凱薈

营业中

休息中

昨晚与家人第一次去凱荟晚飯，預計位於尖沙咀，理應有一定水準，但一入門口發覺啲枱密麻麻，比我感觉好似大排檔一樣，不過都算了，便叫餐，但食到最後的一碟菜，遲遲都未到，追了好幾次都只回复已下單，最後要等大半過鐘先到。另外，樓面人手亦非常不足！建議不去為妙，免得食到一肚氣！

食物質素一般，環境尚可，book 枱個陣話要窗邊位，但最後都無，抱歉道歉都無句，其實都唔緊要，有就最好咁啫，無都無所謂，之後成餐飯嘅過程都無乜嘢，係去到last 俾個四眼部長定經理級嘅object搞砸晒氣氛！黑口黑口，一臉不耐煩，禮貌地叫佢幫忙揸機影張相，唔願意可以講，或者叫其他同事幫手，我地位都未坐好，一二三都唔講，就走埋嚟俾番部手機我地，我地都O晒咀，同佢講話我地都未ready, 就黑晒面再求其亂㩒十幾下，趕收工咁樣，但之後只係「扮」工周圍hea，都唔知佢做乜嘢, 真係因為俾面屋企人先唔開佢拖，咁樣嘅態度真係從來未試過，呢條友真係「極品」級別！呢間嘢唔會再去！

現金科技發達先進, 餐廳點菜用qr code本應清楚更多快接妥當。星期日來酒樓飲茶點心, 點好了餐之後系統畫面出現error, 選項全無完全不見了。正常唯有重新再輸入..後來發現有點心重複了, 即時向職員反映。可惜有位黑框眼鏡女部長面黑黑, 反來抱怨我們不應輸入兩次。系統故障大家都唔想, 覺得有點受氣食物質素本來可以, 上菜速度也快。

地方寬敞且樓底十分高, 格調及裝修簡約時尚, 位處the One 17樓, 四周景觀開揚, 晚飯時順道看尖沙咀夜景小吃中七味豆腐鮮嫩脆口, 手拍青瓜的麻醬調教得可口怡人、多春魚十分肥美脆口、川味海蜇辣味適中, 令人胃口大開。片皮鴨兩食，烤鴨脆肉鮮嫩, 涼瓜炆鴨肉十分惹味！當晚我們散叫幾味餸, 其中點了孖寶餐有雞燉翅夠六位飲, 足料湯甜, 還有一碟蜜絲咕嚕肉, 既脆嫩可口, 又有新鮮菠蘿, 超開胃好味！炆牛尾大大煲, 肉嫩, 而甘筍吸曬啲汁非常入味, 與白飯成為絕配, 沙巴龍躉及龍蝦伊麵底，同樣美味超值

經openrice訂提前5日訂座，備註寫明希望安排靠窗位置，註明若未能安排，請先致電聯絡通知會再考慮是否繼續留座，並清楚留下姓名及電話。 到了當日服務員稱沒有靠窗位置，我查問那為何沒有事先通知聯絡，因備註已清楚說明，服務員態度不太友善，竟然回應說他們不會看亦不會理會備註所列......這是什麼道理？ 那備註一欄填寫有何意義？ 作為留座服務沒有留意客人備註或要求，還不友善大聲地理直氣壯稱不會看不會理又是什麼道理……我亦知道安排可能會碰上困難。 但只要求事先聯絡溝通有何難……

已經第二次來用餐. 酒樓位於十七樓, 兩面落地玻璃窗, 可看到尖沙咀維港景色，跟其他一般中式酒樓不一樣，陽光充沛, 令人心曠神怡. 四人行點了個套餐, 價錢合理，點心賣相味道都不錯，不得不提咕嚕肉特別好味，咕嚕肉外脆內軟, 菠蘿配菜新鮮. 樓面雖然只有幾個人但服務周到又有禮, 枱與枱間空間足夠， 坐得舒服. 非常滿意. 這店位於尖沙咀，地點優越但價錢合理，值得推介. 只是酒樓名字欠特色較難記, 只有記住The One 17樓…….

環境好，食物清淡但又好味，服務好。平日晚市真係好靜，呢間酒樓值得再去，平時都唔寫食評，但係都想推介。叫咗個炒飯諗住重口味少少，但係佢都可以keep到唔油膩得來又好食，真係不得不讚👍

姊妹生日飯聚，點了一個6人套餐另加一份晚飯孖寶，連飯後甜品及糖水共十度美食，真的是十全十美。晚飯孖寶係上湯澳洲龍蝦配伊麵底+黑糖义燒皇，澳洲龍蝦好新鮮，龍蝦肉鮮甜彈牙，黑糖义燒皇上枱還是微暖，肉質軟淋蜜味豐富一絕，另外點了個六人套餐連甜點及糖水一共八度菜，碟頭充足味道可口。服務員超有禮貌，主動推介美食及講解分量，怕我們多點，夠貼心👍🏻。酒樓環境寬敞明亮，大落玻璃窗遠望維港景色，枱距寬闊坐得舒服。

Father’s Day lunch was disappointing. Dirty plates and cutlery, with terrible attitude from waitress. It gets worse, the tea tasted like it had no flavour, the tea bag used looked reused. The food was below average, no idea why anyone would eat here apart from the view. Plates were broken also. They turned off the AC and lights while we ate. Never come here unless it’s for a quick photo of the view.

好耐冇試過星期五晚出尖沙咀，早早預約定先今次揀咗The ONE嘅凱薈，呢到擺酒會好靚，有落地大玻璃 酒樓都有安排我哋坐近靠窗位置🌹聽過朋友講呢度嘅黑糖叉燒幾好食，一於試下黑糖味香十足，不過覺得叉燒嘅質感有點硬，可能係瘦既關係，感覺不鬆軟 味道就夠的蒜蓉蝦乾蒸勝瓜呢一道菜要百幾元來説性價比低點，上枱時感覺碟大但只有一條勝瓜左右的份量有點失望 而且細件嗰啲係勝瓜的頭口感較硬清蒸紅東星仔東星仔魚肉雪白嫩滑，魚油雖然不算多，但魚肉味也夠不錯脆皮BB鴿肉質不鞋鴿味濃，一咬有肉汁 ，外皮香脆酥炸桶蠔外皮炸漿略嫌厚了一點，內裏的桶蠔味道濃郁，多汁亦不腥，正上湯澳洲龍蝦伊麵呢一道菜同黑糖叉燒係一個優惠組合龍蝦肉質彈牙鮮甜，配伊麵食係絕配吸晒啲汁，不過龍蝦爪比較多

一行5人叫了6個點心 - 蝦餃、燒賣、布拉腸粉、雞扎、百花釀魚肚和南乳蔥油餅，後加了粉銀針粉和肉絲粉麵。食物質素一般，沒有驚喜，感覺物非所值。幸好環境和服務合格，和家人渡過了愉快午餐。

本人與家人飲茶，並想訂酒宴為老人家做大壽，查詢當中問及如圍數或因突發事要改期訂金會如何處理，本人無唸過可全數退，但該位化濃妝的女待應（站請勿靠近車門口櫃枱的），便即是話無得改除非你因白事😡😡超過份，問緊壽宴你講白事，你間嘢有幾勁，可以讓你這樣無禮地趕客。食物中規中矩

一行八人午市飲茶，環境就無乜㗎喇，啲點心都非常普通，可以講係難食，其中有碟豆苗餃仲係酸嘅添，職員行過嚟就咁話幫你取消就走咗，唔好意思都無句，衰過屋村酒樓。咁嘅價錢咁嘅質素，大家睇路。

星期六有朋友從台灣來，住尖沙嘴的好處就係好多野食。朋友想食飲茶去，果斷選擇呢一間。人好多，爆滿。而且點心全部都好熱辣辣、好好食。燒賣好多肉，最後再叫了燒鵝，朋友吃得好滋味！下一次都好黎！

和朋友們辦了慶祝生日的聚餐，預訂了這家酒樓，樓底高，燈光充足，可透過落地大玻璃看見維港海景，環境不俗。 我們12人點了＄2688的12人餐，適合不過，食物相當豐富。 前菜五小碟，包括手拍青瓜、黑糖叉燒、脆皮燒腩仔、七味椒鹽豆腐及金沙墨魚仔 前菜做得不錯，每一款各具特色。特別喜歡黑糖叉燒，厚身但肉質仍軟腍，味道甜美；金沙墨魚仔充滿風味，墨魚亦爽口；七味椒鹽豆腐味道有點辣，刺激味蕾，令人開胃醒神。 前菜是一個好開始，使我們對這頓飯十分期待。 拔絲鮮菠蘿咕嚕肉 顏色豐富繽紛，令視覺享受。咕嚕肉粉漿薄身，拔絲的醬汁黏身夠特別。菠蘿和青椒新鮮甜美。 北京填鴨 鴨肉的厚薄切得很均勻，擺盤整齊。配料還有醬汁和酸姜，後者是第一次見，有麵粉皮包裹着一起吃，味道很匹配。 啫啫涼瓜鴨腩骨 鴨身造成這道菜，肉質不堅韌，熱辣辣暖入心。 生拆雞絲燴花膠 這道湯煮得黏稠，有菜絲、雞肉絲和花膠絲，充滿蛋白質。 豉油皇海虎蝦 每一隻十分巨型，煎得入味可口，蝦肉仍爽口彈牙，相當惹味。 清蒸大金老虎斑（約2斤半） 目測約50厘米長，魚肉厚身，但火喉蒸得剛剛好，不會未熟透但仍保持肉質軟滑。 鮮淮山蕃茄衣羽衣甘藍 健康的素菜，