凱施餅店 (已結業)

今日返工經過，買早餐吃呀見到新種品，綠茶紅豆方包，即刻吸引我去買呀返到公司即刻用多士爐叮熱，好香既綠茶就此飄....出來呀好香,又有紅豆粒,好好味呀呢度返工時間,大部份面包係新鮮出爐架~ 大家可以嚟買下~

买了绿茶面包。好味！！！！！！！！！！！！！！！！！！！！！！！！蜂蜜面包。好味！！！！！与咖啡一起食用很OK！！单吃会甜了点。。菠萝包。十分松软啊！！！但是。。。。。。。。。。。。。。。。><太甜了。。。。。真的是。。太甜了。。。。。。。。。。。。。。。。。。咬一啖便扔掉了。。。。。。。OK吧。。。。。。。。

呢間凱施未結業架.有點餓. 盲摸摸咁走左入凱施到睇下有咩岩食.麵包款選擇唔多. 見到有芙蓉蛋糕＄５.就把心一橫試下啦. 佢有四種味. 我揀左芝麻味.開出黎咬左一啖. 芝麻味唔太濃. 淡淡地咁. 但都食得出有芝麻味食落感覺到個蛋糕好滑. 我好中意呢個蛋糕不過食個陣發覺有片蛋殼碎係入面. 媽媽就買左炸牛肉包＄５.８. 以我眼見好油. 哈 見到佢的肉餡唔算多. 其實唔係好抵. 只係個包係油炸食飽左我媽媽 不過呢間凱施的收銀服務有點差. 要改善！

我朝早返工前都去買個麵包做早餐而每次去到"呀菠蘿包"都係剛剛出爐熱辣辣,菠蘿皮卜卜脆,仲非常香麵包味添服務員非常快手,一見有人龍,馬上幫手盡快疏散人流,等我地唔洗遲到呀嘛

花生份量適中 不會太濃太淡花生醬比較乾身好吃的咸包

外表吸引 包表面有幾片杏仁片紅豆數量剛剛好 不會太甜吃不出有乳酪味清新之選

芝麻咸包同聖安娜相比，可謂不相伯仲，都係咁軟熟，不過凱施仲平少少，賣三個半一個，平過聖安娜三毫子，不過離我公司比較遠。而且麵包種類頗多，價格合理，行遠少少都值得。

平時多數去香港仔的分店, 今日去開銅鑼灣, 又想吃凱施的藍苺芝士包, 便在這間分店買, 又碰巧藍苺芝士包剛出爐, 於是就買下了. 但總括來說, 這間的藍苺芝士包比香港仔的較差.1. 一看已經覺得, 色水好白, 好似唔夠火侯咁.2. 攞到返屋企, 其實包已經涼了, 但個包仲好軟賴賴, 比較濕.3.the worst is 裡面的cream cheese filling. 太過liquid了, 似custard cream多d , 應該係用了較多牛油去溝之故. 唔怪知得弄到個包濕晒淋晒.我吃之前已經放入oven 焗過, 但吃時依然覺得個包好濕, 真係唔係好得.其實, 上次去這間的吞拿魚包時, 已經覺得裡面的tuna filling 又係太過似paste 狀, 似吞拿魚醬多一點, 同樣係因為溝左太多油之故, 冇咩口感. 但香港仔分店的就唔同, 好似罐頭tuna flakes. 足料好多.

我久唔久就響到買份蛋沙律三文治當午餐/ 晚餐.有次同事問我響邊到買同埋幾多錢. 其中一個人係估「一定超過廿蚊」, 另一個和議「一定啦咁多料」當我講「$7.5」個真相俾佢地知時大家都好驚訝其實依份三文治真係好抵食, 唔會好似東海堂咁將d餡淨係堆滿哂係面, 個底就齋包. 而且裡面d生菜蕃茄都算新鮮, 起埋仲索索聲又唔會係茄頭茄底.仲有試左蜜糖綠茶紅豆包, 好軟熟, 甜甜地, 不過無蜜糖味又冇綠茶味, 紅豆好多好有口感. 唔係唔好食, 不過唔好為左蜜糖綠茶而買

本來我都幾鍾意去呢間野買飽，點知早幾日遇到唔開心既待遇（又係關員工事），即刻唔想再幫襯！雖然件事發生係香港仔分店，但唔知其他舖會唔會都係咁！話說佢有賣三文治，而我自己就成日買佢既芝士火腿麥包三文治。有日我叫母親經過就幫我買份啦，點知母親回來同我講，佢地d員工話「從來無賣過芝士火腿麥包三文治」（注意係佢地強調：從來沒有）我就回應無可能啦，我係香港仔又買過，銅鑼灣又買過，唔通我之前買個d唔係芝士火腿麥包三文治？！！母親唔開心既原因係員工答佢「無」個時個態度，好似當佢混吉咁！第二日母親再入去睇下有無啦，佢見到d芝士火腿麥包三文治就問返個員工，佢竟然答：「哦，賣晒咪無囉！你尋日幾點黎？！」咁答係人都唔順氣啦，母親咪串返佢話：「唔係喎，你地尋日答我係『從來沒有』，唔係『賣晒』，你講大話呀？」有無離譜d呀！！兩樣唔同既野！！！「賣晒」就唔好同人講「從來沒有」！！！建議大家下次遇到同樣情況，可以理直氣壯同佢講真係有賣過，費時之後一肚氣！分分鐘我地d顧客仲清楚過d員工！！！

今朝同事買了一磅排包同四件蛋tart回來, tart 微暖, 牛油底, 同事都話唔錯, 我當然只進攻麵包(my favourite), 排包既牛油味無美心既咁濃, 但岩我...健康, 而且好鬆軟!

一向都好鍾意食蕃茄包呀香草包, 不過唔係好多地方有得買. 一日走入來見到好似厚吐司的蕃茄芝士包(但係一包八塊咁買), 即刻買來試下先.個樣幾好樣, 啡啡地紅紅地, 仲有一粒粒乾蕃茄粒.一打開個袋, 我即刻忍唔住大嗌「好香呀」.咬落去亦都好香蕃茄味, 芝士味呢我食過兩次都食唔出.口感亦唔會乾爭爭, 又唔會好似排包咁油, 唔錯唔錯.不過呢佢就冇貼到expiry date囉, 所以我都盡量響兩三日內見佢無發霉情況下食哂佢

每次經過它時, 總是衝衝而過, 從沒有試過一種麵包! 今天同事為我們帶來超軟方包, $12! 他說是新鮮出爐買的, 一包有六片, 跟山崎的厚度差不多, 包質軟熟, 咬落都幾煙韌, 買得過!

今天早餐是同事買的合桃方包, 價錢唔清楚, 我食左一塊, 比起A1 既軟熟啲, 合桃味唔濃亦唔多, 薄身, 作為早餐都幾健康既!

蜂蜜綠茶包, 其實是袋裝的方包loaf, 一袋8 小片,$7,應該是新出品. 方包的橫切面是青色和白色的紐紋狀, 還藏有粒粒的紅豆. 最欣賞的是, 面包好軟熟. 隔了兩天都keep 得好好. 而且好夠味道, 真的吃到綠茶味, 包又有陣陣蜂蜜的清甜, 絕對唔使搽jam or peanut butter之類, 相反, 搽左反而格格不入.