湊湊‧甄選 (AIRSIDE)

营业中

休息中

今日有半日me time, 平時廣告牌見到湊湊火鍋有午市半自助，今日終於過嚟一試。我大概11:30入座，所以有一個好舒適嘅座位，我叫咗一個牛板鍵火鍋套餐，仲有自助水果吧同埋肉燥供應。牛板鍵肉質超級靚，配菜味道都好好，其實我最鍾意食佢嘅生果吧，哈密瓜同西瓜都好甜，搞到我食咗好多😛配菜我選擇咗刀削麵，再配合埋自助吧嘅肉燥，簡直係頂呱呱嘅組合。最後配上一杯芒果沙冰，就為我今日嘅美味午餐畫上一個句號。因為實在太好味，我下次一定會再嚟😀

個friend上嚟呢個商場就隨機嚟咗食 哎呀晒就搵到呢間有啲嘢食試吓 大名鼎鼎嘅臭臭🤣午市套餐最平$88就有，不過如果火鍋就要108都唔係好貴而家好興呢邊爐打邊爐？記得之前食沙田嗰間大陸開過嚟嘅蘑界啊 都係有兩款前菜小食同埋兩款生果又任食，好多時都係西瓜同埋哈密瓜因為平啲話食物質素還可以吧，哈就係嗰啲評價基圍蝦三粒好細嘅蜆肉同埋個貝一隻仔除咗哈之外都OK嘅與我就麻麻哋鍾意 好醒我見朋友嗰個牛肉好架勢 原來得幾片薄嘅唔食飯應該會蛋白質唔夠，因為佢比嘅面都好少出面就有滷肉飯無限♾️️我哋就冇乜點食 見到啲咪係珍珠米整體而言OK啦 但係人手唔係好足夠 好難搵到人 可能個場太大 員工又唔係多 睇唔到成個場一個好好嘅環境，櫃桶有齊紙巾同埋濕紙巾，最後走仲發現原來下面有叉電嘅USB位

好耐冇食過湊湊鍋,之前嚟親都係食麻辣鴨血湯底,但係其實佢哋有好多唔同嘅特別湯底,依加做緊午市優惠,所以試左椰子雞湯底。肉類方面,我哋叫咗個牛板鍵,都好靚喋,仲肥瘦均 勻,啲雪花幾養眼。小朋友低消一個小食，我哋揀咗個香酥蚵仔同軟腳蟹嚟試,完美還原台式風味。佢依家除咗生果同埋肉燥飯之外,仲多咗一啲涼拌小食。今次有麻辣魚皮同埋麻辣雞脾菇,呢兩樣嘢都好好味。📍湊湊·甄選九龍城啟德協調道2號AIRSIDE 6樓L603號舖港鐵啟德站出口,步行約1分鐘

「麻辣鴨血任食+超萌企鵝丸子！湊湊火鍋的台式小確幸」🌟 評分：4.5/5 （環境服務不錯，食材有特色）🔥 必試亮點：  「麻辣鴨血豆腐無限續加」   這次點了招牌台式麻辣鍋，微辣帶點藥膳香，湯底濃郁卻不死鹹，最驚喜是 **鴨血和豆腐可以免費任加**！鴨血滑嫩入味，豆腐吸飽湯汁超下飯，光是這點就值回票價～  「會游泳的企鵝墨魚丸」    衝著造型點的 企鵝丸子 沒讓人失望！墨魚丸口感Q彈，上桌時企鵝泡在紅湯裡搖搖晃晃，萌到捨不得吃（但咬下去很鮮甜）。手機先吃必點！  「隱藏版台式肉燥飯」    自助吧居然有 免費肉燥飯！滷肉碎肥瘦適中，淋在熱騰騰白飯上超邪惡，還可自己加蔥花，搭配麻辣湯涮肉片一絕～   雖然人均$300左右不算便宜，但食材質素對得起價格，尤其鴨血豆腐無限續加，大食量也吃得飽。推薦點鴛鴦鍋試不同湯底（朋友說花膠雞也很濃），最後別忘外帶一杯大紅袍珍珠奶茶，路上繼續回味！  💡 小貼士：  - 麻辣鍋續鴨血  - 自助調料區有魚皮和涼拌海帶，記得試試！  - 企鵝丸子必點!  「唯一缺點是企鵝太可愛，害我糾結該先吃眼睛還是肚子⋯⋯」

近排好似新出咗圖入面呢個肉肉拼盤，三隻都算係我鍾意食嘅肉，唔係一啲唔受歡迎嘅款式。如圖有豬五花（$98單叫) ,伊比利豬(唔記得單叫幾錢,大概半份),牛小排（全份單叫$268，個餐就半份）仲嗌咗個小羔羊，不過啲肥膏比較多，唔及得上海底撈個款咁好味，應該唔會再嗌。另外原來依家九點後八折完，已經唔可以用優惠券，以前一路都用得，想問吓有冇人都有同樣情況？不過記得之前臨收工好早就趕人走，不過今次我哋真係坐到佢清潔緊都未叫我哋走，態度同服務算係好咗。埋單八折後都要六百幾，知道叫二人餐，因為本身唔知唔俾再用返優惠券優惠

呢間分店又係去左好多次，裝修環境唔算話好靚，比唔上Musea個間，但呢間無論OpenRice 即晚book位易有位不過聖誕平安夜，就係我一個月前book定嘅，當日真係超多人排隊。圖中呢個set $1000 （2-3人餐）有找，有牛 有海鮮 滿足晒老人家要有魚有肉先食得得體既感受如果佢哋見唔到呢啲會覺得唔抵。所以一次過上晒咁多嘢食，令佢哋超開心係咁影相。而且佢哋好驚喜個湯底好足料，因為平時屋企煮開靚食材，佢地都分到，所以都係覺得好值下。當然你要同嗰啲任食嘅火鍋比，應該冇乜可比性因為我非常注重環境同服務同埋食物新鮮度，寧願食精好過食多服務態度超好，個日真係好多好多好多人，個情況好侍應抗壓能力，但佢哋非常之有耐性仲幫我哋影合照，態度令人舒服開心，呢樣亦都係我好鍾意來湊湊打邊爐既重點之重。Anyway 由Musea食到南豐（中環店） 到airside 水準服務都保持到，會一直支持落去另外最欣賞嘅係佢每逢大時大節只會出特價套餐，而唔係出啲貴價套餐割到你一頸血。

係airside見到午市套餐特別平就入咗去試吓，因為上多人一齊用個大鍋食，所以叫左4人餐，有3款肉+2盤菜+一盤午餐肉同丸仔，湯底包一個鴛鴦湯底。牛肉真係幾好食，推介，但係個自助吧真心伏，原來只係得醬料同埋生果，本來仲以為有啲其他配菜可以拎，但其實係冇，而且每個人都被迫一定要加。見其他人食佢個午市套餐係一人一鍋，望落唔差，好似幾高質，下次都有興趣再去試下。係airside午市有呢個性價比嘅午餐算係咁，值得食。

6人晚飯，服務員有細心推介套餐，奈何幾個女子都細食，我哋堅持散叫，而且都無點貴嘅菜，仲要送飲品，所以張單不太貴，食物不算差，就是不太台灣風味 ，若然當一般火鍋來吃，一試無妨。

一直都很想試，今日終於第一次去，因為airside 9:00後還可入座的選擇不多試了紅顏花膠雞鍋，一個湯底$198，非常杰身，不是花膠的黏口，而是生粉的糊口，只有數條竹笙及手指尾般的花膠幾粒，湯內有比譚仔還小及碎的雞肉碎，指甲大的鮑魚。因為湯底的味道不是太突出，又不是養生style，就放了一個龍蝦頭落去滾湯，待應來說要加湯，否則會燶底，但龍蝦頭是生的，而且我在還喝湯，加水不是會影響嗎？之後又說，其實龍蝦頭可以幫我哋開邊，上枱的時候也沒有說。(雖然滾熟後也有幫我們拿回廚房開邊)飛魚子墨魚滑好像有芝士在內？不好吃。半生烏冬亦太生，侍應說，因為我們是花膠湯底，特別難熟，需要的時間長，因為好像吃粉似的，試了幾條也沒有再吃。鵝腸是比較好的，比龍蝦好吃。幸好沒有叫和牛，湯底使人胃口全沒。在我用手開龍蝦殼的時候，侍應又過來叫我埋單，莫名奇妙，催也有一個限度，看看時機吧 ! 總括是極差，除了窗邊位好坐外，食物難食，服務遲鈍，價錢不值，湊湊已列入黑名單內。

本來餐飯都冇乜嘢，我哋食完落咗兩層發覺賴低咗袋嘢喺窗台，即刻上去已經冇咗。話問過晒冇人執到，但係時間比較夜我哋走嗰時已經冇乜客，我哋絕對唔相信係其他客攞咗，所以覺得間店都唔係好誠實亦都完全冇心想幫我哋搵。唔推薦。

聖誕選擇左食湊湊食4人套餐 1688蚊+加龍蝦 298蚊，但收錢時張單變左1688蚊+498蚊再加1服務費 ，同個收銀講完，佢改返1688蚊+298蚊，但加1服務費就用1688蚊+498蚊價錢來收，真係好新穎 🙄🙄明明餐牌就係寫住298蚊一隻龍蝦🦞，所以大家記得食完睇清楚張收錢單，似係經常用呢種方法，食客吾為意時就收多左錢🤑🤑🤑講下食物先 ，蝦係梅嘅，衰過去街市買基為蝦，鮑魚有潺既，真係O晒咀，不能再回頭食🤮🤮🤮

老實講突登為左任添鴨血而來所以叫左麻辣湯底但鴨血並唔係平時食開台灣好滑個種感覺真係差過豬紅完全無想添嘅意思似係香港買本地個隻入口好鞋唔知邊度入貨返嚟未食過鴨血係咁嘅質感講真二人餐收得呢個價錢一份肉少到喊嘅牛少量海鮮同一份丸900幾蚊兩個人唔係為左食個鴨血真係唔會嚟食台式火鍋啦但原來鴨血都唔好食真係唔知自己個晚食咗D咩好失望初初仲擔心90 分鐘食得好急結果食左一個鐘已經想走好想知究竟我食個D 你邊度嚟嘅鴨血

早幾日去左AIRSIDE打邊爐😋因為留意到湊湊火鍋推出左小火鍋午市套餐好豐富好抵食啊‼😮😍🐄日本A4和牛小火鍋 $138和牛油花均勻 牛味好香入口即溶 食完一塊又一塊🤤🦐甄選海鮮小火鍋 $128有海蝦、蠔、蜆、魚片隻蠔有手掌咁大海鮮全部都好鮮甜😋湯底方面我哋揀左昆布同蕃茄昆布湯底清甜 蕃茄湯底酸甜開胃兩款都比較健康啱小朋友套餐包括紫薯麵/刀削麵、蔬菜盤同甜品🍮仲可以加配茶飲🥤我哋揀珍珠奶茶同桔香冬瓜甜度岩岩好唔會太甜又解渴～另外自助吧都好豐富唔單止有各式醬料自由搭配仲有時令前菜、水果同滷肉飯任食🤤呢個午市套餐性價比好高已經約左朋友仔下次再嚟食啦😆😆✨小火鍋午市套餐✨只限星期一至五 星期六日以原價供應個別分店供應情況：K11 Art Mall、Airside 同Nan Fung Place星期六、日都唔會有午市套餐/優惠K11 Musea 全星期都無供應呢個套餐/優惠大家去之前要留意啊😉@coucouhotpothk📍湊湊‧甄選 (AIRSIDE)啟德AIRSIDE 6樓L603號鋪#台式火鍋 #湊湊火鍋 #coucouhotpothk #hotpot #火鍋 #打邊爐 #午市優惠

晚上和兩位朋友一起聚舊, 這次在airside約好晚飯, 逛了一下, 想想平日已有光顧湊湊火鍋. 今次也毫無懸念的再度光顧. 這次挑選了四人餐, 海鮮拼盤菜品種類十分多,有鮑魚, 蟶子, 帶子, 石斑魚；肉類份量也很足. 三大盤牛肉, 墨魚滑, 蔬菜盤.......一行人吃得不亦樂乎. 其實每次光顧湊湊火鍋都很期待喝他的沙冰和茶果凍. 特別茶果凍酸酸甜甜, 很解油膩！ 當然不少得點他的珍珠奶茶！ 火鍋配上珍珠奶茶, 更是一絕！ 期待下次再來：）

👧🏻😋👅🍽✨午市火鍋套餐震撼優惠-💼 台式半自助商務午市套餐震撼推廣價 $98起 (只限平日) 包精緻小火鍋、湯鍋、主食、自助吧同甜品, 套餐個別分店供應, 詳情可瀏覽湊湊網頁💼 AIRSIDE店有落地玻璃, 日光照住食飯都精神D; 套餐好豐富, 由前菜到甜品包羅萬有, 仲可以加配茶飲, 店員仲推車仔送上新出品酥肉小食-🍲 小火鍋 $138 / $128💯日本A4和牛油花均勻, 入口即溶; 甄選海鮮有蠔, 海蝦, 魚片, 蜆, 蠔妁外都有2件或以上, share都好適合💯揀左番茄同昆布湯, 番茄好濃郁酸酸地好開胃, 昆布就較清甜能突出食材鮮味-🍜 主食 / 蔬菜盤 / 甜品✨主食可選紫薯麵/刀削麵, 兩款都好彈牙; 蔬菜盤除左菜菇仲有兩粒大大粒彈牙爆汁既丸✨甜品係菠蘿沙冰, 唔會太甜食到最尾清清口腔幾好-🍈自助吧💯滷肉唔多肥肉又唔會太鹹, 健康得黎都好好食; 前菜有四款冷盤醃菜; 水果當日有番石榴同哈密瓜都好甜-🧋茶飲 ✨抹茶開心椰 $34 開心果生椰乳配抹茶, 幾種味道淡淡交織唔會太搶幾夾, 加上香滑米布丁真係火鍋既好朋友!✨茉香珍珠奶綠 $29 茉莉綠茶底清香唔澀, 珍珠軟熟