鳳鳴居

营业中

休息中

我最愛嘅醉雞店醉香雞湯米粉湯底好甜好香酒味.雞係極嫩滑米粉吸晒雞湯嘅精華.再點埋佢嘅辣椒豉油👍🏻👍🏻麻辣醉香雞米線呢個麻香醉雞味湯底麻香酒味鍾意食麻辣嘅話一定要炸花枝丸花枝丸極新鮮，即炸食到入邊有一粒粒花枝

上一次黎食揀左醉雞湯米線結果個湯太甜 怪怪地我以為係我揀錯湯底既問題 因為醉雞湯有紅棗所以決定下次要再試其他湯底今次揀左蟲草花雞湯米線冇紅棗 諗住會試到正常雞湯味點知都係甜既…..？我非常唔鍾意😿但呢個都係個人口味最令我唔滿意係佢個凍奶茶一啲奶茶味都冇 同侍應講完換完都一樣應該係茶底好淡講返啲好既 雞肉好大舊 勁多肉同埋口感幾好不過唔點鼓油就冇味既 總括黎講就係失望 好彩今次唔洗排隊如果要等完位再食應該會更失望了補返張圖

朋友成日推介呢間米線，但係日日都排長龍。今日睇啱時間出擊喇！今日係星期五嘅下午5點左右嚟，唔駛排隊直入。一個人嚟就安排坐單邊吧位，ok嘅，都乾淨闊落。朋友推介話呢間湯雞好正，今日就試吓佢嘅招牌醉雞湯米線啦！菜單上寫明係即叫即整，所以要等耐啲，好期待呀！點知落單唔夠2分鐘就上枱，又話即做嘅？醉雞湯米線（$62）一飲啖湯嘅時候就知道出事喇！啲湯唔夠熱，即係唔係即整啦！味道方面，啲酒係直接倒落去，冇煮過，所以酒味好濃，蓋過雞湯味（亦可能佢本身啲雞味唔出啦）！總之湯底除咗甜味同酒味就飲唔到雞味。至於雞肉就俾得好足（有6-7嚿 - 有翼有脾有胸），仲有豉油辣油俾你任點。但係啲雞肉好柴好老，又唔似煲完湯啲湯渣咁軟糯，而且仲幾油吓。總結一下，雞湯米線的確比平日食嗰啲米線健康啲。但如果係向住「飲靚湯」出發嘅就會有啲失望喇！

減肥期間唔想食澱粉，但又想飲佢個醉雞湯底，見到有得轉菜底，雖然要加10蚊都轉咗，點知份量勁少，加餸揀菜都係7蚊下次走米線加餸都冇咁sad個醉雞湯底好好味嘅，少少偏甜，今次啲雞都幾滑

講左結論先：唔係唔好食不過我揀左一個唔合我口味既湯想寫出黎希望同我一樣唔鍾意咸食係甜味既人可以揀其他湯第一次食揀左最多人推薦既醉香雞湯米線賣相幾吸引 見到啲雞油就覺得會好好食但飲左第一啖湯就知我揀錯左個湯既甜味唔係雞湯既鮮甜 係真係甜味我估係紅棗既甜？係食糖水既甜 搭配米線好古怪至於雞肉我幾鍾意 唔會好un注意返唔係滑雞黎 所以會鞋鞋地 不過我鍾意既（我覺得太滑似假雞肉）下次我會揀其他湯Btw鋪頭啲staff都好nice

平時係旺角見到必定大排長龍嘅一間餐廳，今次突登係lunchtime果陣食，岩岩1215到，都要排一陣隊，都真係幾多人食。🔹醉香雞湯米線 $62好香酒味，個湯係好濃雞味同酒味，飲落好暖胃。湯入面又有紅棗，會令到個湯更加甜😍另外啲雞嘅份量好夠，雞又滑又嫩，好正😋🔹蟲草花雞湯米粉 $65對比起醉香雞湯，蟲草花湯會清好多，超多蟲草花，感覺好健康。雞要點佢秘製豉油食會更出雞味，我呢碗咁岩係雞脾，啲雞會更加滑，正😋🔹凍菠蘿青檸蜜 加$8唔好睇佢平平無奇，好重菠蘿味，幾fresh幾好飲，但飲到底會發現啲菠蘿青檸蜜未完全溶晒，超甜😣建議完全撈晒先好飲

這間以雞做主題的餐廳，我已經幫襯過好幾次，今晚一個人食，所以特登想回味那個醉雞湯今晚專登招牌嘅「醉香雞湯麵」，主食方面可以揀米線、油麵、河粉、公仔麵、烏冬等，（如果𨍭部份主食，需要加錢 $10）我揀咗米線。米線口感彈牙，煮得啱啱好，完全唔會過腍，而且每一口米線，都會索上一部份的雞湯，味道十分好而個湯底飄散著陣陣花雕酒香，酒味濃郁卻唔會喧賓奪主，亦冇酒嘅苦澀味，每一口仲滲透少少藥材嘅香氣，如果冬天食，更加一流。雞件分量唔小，調味適中，唔會過鹹，保留咗雞肉嘅鮮味。店家同時貼心地附上一碟豉油，想味道更濃郁嘅話，可以點少少嚟配，味道同樣出色，並且有一個小碟，可以放雞骨，感覺枱面唔係咁多口水，比較衛生餐飲今晚揀咗包香果凍飲，味道都唔錯

成日喺社交平台見到有人post幾好食咁今日終於去咗排隊食食落去發覺雞肉比較嚡身😢好失望之後俾多次機會再去食都係好嚡身😢但佢個沙嗲湯底係好食嘅養生湯底就正正常常咁～旺角有更加多好食嘅米線😂

醉香雞米線加通菜加餃子（共$77）Bookmark左呢間餐廳好耐，已經過左熱潮但平日2點到都座無虛席，等左幾分鐘先入座，同埋一定要搭枱，坐落都有啲迫。雖然唔係特別鍾意食醉雞，但一場黎到都係試下佢個招牌先，點菜時好貼心可以揀少酒定正常定多酒，我就揀左個正常。本身米線係$66，每樣餸加$7-8左右，都唔算貴。一上菜，份量好足，雞件都有5件，有雞髀同雞翼，啖啖肉，最欣賞佢係啲雞係我鍾意既全熟，雖然唔係特別滑溜，肉質實淨得黎都唔會太乾，就咁食都有湯底既味，但嫌唔夠味都仲有辣椒豉油可以點，除左豉油，上菜時都會俾埋碟仔放骨，非常貼心。成碗米線除左雞之外，湯底都係主角，湯底真係幾好飲，即使我唔太鍾意醉雞，但佢個酒味唔會好重仲甜甜地，有啲藥材味但唔會太苦，好易入口，唔經唔覺就飲左一大碗湯，但嗰日都冇口渴。個米線煮得剛好，口感適中，索埋啲湯一齊食非常滿足。講到加餸，最推介係加通菜，因為好索湯好入味，餃子就一般，似係工場供應，肉餡極少食完都食唔出係咩味，好彩只有兩粒，另外枱面既辣椒油都麻麻，唔夠香又唔夠辣。整體黎講味道唔錯，價錢都唔貴，一次有下次。見到現場都多人叫喇沙湯底，下次試下先。

第一次食呢間，叫咗個冬蟲草雞湯米線，真係好好味！湯底濃郁清甜，雞肉超嫩滑，食得出係好有心機漫漫浸出嚟，仲有冬蟲草嗰種特別香味，飲落去好滋補好舖服。食米線又飲到啖啖湯汁，加埋響鈴落去，索晒啲汁真係好好味！口感多層次，呢個湯底真係必試，飲落去暖暖地，食完都覺得好滿足！下次一定再試吓其他湯底

頭先我排隊排咗半個鐘，喺排隊期間跑咗食評見到好多人都話洒湯好甜，因為我想飲湯我就唔敢嗌，所以就嗌咗姬松茸雞湯米，諗住穩陣啲。入到去先知原來係冇得揀雞髀或雞胸部位，就算加錢都唔得。結果嚟到先飲湯，雞湯只有很淡的雞味，雞還是很滑的，但如果不吃雞皮的話覺得雞沒有味。最唔得就係個姬松茸，好似浸咗糖水一樣，我係食唔慣呢種味。整體來說覺得深水埗的醉藥X比他好味更多。這裏冇試過都可以試一次的。可取的是他雞的份量是很足夠的差不多鋪滿整個碗。

鳳嗚居總店係上水，而今次我就去左旺角分店。蟲草花雞湯米線湯底選用優質的雞肉和蟲草花，經過長時間熬煮，味道濃郁而清甜，令人一試成主顧。湯中透出淡淡的香氣，喝上一口，既能感受到雞肉的鮮甜，又不會感到油膩。米線的口感滑順，吸附了湯底的精華，與嫩滑的雞肉相得益彰。

在這家專食滑雞的米線舖，每一碗米線都讓人垂涎欲滴，一進門就能感受到滑雞的香氣撲鼻而來。個人最愛😍芫茜雞湯米粉是必試之選，湯底清澈見底，散發著淡淡的香氣。雞肉滑嫩，搭配新鮮的芫茜，讓整碗米線既清新又充滿層次感。每一口都如同在味蕾上跳舞，讓人忍不住再多喝幾口湯。招牌嘅醉雞湯米線則是另一種風味，雞肉浸泡在特製的醉雞醬汁中，酒香四溢，令人陶醉。湯底濃郁，米線吸收了醬汁的精華，滑順的口感讓人欲罷不能。每一口都充滿了香醇的滋味，彷彿在品味一段故事。

呢間餐廳一直bookmark左好耐都未試 終於食到 但我心諗點解咁遲先發現佢😚📌 滿滿的protien 份量都幾大 啱曬d 要操肌增磅既gym bros🏋🏻‍♀️留意返週末過到去都要排大概10-15分鐘隊！姬妐茸雞湯 ($65)湯底清甜 絕對無味精 我真係成碗飲嗮🤣 又有滿滿的蟲草花同埋木耳 好足料！雞肉包含黑肉白肉 但即使係雞胸都好juicy🐔！花膠醉香雞湯麵($102) 呢個湯底偏濃味 好重花雕酒味🍶 花膠好彈牙 口感嫩滑 配埋一啖湯真係一流😍味道：🩷🩷🩷🩷.7/5 📍鳳鳴居 (旺角)地址：旺角西洋菜南街138號地下2號舖

適逢晏晝黎到旺角，都會心心念念食碗醉雞湯米粉，就算天氣咁熱都無阻要去食既決心🤭🌟醉香雞湯米粉🐔$62雞件肉質鮮美，湯底濃郁帶少少甜。湯中加入了紅棗，增添左自然的甜味同養生功效，令人感受到溫暖的滋補。黑木耳就增加左口感層次，食每一啖都充滿驚喜。秘製豉油完美襯托出其他食材既風味。醉香雞湯配麵食唔單止適合四季享用，天氣凍時食更帶黎溫暖同滿足感。天氣熱黎食都唔怕，呢到既冷氣充足，絕對唔會食到成頭大汗😬