凱施餅店 (已結業)

尋日行經德輔道中，剛好見到呢度蛋撻新鮮出爐，咁當然不能錯過，買一個即刻食。蛋撻酥皮底，剛出爐熱辣辣，中間的蛋漿微微谷起，賣相同味道都一流，係要小心燙親個咀。另外亦有幾款在店內即製的包，如燒牛肉包、豬扒包同照燒雞扒包，買了個照燒雞扒包，又係熱熱地的，雞扒用照燒汁煎過，味道都幾好，九蚊一個都食得過。平時都無特別留意這間本地麵包店，原來水準都不弱，除麵包蛋糕外，亦有一系列cake如藍莓芝士餅、tiramisu等，賣相都OK而價錢實惠，搵次試試都好。

尖沙咀有兩間,有一間係simply bread隔幾間鋪,估唔到佢朝早勁好生意架..好多OL買,返而simply bread就好冷清,太貴了..買過幾款凱施既面包,尋日試左個肉鬆包(叫松松包)好好味啊,好多肉鬆,仲好大個,唔知用黎痴住肉鬆果d係唔係salad dressing定係honey,味道甜甜酸酸咁好好味,5.2一個,好抵,仲有啊,最緊要係熱架..唔怪之咁多人買,今日試左個藍梅芝士包,新出品,不過味道我唔中意..無cheese味..入面果pat似奶黃,仲勁甜....唔得..

佢D 波羅包同丹麥條超好味呀...都只係$2.5 & $4.5一個咋...

食過佢個南瓜包,同埋甘露酥. 前者個南瓜蓉甜甜地,食落有d似荳沙,味道唔錯. 至於甘露酥個餡係冬瓜蓉, 即係老婆餅個餡. 但係個外皮就似曲奇餅咁,幾得意.