初麥手作烘焙

营业中

休息中

📌初麥手作烘焙～北角前排自己都陷入左食布丁包嘅熱潮🥹呢間位於北角新開嘅麵包店 主打布丁包🍮芋泥口味又幾特別 即刻要去排下隊買👅星期日排咗大概20分鐘就買到 算係排得短每日有三輪出爐 分別係 12:30/15:30/18:00or18:30⌛️詳情都係要留意番佢哋IG公布 有時剩係得兩輪‼️每人限購四個不設預留 所以係先到先得㗎😗我第二輪去早10分鐘到就已經係尾幾個 排滿25個就會截龍～食完嘉多利再食呢間就有個比較👀1️⃣ 芋泥布丁包 $𝟭𝟵 (𝟵/𝟭𝟬)芋泥布丁包真係第一次見 味道幾創新🤩仲有一粒粒芋頭係入邊 口感豐富真係要焗熱佢嚟食 係會食到外脆內軟😍法包會變到好酥脆 然後芋泥變得流心非常綿滑🤌🏻芋泥的份量比起布丁多 完全滿足到芋頭控！2️⃣ 傳統布丁包 $𝟭𝟱 (𝟳/𝟭𝟬)相反呢個原味布丁包就比較普通🤔嘉多利實在好食好多 不過就要排45分鐘以上🤦🏻‍♀️相比下呢間味道偏甜偏膩 奶味亦都比較突出而且唔知點解法包亦都冇芋泥版本咁酥脆😢💡整體嚟講 芋泥布丁包超級值得一試！推介大家真係要焗熱嚟食 原味就嘉多利比較好食啲 😋去開北角不妨買嚟試吓 希望以後呢間唔使排太耐隊🫣✄----------------

近期布甸包真係熱潮一浪接一浪 好似好多間麵包店都有出！呢一間北角新開嘅麵包店竟然推出咗芋泥口味 超級特別！內膽除咗軟滑嘅布甸之外仲有好多芋泥 口感綿密得來又帶芋頭粒粒嘅口感 食落唔會好甜 同布甸嘅口感好夾😍

早幾日喺公司附近發現到呢一間新開嘅麵包店，見到有最近好高人氣嘅布甸麵包😍而且佢哋仲係有粒粒芋頭喺裏面！！！除咗布甸麵包之外佢哋仲有其他麵包、蛋糕等⋯另一樣好吸引嘅就係佢哋嘅葡撻，分別有兩款（曲奇皮$12/酥皮$8），曲奇皮嘅比較高身好似食緊布甸咁🤤，如果去開北角嘅話不妨可以去買來試吓！

😋 菠蘿qq波 $5菠蘿皮超鬆脆！ 食落係甜甜地脆卜卜，加埋麻糬波波夠煙韌，吾係想像中既空氣感，成個包食落都好有層次感！ 😊 芋頭麻糬燒 $14作為芋頭控要試下呢款麵包，可惜餡料比較少，麵包比例較多。芋頭係有少少顆粒，食落吾太甜，麻糬就煙煙韌韌，麵包同普通麵包差唔多，未有太大驚喜Ps 麵包店有熱款布甸包同芋泥布甸包，每日會分3輪供應，可惜每次買吾到！ 下次有機會要試下💕抵食程度：⭐️⭐️⭐️⭐️食物質素：⭐️⭐️⭐️⭐員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）

好日都唔會山長水遠入去北角囉所以一場嚟到一定要搵定呢區有咩好食見到有人介紹呢間（初麥）就嚟試吓去到都以經係七點🌚好多心水都已經賣哂呢件藍莓蛋糕好好食但唔會係好特別因為好多店都食到呢個水準黑蚊蚊呢個我都唔記得叫咩名嚕😂店員話都係比較多人食嘅出品可能我食完三文治再食佢我覺得好飽好（漏）可能係我個人問題…好普通不過呢……如果下次去北角想食甜品嘅話都會再幫襯嘅穩陣嘛其實仲有其他我都仲想試未食過嘅都可以一試……唔伏

北角超人氣新式麵包店 日日排長龍😎初麥一開試業嘅時候，我已經忍唔住行去8掛下，但由於去得太遲，去到已經冇乜麵包。然後，隔咗幾日再去，竟然原來發現佢有曲奇皮嘅布甸葡撻（$12），同埋酥皮葡撻（$8）。咁啱見到有幾個曲奇皮，就買咗嚟試吓驚為天人。因為我自己鍾意食曲奇皮。後尾我發覺原來我嗰日好好彩，原來個曲奇皮每日排晒長龍，未出爐已經啲人等緊，我嗰日啱啱係去到買到林尾嗰幾個。過多兩日，又心思思，買咗酥皮試吓，都唔錯，啲蛋幾滑幾香。然後又過多兩日，買咗個朱古力布甸，朱古力味有幾濃，仲買咗個$5嘅QQ波菠蘿皮包，煙煙韌韌👍🏻推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：7⭐️地方：北角英皇道483-497號東寶大廈地舖#甜點 #甜品 #甜點控 #甜 #糖 #麵包店 #葡撻 #曲奇皮 #烘焙 #朱古力 #北角美食 #北角 #sweet #sweettooth #desert #why #hkfoodie #hkfoodieblogger #hk

其實香港人都幾鍾意食麵包，間唔中就會掀起一股麵包熱潮，由之前興起嘅古早蛋糕、貝果、麻糬波，到而家嘅布丁包都開到成行成市🍮 每次有新嘅麵包店開都實會排長龍，好在呢間新店開喺公司附近，終於可以試到🤤《 芋泥布丁包 》 $19 4.5 / 5由於係第一次食布丁包，冇比較之下單純以個人喜好評論😌 雖然凍食都聞到好香麵包出爐味，布丁餡料飽滿脹卜卜好光滑，賣相討好🤤 麵包涼左外層會有啲韌，稍微整番熱應該更好食👍🏻 一撕開麵包內層流心嘅餡醬洶湧而至，除左香濃嘅蛋同吉士，最突出嘅就係綿滑嘅芋泥同芋頭粒😋 有芋頭粒口感即刻豐富左～整體好滑溜好𝘊𝘳𝘦𝘢𝘮𝘺！《 德式布丁撻 》 $12 3.5 / 5價錢黎講好大個🤩 撻皮係鬆化嘅曲奇皮，好香脆👍🏻 布丁蛋醬雖然唔係流心，但質感都好嫩滑😋 對比布丁麵包會無咁甜，不過亦相對無咁香口🤪整體體驗唔錯，因為有講定出爐時間，排隊等3個字左右就買到算合理😌 另外都幾滿意佢地嘅包裝盒好穩陣，就算買番屋企搭車都相信唔會撞散🤣👍🏻