別府駅前料理 (已結業)

好彩來到7點未夠，bar檯即刻有位。我地兩個人叫左4樣野：雜錦壽司（竹）：好新鮮，最正係個toro，鮮甜美味，如果d壽司個size可以大d就更好；金龍地獄拉麵：辣得幾好味，拉麵彈牙，tempura亦炸得唔錯，層衣畸嫌厚左少少；清酒煮蜆：麻麻地，d蜆有沙，清酒唔夠香，有d失望；鹽燒雞肉卷、冬菇、牛舌：好好食，尤其係個雞卷，佢係整碎左d雞軟骨來做成，好有咬感，下次要encore整體都唔錯，價錢又唔貴，服務好好：時常幫你加茶，睇熱呀，唔好意思呀，幫你做嘜做麥呀咁，值得再來過。

上次去左食，都覺得幾ｏｋ好味。叫左一辣，但完全唔覺得辣，睇黎下次要叫三辣或以上先得。但食食下突然有隻小強出現左…即時換台～

呢個星期日日都要OT，好辛苦呀...完左presentation，又claim到咁多日meal/transportation allowance，當然一定要好好慰勞自己~ 方法當然就係食好野~ yeah~ 　放左工，同BF一齊去青衣城搵食；貪佢近又多食肆嘛~ 行經見到別府幾吸引，就去試試~ 店內環境偏暗，唔及阿拉廚房裝修靚喎~ 點都好，食物最緊要，我o地要左：炸蝦天婦羅手卷、雞胸軟骨餃子棒、木魚厚燒餅，以及血地獄拉麵~ 頭三樣食物一般日式料理店o既味道/ 水準啦，都唔錯o既，拉麵就真係令人始料不及：估唔到一碗唔太見紅o既拉麵，居然勁辣(各位，本人祖籍四川，有多年食麻辣火鍋經驗)...我o地只係叫中辣bor...好在我同BF都有order冰涼o既抹茶紅豆冰(佢o既推介嘛)，可以解辣~　埋單$200唔駛，okay啦~ 不過唔太滿意佢食物size偏細，叫左5樣食物都係麻麻地飽~ btw，唔知別府驛前料理同別府麵館有乜分別呢?

同朋友去別府食野,叫左一個滑蛋雞肉飯同一碟炒野菜,個飯幾大碗,又多料又熱,所以好好味,不過真係可以食到好飽呀!仲跟一個面豉湯添呀!個炒野菜就比較普通,主要係椰菜,又有青絲同紅蘿蔔絲, 又有金菇本茹咁,炒埋一碟,油油地,ok啦!不過可能因為人多卦,服務唔算太好,想落order都要等好耐,同埋落左order後至上桌時間都幾長。

早前朋友叫去青衣食飯, 朋友揀了去呢處, 初初稔住吃拉麵, 但朋友話吃那些叫那些搵笨細碟食物, 結果三個人就叫了九碟野同一個拉麵大家分。燒餅無乜味, 豬軟骨就唔錯, 銀雪魚什菌就得牛油味, 豆腐鍋d湯好咸, 燒牛肉粒就夠"林", 南瓜蕃薯天婦蘿都唔錯。但係每碟都好細, 價錢又唔係話平得好多, 我情願去食那些大大碟正常價的料理好過。服務又唔係好, 上菜見檯面擺唔到就企了在旁又唔叫其他侍應幫手要我地自己推, 呢個亦係食細細碟的問題, 因為碟數多, 食物就少但係碟就大, 搞唔張四人檯堆了七八樣野已經無位。仲有就係趕客走, 我後加order 天婦蘿未來, 其他東西就食完, 那些侍應就不斷的望住我坐張檯, 好似搞到係我霸住張檯唔走咁樣。

去呢間食野唔抵,d野分量少之餘,價錢都幾貴...又唔可以話好食,只屬一般,比較好d既係個環境,同埋d 員工既服務幾好...

N 年前已經想試下聞名已久o既血池地獄拉麵,結果今日先第一次黎食,1,2,4,6,8咁多種辣,2都已經幾辣下~不過d麵質唔駛食落口,淨係望下都知唔得,碗野得個辣字,送同麵都唔得,下次實唔幫襯.望下同事o既壽司定食,只覺非常唔新鮮,見到都唔想食.定食有個tiramisu(算是吧!),都ok o既,冇落魚膠粉,但我覺得我整得好食d囉.叉仔又冇支,用地獄拉麵雙筷子食,感覺好核突.雖然d野價錢唔算好~~~~貴,但呢個質素我都叫唔抵.不過今次始終食得少,下次再黎都係唔得o既話就會好似味千咁,永不再幫襯.

0係青衣城真係無乜好食，所以無乜得揀下黎左呢度。一坐低見到有個匯豐信用咭兩/四人餐，我地兩個人，見個二人餐都好豐富，又睇返個餐牌，叫齊個餐0既野食我諗貴一半，所以叫左個和風二人餐：1) 蟹子沙律(2碟)2) 三文魚手卷(2件)3) 雜錦刺身(吞拿、三文魚同甜蝦各2片)'4) 京都炸豆腐(3件)5) 吉列北海道生蠔(3件)6) 炸軟殼蟹(1開4)7) 薄燒牛扒或雜錦天婦羅(揀左天婦羅-有蝦2隻、1茄子、1青椒同1番薯)8) 日式炒飯或迷你豬軟骨拉麵(揀左拉麵-有2小碗)9) Tiramisu 或綠茶雪糕(揀左Tiramisu-有2小件)剩係睇個LIST都知有幾多野食，最重要係全部都好好味﹗應凍的凍，應熱的熱，全部都好新鮮，勁正﹗估唔到咁有驚喜，係非常開心0既一餐﹗

唔知係咪人手不足, 今日竟然漏單... 至於o野食, 麻麻地啦... 不過有滙豐卡就可以八折食個二人/四人套餐... 個二人套餐好大下, 三個人細食的話都夠食, 但係d 魚生解凍唔夠, 仲好冰... 我叫做個鬼山地獄拉麵, 一d 都唔辣o既, 而且湯底唔夠熱... 埋單二百五, ok o既...

格局同平時0既別府唔同，裝橫靚d。三文魚刺身都幾新鮮好味，鰻魚炒飯同拉麵都ok，服務都幾好

青衣城這間別府裝修美觀，走和民風格．食物質素一般，服務要改善，因為人手不足．