初見

营业中

休息中

荃灣區美食購物様樣都有，今晚又同朋友一齊嚟找美食，上網搵到好評如潮嘅「初見」，聴到個名已經覺得好有詩意，不過平日都好多人排隊，所以記得要人齊至有得入座😅😅初見香草吉列牛$128+轉烏冬$8吉列牛就食得多，不過真係第一次見到以香草🌿外層的吉列牛，先將牛脂放落熱板上，吉列牛可因應自己喜好調教熟度，一咬落去香草外層香脆，牛肉嫩滑多汁，真有驚喜，再配上剛剛好嘅糖心蛋，爽滑彈牙嘅讚岐烏冬，好滿足😋😋季節海鮮🦞鍋配龍蝦湯$88熱辣辣鍋物，鮮甜龍蝦湯底，配料豐富，日式魚蛋，獅子狗，蒟蒻，鮮冬菇，金菇，紹菜滾下滾下，再加上季節海鮮，草蝦、大沙白，三文魚件，八爪魚仔🐙，青口，鮮蝦仁🍤滾住食，好滋味，連湯底都飲清光😅😅轉餐+$35南瓜湯creamy，刺身鮮甜，柚子蜜不太甜👍👍

是晚又去睇電影，睇之前循例同朋友食咗野先，今次食日本野。我地點咗和風章魚燒（$38）、野菜豆腐鍋味增湯配讚岐烏冬（$66）同埋照燒豬軟骨豚骨湯拉麵（$68）。章魚燒有6粒，上有面滿滿嘅燒汁、沙律醬同埋木魚。食落外脆內軟，粒粒都食到章魚。野菜豆腐鍋味增湯本身係配白飯，不過我地轉咗讚岐烏冬。因為想健康啲食多啲蔬菜，所以叫左野菜豆腐鍋。味噌湯底清甜，配料有新鮮蔬菜，例如娃娃菜同金針菇，而豆腐都香滑有豆味！至於照燒豬軟骨豚骨湯拉麵，個豚骨湯底都幾唔錯，而且拉麵份量適中，仲有隻溏心蛋tim!

今次同朋友離開荃灣區，諗唔到有咩好食，行行吓見到呢間都幾多街坊排緊隊嘅日式料理舖就決定試吓佢😂日式叉燒豚骨湯拉麵 $68由於我哋兩個人都唔係好肚餓，所以就決定叫一個拉麵同一份吉列牛share食。拉麵嘅配料除咗日式叉燒愛仲有紫菜、糖心蛋同埋筍！湯底嘅豬骨味非常之濃郁，飲完都唔會話好口渴😯 拉麵嘅軟硬度都適中！整體來講不過不失，冇咩大驚喜不過呢個價錢來講都算合格嘅🤩初見香草吉列牛 $128我哋見每一台都有嗌呢個吉列牛，應該係餐廳嘅招牌菜，咁就梗係要試吓😆吉列牛附送白飯同埋半隻糖心蛋！吉列牛係即叫即整，再放上爐到自己燒！整體都唔錯，唯一略嫌就係外層嘅炸皮食落唔脆🥲不過牛肉非常之有肉味而且唔會好鞋口！

成日都見呢間餐廳排曬隊，今日見到無咩人排隊即刻去試下😆 覺得呢間餐廳名好有意思「初見」，人生若只如初見，連餐具都印住呢句野☺️-初見香草吉列牛 $128就係為左呢個招牌菜黎既😍一個set包左吉列牛，白飯，溏心蛋🥚第一次食綠色既吉列牛🐮係用香草炸到側邊變左綠色。食既時候燒一燒兩邊就得，可以自己控制生熟度👍🏻牛肉外脆內嫩，一d都唔會覺得韌🥰-安格斯牛肉鍋 $88鍋物有安格斯牛肉，車輪卷，椰菜，金針菇，芋絲，冬菇，娃娃菜，蒟蒻。呢個價錢有咁多野食真係好抵好足料😍仲包左碗白飯一定唔會唔夠飽！中意食一人鍋物既可以黎試下❤️

我們第一次dinner date他不知有心或無意選了這間浪漫店名的餐廳❣️我們選了一個龍蝦湯海鮮鍋配烏冬($88)，加$35轉套餐。我一向討厭南瓜那種有菜腥味的甜膩，但套餐的南瓜湯意外地creamy，又滑又香甜，兩人都讚不絕口。海鮮鍋有蝦、魚、蜆、青口，鍋內還有各種素菜包括我最愛的娃娃菜和金菇。海鮮爽甜又份量十足，加上一大碗烏冬，兩個人食都有六七成飽。他說香草吉列牛($128)是這裡的皇牌。綠色的香草包裹著嫩紅的牛肉令人食慾大增。上菜時覺得份量有點少，但吃過一口就覺得不愧是皇牌：牛肉又嫩又沒有筋，香草味帶淡淡的清香。燒熱的油脂肉香配飯剛好，兩個人吃又滿足又不會膩。他又燒肉又顧著海鮮鍋。這頓飯只是看著他認真燒肉投餵我，聽著他叫我別幫忙小心燙到手，就值回票價了吧？這是完美的第一次。願我們餘下的路上，宛如初見❣️

探朋友後晚飯時間黎到呢間餐廳，排一陣隊就入得。🍜照燒豬軟骨 豚骨湯拉麵 $68用上幼身拉麵，豬軟骨醃得入味軟腍，拉麵湯底味道啱啱好，唔算很濃郁，但一點都不肥膩，有我喜歡的溏心蛋，入口即融。🥘北海道帶子黑松露意大利飯 $88未入餐廳睇menu之前，以為只提供日本菜式，估唔到竟然有意大利飯食。係似傳統嘅意大利飯，飯粒係比較硬身些少，每一粒飯粒都充滿creamy的黑松露味道，有兩粒帶子煎到兩面焦糖色，鮮味爽口。（跟餐加$35）包沙律🥗、湯🥣 和 熱飲🍵和風沙律有勁多蟹子、蟹柳，味道清新。熱辣辣嘅南瓜湯配上少許忌廉，軟綿好飲。另外，熱飲order 了熱檸水。

喺褔來村附近做完嘢顺便喺呢頭搵食，見到食日本菜既餐廳便入左去，睇menu發現價錢都幾抵，算係親民。 食物種類除日式食物之外，估唔到仲有好多選擇，有刺身、壽司、和食、意粉、意大利飯同漢堡飽。赤蝦壽司盛盒(7件) : 壽司盛盒沒有特定海鮮，餐廳會提時令新鮮既食材製作壽司。壽司上枱時有乾冰滲出的煙霧，夢幻極了。安格斯牛肉鍋 : 牛肉一啲都唔肥，份量都幾多，配搭各種蔬、豆腐、日式魚蛋，質素唔錯。其實價錢真係唔貴，CP值很高，係一間“開飯”既好選擇!

和風燒餅汁牛肉漢堡包配炸薯條漢堡係即叫即整, 要比少少耐性, 但係值得既.成個餐分量超大, 粗薯條炸得夠脆夠硬身.漢堡包兩邊包都有烘過, 鬆軟得黎脆脆地.  漢堡厚得黎咬落去仲有肉汁, 加埋大阪燒既汁  食落唔會覺得膩.初見香草吉列牛配溏心蛋初見招牌菜, 基本上入到去見到枱枱都一定有一個.吉列皮炸得夠乾身, 唔會淋唔會甩 .牛肉薄切左, 基本上煎兩煎就已經食得, 真係做到外脆內軟.點少少鹽再配埋個溏心蛋, 超好送飯. 有得玩有得食有得打卡, 果然係招牌菜.跟餐加35蚊, 有刺身同南瓜湯,  非常抵食.另外佢地既刺身材料都唔錯.部分刺身唔係MENU度, 要睇番店內既牌仔.同朋友叫左當日推介既牡丹蝦, 夠鮮甜爽口, 收貨！

間初見好似一路都好出名，又多人食，連我之前甚少去荃灣的都bookmark左😂 平日七點幾去到要等位，入面空間正常，但如果食吉列牛，個抽油煙系統就麻麻地，因為食完真係會有陣味😥-🆗初見香草吉列牛配白飯、溏心蛋。呢個係佢地人氣之選。外層綠色的香草皮，其實唔係好香草味，不過幾特別🤪 牛肉切得比較薄，入口幾軟腍。煎得耐小小，牛味會出啲。記得薄多啲油脂去塊板到先，如果唔係就會好痴底！☺️-✅和風燒餅汁吉列豬扒漢堡包配炸薯條🍟 呢個配搭好小見😌 醬汁令成個包好似食緊小丸子咁😬 吉列豬扒唔會太硬，包身都軟熟，成個咬幾有滿足感，味道都ok😋-套餐要加$35，有刺身同湯。刺身幾厚切！仲要左枝提子梳打，呢個樽出名好飲！整體正常，拉麵個d係幾平，唔怪得之咁多人幫襯😆

係ig成日都見到唔同嘅石燒吉列牛餐但如果另一半唔鍾意熱氣嘢但自己又有心癮想食就可以黎呢度啦佢對比同區另一間吉列牛 晚餐定價相對低小小 同時又有提供多款日式同西式餐任君選擇 所以如果唔想食熱氣野都仲有意粉漢堡包同丼飯選擇🤩（1）香草吉列牛套餐包糖心蛋同飯一碗 吉列牛外層香草鬆脆亦好香不過份量略嫌細小牛肉切到一口size方便食用另外要小心唔好哄咁埋個石板度 如果唔係會比啲油彈親 呢方面男仔如果約女朋友食飯可以留意 一定加分🤣🧐（2） 叉燒拉麵 都係包糖心蛋半隻 裏面有海帶粟米甘筍紫菜 同平時係普通food court 質素差唔多 想清清地都可以叫 拉麵亦可以加錢邊轉烏冬 烏冬都彈牙 唔會係好粉同酸嘅隻cheap嘢餐廳食物不過不失 勝在環境唔錯服務態度好 餐廳名亦有心思 食完都開心🥳

餐廳個名都好有詩意同特色🤣✨🐂初見香草吉列牛 💰128💫評分: 7.2/10📝初見嘅招牌菜，基本上枱枱都有叫呢款，將牛脂均勻搽喺石板上，再根據個人喜好去燒自己鍾意嘅生熟程度，吉列牛食落唔會太油膩, 麵包糠唔會太多，牛亦夠淋，香草吉列牛係偏重草青味，自己對都係鍾意食普通果款多啲🤣，鍾意試新野嘅我都唔會後悔自己叫嚟試吓，除左糖心蛋同白飯外仲配埋碟牛肉汁，流心蛋生熟程度亦控制得好！✨🐂安格斯牛肉鍋 💰88💫評分: 7.5/10📝包左一盒安格斯牛，牛每塊都幾長🤣，鍋入面都幾豐富，有各種蔬菜&蒟蒻，本身跟白飯加💰5轉烏冬，烏冬無想像中咁彈牙 ，湯底是麵豉湯比較清，不過都可以帶出牛肉嘅香！初見📍 荃灣海壩街22號華達樓地下F號舖(荃灣🚇A4出口行9分鐘就到)💫評分: 7.3/10💬如果唔夠飽，仲可以另外再+ 💰35升級套餐: 刺身/沙律+南瓜湯/麵豉湯仲有飲品，不過食物份量都好夠🤰🏻#初見 #荃灣 #荃灣美食 #香港美食 #香草吉列牛 #吉列牛 #安格斯 #安格斯牛 #板燒吉列牛 #牛肉鍋 #牛肉#followforfollow #foodieblog #instadaily #foodporn

人生若只如初見⋯⋯？！我bookmark左呢間店成年啦！！！😭好感動呀我終於黎食啦😭😍😍☺️☘︎︎ ︎︎☘︎︎ 初見香草吉列牛 👍 $𝟙𝟚𝟠➪ 🔥必點招牌菜式🔥唯一一家店以香草🌿綠作為吉列的脆表皮，看來似草，十分特別又吸精👀包著粉嫩色澤的牛，肥瘦分佈平均。要吃到嫩滑的牛，控制於爐上的時間要捉緊！☻︎ ☻︎ 每邊最多🔥燒5秒！係5秒！5秒！係5秒😻perfect ☻︎ ☻︎ 👏👍10秒已變得太熟透即毁掉😰除了配上白飯，也可升級配拉麵/讚岐烏冬😆😆☘︎︎ ︎︎☘︎︎櫻花蝦海鮮豚骨湯拉麵🍜$𝟟𝟠☻︎➪ 海鮮🦞會因季節而有所改動，因此餐單的相片僅作參考😚但亦絕對不會失望，有大大的蝦🦐🦐、小小的櫻花蝦ssss👶、三文魚、魷魚🦑、青口等，再鋪上蔥花及一塊大紫菜😍會吃得很飽！☘︎︎ ︎︎☘︎︎ 特選小食拼盤$𝟡𝟠☻︎➪ 小小的拼盤也很有驚喜😍因比較後段進食，再用烤肉爐翻熱變得加倍惹味😍4款小食各有特色，最微不足道的一口芝士（2粒）竟然驚艷🤤咬開有軟糯漿口、味道溫和的半溶芝士。大大件明太子雞翼真心不騙超多明太子！！表皮煎得香脆多油😍爽口有咬勁的雞軟骨餃子🥟 & 滿滿甘栗紫薯蓉的薯餅😍▼・ᴥ・▼

初見香草吉列牛(配白飯及溏心蛋) [$128]即燒即食真係好正好好食😍而且呢個吉列牛邊邊仲有d香草配料圍住,食落有淡淡香草味好香😋牛肉食落好嫩而且冇筋,抵讚😚醬料分別有鹽同個甜甜地嘅醬,一次過滿足曬你想食甜野又想食鹹嘢嘅心呀❤️照燒豬軟骨豚骨湯拉麵🍜 [$68]你冇聽錯,係68蚊咋!平時食個快餐都差唔多呢個價錢啦,但係依家呢個價錢可以起一個靚靚環境嘆住高質嘅食物🥺靜靜雞話你聽佢好足料,d豬軟骨多到食唔曬🤫大家仲快d去試下!🥰

今日去了荃灣區工作，走時路过一間日式料理店，翻看餐牌，非常平宜，平民化價錢。只是6時左右，己8成爆滿，可想而知係荃灣區內人氣店。我也不執輸，試吓又無妨。櫻花可樂 $24平時飲桃梳打，蜜瓜梳打….之類，櫻花可樂第一次見。味道跟可樂沒多大分別，樱花其實是沒有什麼味道啫，哈哈！安格斯牛肉鍋 $88牛肉塊起碼有六至七塊，不論質素以贏了。鍋內配菜有津白，椰菜，蒟蒻，獅子狗，日本魚蛋。醬汁不是胡麻醬，帶有微微的酒香，應該自家調製的。

今次嚟到位於荃灣嘅初見✨店舖位置唔算特別方便 出咗荃灣站都要行10分鐘先到！ 不過店舖裝修特別 係綠色森林風 而且用咗木地板！地方唔大但坐得舒適！😚————————————————❶ 初見香草吉列牛 $128呢款絕對係招牌菜😋一個套餐包咗一碗白飯、十幾塊細細塊嘅吉列牛、一隻溏心蛋和調味醬料🤣✨食嘅時候可以先將牛脂擦上預先預熱嘅鐵板 再將牛肉片放上去 由於自己燒嘅關係 所以可以自行控制生熟度🥰！相比起一般嘅吉列牛 更加特別嘅係佢每一塊牛肉嘅邊都包住香草😍牛肉脂肪分布平均 但係牛肉唔算話特別出色🤣如果想試吓吉列牛 個人覺得都可以過吓口癮✨❷ 炸雙拼雞翼 $68分別有兩隻明太子雞翼和兩隻芝士餃子雞翼🥰新鮮炸起熱辣辣夠晒惹味 明太子雞翼微辣 咬落去有肉汁😋芝士餃子雞翼脆皮多汁 食落去啖啖肉！————————————————推薦指數: 🌕🌕🌕🌕🌕🌕🌕🌑🌑🌑| 7/10環境指數: 🌕🌕🌕🌕🌕🌕🌕🌑🌑🌑| 7/10回訪指數: 🌕🌕🌕🌕🌕🌕🌕🌑🌑🌑| 7/10