初遇

营业中

休息中

星期六既晚市唔算多人，價錢中規中矩，兩個人叫咗個台中手工雞滷肉飯便當，同埋藥膳花雕排骨手工麵，叫咗小食屏東麻醬雞絲同麻辣臭豆腐，飲品嗌咗黑糖薑母茶同芋香珍珠奶茶。上菜速度非常快，員工親切藥膳手工湯低偏淡，但係排骨煮到夠腍，手工麵麵質非常好。便當有齊湯小食主食，貢丸紫菜湯幾好飲，鴨血幾滑，藥膳雞卷藥膳味都夠，滷肉飯中規中矩黑糖薑母茶夠濃，芋香珍珠奶茶係細個飲開嗰隻芋香味，整體7/10，想食台灣嘢可以去食

初遇🍱📍香港沙田橫壆街1-15號好運中心3樓3091-3092號舖（港鐵沙田站A3 出口，步行約14分鐘）♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎約左朋友放工去食飯🧑‍🤝‍🧑，係唔知食咩好之下，揀左呢間台灣野😂。一入到去，鋪頭都好有台灣風味，而食物都唔算貴，感覺都良好既。🌟 大腸貢丸麵線（輕量） $39由於唔係太肚餓，所以選擇左個麵線。食落口味道都幾好，唔錯👍🏻。🌟 初遇小食拼盤 $88個小食拼盤包括有鹽酥雞，牛肚，豬大腸，雞卷，滷蛋，香腸，地瓜酥，蛋餃，麻辣鴨血。一個拼盤就食到咁多種唔同既款式，都幾推介。🌟 肉鬆榨菜蛋餅 $42呢個真係要非常推介～ 個蛋餅口感滿滿，有肉鬆同埋榨菜去點綴吓，好味🤤。整體推介指數：❤️❤️❤️❤️🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎

夜晚接到單去等外賣，一碗麵一個蛋餅一個丼飯竟然要等超過40分鐘。我8點40分到場，問一個女店員佢同我講未得。而當時男經理則表示唔好意思，因為廚房有問題所以出餐會比較耐。眼見至少有3個喺餐廳叫外賣嘅人催單以及堂食嘅人都有抱怨點解咁耐無嘢食。然後有外送平台嘅外賣員嚟到都表示等咗超過30分鐘。到8點55分嘅時候我走入去問女店員點解仲未得嘅時候，佢態度十分惡劣地表示你等唔到可以轉單，依家佢唔想同我地爭論。而睇到單上面顯示嘅時間係8點25分入機，最後9點10分先攞到外賣。建議慎選。

今日心思思，又走去IKEA度下未來間屋可以點樣放嘢😂行下坐下畫下都點幾，就走去好運中心到睇，而家佢成個商場都有好多嘢食！超開心🥳但係我真係好掛住佢個慢烤雞腿多士🥹食物慢烤雞腿多士超正呀！佢個蛋流心～雞肉又滑！仲好夠味😀窩蜂牛肚米粉呢個係我第2愛💕佢個湯好好飲！配上酸菜超開胃🤤米粉好滑好彈牙鹹蛋黃芋泥酥呢個又係我的最愛嘅其中一項😂佢好脆嘅外皮，一咬就係creamy嘅芋泥，再咬就鹹蛋黃嘅香🥲點可以唔食酸菜如果唔夠酸菜，可以自己加！我超鍾意佢嘅酸菜慢煮豬軟骨肉燥飯超級香嘅醋味🤡啲骨真係軟到入口即溶咁！佢個貢丸紫菜湯又係超級香～好好飲奶蓋芝士烏龍、芝士奶蓋藍莓我原本諗住嗌芒果，但我醒起上次未飲藍莓😂所以我就嗌咗藍莓，出邊一杯奶蓋都要$30蚊，呢度跟餐都係加$12咋🤩唔鍾意水果嘅，可以嗌烏龍奶蓋，佢搞完之後變成奶茶都好好飲！好清茶味，又唔會冚咗個奶蓋味笑下啦

餐牌有更新，越來越吸引🤣 服務也像是越來越好，送餐/收拾桌面時職員也會道謝😳 以下午餐價錢，都包一杯免費飲品 (都選了最愛的紅棗桂圓菊花茶) ✿ 蒲燒鯛魚腹滷肉飯便當 $75✿ 雞卷滷肉飯便當 $72 兩款便當大同小異，關鍵在主菜雞卷是醉雞卷，入味嫩滑鯛魚蒲燒調味，就是日式鰻魚的感覺，配飯一流不過其實飯面上的肉鬆、滷肉、溏心蛋就足夠伴完一整碗飯😂 配菜的鴨血、紫菜湯(好多料)都不錯 ✿ 藥膳花雕排骨手工麵 $70手工麵比上次來吃的更煙韌😋花雕味湯底好好吃賣相和餐牌幾乎一樣，3大條排骨，肉量挺多，2條挺嫩，1條稍遜，看運氣🤣 ✿ 滷肉A菜 $28：新鮮烚好，翠綠爽脆👍 ✿ 嘉義手工蛋餃(6件) $32：一口一個，香脆小吃✿ 淡水滷肉刈包 $26：刈包煙韌好吃，但肉感略不足，反而有不少榨菜

好友約我去位於沙田橫壆街1-15號好運中心3樓3091-3092號舖的《初遇》食下午茶餐，環境舒適，佈置簡約，甚有台式風格。我點左個 花雕雞卷滷肉飯、配紫菜貢丸湯及地瓜酥 $48，好友點左個 鹽酥雞滷肉飯、配紫菜貢丸湯及台灣香腸 $52，另外點左個慢煮豬軟骨滷肉飯 $56，及慢烤雞腿蛋吐司 $42，餐飲係熱黑糖薑母茶（跟餐），及熱桂圓紅棗茶（跟餐）。《花雕雞卷滷肉飯，配紫菜貢丸湯及地瓜酥》真係好抵食，雞卷好味，地瓜酥好酥脆；《鹽酥雞滷肉飯，配紫菜貢丸湯及台灣香腸》真係好好味；慢煮豬軟骨好軟腍入味👍；慢烤雞腿蛋吐司熱辣辣又好食；黑糖薑母茶及桂圓紅棗茶都潤喉好飲。

星期日係沙田行完街街，當然就同朋友食埋晚餐先走啦！朋友話想食台式野，所以我地今餐就試呢間喇！果個一品臭臭鍋好有驚喜喎，我地2個人，叫埋個台式拼盤，鴨血，其實已經好夠飽！

店面有個女經理/職員好好禮貌好友善，價錢又抵，唔收加一，讚👍叫咗兩個便當(魚$76，雞$72)，配埋好多嘢，分量多主菜都好食，魚調味同鰻魚好似，甜甜地好食。雞卷質地嫩，類似雞髀肉咁，少少花雕酒味唔算濃。個人鍾意清淡啲就prefer雞卷手工麵係下午茶，$60包埋嘢飲。麵條幾煙韌，湯底有花雕酒味，幾香，我幾鍾意。排骨個樣似煲湯肉但其實食落都ok，唔柴，帶少少肥膏嗰啲位就特別好食小食正正常常，刈包榨菜分量多，同一般食到嘅唔同風格；蛋餃係煎/炸? 想食香口嘢可以嗌

初遇，之前就同大家介紹過佢地既招牌滷肉飯而今次，小編今次就帶大家黎到初遇(沙田)分店，同大家介紹佢地既另一款人氣之選🌟士林盬酥雞 $38盬酥雞 外酥肉嫩🤤👍🏻🌟照燒雞腿排滷肉飯 $56初遇招牌滷肉搭配啖啖肉既照燒汁雞肉，賣相色澤都吾錯🤤👍🏻📍初遇地址：沙田好運中心3樓3091-3092號舖#沙田 #初遇 #茶記 #滷肉飯 #連鎖店 #盬酥雞 #留港消費 #覓食沙田 #食在沙田 #為食關注組 #士林盬酥雞 #沙田食乜好 #香港美食地圖 #照燒雞腿排滷肉飯 #九十後行到邊食到邊#HKIG #HKIGER #HONGKONGFOODIE

自從呢間店開張以嚟，越嚟越失望。啲份量越嚟越少，最初係兩條菜，跟住變成一條，然後再到半條，依家竟然只得¼條菜！至於牛肉，原本有兩塊，依家縮到一塊就當係一碗牛肉麵。今日我甚至要求換碗麵，因為碗面淨係得一嚿細肉同一嚿肥肉，結果店員只係夾走咗一塊肥肉就當做換咗碗。因事前我明明走咗酸菜同蔥，但碗入面仍然有少量酸菜同蔥，明顯係冇洗乾淨碗。我將條酸菜擺咗喺碗邊，店員自稱已經換咗碗，但條酸菜仍然留喺碗邊，完全冇責任心，這樣欺騙顧客實在令我感到非常失望。我希望店家能夠對顧客負責，唔好用呢種欺騙手法來對待我們。希望你哋能夠重視呢個問題，改善服務質素，唔好再令顧客失望。

一人晚餐，揀嚟揀去，點左呢個藥膳花雕手工面，可以無乜藥膳味，反而有d奶味，怪怪的。牛肉同貢丸都ok。仲點左珍珠奶茶，味道都可以，不過不失。之前食過佢地其他野，今次就有d失望。

聽日夜晚經過餐廳，都會排晒長龍，今日下午茶時段見冇人龍，就去試吓佢啲下午茶套餐，餐廳坐得舒服，裝修新淨，套餐份量大，而且質素高，唔怪得長期都咁受人歡迎沙茶醬牛肉燙燙鍋賣相一流，而且有好多材料，仲可以配飯或者粉絲，有牛肉、牛肚、冬菇、各類丸同菜，個湯底好惹味，食材新鮮，特別鍾意啲牛肉，會唔會太肥，有牛味豬軟骨滷肉飯份量超大，當晚餐殺食到夠，豬軟骨醃得好味，夠腍，啲滷肉亦都唔會太肥，肥瘦適中，撈飯食一流

平時都好少去沙田，不過最近聽朋友介紹，呢度有間台式餐廳嘅下午茶好抵食，咁今日就特登搭車嚟試吓啦。一去到估唔到平日嘅下午三點都咁多客人，不過好彩有位，佢嘅位置差唔多全部都係卡位非常好坐。朋友話呢度最出名嘅係臭臭鍋，咁就一於叫一個嚟試吓啦，不過因為唔食臭豆腐嘅關係，所以就叫咗一個麻辣海鮮鍋。一上台估唔到有咁多海鮮，而且食落都好辣，海鮮非常新鮮。我覺得最抵讚嘅就係蝦，因為夠晒大隻之餘，而且肉質好彈牙。佢嘅蜆都好大隻同埋好多，一食就知道係新鮮嘅食材。另外我哋仲嗌咗個拼盤，拼盤用九宮格嘅形式上，非常適合打卡。我覺得最大讚嘅就係個台式香腸同埋牛肚，除咗份量好多之外，味道都一流。飲品方面，呢杯香芋珍珠奶茶都好出色，飲落唔會太甜，但係芋頭味好夠，珍珠都有少少甜同奶茶好夾。呢間餐廳又平又抵食，唔怪得咁多人介紹啦。就算唔係住喺沙田都應該特登嚟試吓。

終於明白到點解成日下午茶時段都咁多人原來下午茶真係好抵食環境乾淨 新裝修 播經典台灣歌曲所以吸引到咁多人仲有好多選擇T12 花雕雞卷滷肉飯配紫菜肉丸湯 地瓜酥份量偏大碗 足夠 就咁已經覺得值回價錢花雕雞卷有少少清清的酒香味 少少冰再配杞子，好入味 好喜歡食依個滷肉飯整得幾好 佢係夠肉碎唔係偷工減料 配埋糖心蛋啱啱好但食到一半偏鹹 就可以飲返碗紫菜湯解漏免費飲品都好有台灣特色依杯係桂圓紅棗茶 無糖的好健康之餘仲好足料 佢另外仲加咗菊花燥熱人士就唔使驚小食 地瓜酥係好似番薯味的糯米糍其實炸得好好 如果真番薯就好糯米糍質感 唔太啱我口味

呢度價錢都唔平，不過質素好好好穩定穩 係迫少少坐得因為都多人嚟食琴晚食咗刀削麵，所以今日唔食麵就咁嗌個淨食，同埋同男朋友share個飯，呢度嘅飯幾好味唔鍾意食飯嘅我都食咗一啲！滷肉飯個調味都甜甜地幾好 一路食一路諗緊佢點煮哈哈男朋友食開大陸嘅新鮮雞 就覺得呢度啲雞麻麻哋啦我就覺得幾實在瘦瘦地 係冇咩雞味滷水牛三寶小辣都覺得太辣添牛筋牛肚同牛腱每樣兩舊 滷水流心蛋一個，豆乾兩個 個蛋超好味，牛肚就硬咗少少，牛筋合格 最好味嘅牛，只係得兩條🥲🥲其實一個人都唔夠喉…