凡高廚房

营业中

休息中

約了文青朋友吃晚飯，想靜靜地談心，千挑萬選，最後决定來這間餐廳試試。來到餐廳門口，已經感覺到一股與別不同的氣氛。入到餐廳，看到四周都掛滿梵高的畫作， 向日葵、星夜、麥田、梵高自畫像……甚至桌上，也放有梵高的作品，在在看得出餐廳的主題和投放的心思。朋友要减肥兼是海鮮控，所以只要了一個蘑菇湯和一個海鮮拼盤作晚餐，而我就點選了套餐。蘑菇湯真材實料，帶有粒粒蘑菇，非常creamy，充滿蘑菇香味。海鮮拼盤包括有波士頓龍蝦一隻，加拿大翡翠螺兩隻，生蠔兩隻，法國藍青口六隻，太平洋虎蝦四隻。海鮮非常新鮮，生蠔帶有海水味，鮮甜味美，虎蝦很爽口，龍蝦和藍青口體型略小，但都很新鮮。我的晚餐羅馬生菜沙律 ~ 很新鮮開胃洋蔥湯有香甜的洋蔥味，餐包熱烘烘，又香又脆。意式馬賽海鮮飯，材料豐富，有帶子、大蝦、 魷魚和青口， 海鮮飯用意大利米和海鮮湯煮成，軟硬適中，配上新鮮的海鮮，非常美味。甜品是精緻的芝士蛋糕， 雖然只是小小一件 已顯出廚師的功力。這個晚餐由這杯香濃的咖啡做成圓滿的結局。

特式樓上餐廳去得多, 藝術畫家主題嘅今次係第一次,  印象中梵高係一位印象派藝術畫家.  老公同我慶祝結婚週年喎, 緊係搵間浪漫 d嘅餐廳食啦 (雖然佢一 d都唔浪漫) .位於銅鑼灣同灣仔之間,  未到鵝頸橋嘅勝華樓2樓.   一上到去已經俾d紅磚裝飾吸引住.    入到去有張大大嘅桌球枱, 我老公都問我係未真係可以玩呢?   當然我地無玩到啦.   看看地方都幾大, 裝潢以歐陸色彩嘅紅色為主, 牆上當然有不少油畫啦,  仲播放住優雅意大利音樂,   舒適浪漫,  有如去咗歐洲 d 歷史悠久嘅餐廳食飯咁. 好想食蠔， 所以先嚟叫咗個挪威雪蟹脚海鮮拼盤 (2人份量)有挪威雪蟹腳， 加拿大翡翠螺 , 法國藍青口， 太平洋虎蝦同爽口嘅生蠔， 份量都幾多㗎。 之後叫咗一個 dinner set同老公 share. 先嚟個前菜， 係意式蛋卷 配沙律菜， 蛋卷好滑， 味道啱啱好。 跟住係餐湯 - 法式洋蔥湯， 洋蔥味真係好濃但個湯底好清甜， 鐘意洋蔥嘅呢個湯一定大愛。 仲有個軟淋淋嘅麵包跟。 主菜我都叫咗地中海式火焰牛柳串燒配牛肉燒汁 伴蒜蓉香草醬薯角。 服務員用鐵盤帶出2串牛柳串燒， 再

今天難得有空，便相約友人到銅鑼灣買傢私，買完後便到附近嘅《凡高厨房》食午餐。這間樓上私房菜餐廳十分有特色，在門外已佈置了聖誕裝飾，很有心思❤️，用上了我喜歡的磚紅色，感覺好warm、好溫暖：餐廳室內佈置具有特色，座位寛闊，像到了歐陸式嘅地方：中午時份餐廳有多款午市套餐供選擇，甚至有行政套餐。今次我們叫了兩款普通嘅午餐，價錢約$100，幾抵食！午市套餐包括餐飽、餐湯、沙津、主菜、飲品和甜品，十分豐富！餐飽：餐湯：濃濃嘅西式湯，幾好飲，味道帶點我喜歡的南瓜味。餐前沙津：有特色嘅沙津，睇見都想食！芝士黑松露香煎雞扒意大利飯：這款主菜嘅雞皮十分脆和香囗，是喜歡吃脆雞皮嘅朋友必食之選！加拿大刺身級帶子露筍忌廉汁意大利飯：這款主菜嘅意大利飯吃起來頗特別，飯是帶着汁的，而汁嘅份量恰到好處！意式咖啡：當然唔少得飲杯意式咖啡，很好飲，下次會再飲！凍檸茶：雖然這是一杯普通的飲品，但是茶味唔錯。值得一提是這間餐廳可讓食客慢慢享用午餐，食完一道菜才上下一道，是想hea 住食午餐嘅首選😌

行完誠品，諗住搵個清幽啲既地方食飯上到去，發現真係好多藝術畫同埋啲擺設，尤其有桌球枱同埋雙人搖櫈，岩哂二人世界聽講呢度啲和羊正，和牛就食得多，和羊真係第一次食，侍應話呢度啲和羊無個種羶味，易入口，就點左一份和羊餐，另一個就點左牛肉眼扒，兩個都係五成熟和羊前菜係挪威三文魚酸菜卷平時食過既三文魚沙律都係幾塊薄既三文魚加沙律醬，口味偏清甜。但呢個前菜夠晒特別，一塊厚既三文魚包住酸菜、粟米同其他沙律，個感覺幾新鮮，值得一試。另一個係鮮蝦三文魚卷 睇落幾精緻之後個湯分別係野菌忌廉湯飲落第一啖就好濃既野菌味，第一次嚐到咁濃既，唔係太習慣仲有羅宋湯未入口都已經聞到好濃既蕃茄味，但就將羅宋湯本黎既香味蓋過左，岩晒中意蓄茄味既人終於到左個主菜和羊同牛肉眼扒和羊一上菜真係吸引，差啲相都唔記得影就開餐。嗌左五成熟，一切開仲有少少血水岩岩好，平時食羊成日都會太乾，但呢個和羊估佢唔到咁JUICY同軟滑，配埋個醬汁提昇肉味。我完全比佢個配菜薯仔征服，夾埋啲cream cheese 真係無得彈塊牛肉眼大過我手掌，一上到枱就聞到好香，隔離有個係牛肉汁黎，點牛肉同啲配菜都幾唔錯啲侍應都幾好服務，問我地要唔要海鹽，然後幫

凡高 - 偉大的藝術家，藝術其實都有好多範疇，畫畫可以係一樣，烹調亦可以係一樣，而食都可以係一種藝術。今次選擇了在銅鑼灣的凡高廚房，一試烹調的藝術。餐廳內的佈置是用了復古的裝飾，無論掛飾、吊扇等都有一種歐洲的古典氣色。餐廳有提供晚餐套餐，全部都是由$208起，另需加一收費。套餐包括了前菜、餐湯、主菜、甜品及飲品。煎蛋餅配沙律：外觀上似一個甜品蛋糕，但吃上口卻是咸的，蛋香味濃而且外面有點硬身，裏面是軟腍。說是沙律不如話是裝飾的沙律菜，份量不多，但有點黑醋汁伴著吃，味道不錯。洋葱湯：湯比較稀，有大量的洋葱在裏面，煲到很腍，帶點爆炒洋葱的焦香，還有一點已浸腍的麵包粒。餐包：帶點微暖，塗上香草牛油後，有牛油的咸香，非常鬆軟。凱撒沙律：羅馬生菜配以煙肉碎、麵包粒及巴馬芝士，羅馬生菜新鮮爽脆，煙肉碎炸得香脆，麵包粒焗得脆口，巴馬芝士味道香濃，帶有咸香味，整體清新開胃，能減輕牛肉串的油膩感。意式馬賽海鮮飯：意大利飯份量比較少，有帶子、蝦及青口，海鮮新鮮鮮甜，蝦肉爽口、帶子嫩滑，意大利飯煙煙韌韌，還有點番茄香味。地中海式火焰牛柳串燒配牛肉燒汁伴蒜蓉香草醬薯角：店員捧著著火中的小型燒烤爐，上面是放著烤牛

今次去了位於銅鑼灣接近鵝頸橋底的凡高廚房，是朋友食過覺得不錯，介紹我去試下。餐廳是在一棟比較舊一點的住宅內，外面裝修一般，但裏面別有洞天，全部都掛滿了畫作，裝飾古典。我們點了兩個晚餐及PIZZA。晚餐價錢由二百多元起。蛋餅伴黑醋沙律蛋餅內有點洋葱等餡料，質感軟滑，有濃郁的蛋香，似蒸水蛋表面再煎過；另外配上少許黑醋汁沙律，酸酸甜甜，非常爽脆。洋葱湯及餐包有大量的洋葱及少許的麵包粒，洋葱湯比較簡單，有洋葱甜味及焦香。餐包鬆軟，送湯一流。燒澳洲刺身級帶子及虎蝦伴墨魚汁扁意粉扁意粉份量適中，意粉軟硬度適中，每條意粉都沾上了墨魚汁，食到成嘴黑麻麻，帶子表面略煎，但裏面有點生，鮮甜腍滑，虎蝦不算大隻，似平時的中蝦，全部已貼心地去掉蝦殼只留蝦尾，方便食用，蝦肉新鮮爽口彈牙。煎勺草挪威三文魚伴白豆牛油檸檬忌廉汁挪威三文魚外皮煎得非常香脆，肉質結實不易鬆散，肉嫩鮮甜，有魚油的甘香但不會油膩，配上檸檬忌廉汁，中和油膩感又能提升三文魚鮮味，薯蓉香滑飽滯，雖然份量好似不多，但食完薯蓉都已經很飽滯。BBQ Pizza薄餅有意大利腸、火箭菜及大量的芝士做配料，餅底是又薄又脆，所以不會覺得飽滯，意大利腸比較咸，配上

一向對梵高既向日葵有情意結，因為細個美術堂要畫呢幅畫，畫左幾十次老師都唔收貨。偶然下搵到呢間餐廳，睇過其他食評都唔錯，所以生日就去試下，so far 都無失望，地方唔算好大但我中意入面擺設，食物味道唔錯，招呼也不錯，當日雖是星期六，但由於我們7點前到達，客人還未算太大，最喜歡門口的搖搖椅，我正猶豫坐不坐下影相時，其中一位員工就叫我們即管坐下，還主動替我們拍照，他說老闆喜歡梵高，門口位置的搖搖椅及桌球枱就是老闆專登模仿梵高的其中一幅畫的情形，整體很滿意，可以encore。

自從去過歐洲的凡高博物館後,我就好欣賞凡高的畫作。早幾日在Facebook見到這間以凡高為主題的餐廳，我即刻叫我男朋友陪我一齊去試試 Set 1: 頂級和羊餐前菜—挪威三文魚酸雜菜卷呢個配搭幾新鮮，賣相好吸引，酸雜菜卷夠開胃，而且本人好鐘意食三文魚，有豐富的omega-3 98% 野菌忌廉湯每一啖都食到粒粒野菌，野菌份量非常多，而且切得好細好細粒，所以融入湯中，好creamy! 招牌澳洲頂級和羊配蒜蓉香草醬薯角和牛就食得多,和羊真係未食過。我地叫左7成熟，脂肪分佈平均，香而不羶，正甜品-Italian Cheesecake Set 2: 燒澳洲刺身級帶子及虎蝦伴墨魚汁，扁意大利粉前菜—歐陸式小食，是西班牙的蛋餅 呢個墨魚汁意大利同我係威尼斯食的真係不相伯仲!! 墨魚汁好杰身，非常香濃，而意大利粉做到Al Dente，份量好多 甜品-Crème bluee 最後,我睇得出餐廳的裝潢是很有心思，周圍掛滿了凡高的畫作，好浪漫呀

一邊欣賞著梵高畫作一邊品嚐一頓法式晚餐也挺賞心悅目！來到凡高廚房，一坐下的感覺是週遭的環境都很優雅，燈光微暗，很有情調。前菜和餐湯緩緩送上，擺盤也很是講究。先來的是羅勒醬大蝦三文魚卷和青瓜雞肉蓉沙拉卷，兩客前菜酸酸甜甜增加了不少食慾，醬汁和食物很配合，個人比較愛好青瓜雞肉蓉沙拉，十分清新。湯的部分是招牌99%野菌湯和洋蔥湯。喜愛野菌的朋友一定要嚐嚐，十分濃郁且creamy。主菜登場！我和友人分別點了招牌紅酒羊膝和澳洲虎蝦帶子刺身墨魚汁意粉，羊膝的部分果真不錯，肉質鮮嫩，外酥內軟，配合汁醬甜薯，只能一口接一口不停進食。而意粉方面，墨魚汁不會乾乾的，十分creamy，扁意粉軟硬適中，海鮮才是重點，一熱一凍，口感獨特，煎香過的虎蝦大大隻，帶子刺身非常新鮮又清甜，很值得encore。甜點部分是雜莓塔和焦糖燉蛋。由於很想食巧克力，所以特地點了一個心太軟配雪糕，超級流心朱古力真係太正了，配上雪糕，經典的搭配。另外值得一提的是，飲品方面極力推薦點花茶，友人點的是玫瑰花茶，有個小蠟燭台暖住，喝完也無限添加，絕對值得一點。

公司快搬離灣仔區，趁還有兩個星期時間，將心儀午餐的餐廳續一走走，以後就要在九龍區打滾了。凡高厨房是我指定其中一間，午市套餐大致一百以內，抵食。今天是南瓜忌廉湯，南瓜是秋季時令蔬菜，特別甜美。綿綿順滑，正！主菜選擇了肉類，西冷牛扒芝士磨菇。牛扒包裹著芝士磨菇，有點似放大咗嘅春卷。牛扒煎得過熟，有嚡口感，好彩芝士和磨菇夠濕潤，平衡番過熟感。甜品是焦糖布甸，蛋味夠香，面層的焦糖焦焦味道，美味！咖啡也不錯， 濃中不帶澀。

真的超愛這個地方，充滿藝術氣息，不單止擺滿梵高的畫作，當然是仿畫作，但是也畫得栩栩如生，和真的有九成似！😍👍🏼而且還有長椅給你拍照，放上網站呃like 😂叫了一個和羊餐，頭盤是挪威三文魚酸雜菜卷 ，三文魚和酸菜很配合，很開胃！飲品叫了一杯 黃昏里米民和 妙絕尤物，名字很有意思，運用了畫作的名稱！雜菌蘑菇湯，廚師用了不同的蘑菇去打磨成 香濃的蘑菇湯，而且飲落去仲有粒粒蘑菇，花了不少心機去製作和羊扒 據說是這裏的招牌菜，廚師建議最好七成熟，咬下去肉質 鮮嫩，沒有羊騷味，怕騷味 的人士也可以食！喜歡吃馬鈴薯的我就叫咗個香草薯角，香草味食落去有點 像 黑松露的味道😂，和薯角很配，而且也不油膩，多吃也不怕馬賽海鮮意大利飯，海鮮有帶子 青口，大蝦，材料很多而且新鮮，意大利口感粒粒分明，而且飯粒香軟，很少餐廳意大利飯做得好吃，這個值得一讚最後甜品有芝士蛋糕 ，和拿破崙，甜品精心製作，如畫作一般的美最後這裏還有梵高的紀念品，有3b畫作磁鐵和杯等等，我和朋友也買了兩個磁鐵返去，實在太漂亮了！喜歡藝術的朋友記得要去啊！😍

想喺銅鑼灣搵間坐得舒服，食物質素又要好，最緊要可以慢慢坐，食下嘢傾下計嘅餐廳，樓上餐廳可以係考慮之列。今次去左間樓上餐廳，凡高廚房。一上到餐廳，就見到好多掛畫，餐廳佈置都好精緻。一睇餐牌就有選擇困難症，最後兩人食左兩個晚餐加一個海鮮拼盤。珍寶生蠔拼盤D（$248）呢個拼盤有生蠔同翡翠螺各6隻，不過餐廳話當日翡翠螺較細隻，所以比多一隻我地呢！生蠔雖然海水味唔重，但夠creamy!晚餐方面，包小食同餐湯，當日餐湯洋蔥清湯，清清地幾好飲；餐前小食係蘑菇蛋餅，好香好熱。主菜分別叫左：Set B 燒澳洲刺身級帶子及虎蝦伴鮮墨魚汁扁意大利粉（$228）好長嘅一個名！墨魚汁意粉味濃，加左蒜片更香，帶子比蝦肉好食！Set C 意式馬賽海鮮飯 （$248）簡單黎講，呢個似海鮮汁燴飯，味道冇墨魚汁意粉咁重，不過都夠味，好濃味者可以叫意粉，唔係就叫呢個都唔錯。結尾仲有甜品(cheese cake/ chocolate mousse) 同餐茶，慢慢坐慢慢食，都幾好hea呢！

今晚去左一間掛滿Van Gogh 畫作既餐廳食晚餐....吸收藝術氣息！（我不會告訴你以前讀Culture of Art 我要認得晒全部佢既畫作既名）海鮮控既我叫左一個海鮮拼盤、一個Set dinner 同兩杯飲品先黎海鮮拼盤有半隻爆膏既麵包蟹、2隻Creamy 生蠔、2隻爽口翡翠螺、嫩滑既BB藍青口 同 新鮮凍蝦Dinner set 包洋蔥湯，但我地加$要左98%蘑菇湯飲第一啖就知佢既材料除左蘑菇、就係蘑菇！好香好濃郁既蘑菇味😄飲品我叫左橙味梳打配雲呢拿雪糕既Mocktail當雪糕慢慢溶、好似飲緊milk shake咁朋友叫左菠蘿的海 （菠蘿梳打+yogurt) ，佢話酸酸地好開胃Dinner set 既前菜 係意式蛋餅 拼 沙律菜蛋餅都幾滑、不錯望到呢張圖...係咪以為我地叫左墨汁意粉呢其實係火箭菜下....有虎蝦 同 帶子架！首先....蝦同帶子都係新鮮食材、意粉吸收了墨魚汁...加埋好食！最後係甜品....Mini 焦糖燉蛋 同 芝士餅甜品都好有水準！燉蛋好滑～

Having been here for lunch quite a few times, finally got the chance to have dinner here!Arriving before 8pm, we were quickly seated at a quiet concern. It was still early and the restaurant wasnt fully filled. The dinner menu was far more rich than the set lunch. Apart from normal dinner sets you could imagine, it also served some special dishes, such as Swiss Cheese Fondue. However, my friend wasnt fond of cheese and we gave it up... Must try next time... Finally we ordered two dinner sets - l