凱日粵菜館

营业中

休息中

走入這間食堂，頭盤嘅油燜筍儼如一位靜謐的佳麗，淋上一點白芝麻增添的是一抹雅致。接著，蔥油海蜇滿載脆爽，蔥香四溢，簡直是開胃利器！😋老四豆腐的皮脆內軟，唔知點解，咬落去就有返種家鄉的味道，實在係夠晒滿足。椒鹽鮑魚仔小巧玲瓏，下酒實在太正！話說那秘制欖角一口骨啊，吸引力不輸其他名菜，甜中帶鹹，微脆的口感，真係剛剛好。啖啖肉的海苔脆皮三層肉，酥脆的皮與鮮美的肉汁完美結合，實在係百吃不厭。😍然後，清蒸蘇鼠班！咁滑嘅魚肉，清新的口感，諗起嚟都心花怒放，攞黎配飯，簡直無得輸！至於鼓蒜炒涼瓜肉片同欖菜肉鬆四季豆，都係平實中見到靚嘅家常好菜，郁口郁舌，夠乾身，飽嘴又唔過火。👌總結，這間食堂，簡直就係平民美食的寶藏，做得出色，過得硬，底蘊滿分。下次經過，定必再入坐，嘆番盤好菜！

好少寫食評，晚上同屋企人一齊食飯，選擇左呢間新菜館，食完真係有驚喜。因為見晚上唔係太多人驚佢做唔住，專登幫手寫食評，希望可以再encore.講返餐飯，晚上有d combo set好抵，有龍蝦伊麵，蒸石斑仔，文昌雞都係5百零蚊，食完都覺得係一般餐廳水準以上。 另外叫左d炒菜，豆苗都好好味，豆腐煲，燒鵝半隻都好好食，不過有少少咸，送飯一流，環境ok, 唔會嘈，可能因為唔多人。最後有甜品送。服務員都好好，係附近stand by. 最後8個菜，埋單都係1667$ 人人都飽住走，孤寒老豆都話唔錯…推推推

今年中秋飯聚改在8月16食，既可避開人潮又可保證出品正常。今日點咗1湯6餸，上菜非常之快，龍蝦伊面，蒸魚同文昌雞係一set叫共599元，以咁嘅價錢來講叫做不過不失（文昌雞略鞋，通菜炒牛肉好大碟（菜多牛肉少），西蘭花炒帶子好味，椒鹽鮮魷我見到個炸皮一般般就冇試，不過見其他人都食曬應該OK，響螺頭燉雞豬展湯好香甜，188來說有成7碗算係咁。埋單1500元左右，下次可以再去。

星期六晚，約咗屋企人係九龍灣食晚飯，諗住搵間易啲搵位酒樓，由九龍灣站經德福花園行去宏開道8號其士商業大廈大約5分鐘路程，我記得依度前身係大榮華酒樓，傍晚大概未夠六點已經到達酒樓，已經有兩枱客。環境光猛，整潔乾淨，洗手間乾淨程度一般。我哋六個大人，兩個小朋友，叫咗個套餐，幸運美滿餐，半席全包$1788，仲包六罐汽水百事七喜，道地罐裝飲品。香片茶：水夠熱，飲咗成晚都唔需要加茶葉都夠味，侍應有更換新碟，服務幾好。唯一唔好，就係15分鐘內上晒所有菜，除咗炒飯及蟠桃！如果分開上菜會比較好啲。咁嘅價錢，真係算好抵食。

本身係黎食隔離的me time cafe，但人龍長得不得了，旁邊的譚仔都有十幾人等緊，咁廢事再搵地方就去左凱日飲茶，意外地唔使等即刻有枱。叫左個午市套餐，有一碟炒粉麵飯再加四樣點心。其實兩個人真係唔使叫咁多，但散叫個價錢又差唔多，咁求其啦😅叫左普洱茶，茶味一般啦，有色無味個種，去茶樓叫普洱都預左。抵讚係有蠟燭熱住壺茶，但加嘅滾水壺就係普通茶壺，所以啲茶其實都好難keep住熱嘅。🥢福建炒飯有蝦仁、肉碎、雜菜粒等同炒，個汁幾鮮幾好味，飯炒底夠香口，好食喎。🥢煎釀三寶正正常常嘅三寶，尖椒辣辣地幾正。🥢潮煎韮菜棵餡料太濕糊了，但韮菜係香口嘅。🥢香煎蘿蔔糕粉同蘿蔔比例約2：8左右，只有少許蘿蔔絲，勝在有辣椒醬😂🥢山竹牛肉球粉紅色的牛肉球，雖然知佢熟左，但觀感唔好。加埋一$288，正常午茶價錢啦，都ok幾好坐。

假日brunch 飲茶我們黎左九龍灣的凱日酒樓黎個假日brunch 飲茶🫖叫了偏多的煎炸野愛食煎炸野😂😂仲叫了個燒鵝飯雲吞仔幾好食餡料有蝦，都好爽口仲有蒸粉果，有三粒，三個人，剛剛好😂埋單$343，人均消費$114

間店開咗幾個月，第一次去食晚飯。之前有幫襯過飲早茶同埋午飯，都係正常大路嘢，估唔到今次食晚飯有驚喜。用料對得住價錢，炒小菜功夫好，碟頭大⋯ 今時今日，有齊三樣，好難得。最欣賞個鮑魚啫啫雞煲，佢個汁落咗蜜糖，好考功夫，因為好容易煮燶，稍為過火，成碟嘢就會變得有苦味。佢一啲燶味都冇，結果每件鷄有啫雞煲嘅多汁，又有炭燒雞翼嘅甜味，肉有鷄味，正。啲鮑魚一件開六粒，粒粒肉都鮮味，估計都有10粒，例牌來講算係足料。另一碟係薑汁玉芥蘭，即係將啲芥蘭葉拎走，淨食個支框。新鮮薑切成方粒，好似花生仁咁大。啲菜自己新鮮多汁，連埋外邊嘅薑汁，味道幾好。但係啲薑汁則埋一邊，淨係底嗰啲有薑味，下次碟菜上枱自己再撈多幾下先。第三碟係蓮藕青豆炒豬頸肉，加咗少少什菇，增加口感；材料新鮮，唔係好重豬油，冇乜味精，就係咁簡單。

朋友介紹凱日粵菜館有自己的註場點心師傅團隊（非坊間集團式經營嘅中央廚房平價點心，一於下午茶時段試一試佢。～ 五香芋絲卷賣相簡簡單單靚靚囝囝，芋絲卷煎得香脆不油膩，入口滿滿的芋頭香，另外帶點點清幽的五香粉味道，個人至愛，必吃之選。～ 蔥花炸兩腸新鮮即製，腸粉外皮煙煙韌韌有米香，油炸鬼鬆脆，正！～ 凱日蝦餃王熱辣辣入口蝦肉爽脆鮮甜，必吃之選，要挑剔的話免頭加咗金箔有點浮誇。～ 蟹子燒賣王合格～ 酸甜炸雲吞師傅炸功同油溫控制非常好，喜歡食炸物的朋友不要錯過。～ 脆皮奶皇包要再讚一讚師傅嘅炸物功力，唯一要挑剔挑剔的話、奶黃餡料入口比較”實”，建議可以考慮做得更加好。～ 晶瑩鮮蝦腸蝦肉入口爽脆鮮甜、～ 蜜汁叉燒包好味道！～ 陳皮牛肉球用料新鮮，免治牛肉入口爽甜，唯一要挑剔的話薦底嘅腐皮可以再多啲，另外說好的陳皮味道偏淡。三個大漢清哂碟，期待下次再試餘下點心款式。

做野做夜左，九龍灣工廠區唔算太多野食，就揀返呢間粵菜館食。🥗金腰玉帶小炒重🥗$118好足料，夠大份，魷魚唔硬唔難咬，腰果冇益味，蝦乾最抵讚👍👍👍👍因為炸到好脆口，韭菜更加係冇渣，味道偏鹹，送飯一流。🐥玫瑰豉油雞🐥半隻$108雞好入味，好滑，唔洗點蔥油已經好好食😋😋🐷鎮江水晶餚肉🐷$58海蜇爽口，餚肉切得夠薄，點埋黑醋食夠開胃，做前菜一流👍🥗濃湯粉絲什菜煲🥗$98又一足料抵食之選，粉絲差唔多有成2碗份量，入面有白菜、西蘭花、金菇、草菇、菜芯、小棠菜、雲耳等，簡直係健康之選，而且有味道，唔似出面食白烚冇味的雜菜煲，而且菜煮得夠軟身，易咬易入口。評價：上菜速度快，唔怕等得耐侍應熱情有禮有甜品送，而且味道唔錯

凱日就係以前大榮華果個鋪位，一出德福商場行幾分鐘就到，而且晏晝試過呢間飲茶都幾好食，呢次就試下晚飯🥢🐟清蒸海斑仔配 果皮蒸大連鮑魚 $238海斑仔好新鮮，魚肉爽口嫩滑，蒸既時間岩岩好🥹雖然話係晚市孖寶套餐，不過條魚都冇交行貨👍🏻鮑魚蒸既時間都岩岩好，冇過老唔韌，不過果皮就唔係咁香，唔落好過落🫠🐷海苔三層肉 $158其實即係燒腩仔，面頭有海苔粉，底層有咸蛋黃碎，入口味道有幾個層次其實幾得意，不過燒肉皮太硬，入口比較油膩，燒肉既肉膏同瘦肉部分都好清晰，不過較硬身，有少少失望🙊🐥玫瑰豉油雞（半隻）$108叫燒味既話真心推介豉油雞！lunch茶市試過文昌雞同炸子雞都唔及豉油雞好食🐥雞肉好嫩滑，冇雪味，豉油味甜咸適中👍🏻🥬濃湯粉絲雜菜煲 $98雜菜煲有菜芯、白菜仔、西蘭花、雜菌、粉絲同雲耳，份量幾多，三人份量都夠食最開心既就係晚市送既甜品係桂花糕😍唔係太甜，桂花味好香👍🏻食飽飯食返件可以一解膩感🥰

呢間係近期食過覺得既平民又高質既茶樓💜🥢當日總共叫左6樣食物：🐖燒肉檬粉($33)燒肉比得都幾多，而且都比較接近腩位，肥瘦均勻，個皮仲要好脆😍檬粉都既份量都幾大架，share食就啱啱好🦑咖哩蒸土魷($27.8)⭐呢個絕對係至今為至食過最好味既咖哩魷魚，必點!!!!⭐咖哩偏辣但係好香，而且入曬味，魷魚比得極多，食極都有，係平時酒樓份量既2倍，仲要魷魚片好大塊，魷魚鬚直頭係成揪上，而且唔韌唔痴牙💖下面仲有烏冬墊住，全部掛曬咖哩汁真係非常非常好食，滿分 💯🐟蜆芥鯪魚球($31.8)鯪魚球炸得好好，入面既魚肉一咬開就見到好多魚肉纖維，似食緊真既鯪魚，絕對唔係平時個啲彈牙過頭又半透明既鯪魚膠，蜆芥汁都整得好好，唔會太鹹💕自選孖寶B：櫻花蝦煎腸粉+蟹籽燒賣皇($34.8)腸粉份量多，櫻花蝦都比得唔手軟，煎得啱啱好唔會太硬。燒賣就豬肉肥瘦適中，每一粒都多蝦肉係入面，好彈牙🐟順德蓮藕魚餅($29.8)每塊都好大塊，食到爽脆既蓮藕粒係入面，不過呢個就偏鹹少少，都係鯪魚球好食啲如果大家都鐘意間唔中飲茶既話，不妨試下呢間茶樓啦，好高質性價比都好高架😍

～ 老上海油燜筍這道油燜筍很經常在餐館的小菜裡頭看到，不過很小在廣式酒樓裡有嘅前菜，正統的油燜筍是使用桂竹筍來烹調，而桂竹筍的盛產期在清明節前後，約在春季3月～5月的時間。筍粗纖維含量高，比較不容易消化，胃腸不好的人，一定要充分咀嚼，且避免吃太多。這裡的油燜筍要挑剔的話表面上的白芝麻可以不用落。～ 蔥油舟山海蜇合格，要挑剔的話上菜前先落香蔥再下滾油效果會更好。～ 澄海老四豆腐皮脆內軟，合格。～ 椒鹽鮑魚仔唔錯，非常適合的送酒小吃。～ 紅燒脆皮乳鴿中規中矩。～ 燒汁香煎帶子皇唔係太欣賞，普普通通，可以忘記。～ 秘制欖角一口骨老實講賣相一般般般，不過入口又唔錯喎，個蜜糖汁收得剛剛好，外酥內軟，配合欖角蓉嘅鹹香配酒小吃一流。～ 海苔脆皮三層肉（例牌）皮脆鮮嫩有肉汁，肥瘦適中，要挑剔的話燒肉皮面上加上海苔碎有點不太習慣。～ 醬香脆皮乳豬（例牌）呢度係用冰皮做法、入口脆卜卜、唔錯，肉質尚算不錯，唔會係坊間腌料味大過主人婆果種，自從香港政府不鼓勵農業（土地問題）加上禽流感、豬流感等等，之後係香港想食番真正嘅每日屠宰場即劏燒乳豬（包括鴿、鴨、鵝等）已經係奢望。。。～ 清蒸蘇鼠班非常之好，上桌魚肉剛好

呢度有啲點心走左fusion路線, 不過想食到心頭好就要早啲黎, 因為呢度3點3就截單😚下午茶孖寶🐮🦐($38.8)大概有10款點心可以選擇, 今次揀左陳皮牛肉球同櫻花蝦煎腸粉🦐 牛肉球正常發揮, 個煎腸粉好大碟同埋煎到好香口,正‼️脆皮蔥油餅🥠($20.8)炸到好脆口同埋鬆化, 不過就油膩左少少, 但係有驚喜😚五香芋絲餅🍠($23.8)剪開真係會見到一條條既芋頭絲, 夠濃芋頭味同香口👍🏽蜜汁叉燒腸🐷($27.8)腸粉皮夠薄不過腍身左啲, 中間塞滿左半肥瘦既叉燒, 我幾滿意😍咖喱蒸土魷🦑($31.8)超濃咖喱汁包裹住每一塊爽口彈牙既土魷, 底下仲墊左啲索曬汁既烏龍麵超正😋肉鬆手抓餅🌯($33.8)超香牛油味同鬆軟既台式蔥油餅包住大量炒過既肉鬆, 真係食唔到停到口, 不過一個都幾大個, 所以可以兩個人分一個🙂小梨子咸水角🍐($33.8)造型勁吸睛既青梨咸水角既外皮偏厚, 不過夠煙韌我鍾意, 中間包住啲咸咸地既肉粒係幾得意既😚豆沙南瓜餅🎃($23.8)外脆內軟滿滿既南瓜蓉包住紅豆蓉又唔會太甜, 係一個好正既中式甜品🥳瑤柱蛋白炒飯🍛($66)一大碟炒到好乾身又足料既炒飯, 夠曬鑊氣🔥呢度茶芥每

凱日粵菜館係之前九龍灣大榮華嘅舖位，因為電台前 DJ 曾志華話間嘢啲食物幾好，所以七月二十日星期三晚就慕名而來。我同朋友七點左右到，見倒酒樓單張推介冬瓜盅配石斑魚只係二百零蚊，即刻落單，問咗幾次就話已經賣晒，當時成間酒樓只係十枱客，有三枱客食緊冬瓜盅，真係想問佢哋一晚會準備幾多個冬瓜盅。如果只係準備兩、三個，不如唔好印單張去推介俾客人。最終叫咗個白肺湯、雜菜煲、半隻豉油雞同一個豆腐小食。先講食物質量，白肺湯冇落味精，正。雜菜煲足料又夠熱，食到一半啲菜仲熱辣辣。半隻豉油雞唔細碟。碟鹵水豆腐一啲都唔細。總括嚟講，五舊水埋單可以接受。至於服務，成個場得三個人會幫客落單，兩男一女，著西裝嗰位男部長態度都幾好，但有一位只著白裇衫嘅部長，黑面神敢嘅樣，應咗你話轉頭就一直冇回頭。但當佢去招呼貴客嗰陣（又食長腳蟹又星班嘅熟客）個面口就笑晒。反而啲上菜阿姐仲好禮貌過啲部長經理，多謝前，多謝後，叫你慢慢食，令人有賓至如歸嘅感覺，抵讚。希望酒樓管理層留意吓啲員工服務態度問題，尤其係啲領班，唔好阿崩叫狗越叫越走對普通客人。我會搵機會去試吓午市點心，推薦大家去試吓依間酒樓啲出品，應該唔會投訴啲食物！

今日適逢父親節，相約家人到九龍灣凱日粵菜館食晚餐慶祝父親節。餐館場地好大，環境好新净，枱與枱之間有一定距離。金銀蛋浸莧菜莧菜鹹味岩岩好 湯底好清甜 莧菜入口爽脆 菜上面覆蓋一層蛋白 混合蛋黃同埋炸蒜頭鹹蛋金沙茄子滿滿一大碟 口感外脆内軟 外層炸粉包裹左鹹蛋的香味正宗海南文昌鷄半隻鷄皮香脆 鷄肉味道濃鬱 肉質厚實 細沙巴龍躉今日好驚喜的一道菜，蒸得剛剛好，魚肉滑溜蒸魚醬油好香 而且附送好多葱 鳳梨咕嚕蝦球蝦球超大舊 吸收左酸甜醬汁 好惹味配菜菠蘿香甜 菜椒清甜爽口鮑汁珍菌燜伊麵呢碟伊麵真係飽肚之選 混合銀芽菇類爆炒 味道非常好另外呢間酒樓係可以自帶蛋糕，而且唔收切餅費用。總體黎講，食物好出色，又坐得舒服，下次聚會可以再黎。