凱施餅店 (已結業)

我都覺得'凱施'丹麥條比起其他麵包舖做得出色,所以我覺得你同我既口味會幾似~我試過百佳香蕉蛋糕都好好食.啖啖濃郁香蕉味大大個..勁抵食..$7.9/ 1pc or $15/2pc 但我食開大埔超級城個間!唔知其他百佳會唔會有分別呢?你黎開大埔可以試下丫..

黎li度通常都係買丹麥條or墨西哥條…丹麥條唔錯…脆脆地咁…唔似有d麵包舖咁只係一個有d jam o係面gei條狀提子包…不過幾膩下…所以都係墨西哥條好d…li個唔係咁多地方有…鍾意佢gei原因係佢大大條咁…又唔係太膩同甜…反而唔鍾意個面有太多”墨西哥皮”…li個就o岩晒我la…咬幾啖又有少少咁…hehe…另外仲食過其他…買過li度gei松松包…覺得佢唔係太好食…應該話唔o岩我口味…提子麥包…好普通…而且唔覺佢似麥包…香蕉毛巾蛋糕(唔記得exactly個名)…li個ok wor…係食落有d似香蕉蛋糕…不過始終唔夠香…以前細個o係grandma屋企樓下間”新金星”果d真係好正…係必買ga…有時遲狙仲會買唔到…>.<…不過已經摺左la…唔知大家有無好介紹呢?? 因為我同阿媽甚至grandma都好鍾意食香蕉蛋糕ga…thanks!!!

貪佢快拎起俾錢就走得,話哂又餐肉又煎蛋個包都唔油,煎蛋冇乜蛋味又唔滑,都係預期之內, 又唔係即叫即整差唔多啦.

連續幾個星期三忍唔住入黎買菠羅包做早餐, 因為一定係面脆內軟既. 好正.跟住試下其他啦, 揀左個蜜汁叉燒包, 個包一樣係軟綿綿的, 都唔係好敢大力渣佢.丫~ 唔知點解佢地咁鍾意落咁多醬, 個包又係好多汁, 一路食一路咇出黎, 另外, 都幾多肥肉.不過就真係好好食.有次再買佢既白汁燒雞肉三文治, 食到怕左, 因為真係太多太多醬, 而且好油下.

我去開係尖沙咀加連威老道分店,其實佢有十幾間分店架,都算係幾有規模既餅店黎~最鍾意買佢d叉燒酥同雞批黎食,一買就半打,通常係放工後去買,佢夜晚d員工服務就唔多好喇~有一次去到我同個姐姐仔講我要幾個叉燒酥同幾個雞批呀老婆餅呀咁,叫佢俾個盒我裝住,點知佢叫我自己夾落盤然後拎去收銀度,去到佢再將我d餅夾返落個盒度=.=我d餅就有d散開喇,咁點解佢唔幫我夾落個盒度呢?做餅店都知d餅唔可以夾黎夾去啦仲有一次我去買餅,俾$$時聽錯左,俾少左$5佢都唔知,當時我仲企係佢面前,都未拎袋餅走,佢就好大聲同我講"小姐,你俾少左$5喎"態度唔係友善個隻,搞到我幾尷尬呀,我又唔係有心俾少佢...朝早有時都會幫襯佢買麵包既,日頭d 亞姐好人d~~

呢幾日試左凱施兩款新包(其實都唔太新,只係我好耐無去買),係紅莓合桃包同埋金粟奶皇包。紅莓合桃包:長形包,切開四份,好硬好硬,好似法包咁,但係多左紅莓同合桃,紅莓酸酸地,合桃有口感,配搭新鮮,味道又唔錯,而且健康,唔會俾人好膩既感覺,雖然睇落好似一大條,但係原來一次過都可以食晒!金粟奶皇包:所謂金粟,原來只有包面上面幾粒粟米,包餡好多, 全部都係奶皇,係好多好甜既奶皇,即使食到包邊都有奶皇,包心更加唔使講!有好重蛋味,味道偏甜,係嗜甜一族既口味!我有少少嫌味太重,而且有點膩!

朋友生日,o係屯門分店買左呢個cake。賣相好得,食落好有mango 味,但又無蓋過cheese味,琉種味配合得宜,$55買到個special的cake,算係咁啦(但個cake大約得半磅)

佢既三文治大大份又唔係好貴咋喎!白汁雞肉包好好食, 雞肉唔會硬哂幾有咬感,白汁都幾heavy 但係好香, 仲有生菜蕃茄都幾新鮮.蛋沙律火腿麥包, 其實我覺得佢d汁太多,不過味道都係唔錯如果撞岩佢麵包新鮮出爐, 菠羅包真係要一試.個皮脆卜卜, 個包少少暖既時候真係very good.熱狗呢竟麻麻地喇, 條腸就夠大條喇,不過冇咩味d味都幾假.茄汁又唔酸怪怪地但因為佢樣樣三文治落醬都幾唔手軟,小心食到好污糟

我同威化餅有同感, 因為我曾經身同感受! 我都食過佢既藍莓芝士包, 都比佢呃左, 一d芝士成份都冇, 包入面係一大pat 吉士, 而且仲要係唔滑, 唔好味個種! 至於藍莓就只係包面個一點罷了!

act. i found it very disgusting instead.... a bit of lemon smell....jus so strange!

裡面都唔係芝士, 明明係好大pet 既吉士, 我依d唔鍾意食吉士既人唔單止覺得唔好食, 仲有種俾人欺騙左既感覺, 明明成個包都冇芝士味.

今次真係要食左一個包包就寫食評,因為我只係係尖沙咀分店見過有沙嗲牛肉包賣,其他分店似乎無。咁我鍾意試新野嘛,所以係尖沙咀見到就即刻買。呢個包係一個大餐包中間切開,放左d沙嗲牛肉,味道辣辣地,包又軟,都唔錯,勝在牛肉幾多, 不過唔及美心既酸瓜沙嗲牛肉包咁惹味。

睇落唔覺,食落先筧佢好大條,食到好飽!不過,唔係好夠甜,牛而好多好多芝麻,個包就幾軟熟,如果加番多d料,令到佢甜d就好喇!話晒揀得墨西哥黎食,都係想食墨西哥包面頭個層皮既味道啫!(其實我唔知個層皮係乜,亦都唔知乜做,有無人可以話我知?)P.S. 我去的是太子分店

十分騎呢!三角形,猶如半份三文治,但係餡料竟然係…蛋糕!三文治表有d燶,應該係烘過或者煎過,外皮硬,但係包心軟,食到係麥方包,蛋糕就係最普通個隻,都有一定厚度。蛋糕同包一齊食有d唔慣,好似唔知自己食整包定係蛋糕咁。不過貪得意,貪新鮮,咪試一次囉!反正唔係好貴。(我去既係太子分店)

朋友生日, 我地o係凱施買左個tiramisu蛋糕同佢慶祝. 個蛋糕只係分左兩層, 上半係tiramisu, 下半係蛋糕. 我覺得個tiramisu落得太多gelatine, 令到個tiramisu似凍糕多d, 唔滑. 而且無酒味, 總結一句, 唔得!