凡直友里

营业中

休息中

元朗西餐選擇眾多云云選擇中不小親朋好友都推薦凡直友里於是今天晚上乘著有空終到此地一探究竟內在環境以長形餐桌設計並加上柔和暖色燈光設計做成不太緊迫的空間感而且燈光做成浪漫情調非常適合情侶在此晚餐基本款式跟其他餐廳大同小異扒類 意粉 意大利飯 種類齊全愛酒之人相信這地會十分滿意啤酒種類其多不同國家的啤酒也有除啤酒外更有日本酒 烈酒而且無酒精飲品選擇也很多前菜我會點了黑松露薯條薯條不會太淋以致沒有口感而黑松露味更是畫龍點睛且不會太重松露味適合任何人一試主菜則點了一薄餅 一意大利飯薄餅味道正常 不多作解釋但意大利飯值得推薦有海鮮 手撕蟹肉在内更有海膽入口的每口飯也是海鮮味總括而言在舒適的環境下加上燈光和音樂襯托下一對情侶在此享用高品質的西餐對促進感情有妙不可言的效果

牛扒整得幾好 要咗五成熟 岀到黎唔會太過韌 而且仲保留比d肉汁🤪 牛扒✔️✔️另外must call item係焗黑松露釀大啡菇伴芝士薯蓉🥰🥰 呢個堅好食👍🏻 個菇焗完但都係有勁多汁 切嗰陣d汁係可流埋岀黎🤤 再配埋熱辣辣既芝士🧀 芝士控一定要嗌！-而個軟殼蟹burger就一般啦！不過不失😂 無咩既就嗌反上面嗰2樣啦！-不過等候時間就偏耐 可能嗰陣比較多人 上第一個菜我地都等咗半個鐘有多 如果晚餐時間比較緊湊既就要衡量一下啦！

今次特登約左大西北嗰friend 去encore凡直友里餐牌啲set dinner 好似都抵食不過我地超想食西班牙煱飯所以放棄左頭盤叫左個Caesar salad 配雞胸肉Caesar salad 好fresh 雞胸肉都唔會鞋口黑毛豬腩肉配墨西哥烤餅烤餅切到一件件三角形咁最放便我地啲懶人食入面有2層一層係夾左墨毛豬腩肉一層係啲source同疏菜食落完全唔油膩味道都幾豐富Seafood Spanish Paella份糧真係唔係講笑地多海鮮有原隻龍蝦、魷魚、鮑魚、鮮帶子、青口、蜆、貴妃蚌、三文魚仲有啲西班牙腸成鍋飯好香好足料每粒飯都好飽滿好入味2個人食真係乜都夠野！Peach SourPine’art’ple

這間西餐在元朗評價不錯，所以就黎試試！今晚我們訂了7:30，準時到的時候已經看到餐廳坐滿了客人，不訂位恐怕是無位。我們點了兩個套餐，每人一份湯跟麵包，今晚是粟米忌廉湯，味道有點濃，我朋友吃的清淡，她覺得有點咸！ 到主菜龍蝦尾扁意大利麵，材料有點特別，是荷蘭豆、蓮藕、紅蘿蔔和木耳，好中式的配料，意外的不錯，還加了一點點辣，龍蝦尾的部分煮的剛剛好，肉彈牙，新鮮！另外一份主菜黑毛豬，肉質不錯，不會乾，但是錯在醬汁不好食，洋蔥燒汁沒咩味，肉吃到最後會有點膩！到結賬的時候發現這家餐廳是沒有加10%的服務費的，在香港很難找到是不加服務費，這一點有點驚喜！整體還是會推薦，下次會再去試一下其他！

上次跟朋友嚟過食 覺得幾好 d菜色特別 又好食 今次特登再來 今次係平日晚 仲有晚餐tim 左揀右揀 終於叫左個set dinner 鞍革斯牛扒dinner 有得加錢叫龍蝦湯 不錯 好濃 又有龍蝦肉我仲加左個跟餐小食 +$40因為見到人地有好大隻蠔我就跟住加真係大過隻手掌 要分兩啖食嗰d嚟 芝士同配料又夠多 入邊包住鮮蠔汁 好正跟住散叫了鵝肝多士 上次太正 encore最終意佢個蘋果 酸酸甜甜 食落唔會膩然後點解我地剩係叫左一個set 因為好想試呢個海膽蟹粉飯 真係好食到秒殺左好大塊海膽仲未完 主菜既牛扒終於嚟認真呢塊扒好過不少餐廳 有好多係大塊得嚟軔又無牛味 呢度啱啱相反 所以好正最後嚟個心太軟配自家制雪糕 完美不過今次唔知係咪有人請左假 唔係好多人做野 得一個女仔做到踢哂腳咁

知道元朗一直有一間西餐廳好受歡迎，價錢唔太貴，難得聽日星期五係紅日放假，今晚就同朋友黎chill下！餐廳內外餐廳以 "I" 字型設計，有户外座位，唔算大間但亦唔係小店，是日晚上十分旺場！晚上8點幾到訪要等位15分鐘左右，到走接近11點既時間仍然排隊等緊位，受歡迎程度不容忽視！美中不足係略微有點太嘈，同朋友傾計要好大聲。食物選擇選擇眾多，其實一心黎最想試佢既威靈頓牛柳，好不幸地是日沽清，好彩多選擇，最後就同友人食Set Dinner Menu。如果再夜啲，10pm仲有宵夜時段menu添！雞肉意式水牛芝士蕃茄肉丸伴多士 $118有牛肉/雞肉，友人唔食牛，揀左雞肉丸。以小食而言，定價唔算平，但上枱既時候就明點解，因為一粒好大粒，仲要有五粒！雞肉丸做得口感好鬆軟但密度又高，配上酸酸甜甜既芝士蕃茄，好岩我口味，中意食肉丸既朋友不能錯過Side—西班牙辣肉腸炒荷蘭豆 $58呢外叫左個Side Dish，份量適中，辣肉腸唔算辣，鹹味同荷蘭豆中和，想食肉不忘食菜既就可點一份黎食。Set Dinner Menu—燒西班牙黑毛豬扒．洋蒽汁 $138包餐湯，餐湯係南瓜忌廉湯，好濃郁及清甜。可揀選配薯菜、飯或

第二次來元朗呢間概念餐廳「凡直友里」慶祝生日🎂叫左其中一個set dinner再升級全部選項，全力慶賀。叫左主菜上湯浸緬因州龍蝦🦞尾+卡拉布里亞辣肉腸+勝瓜+玉子豆腐意大利飯加$升級法式龍蝦湯好香濃龍蝦香酥味好重，唔知要幾多龍蝦殼，煲幾耐先整到咁出色。條蒜蓉包，食得出係剛剛炕脆，唔係預先整定，裏面好鬆軟。香煎鵝肝估唔到跟餐加錢既鵝肝可以有咁既質素。非常之甘香，配上脆多士，非常之夾，甘香味留係舌頭上好耐。上主菜 龍蝦味意大利飯呢道菜成本真係好高，咁大條龍蝦尾，龍蝦尾煎得好香，好鮮甜。辣肉腸比我想像中辣，意大利飯嘅水準好高，好煙韌，吸收好多醬汁，龍蝦味好香濃，勝瓜同埋玉子豆腐起到點綴作用，分量都多，無論口感同味道層次都極之豐富，呢道菜真係抵食，滿足感唔會遜于食西冷牛排。呢度跟set dinner 加$可以加啤酒/清酒/燒酎/白酒/紅酒。最後被推介叫左澳洲紅酒 Barwang, The Wall Cabernet Sauvignon 2017，唔酸，果味重，好易入口，同海洋幾夾。未講呢度開放式裝修，睇到酒吧調飲品，同廚房煮野食，音樂，燈光，非常之有格調同令人放鬆。

元朗雞地西餐廳愈開越多，又新街亦都越來越多嘢食，呢間鋪頭都開咗好耐。平時經過行過間唔中會有live Band，朋友都話服務好好又好食，睇過Menu雖然價錢唔算平，不過選擇同埋種類都非常多。雖然係食西餐，但係其實感覺都似半餐廳半酒吧。夜晚更加有串燒食。係食宵夜同埋晚餐嘅好選擇。餐廳門口都有幾張枱，一入到去左邊餐枱，右邊係半開放式廚房同埋吧枱，成個感覺好開揚。夜晚除咗dinner set之外，亦都可以散叫。基本西餐有嘅意粉， Pizza，扒類都應有盡有，而且錢財同埋小食種類都超級超級多，相比其他西餐廳種類多好多。燒雞翼，非常入味，價錢亦都好合理，上檯仲熱喇喇，皮脆肉滑意粉平時食開茄醬，今次想試試其他，叫左香辣蒜片汁意粉，意粉個汁有少少辣，非常惹味，而意粉軟軟岩岩好配帶子勝瓜雲耳，好新鮮，比想像中好味，值得一試而依到既肉眼真係好好味，肉眼黎講肥肉同筋唔算多，5成岩岩好每次都會點，必點之一，唯一失色係上菜時間比較耐每次黎食都見到有人慶祝生日，職員都會幫手一齊唱生日歌成個氣氛好熱鬧好warm

電話預訂9 點位等到十點都未有位，何為預訂。投訴兩次一係埋緊單，一係食埋沙律先。唔滿意程度爆燈，仲要有人生日嚟，掃哂慶，下次一定唔會嚟，經理聽完無即時作出反應，大嘅完全唔識安排。

朋友話元朗開咗一間bar and restaurant唔錯，上網一睇原來係M1旗下，咁品質都應該有保證既🤪叫咗4隻生蠔，Fine de Claire no.2 生蠔 ($58/1pc) 大大隻新蠔食落好鮮甜，呢個生蠔海水味較重，食落較爽口，好滿足🤤炭烤魷魚，香芒，木瓜，青瓜，撒丁尼亞珍珠麵沙律配泰式辣汁 ($138) 呢碟其實應該叫做一個冷盤，因為都幾飽肚，一個人都好難食得哂🤪 魷魚燒得都幾香~Dinner set, 鹹蛋黃牛油焗大頭蝦，烤雞扒，薯菜，黑椒忌廉燒汁 ($148) 又係見到鹹蛋黃呢個字吸引咗我🤪 係有大量既鹹蛋黃痴咗係蝦肉上面，即係好重既鹹蛋味好正🤣 蝦食落都係爽口彈牙。雞扒煎得外面好脆好香口，而入面係好嫩滑🤤黎呢度又點可以唔叫飲品🥂 叫咗White sangria ($70/hh) 白酒甜甜地好易入口，然後入面仲加咗菠蘿粒，酒精份量唔算少，但都好refreshing Pine’art’ple ($54/hh) 呢杯都係菠蘿味嘅飲品，只不過係冇酒精🤪 甜甜地感覺仲清新

去元朗同肥仔食西餐，呢個環境不錯，又多酒飲，同肥仔再戰！三文魚子蟹肉青瓜自家製寬條麵$178好多三文魚子，蟹肉好鮮甜，青瓜爽口而且吸收了寬條麵個汁，寬條麵好有嚼勁！緬因龍蝦尾、帶子、嫩菠菜、車厘茄、撇丁尼亞珍珠麵$198龍蝦尾好新鮮，咬落去係結實的，味道鮮甜，加埋帶子粒份外鮮甜，個麵汁有辣香的味道，而且爽口。法式龍蝦湯+$30龍蝦味超濃厚，好creamy，點埋個蒜蓉包好滋味。White sangria $88較香甜同帶果香，易入口。Red sangria $88酒味較white sangria 濃，酒香又有果味晚餐再加20蚊就有是日甜品係焗芒果酥皮撻！即叫即焗，好多芒果，酥皮好脆，性格比高兩個人600$左右，甜品，湯都好有驚喜！

朋友想吃西餐，故此就來到這間往年曾光顧，食物水準很高的凡直友里用餐! 來到餐廳大約6:30PM，未有太多食客，但到我們離開時，已差不多滿坐，所以最好先訂座啊~ 我們選了一客晚餐、一款主食、兩款飲品及甜品，已經相當豐富~ White Sangria ($70) 友人選了一杯cocktail，說晚上喝感覺很relax! Pine’art’ple ($54) 不想喝酒的我，要來了一杯mocktail，是酸甜的菠蘿汁配上檸汁等溝成，酸酸甜甜很好喝!! 法式龍蝦湯 (跟餐轉配加 $30) 熱度十足且creamy的龍蝦湯，味道濃郁且有淡淡酒香，配上香脆麵包，相當美味，喜歡喝龍蝦湯的朋友別錯過呢! 烤美國特級西冷牛扒配野菌忌廉燒汁伴意粉 (晚餐) ($188) 選了5成熟的牛扒，外面烤得焦香，內裡粉嫩，肉汁滿滿的; 伴碟的的蔬菜也很美味; 連跟餐的意粉也是即炒的，煙韌有嚼勁且很有誠意!! 香煎海鱸魚柳伴法邊豆、蒜片煙肉炒手指薯配辣芒果咖喱醬 ($198) 一客竟然有兩大片厚身的海鱸魚柳，外皮煎得很香脆，魚肉也相當嫩滑，每人吃一大片魚柳，感覺相當滿足. 伴碟的蔬菜

元朗好多美食，平時食開個幾間食到好悶同厭，今次試下新餐廳，經過門口，好多人食，見到餐牌好吸引，氣氛環境又正，最後我地決定食新餐廳今日涼涼地，如果坐外面就更加正，因為室外都已經滿座，室內氣氛亦唔錯，環境昏暗，亦可望到開放式廚房。我地點了兩個set dinner &兩個小食粟米湯配蒜蓉包-蒜蓉包熱辣辣夠脆烤美國特級西冷牛扒配黑胡椒燒汁-牛扒5成熟，烤得剛剛好，牛味濃，還保留了肉汁好Juicy，肉質好軟腍，我平時食牛扒只沾上小許鹽，食到原汁原味威靈頓鮮三文魚柳配意粉，三文魚柳上放上酥皮一齊焗，酥皮好酥脆，三文魚柳肉質肥美滑嫩，完全鎖住魚肉既濕嫩肉質，意粉即叫即做，意粉調味過，加了小許芝士同香草，所以就咁食都好好味松露菌油帕馬臣芝士薯條-粗粗既薯條，薯條上撒上芝士碎，食落有淡淡既松露菌香。 焗黑松露釀大啡菇伴芝士薯蓉-大啡菇有掌心咁大件，又厚肉，芝士薯蓉好滑。Berry Crush pineartple

今日同閨蜜去元朗飲返杯。由於佢家住元朗，所以地點由佢揀。呢間餐廳我平常經過都睇到比較多人，仲坐到出門口，今晚都唔例外。由於係飯後小聚，所以我地每人只點咗mocktail、cocktail 各一杯，同埋叫咗1個沙律share。我飲White Sangria﹐貪佢充滿內涵 (餐牌寫住成份有：白酒、冧酒、菠蘿汁、萍果汁、桃、接骨木花、芒果、梳打、什果)﹐口感味蕾都能大滿足。朋友飲嘅係PIN'EART'PLE - 熱帶水果風味 (餐牌寫有：菠蘿汁、蜜糖漿、青檸汁、雪碧、菠蘿粒)。沙律嘅蔬菜都好新鮮，特製嘅醬汁甜中帶微酸，感覺清新，值得一讚!仲有黑毛豬火腿同蜜瓜呢對絕配，正呀!特別一提，餐廳嘅侍應都好熱情，期間有三檯客人都係慶祝生日，侍應上蛋糕/甜品時，都會一齊唱生日歌，氣氛好好。

元朗建業街有好多嘢食，其中嘅凡直友里可以話係地標，門前兩把太陽傘，露天茶座真係要搶先入座，長形店子分左右兩邊，一邊盡是高腳餐枱，靠牆一列梳化座由鋪面一直延伸到店內，另一邊是水吧，半開放式的廚房，非常有型的格局😎今天沒有訂位 ，偷步來個early dinner , 六點已經order好，歎住飲品在等食🍹🍹精美Menu 一目了然，意粉、薄餅、沙律、扒類有好多選擇，而且配搭新鮮，燒春雞醸鵝肝，脆脆乳豬件，手撕雞漢堡，甜品小食，西式得來帶點中式fusion . 款式極多🍮🥩🍔🍗沙律講求新鮮，呢度絕對做到一百分，雞肉配搭🍏青蘋果，清新又健康 👍👍👍法式龍蝦湯，味道濃郁，保證令你一試難忘Set dinner加 $48.- 可享鵝肝多士，呢個top up一定 不要錯過，厚厚鵝肝，煎得香脆，一咬破壁，輭心綿滑，甘香美味，超級正呀威靈頓三文魚柳，酥皮香脆，夾著洋蔥內層，獨特嘅青提子醬，鮮果味道，清新又開胃一間質素咁高嘅餐廳，網燒12安士牛扒又怎難得到佢，BBQ 嘅香氣，肉質鮮嫩粉紅，安格斯牛味豐厚 ，廚師👨‍🍳嘅手勢不凡 , good fit 五成 熟，要讚👍黃昏過後，收工嘅上班族逐漸入座，工作了一日