初遇

营业中

休息中

餐牌上所有名都好台式，但個手撕雞上到枱嗰刻就知出事…手撕雞唔喺白色一條條，喺一嚿嚿仲要喺粉紅色，似中式排骨蒸雞嗰種雞塊，食落就真喺蒸雞嗰種味嘅，出晒事，唔好食。滷肉飯有豬肉鬆，當佢新式做法吧，但整體味精味好濃，同枱男友飲完自己杯水果茶再飲埋我杯芒果茶都仲覺得口渴嘅。見隔離枱嗌咗個牛筋麵，成碗麵連牛筋都食剩一大半。無試過差到要打食評，叫得做台式嘢，就算啲味道喺爭咁啲，都比個台式飯嘅樣嚟吖…手撕雞真係最令人驚訝..不可一 不可再。完。

好多時路經呢間店舖都見佢排長龍，今次終於有機會試到，仲要係下午茶時段，當然要入去試下啦😋全店用上木系傢俬，裝修簡潔清新🥢紅燒牛肉麵拼古早滷肉飯 $52(下午茶)超抵食，份量唔少；牛肉麵嘅牛肉係軟腍得嚟帶口感嘅牛𦟌，麵質滑溜亦富口感；滷肉飯味道清香，唔會太濃味，滷蛋亦好味🍵紅棗桂圓茶 跟餐 +$0(下午茶)好多材料响裏面，有紅棗、杞子、玫瑰花及菊花，清清地幾香花味🥢初遇紅燒牛三寶手工麵 (腱心、牛肚、牛筋) $85超大碗，牛𦟌非常大舊又厚身，軟腍得嚟帶口感；牛肚爽彈；牛筋Q彈，整體都幾入味，麵質滑溜亦富口感🍵黑糖薑母茶 跟餐 +$8裏面同樣好多材料，有黑糖、薑、紅棗、杞子及玫瑰花，充滿香濃黑糖及薑味🍨古早仙草三色芋圓 $38三色芋圓大大粒Q彈煙韌 ，配上爽滑仙草，而且味道唔會好甜，啱哂我哋檯上仲有酸菜可以添加， 酸爽脆口，伴飯伴麵一流

間中來沙田做嘢如果諗唔到食乜就會揀呢間台灣嘢 貪佢價錢合理食物質素好穩定 有時下晝得閒就會嚟食下午茶其實價錢差唔多，但係仲會送嘢飲就到時間啱就會食下午茶門面比較開陽 出面有餐牌睇到有咩選擇座位都幾特色 三個至四個人仲可以坐卡位上次食嘅時候仲未見到呢個拌麵今次決定點評一下下午茶好多選擇都係$50以下仲包埋飲品 有幾款凍飲都唔使加錢古法慢煮焢肉拌麵 大推薦！如果鍾意食少少台式香辣一定要選慢煮至入味的焢肉又油香豐富半肥瘦又夠厚 平時係銅鑼灣食類似一碗呢個質素的台灣麵最少100醬汁好香濃，麵條軟硬適中仲配埋紫菜湯一齊食 超夾呢個size有四至五塊！仲有台式酸菜好好食🤤下午茶最適合點一款輕食呢款好有台灣風味的慢煮雞腿蛋吐司就係平時台灣成日見到嘅「特厚三明治」雞腿肉好嫩滑 成個組合一定好食 我想講$40包埋飲品，真係平過茶餐廳鹽酥雞，即點食炸！鹽酥雞滷肉飯 一樣保持水準另外加咗$22要咗古早仙草三色芋圓 size同平時差唔多一樣 芋圓口感煙靭 加埋仙草一齊食 幾重口感好豐富

路過沙田見到有佢，就同朋友去去食，大家都唔太餓，就嗌左少少野share食豬軟骨滷肉飯、肉鬆榨菜捲餅、三色芋圓都好食杯冬瓜茶都唔錯唯一敗筆在自家製芋泥鮮奶，太健康了，無糖

見到依間初遇多好評 今日都去試試5點半去到 都見到開始多人等6點入座因為自己有兩袋野+同行人士都有袋所以問下店員會唔會有櫈/籃可以比我裝野店員回覆因爆場所以冇多餘既櫈所以我袋野放背後 自己再攬住一袋岩岩order完 見到有卡位既2人枱想轉過去 店員明知我多野都唔比轉服務都唔太好最先上係兩杯野飲香芋珍珠奶茶正常但鮮奶紅豆芋圓 一上黎戈陣真係好無奈紅豆同芋圓好小 兩樣野夾埋只係岩岩好鋪滿底就算撈勻後飲都只有鮮奶味冇紅豆味大腸淋，麵線落埋小小醋 味道係得咸同酸 完全唔係大腸麵線既味 有d似八方雲集戈陣味臭臭鍋 得鵪鶉蛋同菜好食係平 但性價比唔高

之前每次經過好運中心嘅「初遇」都覺得入面好光猛好舒服，望圖片都覺得啲野好好食，加上自己一直都好鍾意食台灣野，所以今次一於就去試下呢間台灣野！咁啱撞正下午茶時間，叫左兩個tea sets再加一份小食：（1）一品臭臭鍋+寬麵 $98估唔到下午茶set都有一品臭臭鍋！！上次係台灣食已經覺得好好味，初遇嘅一品臭臭鍋一上枱就「臭」到不得了！材料都十分充足，有我最鍾意食嘅黑色臭豆腐、鵪鶉蛋、凍豆腐、金菇、娃娃菜… 不能盡錄。仲有得揀主食，我揀左寬麵，好煙韌彈牙。成個臭臭鍋份量好多，夠晒我同朋友食。（2）夜市小食拼盤 $56台灣最正就係夜市！一望到夜市小食就心心眼，呢個拼盤有蝦多士、蟹蓋、蝦餅、南瓜條。香脆可口，南瓜條一流！（3）芋香珍珠奶茶 跟餐+$8跟餐有好多台式飲品可供選擇，加$8就可以飲到！呢杯好有芋香味，唔太甜，珍珠煙韌彈牙。（4）古早冬瓜茶 揀左個冬瓜茶飲，唔甜都唔會淡淡，味道啱啱食，食完個小食拼盤好啱飲杯冬瓜茶。（5）古早起司芋泥肉鬆捲餅 $46最欣賞呢個捲餅，有3款可以選擇。我本人鍾意食芋泥，呢個捲餅入面嘅芋泥唔多，但啱啱好，呢個份量唔會太膩，不過甜甜地，跟肉鬆嘅咸味夾得好好。當甜品

今日去沙田到玩恐龍遊樂場，順便過嚟初遇到食下午茶，下午茶好爆滿，要等一陣才有位台式香濃沙茶鍋配粉絲沙茶鍋配料好充足，有肥牛，蜆，粉絲，冬菇 ，菜類，幾粒丸，鵪鶉蛋和腐竹等，樣樣都好新鮮，尤其是肥牛好軟滑，湯底有沙茶醬，食落去都好濃鬱，最後放粉絲落去吸收曬所有精華，好美味 😝台南芋頭貢丸新竹米粉芋頭貢丸口感好得意，裏面嘅芋頭好軟滑，芋頭味都好濃鬱，好似食緊流心蛋咁，新竹米粉煮得剛剛好，軟軟嘅，份量都多，湯底好清，一啲都唔油膩 🤤蜜汁排骨滷肉飯蜜汁排骨炸得外脆內軟，排骨係豬扒，骨唔係好多，啖啖肉，廚師好細心將排骨大致切開了，方便我們咬，滷肉飯好正宗，啲滷肉半肥瘦，醬汁都好足夠，可以撈好成碗飯 🤭黑糖薑母茶 & 古早冬瓜茶(熱)薑母茶薑味好濃鬱，甜到唔會太甜，裏面仲有一啲花類和杞子，好清香冬瓜茶甜度適中，飲落去有種好舒服嘅感覺，亦都可以去油膩

星期日中午一點半左右，門外取籌後要等約十分鐘左右，我地點左一個半筋半肉滷肉飯配紫菜湯，再加$8套餐餐飲，點了鳳梨水果茶，先講返個飯，牛筋煮得入味、滷肉味道亦都調得唔錯，有台灣嘅味道，配上小棠菜及半隻溏心蛋，整體ok(但價錢不算平，好似$7x），至於水果茶就好一般，而且鳳梨亦得好少果粒，呢個可以建議不用試。另外，我地點了慢烤雞腿吐司（$48），再加配珍珠奶茶（非套餐加配特飲是加$12），吐司🍞較薄，但整得剛好，少少脆口，雞腿同樣是煮得剛好，有肉汁，配上雞蛋及沙律醬，味道很好同麥記同茶記雞扒包同唔同，除了價錢少貴外，其他都很好最後要讚的是這裡沒有加一服務費，不過其實都無咩服務既需要，唔收都係合理既

首先特別一讚服務，職員好像越來越禮貌和熱情👍經常回訪，最多點的就是：慢煮豬軟骨滷肉飯 (下午茶只是$48包飲料😱) 和 古早起司芋泥肉鬆蛋餅，這次終於捨得嘗試新的😂🍴加一服務費：✖ ✿ 麻辣鬼椒雞腿蛋吐司 $42• 配 紅棗桂圓茶怕辣的我，下單前我特意向職員確認辣度是位於可接受範圍😂原來真的是很溫和的辣🤣稍稍提味，令整體感覺更有趣，比起原味的確更好吃些吐司烘得微脆，蛋黃流心，雞腿嫩滑😋✿ 早古肉鬆榨菜捲餅 $40• 配 紅棗桂圓茶內餡份量足，但因榨菜味酸開胃，膩感遠低於芋泥蛋餅不過榨菜和肉鬆，都不像芋泥芝士帶黏性，賣相沒那麼工整，比較鬆散雖然不影響味道，但建議可以用些蛋漿來提升整體黏合度😆至於餐飲，還是喜歡紅棗桂圓茶🤣 這次的好像沒之前般足料，少了些玫瑰花等但喝得出是無糖的!! 請保持，不要加糖!🤣

初遇自從上年去咗粉嶺食完「初遇」之後，最近發現沙田都開咗新分店，行完沙田新城市廣場，就一於去隔離好運中心去食返「初遇」，呢間台灣菜餐廳主打傳統同地道台式美食，裝修以淺木色為風格，成個餐廳潔淨光猛舒適，店員非常有禮貌，我禁完張飛仔等咗唔夠五分鐘就入得去，餐廳算大，好方便輪椅人士入去食野，沿途都係無障礙，冇一級梯級，好運中心出名多梯級，而家有呢間「初遇」咁就唔洗驚無野食啦！1.初遇川味半筋牛肉麵$79（9.5/10）呢個川味半斤筋肉麵個牛筋煮得好軟淋，牛筋都有2舊,牛肉大大舊痴牙，牛肉都有2舊，湯底有少少辣，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！2.古早滷蜜汁排骨 配：手工麵$70（10/10）呢碗古早滷蜜汁排骨手工麵個排骨大塊到不得了，有一個成年人手掌咁大，排骨外面炸得好酥脆，經過搽咗蜜汁令到排骨少少甜，肉質都好嫩滑唔鞋，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！3.士林鹽酥雞$38（9.5/10）呢個鹽酥雞大大粒，外脆內軟，每一啖都啖啖肉，一共大約有10舊鹽酥雞！4.芋香珍珠

屋企樓下開咗間台式餐廳記得呢間餐廳喺粉嶺有分店，試過幾好食，今次再試之前係食下午茶，今次午餐，發覺都幾好食份量好大但係覺得下午茶，性價比高啲包埋嘢飲都係大概$40至$50呢度嘅豬軟骨滷肉飯係必點豬軟骨，煙靭又口感味道濃郁，夠晒台式再加上有啲酸菜，仲有隻半熟糖心蛋性價比極高附送嘅紫菜湯都好唔錯，唔會太鹹淡淡嘅台灣味道午餐同埋夜晚都要排隊呢個係其中一個卻步嘅原因不過好識先多人排由於好近我屋企嘅關係會繼續嚟幫襯

下午茶時間見門口排晒隊再望一望餐牌…發現平均40蚊就可以食到台式下午茶 抵食！種類豐富 有三文治 台灣麵 滷肉飯等🔸花雕雞卷滷肉飯/紫菜貢丸湯/地瓜酥HKD48下午茶滷肉飯都唔細碗㗎 仲有好足料嘅滷肉花雕雞卷好濃嘅花雕酒味地瓜酥脆得嚟有啲煙韌跟餐+$8 叫咗珍珠奶茶 🧋🔹大腸麵線 配 刈包 HKD45香港好少餐廳有做刈包鬆軟嘅刈包 入面有滷肉 芫荽 酸菜完全還原到正宗台灣味！麵線都係台灣菜必食之一！大腸洗得乾淨 麵線入面有冬菇 一定要加醋食！跟餐+$8叫咗紅豆珍珠奶茶🧋

話說之前個商場翻新咗一半 好多圍板未開😶😶今次去發現個商場已經開放晒 正式啟用啦🫢🫢聽講今次有新推介 所以嚟個第三刷食好西🤓🤓同以往一樣 食物質素方面依然保持水準呢😌😌-古早肉鬆榨菜捲餅 ($42)呢款有四件捲餅 餅皮薄脆仲有好香嘅蛋味配埋滿滿嘅榨菜同肉鬆 估唔到食落係咁夾-鹽酥雞滷肉飯 配：紫菜貢丸湯及台灣香腸 ($50)單睇賣相已經無得彈 鹽酥雞炸得好香脆可口滷肉又唔會太鹹 而且飯嘅軟硬度真係啱啱好配埋我最愛食嘅溏心蛋 食落口感特別豐富啊套餐仲包埋湯小食同埋飲品 整體嘅性價比高-花雕雞卷麻辣拌麵 ($42)麵質嘅軟硬度適中 而花雕雞卷嘅肉質鮮嫩且帶一點酒香呢濃厚嘅麻辣味強烈刺激我嘅味蕾 啱晒超中意食辣嘅朋友仔-古法慢煮焢肉麻辣拌麵 ($65)焢肉嘅份量好多 件件都好大舊 仲炆得好淋身同好入味呢食落真係辣得好過癮 夠晒惹味 啱晒超中意食辣嘅朋友仔-古早冬瓜茶台灣奶茶係我最愛嘅嘢飲 奶茶味夠晒香濃

話說沙田好運中心裝修咗之後，都進駐咗好多唔同嘅新餐廳。呢間台灣嘢就每次都好墟冚😆一直都好想試吓佢，因為屋企人成日同我講佢嘅外賣好抵食🤣🤣🤣今日晚餐見唔係好多人等位，就同屋企人一齊坐低食吓啦🥢初遇小食拼盤呢個咁signature咁精緻嘅，就梗係第一眼已經諗好嗌呢個啦🤣佢呢個九宮格入面有9款唔同嘅小食，分別有鹽酥雞 牛肚 豬大腸 雞卷 滷蛋 香腸 鴨血 地瓜酥 同脆魚塊。其實我就覺得樣樣都好食嘅😆而且佢份量少，純粹比你試吓啲新嘢咁，我幾鍾意😝 食完仲有肚食其他嘢嘛🤭🥢台中脆皮雞卷拌麵呢個真係推薦大家要食！佢呢個雞卷係脆皮炸過嘅，同小食拼盤嗰個雞卷又有啲唔同。喺香港嘅台灣餐廳嚟講，雞卷算係比較少食到嘅菜式，所以我當時係好好奇。好彩佢出到嚟我都冇失望🙂‍↕️不過呢個面就真係幾辣，完全對得住佢個餐牌上面個辣椒仔🤣🥢古早滷蜜汁排骨 配手工麵呢個嘅排骨可以用驚人嚟形容🤣🤣🤣佢塊排骨真係超級大，我覺得相已經唔可以表達到佢到底有幾大塊🤣 而且係好食嘅👍🏻手工面亦唔錯，不過如果佢個排骨可以再剪開少少俾我哋嘅話就好喇🤭🥢起司肉鬆捲餅蛋餅嚟講，大家應該都唔陌生。睇張相其實可以見到佢啲餡係唔飽滿🤔所以如果以蛋餅嚟

今日同老婆去新城市食下午茶，行過見到間新開台式餐廳，又幾多人排隊等位，心諗一定有番咁上下質素，所以試下。入到去餐牌都係以台灣食物為主，我由於係晏晝時間，仲可以捉住下午茶既尾巴。不過最重要係一提，係冇加一，依樣最正。2個人叫左幾樣野share試下，好快就到。古法慢煮焢肉麻辣拌麵：慢煮焢肉真係唔同，入口即溶，一d都唔會好漏，個麻辣拌麵唔會太辣，麵既質地煙煙韌韌，好有咬口。花雕雞卷滷肉飯：花雕雞卷個花雕味剛剛好，唔會搶左雞卷個味，最重要冇酒既苦味，滷肉飯超大碗，滷肉有肥有瘦，好入味，仲有半隻溏心蛋，仲有地瓜條。蜜汁排骨滷肉飯：台灣嘅排骨，即係我哋香港人叫嘅豬扒，豬扒好大塊，醃得好入味，好Juice。Ps:每個餐都會跟一般普通嘢飲，亦可可以加錢轉其他特飲或者糖水。