凱施餅店 (已結業)

-屋企人鍾意食傳統蛋糕周不時都會去凱施買傳統蛋糕款式夠多今次試咗雜果蛋糕超多水果夠足料士多啤梨、奇異果、菠蘿、藍莓、蜜瓜、紅桑子中意忌廉嘅朋友又可以多個選擇😘👍🏻

之前食過凱施新鮮出爐既丹麥條之後..返唔到轉頭…凱施既丹麥條真係整得好好食！去其他既麵包舖食唔到…今日既尼條唔係岩岩整起既…不過整返熱之後仍然係脆皮既..好正😋😋😋

經過凱施餅店，麵包剛剛出爐，便買了雞皇包 $10和藍莓芝士包 $11作下午茶。二人分享兩款味道，各人半個，吃得津津有味非常滿意。雞皇包有芝麻香，包軟熟餡料多，熱棘棘吃勁正。藍莓芝士包，芝士餡軟滑流沙，若藍莓醬多些會更正更美味。

上網睇到人地讚凱施餅店既蛋糕好食左, 今日舖蛋糕癮又起, 於是就去凱施餅店買左呢個芒果熱情果蜜糖忌廉蛋糕 ($112) 回家試試. 呢個蛋糕個賣相都相當吸睛, 蛋糕底仲係我鍾意既朱古力蛋糕! 開頭以為面果浸D橙黃色生果有晒芒果同埋熱情果喺度, 原來面果浸得芒果, 熱情果係攝左喺蛋糕夾層既cream入面! 咁多粒芒果都幾香甜, 而D熱情果就酸酸甜甜, D生果感覺都OK新鮮咁! 朱古力蛋糕食落去夠鬆軟, 同埋蛋糕夾層入面原來仲有D細細粒既朱古力脆豆, 咬落去加左D脆卜卜既口感, 口感即刻豐富左. 而呢個蛋糕嘅亮點, 絕對係D白雪雪既忌廉! 忌廉質感超輕盈幼滑, 仲要每食一啖都有陣蜜糖既味道, 但又唔會覺得好甜溜, 真心幾正!

今日行完街想買甜品回家吃, 路經呢間凱施餅店就入去望下啦, 比我見到雪櫃有呢隻京都綠茶杯個樣好似好濃郁咁, 我呢個抹茶控當然要試試啦, 個京都綠茶杯樣子有點像個雪糕新地杯, 價錢只係$11, 就試下佢啦! 杯入面係一層綠茶cream再一層薄薄地既綠茶海棉蛋糕咁交疊, 去到最底嗰層cream係奶味cream. 除左最頂有幾粒芒果, 入面都仲夾住數粒芒果粒粒. 一吃之下, 有驚喜呀, 估唔到綠茶味都好香濃, 有茶甘! 口感幾滑呀! 入面薄薄地既綠茶海棉蛋糕口感鬆軟, 唔會覺得嚡口.  開頭仲會諗...放芒果粒落綠茶味度會唔會好怪呢, 吃過之後發覺原來芒果味同綠茶味係好夾的, 芒果粒亦香甜唔酸, 有綠茶的回甘味同時配合芒果香甜味, 有層次, 相當不錯!!!CP值好高~原來凱施餅店既甜品咁高質, 下次會繼續留意下!!

因為今朝睇牙醫嘅關係！我無食早餐（唔想一打開口比牙醫見到成口食物碎屑 ）受完刑 ，就即刻去買麵包醫肚！連鎖麵包店自己最鍾意去呢間，因為麵包最足料重手！唔會係空氣包！而且價錢相宜！抵食！麵包之中，最喜歡吃芝麻咸豬仔，雖然無餡料，但焗得金黃鬆軟，而且上面仲有好多芝麻！卜卜脆，有麵包香味！簡簡單單已經好好味 可能自己都係鍾情附設廚房嘅麵包店！每次見師傅托住一盤盤出爐麵包都好開心，感覺到新鮮出爐嘅風味！ 地方光猛乾淨，店員好爽手，仲可以八達通比錢！好方便！

都可能有幾個月冇寫食評，要各位粉絲久候真係唔好意思！呢排搵食都幾多趣事，不如講講復活節先啦！是咁的，復活節難得輕鬆，見D中產 friend 去曬旅行，但可惜阿文長期手緊，連下午茶都冇得 high tea，唯有買個蛋撻返屋企自 high...去到鵝頸橋則既凱施，㨂佢因為附近唔多餅店，就算有都唔係穌皮（餅皮差好遠架～）。 佢啲蛋撻唔算貴，$4/個，岩曬d打工仔因為D蛋撻仲放響鐡兜度，要拆佢出黎放落張蛋撻紙度。跟住婆婆就用個鉗夾起佢，用陰力一dun 二dun 三四dun 五dun 六dun 七八dun，唔甩喎，再dun dun dun dun dun.... 左幾下... 蛋撻未入手都已經俾佢dun到皮肉分離，莫講話入口。朕為左唔俾慘劇再次發生響小蛋撻既鄰居，就叫住婆婆：「咪住！」然後同婆婆講咁樣 dun 法人都顛，之後佢就用最原始既方法 - 反轉佢。 掂曬。返到屋企放落口蛋芯仍然暖粒粒，甜度到位唔會太漏。稣皮十分鬆脆，放左十多分鐘仍然保留層次感，而且唔太油，$4 可以話係已經超曬班。雖然一開頭 dun 散左個撻，但婆婆都之後換左個俾朕，customer service 合格。配埋杯自家 e

3點3，又到了下午茶的時間。在外工作的我，回公司前，就買定野食給在公司努力著的同事，開心地來一個有蛋撻食同有奶茶飲的下午茶。路過篤頸橋的凱施，看見似是出爐不久的蛋撻，知道公司得兩個人，咁就輕便地整一盒四隻蛋撻，一人兩隻送奶茶。蛋撻，雖然只是微熱，但蛋味同蛋撻依然出色，蛋撐黃帶甜，皮酥香又脆，凱施餅店好的地方就是，所有麵包西餅都是在店後的自家工場製作的，味道特別的新鮮。甜美，酥香，就是蛋撻的好味道，雖然是連鎖店，但凱施一直都保持到小餅店的風格同水準。

突然好想食CAKE,但又唔想買D好貴的CAKE,於是行下凱施睇下有咩CAKE好食,買左一件朱古力,一件芝士芒果試試~~~食落好CREAM....感覺好肥好油呢,不過一D都唔貴$6.5....咁既價錢咁既質素,還可接受呢~

軒尼斯道上已有一家凱施，估不到轉個街口，在鵝頸橋街市附近，又有另一家分店。這家分店比較小，比較人擠，款式（尤其是蛋糕）就沒有軒尼道店的多。倒沒買過這裡的蛋糕，麵包方面則推介松松包 ($7)，跟某星洲品牌的出品相似但凱施的麵包似乎結實一點，癮頭起時也是吃得過的。另多年來的心水是金粟奶黃包 ($6?)，愈賣愈貴而且感覺是縮了水，不過味道仍然不錯，香滑甜美的奶黃跟粟米粒原來從未如此匹配！註：可用八達通。

凱施d麵包差不多試過晒, 總括來說最好味的有:1. 蒜茸多士 - 遇著新鮮出爐, 外脆內軟, 蒜茸+牛油, 真係好吃! @$3.2 絕對超值!凍左都唔會好像坊間其他果d, 食到脷損, 硬到死!2. 菠蘿包 - @$3.5, 雖然層皮唔算多, 但果香味真係好像以前細個時食個種...有點懷舊feel.(不像聖安娜, 美心果d 新口味菠蘿包)3. scones - @$4..5 or $5 - 有cranberry, 細細粒, 好味!4. 鬆鬆包 - $7, 拍得住 breadtalk....唔錯!當然也有些水準不好:5. 叉燒包 - $6.8, 那次見新鮮出爐, 買一個, 咬一啖, 即刻吐都吐唔切, 一陣<膻>味..真係第1次吃到柑<膻>既叉燒..6. 芝士包 - 有車打芝士, 有法包幾款, 但芝士質素實在不行...最近 ok 店賣的芝士包 和 山崎的好吃很多.7, 奶皇包 - 味道古古怪怪, 顏色是橙橙的, 跟一般煨常見的淺黃不同.還是聖安娜的菠蘿奶皇包好吃!8. 排包 - 真的一點牛油 / 蛋味都沒有, 只是勝在在店裡新鮮焗製, 坊間多數工場交來!其他維

人地sch仲係放假時,我已經要反學喇!又係break time ,去左cwb行街,臨反學之前去買左個包!! 揀黎揀去都係要牛角包,我覺得試左牛角包之後就可以知間野好唔好食,因為牛角包唔難整,但係好多地方連咁易整既包,都可以整得好難食 e間都唔例外,我食果陣明明係好肚餓,但係我都冇因為e個原因而覺得好食!!個包一d牛油味都冇,而且佢又凍又硬,而且都要咩味都冇!!包面連少少芝士碎都冇$4.5/ 個 ,又唔算太貴,但係真係唔好食,以後都唔會再幫襯

見Gourmet KC 兄的好評, 這天路經天樂里, 心思思就嚟試吓! 店內客人川流不息, 但麵包款式仍然選擇不少. 炸牛肉包是必買的, 看見菠蘿包脹卜卜咁, 又買一個來試吓. 排隊付款時又看見雞批頗吸引, 哈哈, 也來一個吧! 回家後過了一會才吃, 先吃雞批, 雖然未及得上金鳳, 但味道己經唔錯了, 價錢也倒化算. 跟着是炸牛肉包, 顏色炸得淺金黃色, 吃落不太熱氣般, 包身好軟, 而咖哩餡則香口而不辣, 好好味! 最後是甜的菠蘿包, 過了這麼久菠蘿酥皮依然好脆, 好味兼抵食!的的確確是貨真價實的美味炸牛肉包!

十月上旬‧晴是看了公仔箱飲食節目主持的推介，才留意這裡的炸牛肉包，是日操練完畢，正要買點東西補充體力，就來買了一個來吃。出爐好一陣子了，包是塌了下來的，也凍凍的。但吃起來卻是甚好吃，外層有點脆，包是鬆軟好吃，咖哩牛肉餡很美味，真的是由第一啖吃到最後也好吃。沒介紹錯。6元5角一個，放涼了也不錯，可以想像，剛出爐時，是絕對不可以錯過。

十一月．寒OR現在的讀者似乎都很喜歡包，就寫個包的故事吧。拜托同事代買包點，說一個淨麵包，另一個除蛋撻外，什麼都可以的，最好能像三文治般開胃。半小時後，淨麵包同有餡的開胃包都來了，前者是我喜歡的麥包，還是剛剛出爐，軟熟又暖和的，薄有小麥香，去好吃是薄薄的皮，同事說是提子麥包，但卻有吃不出有提子，是調轉了來夾吧。另一款有開胃的包，原來是下了沙律醬的腸仔包，其實就是熱狗，下了少量乾香草，與食味無關，反而沙律醬酸酸的有開胃味道，腸仔沒什麼特別，大口吃下，夠頂兩小時的，比較起來還是喜歡兒時吃將腸仔磡入麵包的吃法，港式得來又似乎「正宗」一點。