d茶好熱~就問店員可唔可以比杯冰水,,佢話冇問題,,就比左5杯..服務到幾周到,一叫就有人應~5位一人叫左個飯麵先,再另+小食.....餐單大約有:1.滑蛋朱扒飯 x 22.燒牛肉飯 x 13.鰻魚飯 x14.鰻魚炒飯 x1 <---me佢地都話d飯麵唔錯,,幾好食~^^~小食當然就叫左 三文魚刺生喇...另外就有個叫魷魚筒...全名唔記得~呢個本人十分love超好味...仲有個雞軟骨碎都好正....我平時好小食日本野><"有個叫地獄餃子<---好辣朋友介紹食枝豆,話好好味就試下...鹹鹹地,,好得意...個個都

今日同男朋友去左青衣城的別府~~~ 咁岩唔駛等位~~~ 唔錯既一餐~~~ 叫左4樣野, 沙律巨型蟹柳壽司, 豬軟骨拉麵, 三文魚粟米pizza同燒帶子個蟹柳一般啦~~~ 唔多鍾意條蟹柳凍凍地~~~豬軟骨拉麵好好食~~~ 同個豬骨湯底好夾~~~~ 不過驚喜的是三文魚粟米pizza~~~ 個pizza底係酥皮的~~ 鬆化好食~~~ 因為有粟米, 味道幾清新~~~~燒帶子都唔錯, 不過係油左d~~~ service唔錯, d野食好快到, 不過上菜既時候見到檯面放滿左吉碗碟, 連新上既菜都冇位擺, 但依然唔識收碟, 就真係抵打

1.五品刺身盛$88~尚算新鮮2.蔥吞拿魚腩卷$42 ~ 一碟六件,size不是太細,都算抵食3.劍魚壽司$28 ~ 不過不失4.金龍地獄拉麵$40 ~ 金龍其實是天婦羅,一切正常! 湯底不太辣,麵質OK,但有隱約的鹼味.5.和風豬軟骨拉麵$42 ~ 軟骨與豬肉比例平均,又不會切得太細舊

我 和 朋友 到青衣城食飯, 經過別府, 見不用等位, 環境ok, 便進去.我們 不是 很 餓, 只 點了 兩 三款食物, 其實 是想 坐下來 傾計 休息 多d^^!鐵板一口芝麻雞 $32~ 芝麻雞炸得幾香口, 一口芝麻雞能做到 一口 的效果, 可是 芝麻粒好少，吃不到芝麻味.雞軟骨餃子棒 $25 ~ 餃子好似沒有煎好 , 皮是夠薄，但不脆又太淋, 至於 內裡的雞軟骨 是爽口 但 味道是 淡淡的.和風豬軟骨拉麵 $42~ 味道一般, 沒有特別. 巨峰提子汁梳打 (open drink discount~ $35 for 2柸)~ 好清甜, 柸底 的提子粒不是巨峰提子, 但也可口. 總括而言: 環境、氣氛都quite good, 食物尚可 !

四點鐘睇完戲之後走咗去食 別府 既 tea set lunch入到去只有小貓三四隻跟住我地落 order 時個 waiter 都幾好服務拉麵就 6 分鐘左右黎到我食既定食就 12 分鐘左右原來係白飯加牛扒牛扒幾好食 燒得唔硬唔太 'lum'而拉麵就試咗一啖覺得好辣 (我唔食得辣的) 但係我既兩個 fd 都話一 d 都唔辣..... 最特別係我地食食下野時個waiter 走埋黎話一間要收鋪所以賣咗單先價錢 $ 45 左右下午茶黎講都算貴= =