鳳鳴居

营业中

休息中

一間餐廳無論有幾好食，但只要服務、態度有問題，就點都唔會再有第二次.......夜晚附近放工，一心諗住去試呢間 "好食" 既米線店，當時門口唔太多人等位，行入舖頭，先要經過一條小斜路。店員o係斜路既盡頭大駕你光臨，問完我幾多位，就叫我出去攞飛，要等等。我出返去門口，撳左飛就o係門口既右邊等，面向馬路。起初都企o係撳飛部機附近，但隨住越黎越多人攞飛，我就行開左去另一邊等，驚阻到人，但都係舖頭門口。等左大約10分鐘，見到有D比我遲黎既人竟然入左去，我就覺得奇怪，行去部機睇，原來已經過左3個號碼。我入去同職員講，我話完全聽唔到有叫號碼，店員第一句就話: 你唔應該行開, 要企o係門口等，下一張補返俾你。我由頭到尾都冇離開過舖頭門口，只係太多人攞飛，我先企埋一邊等。我出返去門口望實部機，發現部機係唔會讀出張飛號碼，只有一聲 "叮"就完。舖頭對住彌敦道，人聲、車聲，其實大家都知有幾嘈。加上，店員由頭到尾都冇出過門口叫號碼，單靠一下 "叮" ，真係會聽到? 仲要怪我行開左，所以miss左..........我叫左碗醉雞米線，加一客醉雞腎。米線同食評所講一樣，個湯好味，雞既部位都會有雞肶位，唔會全部都

🍜喇沙雞湯麵 $58大多數都會有雞髀位，食落啖啖肉之餘仲好滑～佢地嘅米線好彈，韌度啱啱好喇沙湯底辣辣地之餘仲帶有椰奶嘅淡淡香甜湯頭夠濃稠，米線勁掛湯🍜麻辣醉香雞米線 $70醉香雞湯底勁清甜，仲可以飲到有陣陣酒香，仲會愈食愈熱湯底仲見到有紅棗，女仔食夠哂補😋真係可以食米線飲埋湯都得！同埋佢地嘅店員都好nice🥰私心推薦比所有鍾意食米線嘅朋友試下❣️

旺角區我最愛的醉香雞湯麵湯底熬製得十分香濃，湯色金黃透亮，喝上一口，鮮美的雞汁和香料的味道交融，回味無窮。米線與湯底的搭配恰到好處，吸附了湯汁的精華，每一口都充滿滿足感。餐廳的環境舒適，氛圍輕鬆，侍應的態度友善，總的來說，醉香雞湯麵令人回味無窮不可錯過！

「鳳凰」：神鳥。《說文解字．鳥部》：「鳳，神傳說中百鳥之王，雄為「鳳」。 此店以鳳為名，必然係對自家之雞麵飯料理充滿自信。由疫情開始黎呢度食，已經食過好多次，今次終於啲起心肝寫食評。今次叫左醉香雞湯麵，跟餐加凍熱飲品$8。一上枱，花雕酒既陣陣香味撲鼻而來。雞湯配上米粉，簡單而美味既組合。數一數，有六件雞，雲耳，紅棗。佢個菜牌講明，湯麵唔可以揀雞既部件。不過，佢最均真既係，六件雞入面，佢次次都有兩件係屬於最滑既雞脾部位。以雞既嫩滑程度同埋鮮味，完全食得出佢採用了新鮮雞。我最鍾意先飲啖充滿酒味既湯，食件雞脾，再食米粉。食到咁上下，先至將肉身較粗既其他部份，點一點辣椒鼓油一齊吃。最高享受呀！

每次出黎旺角都總係要食呢一間，佢嘅湯底款式多而且質素高😍加上佢嘅小食都相當吸引，係旺角一直人氣高企，門外長期多人排隊！相信去開旺角嘅人都一定唔會陌生😍⭐️醉香雞湯米配牛柏葉醉雞湯味道香濃甘甜，酒味足！雞件火候控制得非常好，嫩滑有雞味！個人私心配埋牛柏葉，質地爽口而且份量足，索埋湯食一流！⭐️蟲草花雞湯米線蟲草花湯飲落清甜而且有濃濃嘅雞湯味，雞件就同樣肉質嫩滑！而呢到嘅雞件部位都係隨機，朋友好好彩有雞髀食！⭐️蜂巢春卷每次都一定會叫嘅小食，一共有6條，而且外皮炸得好鬆脆，配合埋入面既芋茸餡，真係會食唔停😋

每次路過都超多人排隊的一間店，今天和老婆去排，2人才叫到30號但我們拿到69號，本來想說換一家，老婆二話不說拿了兩張單人號，然後排了不到兩分鐘我倆就進店了，不過要分開坐。點的醉香雞湯面，我想它的湯底應該是很大比例的黃酒，經長時間煮沸，去掉了酒精，保留了黃酒的酒氣和甜，再加上某程度上平日煲湯會有的鹹味。說是雞湯但沒有雞味，酒氣和甜度稍超出我可以接受的範圍。不合比例的調味，造就了味蕾上的先聲奪人，和幾口以後的過猶不及。另外湯底太搶，令我再吃面吃雞件都嚐不出其他的味道。如果你不介意排很長的隊，吃很網紅的味道，鳳鳴居還是不錯的，以上。

星期二晚6:00入座 好難得唔洗等位😆 店員好快就安排咗單人桌比我入座後店員比咗個QR code我用手機落單☺️今次叫咗麻辣醉香雞湯飯（$70）Tick咗正常辣度🤓秘製湯底唔算好麻、好辣食落覺得用咗好多糖去調配湯底加入酒吊味 效果又唔錯哦～雞件口感好彈牙滑溜 而且好入味一份大約有5-6塊雞件如果份量多啲就好了😭😭雲耳作為配菜吸咗湯後都好惹味一試難忘🤓蔥花份量適中另外亦隨餐附上有辣椒甜豉油點左豉油味覺層次更豐富

喺旺角想食醉雞米線就揀去食鳳鳴地點近旺角地鐵站，非常易搵2點鐘鋪頭都非常旺場如果同3-4個朋友去食就要早啲排隊醉香雞湯麵 — $60用code落單非常方便麵有唔同選擇，食量少嘅可以小麵見到可以加餸，順手加咗小雲吞小雲吞肉饀皮簿湯頭非常香甜 每一塊雲耳都吸收精華，非常入味同爽口每件雞煮得剛好有皮嘅雞肉嫩口雞胸有咬口 不會過柴米線個人認為煮得較硬身個人認為小貼心地方醉香雞湯底可選擇 少酒/ 無酒要唔要蔥就返客人嘅味道

旺角行完街想坐下，想食d雞湯粉麵。上網search呢間餐廳原來都幾出名。用餐時間70分鐘。叫左個醉香雞湯米$60，可以揀小酒😙碗野黎到已經香噴噴，有少少酒香味，由於我揀咗小酒，所以食落冇乜酒味。湯底有中藥嘅味道、食得出佢應該落咗好多紅棗or蜜棗，因為碗嘢都幾甜。不過我就唔係咁鐘意呢個太甜既湯底，下次都係試下第二個口味🤣🤣碗嘢都幾多木耳👍👍雞件都滑（不過都有一兩舊雞係有少少嚡），職員好細心會我比一個碟放雞骨😀服務態度都幾好！整體嚟講都不錯、會再嚟食😄😄

旺角人氣排隊名店：鳳鳴居！成日搭巴士經過都見到排哂隊，咁啱出旺角做完facial ，下午茶時間未食lunch，想食飽少少，見到舖頭唔係好多人，就決定試試佢。餐廳座位都幾闊落，見到有唔少單人座位，如果繁忙時間一個人嚟食都唔使同人搭枱。坐底之後店員就比左個QR code 落單，野食上枱既時間都好快。第一次食，穩陣d ，揀左classic 醉香雞湯米線。本身對d 小食都有興趣，但得一個人食唔到咁多><湯底帶有酒香，唔會太濃，雞湯有少少油，但唔會膩。米線保持到彈牙，我個人幾鍾意食。配料見到有紅棗、雲耳同雞件。雞件份量多，肉質嫩滑，唔會過熟。跟左一碟醬油，應該係點雞肉食既，不過個人覺得唔點醬都夠味。另外店家好細心，附上小碟去放雞骨，唔會食到污糟晒。總括而言，十分推薦👍🏻 飲晒成碗湯都冇問題😆

呢一間位於喺旺角嘅米線係朋友推介，我之前都經過，見到好多人排隊所以放棄咗，今日就再約咗朋友去試吓，等候時間好彩都唔使太耐，大概都係10分鐘就有位，非常好彩！✔️醉香雞湯米線，嚟到呢度一定要試吓佢嘅招牌菜，佢嘅湯底非常香濃，而且有少少好香嘅酒味，不過絕對係非常好食，佢嘅米線煮嘅時間控制得非常好，唔會太林，而且加埋湯底非常夾！佢嘅雞肉亦都做得出色，整體上唔會做得好鞋，而且呢一個價錢嚟講都唔算太貴，鍾意食米線嘅朋友都唔可以錯過呢一間餐廳！

【人氣鋪頭之醉香雞米線💛】呢間米線鋪頭平時路過都會見到大排長龍！香港人真係好鍾意食米線👀呢間既米線幾特別 湯底有花雕醉雞同喇沙等選擇 今次見人少少就黎試吓佢咩料啦🔥【醉香雞湯麵】 $60🌟麵底可以自由選擇 唔想食米線既朋友都可以揀河粉、米粉等其他麵類✨亦可以另外加配其他配料～或者自行選擇酒的濃度（多酒/正常/少酒）如果同我一樣唔鍾意食紅棗既都可以選擇走紅棗😈（湯底都飲唔到紅棗味哦～）⭐️係手機點餐 所以大家可以好清楚咁睇到可以揀啲咩〰️💯湯底絕對係重頭戲❕第一啖入口 成個人舒服曬✨（講明先 我本人唔太鍾意花雕酒味 所以太濃既酒味我就會唔鍾意🙈）但係想讚呢間既湯底味道拿捏得恰當好處👍🏻有酒香得黎又唔會令人反感 再帶少少藥膳味 好神奇咁覺得唔錯💫❄️冬天食絕對暖入心💛 不過食到最尾會覺得越黎越甜！第一次食甜既米線 唔係好似普通番茄湯底🍅 又係別有一番風味😙然後都想讚雞肉好足料 唔鞋 差啲食唔曬🤣仲搭配左一碟秘制醬汁🙈會帶少少辣同少少麻！點黎食更加惹味哦😎整體黎講 偶爾養生吓都唔錯🥰女仔食真係好補！（唔好睇我影得好似幾油 但係食落真係唔會🤣）路過見到冇咩人排隊可以去試吓✨😋：7.5/10性價比：8

藥膳雞湯米線之選🍜：📍鳳鳴居最近開左好多唔同嘅藥膳雞湯米線，而鳳鳴居係我食極都唔厭，而且人氣好高嘅米線小店😍🐔蟲草花雞湯米線（$60）雞件份量好多，而且肉質好嫩滑☺️餐廳都好細心提供碟俾我地放骨👍而佢嘅湯底都著好香嘅雞湯味，一啖米線一啖湯都唔會好濃同埋頸渴😋去到嗰陣，雖然一個人，同埋人唔算太多，但係都要等15分鐘，想試嘅話都要有定排隊嘅心理準備。📍 鳳鳴居 (旺角)旺角西洋菜南街138號地下2號舖

今日lunch, 3 條友諗住試新地方所以試吓呢間鳳鳴居，13.09分拎飛等到13.40分先有位入得，其間已叫咗起碼10張2人枱嘅飛，都冇叫過1張3-4人台嘅飛。入去問企門口高高大大嘅男士，佢話佢哋得2人台走，未有4人台，我話我3個人(心諗如果想做生意都唔會咁答，將2張2人台拍埋咪有4人台，後來先知佢係腦細，同路人腦細個腦咁窄都真係冇辦法) 我問點解4人枱等咗30分鐘都冇位，我哋3個人喎，佢話你哋3個咋，咁又㩒4人飛(粉果，你個㩒飛系統寫3-4人吖嘛 你唔出嚟問下，淨係9企喺裡面㩒飛入台？) 然後先話門口張2人台本身搭多個位嘅走咗咪到你哋坐囉，都算了，等極都唔走，我問腦細，其實佢哋走未？收晒碗，坐緊喺度傾計，都唔走，我哋係咪只能等呢張台？腦細話喎，每台限時食60分鐘，佢哋唔走唔趕得佢走，我企喺度等咗30分鐘又洗唔洗計埋落用餐嗰60分鐘裡面呢？未食都已經成肚氣，問店員，你哋今日負責人或者腦細喺邊，先知高大9企門口是腦細😂😂😂去到食物方面，衰過南記，清雞湯得個死咸，豬紅得4粒偏咸，甜酸根正常。。。貼錢買難受。。真Sorry … 無下次。。

因為平時都要排好長時間嘅隊先入到去堂食咁，所以我每次都係叫我去買嘅。每次都係例牌醉雞米線，而另一半都一定係識蟲草雞米線，加雞翼尖。去到拎外賣嘅時候見到張單點解貴咗咁多於是一睇就發現原來接聽電話嘅收銀平頭哥哥仔落多咗一碗蕃茄米線。於是我就上前同佢講落單嘅時候我淨係嗌咗兩碗，冇叫返茄米線。平頭收銀哥哥仔第一句就話:肯定你嗌咗三碗。明明聽住你講話叫蕃茄米線。如果你話要取消嘅話我都會取消俾你嘅。咁幼稚為咗贏啖氣嘅行為，我都費事同佢嘈，我就話咁你幫我取消咗佢啦。都費事同佢嘈阻住人做生意。我諗佢都係出嚟做嘢冇幾耐唔夠經驗。邊會有食客特登嗌多一碗麵，然後過嚟取消呀？如果我係話佢落錯單係叫另一碗麵就有可能係我叫錯。不過我諗佢都係為咗一啖氣，所以先至要咁樣講，但係呢啲咁嘅態度就會減少咗令客再去嘅機會。