凡直友里

营业中

休息中

What a nice place for gathering withfriends after work👍🏻👍🏻Nice food, drinks and atmosphere.Sour sodaPineapple juice is so refreshing.Not too sweet. Recommend!Beer is so good,with peach or black current flavour.The spring Chicken is so juicy. 👍🏻With french fries and salad.

今次同幾個朋友黎左食西餐。7點一到已經坐滿曬人，明顯係口碑唔錯。裝修也都幾好睇，岩曬同朋友聚會影下相。因為叫左一個dinner set，所以有一碗是日餐湯，蝦味十足。叫左幾款飲品：我個人覺得我點既雜莓梳打幾好飲，甜甜酸酸咁。香煎法國鵝肝伴焦糖蘋果配多士相當好食。大件既鵝肝入口軟軟既又油香十足，配上清甜地既蘋果，同烤過既多士，口感同味道都很夾。意大利夏季黑松露 輕煎北海道鮮帶子 帕馬臣芝士自家製手造寬條面松露味好香，連埋芝士汁一齊，令寬條面又香又易入口。帶子大大粒之餘，也煎得剛剛好。白酒忌廉汁寫鮮蜆伴多士呢個菜既醬汁好好味，蜆又大粒又甜，而且唔會有沙。輕煎北海道帶子 煙肉 勝瓜 雲耳 半乾車厘茄 香辣蒜片汁扁意粉呢個意粉上面既唔同。佢既醬汁會多啲，而且味道清清地又有少少辣咁，相當特別。美國特級安格斯牛柳伴蒜烤緬因州龍蝦尾我地今次依然叫左5成熱，牛柳熱既程度剛剛好，剛剛到唔會有血汁流出黎既程度。龍蝦唔算大，但都係好味既。佢會配上茄汁、芥末、同一種自選醬汁，我地選左最保險既黑椒汁。

兩口子呢日揀咗元朗又新街嘅《凡直友里》撐枱腳。餐廳裝修一邊係用餐座位，另一邊係酒吧及廚房，感覺時尚。香煎海鱸魚柳伴法邊豆，蒜片煙肉炒手指薯配辣芒果咖喱醬 ($198) - 都幾大份，鱸魚皮煎得香口香脆，魚肉仍然保持到肉汁，食落嫩滑肥美，加上香口蒜片煙肉、手指薯及鮮味辣芒果咖喱醬，相當滋味好食。低溫慢煮烤乳豬件伴椰菜仔手指薯 ($208) - 乳豬皮薄身烤得十分香脆，乳豬肉嫩滑多汁，配菜有軟腍手指薯及爽口椰菜仔，加上三款滋味醬汁：黃芥辣、燒烤醬及酸酸甜的無花果醬，絕對係高水準之作。Red Sangria (HH：$70) - 入口香甜，帶有酒味，味道不俗。Sakejito (HH：$62) - 青檸薄荷梳打中加有清酒，清新解渴之選。甜品拼盤 ($148)朱古力心太軟 - 剛焗起的心太軟上枱時仍帶有熱度，朱古力味濃郁，入面是流心的香濃朱古力，不太甜相當好食。焗香蕉酥皮卷 - 外層酥皮香脆，包住暖笠笠香甜軟糯香蕉，香甜滋味。法式焦糖燉蛋 - 口感綿密，味道濃郁。再加上口感軟滑的雪糕，十分滋味。呢餐我哋兩個都食得好滿意，相信我哋好快會再嚟幫襯！

今日同friend黎左元朗呢間西餐廳食dinner。我地四個人一共叫左兩個意粉，兩個小食同埋一個牛扒。其中一個係有跟餐湯，今日嘅餐湯係椰菜花忌廉湯，味道都幾濃郁。我叫左一杯sour soda，味道係類似柑桔，唔飲酒嘅話可以叫呢個。首先黎左個鵝肝伴蕉糖蘋果配多士，鵝肝煎得好香，配埋蘋果可以令佢冇咁油，幾好嘅配搭。跟住就係白酒忌廉汁煮蜆。呢個值得試下，個汁同蜆好夾，蜆肉都好滑。呢個係黑松露帶子芝士汁寬條麵。芝士汁好濃郁，帶子都好大粒。個人較鍾意食呢個意粉，呢個係帶子煙肉香蒜片汁扁意粉，呢個嘅汁比較多，自己本身都鍾意多汁嘅，同埋呢個配料較多，有瓜，雲耳等等。最後就係安格斯牛柳伴龍蝦尾。牛好厚，肉都好嫩滑。龍蝦肉都鮮味，仲配有3款醬汁可以點，店員仲會拎埋岩鹽比你。不過呢到上菜略嫌慢，可能要預多啲時間，同埋野食份量都比較少。

星期五晚約朋友入元朗食飯，啤啤佢🍻🍺見到有蜜桃味啤酒，試下先😂蜜桃味甜甜地中和返啤酒嘅苦味，平時唔鍾意飲啤酒嘅女仔都可以試吓！主菜叫咗焗原隻春雞，雞肉好滑而且好入味！雞入邊係放咗一啲調味過嘅蔬菜蘿蔔青瓜絲等等，撈埋一齊食都好好味👍🏻另外加咗一個酥皮龍蝦湯 二人份量龍蝦湯好香濃，但係略嫌蝦膏有少少苦！可以試下其他湯。Set dinner加$48有一件香煎法國鵝肝😍好香 好味 正呀👍🏻👍🏻👍🏻環境食物都唔錯，係元朗想食西餐可以試試😌

今晚放工同屋企人去元朗搵食搵到呢間西餐廳平日夜晚都好多人，餐廳枱數唔算多，環境有少少逼。但勝在氣氛好，望到廚師燒串燒，一陣陣香味🤩🤩🤩有個小問題就係嗌得多嘢食，張枱唔夠放😂唔緊要 最緊要好味👍🏻試左幾樣都覺得正😍點解咁遲先發現到呢間餐廳架呢最推介 帶子扁意粉本身係好鍾意食帶子同意粉，基本上去餐廳有呢個意粉都會叫，但從未食過咁大粒帶子，仲要有三粒。好好味呀！平時比較少食扁意粉，口感都唔錯。另外仲配有勝瓜雲耳、幾健康同特別！燒魷魚沙律成條魷魚肉好厚肉又彈牙，燒緊嗰陣已經聞到佢嘅香味。沙律醬汁偏辣，鍾意食魷魚一定要試下。如果唔飲酒一定要試吓呢杯sour soda主要係菠蘿汁，酸酸地好開胃 唔會太甜👍🏻

今日心思思想食西餐, 就即刻打去凡直友理BOOK 位，7點半去到.全場爆晒, WEEKDAY 都咁FULL 😱點了法國生蠔, 口感不錯. 海水味濃郁！如果加埋白酒就更好.可惜揸咗車,否則我會想試推介的生蠔白酒SET! 前菜仲點左焗黑松露釀大啡菇伴芝士薯蓉, 好JUICY 好足料~~ 推介!主菜就點了烤黑松露菌醬海鱸魚柳,用上煙肉, 燒南瓜, 法邊豆, 半乾車厘茄, 帕馬臣芝士汁手工貝殼粉, 大大塊魚柳 配左好多蔬果類，健康又好食!美國西冷牛排SET. + $38 升級 配龍蝦湯, 五成熟 岩岩好，肉嫩多汁，好香牛味！~~~ 龍蝦湯仲有大大舊龍蝦肉添呀!!!!整體黎講 食物水準唔錯, 可以再ENCORE!!!!埋單時用匯豐信用卡仲有DISCOUNT!!!

元朗一向食店都多，不同國家美食都有，要脫穎而出除了靠食物質素同服務態度，當然最重要都係性價比高，呢間位於又新街既小店可算是其中值得推介既西餐廳入到去見到open kitchen連酒吧位由於我夜晚唔食澱粉質，今晚主攻肉同菜，佢呢度選擇有好多，唔會無啖好食最後揀左以下幾款試：個dinner set 可以加$20有個鴨胸沙律🥗，可能我好中意食有黑醋既沙律，我覺得幾好食，幾開胃龍蝦🦞湯，較普通男人叫左兩杯cocktail,,lane Fizz & Bubble Green，唔岩女仔飲，酒味較重，男人就話算唔錯加左個$58芝士忌廉汁菠菜，食落好滿足，菠菜充滿住忌廉，個芝士汁唔會太溜，正主菜黎喇：$168焗羊扒配薯菜，好多餐廳薯菜都得好少，但呢度有脆肉瓜茄子同薯條🍟，重點係菜唔係白灼，會煎過，仲係熱既，太多餐廳睇少配菜，而我就覺得佢好有heart，個羊煮得岩岩好，夠味又有肉汁$348威爾頓牛柳，個牛柳好厚身，蘇皮同牛柳之間有黑松露同西班牙火腿，食落味道好有層次，我覺得唔駛要個汁都好夠味，呢度有太多選擇，我會再黎食最緊要係，食咁多野都係700幾蚊咋

元朗雞地附近的一間好食西餐廳。室內外都有座位，室內都係bar枱黎，岩曬同朋友黎飲杯野，密密針傾下計。😆今日小編就黎chill下。😎1. 烤美國特級西冷牛扒伴黑椒燒汁牛扒5成熟，都好大塊同好厚身。切落去既時候已經感覺到肉汁流緊岀黎，鮮嫩多汁。配合埋黑椒汁，非常刺激味蕾！😋喜愛食辣的可以點黃芥辣醬，有另一番風味！👍隨餐的意大利面。跟餐的餐湯及蒜蓉包。餐湯濃郁creamy，蒜蓉包香脆可口。鴨胸沙律+$20。2. 香煎海鱸魚柳伴法邊豆魚的份量非常大！有兩大件手掌甘大！😲😲魚皮煎得剛剛好，香脆不油膩。食落口魚肉十分新鮮甜美。🤤伴碟的辣芒果咖哩汁好特別！3. 黑松露釀大啡茹伴芝士薯蓉用芝士薯蓉加黑松露釀製。薯蓉冇搞得太爛，所以食既時間會食到一粒粒的薯仔，有淡淡的牛奶芝士味，再配埋香滑軟淋的啡茹，成個口感都提升左一個層次。🌟叫左兩杯野飲。4. Bloody berries紅藍莓的結合版。飲落酸酸甜甜的，杯上面仲有三粒藍莓。5. Grapeson巨峰提子梳打，炎炎夏日飲真係透心涼。💦

今日突如期來想食西餐，便在元朗搵搵一間西餐廳。就揀左呢間凡直友里，純粹試菜。叫左幾隻推介生豪，味道口感不錯。之後叫左個美國西冷牛扒set 轉左個龍蝦湯。湯比較濃味，我個人比較偏好。而牛扒就要五成熟，呢個就不過不失。總結而言，價錢合理，可以一試😊

走入元朗梗係要食好西喇 比依間餐廳個名吸引著 見到星期三晚都full house咁誇張 都即刻排隊入去食 入面裝飾好靚 牆上好多相架 當晚有set dinner既 大約每個set都係200蚊內 有main course加野飲 不過我就想食其他main course多d 所以散叫左pan fried sea bass fillet 同埋wellingtonbeef 先講魚 剪得勁香 魚皮超脆 魚肉又好juicy 同滑 唔駛略醬都超好味再黎Wellington beef 我略嫌一上菜既時候就散散地 個皮唔夠脆同金黃 但個肉係控制得好好 唔會太老太熟 都推介既叫左兩杯野飲 推介grapeson! 好飲 bloody berries 就有d酸！

大家一向都知元朗雞地果頭多野食，今次就去左試下凡直友里呢間酒吧西餐廳黎到酒吧餐廳，緊係睇左飲咩先，但因為我同朋友都唔係好飲得，而且第2日仲要返工，所以我地都叫左兩杯mocktail，見到人地隔離台三五成群飲啤酒飲得好開心，下次叫多兩個fd一齊黎飲先得！不過我地叫果兩杯mocktail都冇令我地失望我地叫左杯Grapeson同Sour Soda餐牌會講埋入面溝左咩，所以唔洗驚唔知自己叫左d咩，好貼心Grapeson其實姐係葡萄味梳打水，有少少似飲緊巨峰提子，連個色都好似，有漸層效果，睇落都幾靚而我比較喜歡Sour Soda呢杯，主要都係菠蘿味，好神奇地，我平時唔點食菠蘿的，但呢杯我覺得好醒胃，好fresh好好飲食物方面，因為我上一餐已經係早餐，所以重手左叫多左，不過最主要原因係估唔到佢份量係咁大！首先我地叫左個caesar salad，d菜好新鮮，上面仲加左好多芝士，第一次咁食，但加左芝士一d都唔影響，好好食我地小食叫左個松露菌油帕馬臣芝士薯條，但呢個小食一d都唔“小“，佢上台果下真係嘩一聲！薯條勁大份，仲有大量既芝士係上面，外型似足一座雪山，d薯條炸到香脆，並且條條都有黑松露味，好抵食

今日同左屋企人去元朗嗰邊食西餐，凡直有里，都幾多人食，個環境都幾有feel。煙三文魚pizza：呢個煙三文魚pizza都幾大個，一共有8塊，而且都有好多塊三文魚，啲煙燻三文魚好香口，好好味，而且個餅底亦都唔會太厚，好脆身，都幾好味。帶子意粉：個帶子意粉好好味，個意粉彈牙，唔會太淋身，佢個醬汁好惹味，而個帶子就好大粒好新鮮，一共有三粒大帶子，都幾多。烤羊扒：個烤羊扒好好味，而且好大塊，佢好有羊味，但係又唔算太蘇，仲有三種醬汁俾你選擇，一咬落去好juicy，高質之選。烤美國特級西冷牛扒：呢個牛扒都好出色，我哋叫咗五成熟，食落唔會太生亦都唔會太韌，肉質鮮嫩，好多汁，配埋個醬汁食好好味。而且個意粉個味亦都相當好，可惜太硬。焗蘑菇：呢個蘑菇我相當推薦，佢上面有啲芝士同埋薯蓉，個蘑菇本身好多汁，好香，真係好好食。我地仲加咗少少錢配兩個set，佢個餐湯好creamy, 好味。而沙律就正正常常。另外，我哋加咗錢食左個鵝肝，鵝肝入口即溶，高質之選。最後甜品我哋揀咗心太軟，個心太軟熱辣辣，一切開啲朱古力流晒出嚟，味道非常好，好滿足。

放工後和友人來到凡直友里，一間屬於M1 旗下的西餐廳，未食都相信幾有保證。餐牌中英對照，相當專業。一邊係廚房、水吧，另一邊係坐位，餐廳採用開放式廚房，入面有好多酒。坐係座位，已經可以聞好香味道。美國1855極佳級黑安格斯肉眼牛扒10安士$298:5成熟配黑椒汁，把刀幾易切，配薯條，幾脆﹗鮮海膽、手拆蟹肉、蟹粉、嫩菠菜、鮮蟹汁意大利飯 $218:海膽不會苦澀，沒有腥味。意大利飯煮得剛剛好，而且好重蟹味，仲食到絲絲蟹肉，有驚喜！點了cocktail同Mocktail各一杯，White Sangria $70: 酒味不算濃，酒內有橙皮片，帶有橙香，甜甜地。Grapeson $54:入面有soda，所以酸酸甜甜地，甜度適中，沒有酒精。

今日收工同男朋友去左元朗又新街一間開左都一段時間嘅bar andrestaurant 度食晚餐。餐廳有室外座位，有水煙供應，不過我同男朋友都係非吸煙者，加上天氣都好熱，就揀左坐入面。餐廳入面既陳設以bar 枱為主，好適合二人世界，或者三五知己收工黎傾下計。廚房主要係半開放式，清楚地見到廚房既衛生情況。作為一間BAR & RESTRUANT，酒精類飲品當然唔少得。今次我揀左啤酒，男朋友就嗌左自家制既紅葡萄水果酒。職員好快就殷勤咁介紹餐牌既上食物。雖然見佢d set 都幾抵食，人均消費$100-$200左右，set dinner ge選擇都好多多 。但我地兩個食量都唔多，又想食多d唔同種類既野，所以無嗌set而散嗌。前菜係白酒忌廉汁煮青口。青口非常肥美新鮮，配埋香濃既忌廉汁，實在太好食啦。青口份量足夠之餘，仲有焗到又香又脆既麵包，係前菜既最佳選擇。 食完前菜就到Main，我地嗌左12 oz ge 美國特級安格斯肉眼牛排 ，牛排煎得非常嫩滑多汁，特別想一讚醬汁既選擇。除左傳統既黑椒汁同燒汁之外，仲有青胡椒醬選擇。Pepper味香得黎唔會太嗆，用黎配牛排非常好食。 全晚焦點係海膽蟹肉蟹粉意大利