凱施餅店 (已結業)

沙爹牛肉包 ~ 本身係想買阿蘇推介既炸牛肉包食架 , 不過咁岩已經售罄 , 唯有退而求其次買呢個試下啦 , 個麵包就係平時整豬扒包用個隻 , 所以會比較乾身少少 , 好彩有d牛肉汁係度 , 先至令到個包冇咁難食 , 而且沙爹濃味得黎唔會太辣 , 幾好幾好。其實仲有叉燒酥﹑雞扒包個d凱施都做得唔錯架 , 行開可以買黎食下。

朱古力合桃飽 : 朱古力味欠奉 ,合桃碎係整個飽飽既精髓, 口感十足, 好味 ~

今日返工前有d肚餓, 於是乎行嚟呢度睇吓有乜輕盈d既包可食食.走了一圈, 見到平時喺唔同面包舖都會買既麻糬波波試吓.講真個樣超唔掂, 膚淺既小弟其實當時都好猶豫, 但同時亦希望自己有番d深度, 唔好以貌取波, 重點係佢算平5蚊3粒, 所以決定俾次機會佢, 俾次機會我自己.先講講佢個樣點衰法, 件頭細, 望落黑黑實實, 夾落皮硬, 坦白講零寄望.先食芝麻味, 嘩! 有驚喜! 皮係脆脆哋而非實淨, 裏面郤算軟淑煙韌, 亦有芝麻味, 真係幾好食啵!朱古力味, 口感與芝麻味一樣, 在口裡散發著淡淡的朱古力味, 唔錯唔錯!又一次引証咗波係圓既! 伍生講得真係啱!但小弟極不希望未來女友與此麻糬波波一樣, 外貌零分, 心地爆燈, 始終都係均雲d好!

(12/5/08)買了拿破崙$4, 及合桃提子法包$8。拿破崙cream唔算多,吃下仍脆口,唔甜,味道似烏結糖,幾好食,缺點是酥皮鬆散,luck皮luck骨咁。法包都好正!因為合桃無油益味,還香脆的。法包加左合桃提子好match!

見好多人都話凱施d 包無以前咁好食...等我都去博一博先...今次都係買返我最鍾意既白汁煙雞肉包無差到喎~依然好多汁好味個fd 就買左個雞尾包, 我就撩左一pat 餡黎試下~有我好怕既奶騷味大大浸頂唔順...個fd 初頭就話好多餡呀~好味呀...點知越食就覺得越甜越漏一,一''可能我食黎食去到係白汁煙雞肉包, mango 卷同埋楊枝甘露蛋糕從來無食下其他野(可能有食過but 唔記得左haha)所以我又唔覺呢d 野退步左bor...

ready packed 芝士長條-10年前的最愛,因為不嬲凱施d包都係咁軟,又煙un.今次都係一樣,可惜佢d芝士已經失去了當年未折開個包裝,d芝士味滲出泥的氣味了,食落亦不覺咸香..好失望呀...

just baked,表面好乾,脆,入面d椰蓉好夠味,少少甜,又帶少少咸,好perfect,portion 啱啱好,唔會太少,包頭同尾咬一口是齋包外,其他都有.好rich.可惜個包少少dry

今曰經過大埔廣,見到凱施餅店,我相信是新開唔夠三個月,因本人十分喜吃凱施生產的麵包,故進入該店舖扣買四個麵包,比錢時該職員一面口沬橫飛一面同我所選扣麵包裝進入袋裡,我問該職員知唔知道什麼衛生,我是想買麵包不是他口水,註(該職員不知所為),請貴餅店教導職員衛生常識,謝

以往很少買凱施的麵包, 總覺得他跟其他鏈鎖港式餅點質素一樣, 油膩非常. 今天買了個小麥片包試試, 出奇地很合我口味呢。麵包面沾了很多燕麥片，未放進口已經感覺很健康! 咬一口, 包身不是滑的，因他有著麥片的粗造口感....這正是我喜歡的texture~ 他也沒有一般港式麵包底過甜的斃病, 咸中帶少甜, 越吃越覺麥香, 好棒的\"純味\"! encore~p.s. 我喜歡用手逐小逐小地\"搣\"來麵包吃，這次吃完手指沒有油膩感和油益味呀=)

20070629想給朋友一個小小的生日驚喜，在這裏買了兩件西餅，每件都有一個透明罩蓋著，兩件起就可以要求用紙盒包裝。樣子很精緻，打開的時候也有一點“哇”的效果，不過大家印象更深的還是它的味道：yummy~~~~淑女風情；淺奶黃色的熱情果慕絲蛋糕底，上面是花狀白朱古力慕絲，花心是一點點鮮黃的熱情果，旁邊點綴著三條幼細的朱古力條，從切面上看，兩層蛋糕之間還有一層熱情果著哩，很精巧的樣子，帶著淡雅的芝士香，口感很溫柔；朱古力濃情：賣相比較起來張揚一點，有飛起的朱古力條和圓圓的朱古力曲奇，甜度適中，香味濃郁。蠻喜歡凱施這家餅店，覺得頗有心機與誠意……努力啊~~~

前日放工好肚餓,即時買左紅莓muffin頂住檔,點知無以前咁好食啦! 雖然曾經好迷戀.而且那時仲越出越細件添!依家又大件番少少,但味道差左啦!

仲有銅鑼灣皇后餅店o既丹麥條都好正架,$5.50有交易,有機會就試下啦!

無意中又睇到蘇絲黃係專欄大讚呢度嘅麵包，不禁嘖嘖稱奇...小弟絕唔係話呢度嘅出品好差，但一定冇佢講到好似天下無敵咁...可能因為名人效應，幾次去想試吓個炸咖喱牛肉飽都不得要領...細細個時候好鐘意食呢亭炸乜包物包，貪佢夠香口嘛，但依家D人咁注重健康，都唔太吼呢D煎炸嘢，實在太可惜...食唔到炸包，橫掂入開嚟，就睇吓有乜啱食...見到一個叫海之卷嘅物體，賣相唔錯，又唔太貴，就呢件la..麵包入面有吞拿魚碎、火腿、生菜。最大嘅賣點就係有D蝦肉响入面。用嘅當然唔係新鮮蝦la，入口淡而無味，但係配合其他配料及大量沙律醬，酸酸咪咪幾醒胃，叫做唔太差la...係我嚟講，水準跟東海堂及美心差無幾..

每次去凱施都好頭痛唔知買邊隻包好，因為我好鍾意佢地既蛋撻(得返一個我都會買！)，每次想食蛋撻但又想試其它野。今日本來蛋撻冬甩２選１，最後見到有人拿一盤新鮮出爐既波羅包出黎時，我就毫不猶疑夾左一個！第一次食新鮮出爐既波羅包呢～幾蚊雞，就食到熱辣辣，上層脆卜卜，下面軟綿綿既包，熱到差點兒燙傷口，好不幸福呢！！睇雜誌，發現蘇絲黃也很喜歡凱施，本想買佢絕不絕口既炸牛肉包，但唔見有！唯有下次．．

今早買了個吞拿魚酥,無預計過那麼好吃呢! 雖然每日員工都好繁忙工作,尤其是早上,趕著讓包出爐,但她們依舊的好禮貌呢! 而且看來有點耐性呀!