冒喜 (和富)

营业中

休息中

等緊小朋友放學，喺商場嘅food court搵嘢食，見到呢間可以食辣嘢， 同埋啲湯底都幾特別，所以決定試一試。叫咗一碗蕃茄椰湯底，配粟米麵。首先第一啖試吓湯底，除咗蕃茄味之外，真係有淡淡嘅椰子味，粟米麵亦都好得意比較林身，小朋友食啱啱好。我揀咗六款餸，除咗小朋友鍾意食嘅芝士腸冇乜特別，其他都令我有驚喜尤其是墨魚丸，非常彈牙而且好香，魚腐晒啲湯特別好食。另外一碗叫咗酸菜湯底，麻而不辣好惹味。牛丸好有口感，但我覺得呢個湯底食食吓有啲微辣，但係好開胃，配埋鴨血我覺得好好食，而且份量好多，因為見到套餐可以加嘢飲同埋小食另外叫咗個麻辣土豆絲，仲有近年好流行我哨肉脆，土豆絲雖然係一樣好普通嘅食物，不過好難整得好食，呢度整得好爽脆，而且辣到啱啱好，下次再嚟可以試埋其他湯底。

上次來吃米線時發現冒起在北角竟然有另一間分店，主打冒自選食材，有點像香港的車仔麵，分別4/6/8款食材都只是$46-$62，基本上女士四餸都已經好飽喜歡佢湯底有10款選擇，今次試埋新出嘅生椰蕃茄湯，估唔到椰子同蕃茄清新嘅口味非常夾，唔食辣嘅朋友都多款選擇。另一個喜歡的湯底係重慶麻辣湯，來自成都嘅朋友介紹會比較重紅油 ，我叫小辣湯底有底蘊不只是死辣每次必捱一定係潮州手打牛肉丸，多汁又重牛味；豬大腸清得好乾淨，大概會有七至八點厚切！！金菇食親都會see you tmr 🤡 但又辣得好爽 。小食會介紹平時餐廳小店少見既藤椒魚皮，爽口又開胃 ！主食都幾多選擇，番薯粉土豆粉米飯火鍋麵同米線，雖然我多數都係食番薯粉，貪佢煮到夠入味又Q彈 。—————-𝙒𝙚 𝙤𝙧𝙙𝙚𝙧𝙚𝙙:吉祥套餐（六餸）$54 主食 +$5藤椒魚皮 $48—————————————————𖠿𖥣 冒喜 (和富) (北角)〒北角和富道21-53號和富地庫B50-51號舖和富美食廣場A1號舖

呢間餐廳最近bookmark📝咁啱去北角做完野醫下肚仔先餐廳位置係美食廣場裏面環境佈置成民族風及土耳其吊燈好靚🪩😍主打冒菜自選配料再揀主食有幾款套餐已設定配料好啱選擇困難症去食😂吉祥套餐 (任選6個餸)🍜揀咗貴川臭豆豉辣湯(小辣多蒜多芝麻走青)🌶️，湯底有陣獨特唔知點去形容的味道，應該就係臭豆豉味😂，平時好少見到呢種湯底，而呢個湯底相對其他唔會太油膩感，小辣程度係我可以接受得到，揀咗魚腐🐟食落唔覺得腥，蟹柳原來係好基本的蟹柳😳，豆腐串及豆皮吸盡湯汁精華好入味，萵筍食落好爽脆，土豆片🥔略為偏硬，如果煮淋啲會更好食，跟餐主食加$5配番薯粉食落口感煙韌，另加$9豆漿🥛食到辣辣地飲返豆漿解辣一流👍，而且份量都算多最後食唔哂😳

呢日去開北角和富嗰頭買波鞋,買完順便落和富薈foodcourt睇吓有咩食,見到呢間食四川冒菜👉🏻冒喜就比佢餐牌上碗粉吸引住😍諗諗吓好耐無食辣野,一於就揀呢間食✨吉祥套餐 $54/6個餸✨魚腐,潮汕手搥牛肉丸,豬大腸(+$3),鴨血(+$5),炸支竹,白蘿蔔片加配冒喜秘製醬汁($3)黃金酸菜湯米線牛肉丸味道濃又夠彈牙👍🏻豬大腸幾有咬口👍🏻魚腐,支竹,白蘿蔔索晒湯好正😍冒喜秘製醬汁充滿蒜味😍可以就咁點嚟食或者加落湯食😋黃金酸菜湯酸菜味非常香濃,更帶有少少麻嘅感覺✨吉祥套餐 $54/6個餸✨潮汕蒜香墨魚丸,蟹籽蟹粉丸,五花腩片(+$3),胡椒豬肚(+3),豬大腸(+$3), 貴州丁家脆哨(+$5)加配冒喜秘製醬汁($3)秘制香辣湯土豆粉非常值得一提嘅係貴州丁家脆哨, 脆哨喺貴州係好常見嘅美食,可以當小食或者加入湯粉麵一齊食,我自己就比較鐘意就咁食😍因為食落非常香脆可口😍😍😍😍😍蒜香墨魚丸都唔錯,食到裏面有墨魚粒唔係剩係得墨魚味👍🏻胡椒豬肚好爽口食落無異味👍🏻土豆粉食落好爽滑香辣湯我揀咗小辣,小小麻小小辣對我嚟講啱啱好☺️紅油涼拌豬肚 $36辣辣地嘅紅油配上爽口豬肚非常開胃

最近成日落雨，係又熱又潮濕嘅天氣底下特別想食辣嘢刺激一下味蕾👅北角有個和富美食廣場進駐不少特色各國美食，其中一間叫冒喜，係食正宗冒菜，係一種將不同配料放入湯底燙熟，類似麻辣燙嘅菜式🌶️我自己都encore過幾次，佢嘅湯底有麻辣、臭豆豉、酸辣、藥膳、椰子雞、白胡椒等有特色嘅選擇，套餐可以選4／6／8款配料，今次叫嘅吉祥套餐有6款配料，加上主食，份量非常大，唔太大食嘅話可以skip主食／叫4餸套餐都ok😛吉祥套餐（6款食材）🌶️貴州臭豆豉辣湯招牌麻辣湯底，以臭豆豉為基底，但其實一啲都唔臭的🤣麻、辣有致，小辣都幾刺激😆⚪️養生白胡椒湯除咗辣湯，都可以選擇唔辣嘅湯底，呢個胡椒湯就夠晒香，胡椒味好突出👍🏻👍🏻🟤貴州丁家脆哨招牌特色配料，脆卜卜好似豬油渣咁😈但食落唔會好似豬油渣咁咬到成口油，係幾香口，可以就咁食或者放湯索啲湯汁食😚🍢潮汕手鎚牛肉丸、蒜香墨魚丸、滑牛肉、胡椒豬肚、豆皮、冰豆腐、鮮冬菇、萵筍另外必點嘅仲有彈牙牛肉丸同墨魚丸，其他配料份量都俾得多👏🏻豬肚大大條好煙韌。🍜蕃薯粉、土豆粉🐟秘製藤椒魚皮除咗冒菜，餐牌仲有5款涼拌小食，藤椒魚皮好大份，食落好爽脆，藤椒味非常香😍好過癮🤪人均消費：$80

最近喺和富中心Food Court裡面見到呢間主打四川冒菜鍾意食辣一定不能錯過各種調料以湯汁燙熟嘅四川特式美食✨吉祥套餐有11款湯底選擇可自選6款配菜我地揀咗兩款湯底．有辣有唔辣🥘重慶麻辣湯有不同辣度選擇麻辣味十足．非常香濃🥘養生白胡椒湯帶出濃郁嘅白胡椒香味唔食得辣嘅朋友 連湯底都飲清光▫️潮汕手搥牛肉丸▫️毛肚加埋吸盡湯底精華嘅▫️冰豆腐▫️鴨血▫️貴州丁家脆哨◽️潮汕蒜香墨魚丸呢幾款都係值得再追加嘅配菜+$3 配埋喜秘製醬汁更香更惹味✨涼拌麻辣蓮藕片爽脆口感．配上微辣嘅麻香就算一個人都可以享受到麻辣燙嘅風味

今日同朋友去左北角和富買運動用品, 剛好食埋午餐, 竟然發現和富有個美食廣場. 當然入去兜下睇下啦!入口有間粉紅色招牌嘅川式冒菜幾吸引, 一於試下先. 佢地主打冒菜, 有D似車仔面咁, 自選配料再揀主食. 最正係有唔同湯底你揀. 有辣有唔辣. 有幾個套餐可選,  我地就揀咗「吉祥套餐」自選6款材料同埋湯底 再加配主食.  我揀咗配料潮汕手搥牛肉丸,潮汕蒜香墨魚丸,魚腐, 滑牛肉, 特色嘅貴州丁家脆哨, 萵荀，加埋蕃薯粉主食配酸辣湯底. 牛肉丸墨魚丸都好彈牙爽口,  魚腐吸曬酸辣湯勁惹味. 滑牛熟度剛好軟淋. 貴州丁家脆哨好香脆. 成碗有多重口感. 酸辣爽脆軟淋有曬. 真係超讚. 個酸辣湯底唔會死辣. 我都飲左一半. 朋友 嗰個吉祥套餐都同我差不多佢想食清D , 就揀咗特濃清雞湯.  配潮汕手搥牛肉丸, 豬大腸, 五花腩片, 潮汕蒜香墨魚丸鴨血同油麥菜. 主食揀咗米線, 佢都話好味, 特別係個湯, 好香甜. 最後佢飲曬成碗. 不得了. 佢地仲有幾款「過癮涼拌小食」我地叫左兩款 秘製藤椒魚皮, 涼拌麻辣蓮藕片,  兩款都好爽脆, 叫左小辣 好惹味又爽口, 又麻又辣 好開胃 有機會會再食試下

豆爸同我都係食辣之人 見到喜有幾個辣湯底🌶️🌶️ 走去一試😎我地嗌左吉祥套餐 （任選六款食材）養生白胡椒湯配番薯粉 👍🏻👍🏻湯底好濃胡椒味 薯粉用嚟吸湯🤤食材必點潮汕手搥牛肉丸 潮汕蒜香墨魚丸 兩款都彈牙多肉汁🤤🤤 另外+$5嗌左貴州丁家脆哨 脆卜卜🤪 其餘三款係娃娃菜同蓮藕片 +$3肥牛重慶麻辣湯配番薯粉🌶️🌶️🌶️ 未食就嗅到麻味😂我地嗌左小辣 所以都易入口😆呢碗食材有必點潮汕手搥牛肉丸 滑雞片 冰豆腐 +$3肥牛 +$3豬大腸 +$5 牛黃喉小食嗌左涼拌酸辣土豆絲同紅油涼拌豬肚🥰夏天☀️☀️最岩涼拌🫶🏻

唔知大家有冇去過成都！「冒菜」是四川成都非常有特色的小吃，“冒”字係動詞，湯喺使用中藥和各種調料配出的湯汁，係大鍋入面煮熟食材，再放到碗順便（畢）一啖湯汁，便成為冒菜。本身冒菜就無指定食材，但同火鍋嘅區別就係冒菜嘅湯係可以飲😍所以冒菜亦都可以叫做《一個人的火鍋》而家係香港都可以食到♨️冒菜啦！今日就約咗朋友去北角食「冒喜」，呢間係正宗嘅♨️冒菜，而且食材款式眾多，可以慢慢揀！我地就揀咗2碗「吉祥套餐」，可以自選6款材料同埋湯底都只係$54，驚唔夠飽仲可以加$6蚊跟餐配主食！吉祥套餐1️⃣（我自己個份）我揀咗秘製香辣湯底，食材就揀咗佢哋特色嘅貴州丁家脆哨（好香口）、潮汕手搥牛肉丸（好彈牙）、潮汕蒜香墨魚丸、牛黃喉、黑毛肚同萵荀，午餐就梗係食個米線主食啦！吉祥套餐2️⃣（我朋友個份）佢就揀咗養生白胡椒湯底，揀貴州丁家脆哨、潮汕手搥牛肉丸、潮汕蒜香墨魚丸、牛黃喉、黑毛肚同萵荀，主食佢就揀咗番薯粉！每個套餐都可以加$3配一份冒喜秘製醬汁，用嚟點食物或者撈入去碗湯入面都咁正！另外我哋仲加購咗「過癮涼拌小食」嘅秘製藤椒魚皮，好爽脆好香味而且夠辣！每人仲用抵玩價+$6就點埋2罐飲品！佢哋有3間店㗎，快啲去試下「

今次同細食阿女一齊食，之前食過佢辣，雖然阿女頂得辣但呢度嘅辣係自己煮，比坊間大概再辣一度所以直接叫左唔辣嘅番茄湯🍅主食一份5蚊，加底就咁再加5蚊4餸加底一大一小食啱啱好夠飽，其實味道唔錯，但覺得肉類餸嘅份量會少d，菜類就份量ok，餸到叫多個菜，就會望上去大兜d開心d😂阿女好鍾意食蟹柳，雖然呢度蟹柳一份得2條，佢覺得蟹柳吸到曬汁好味道👅而且湯底好有番茄味，之前食過好多呢類餐廳都係茄汁味重d，好似差左d嘢咁不過呢度又唔係，蕃茄味好夠✅

網上見話冒喜辣粉麵好味道。今日經過和富決定一試。叫了銅錢餐(豆腐串、凍豆腐、鵪鶉蛋、墨魚丸)另加土豆粉。微辣麻辣湯坐低等左一陣可以取餐。結果每款餸只有2舊~豆腐串應該一塊剪開。如果不加粉應該不夠食。但加土豆粉亦只有小小一撮，味道係可以可惜夾埋成$51但不夠飽未免CP值不高。可以一試但應該只有呢次。

久違地可以食辣嘢啦！前兩個星期都病咗終於可以食返我鐘意食嘅麻辣食物了🌶😳🤭這次這間是同事們食過覺得夠哂麻辣就推介比我食，個人覺得湯底並不是重點，重點係餐廳嘅辣醬，真係好辣配撈麵食係一流的正！係會食得好爽嘅辣，唔會覺得辣到腸胃痛個隻🫶🏻🫶🏻 主食叫咗肉食王，有大概5款的肉，個人鐘意食入面嘅牛肉同雞肉，兩類嘢都是好嫩的，而且雞肉沒有冰鮮味道！正☺️湯底就鐘意揀麻辣湯底啦，又麻又辣，真係岩哂鐘意食辣嘅人！另外，仲叫咗一個小食是紅油涼拌豬肚，豬肚都幾淋的，同樣係麻辣為主，好食！

冒喜係一間我好鍾意嘅米線舖，平時都會嚟到呢到堂食，員工嘅服務態度非常之友善，今次係第一次叫佢哋嘅外賣，本身都好怕外賣嘅質素會唔會冇堂食咁好，但係完全冇呢個問題，而且份量都一樣咁多！小食推介🩷紅油涌拌豬肚，嚟自四川嘅經典名菜🍽️，其實喺香港都啱啱好能夠搭配炎熱嘅天氣。由於用咗足夠時間煮豬肚🥮，令豬肚嘅質感變得超級嫩滑，一啖落去簡直即化，保證令人百吃不厭。紅油嘅調味🌶️係整盤菜嘅靈魂，辣得啱啱好又唔會覆蓋住豬肚嘅原味，同埋，就算唔食辣嘅朋友都一樣可以享受到，因為個辣度完全可以自行調節。加埋花生碎🥜，香菜和芝麻嘅點綴，令呢碟菜喺視覺同味覺上都更加豐富。用餐氣氛再加埋一啖凍飲🍹就更加perfect，一定可以喺炎熱嘅夏日帶黎清新嘅感覺。仲有㗎，個服務生🙋🏻‍♂️真係非常有耐心同細心，佢哋好願意聆聽我哋嘅需要同建議，所以一定要讚一讚👍🏻。如果想要開開胃，或者同朋友一齊share一啲冷盤🥗，嚟呢度就一定唔會失望㗎啦！主食推介💜素食王:配料包括萵筍、娃娃菜、蓮藕片、金菇、白蘿蔔、鮮冬菇湯底方面我就揀咗蕃茄湯，佢哋呢度嘅蕃茄湯底真係好濃，又食得出唔係話味精嗰啲，相當之出色，米線份量都好多，配料方面全部都係蔬菜

肉食王呢個真係滿滿既肉，岩晒食肉獸呀，包括滑牛肉，五花腩片，午餐肉，滑雞片，魚腐，娃娃菜，滑牛肉夠晒柔嫩，五花腩夠晒肥美，午餐肉亦都好軟腍，滑雞片都肉嫩皮滑，魚腐又夠煙靭，娃娃菜亦新鮮！吉祥自選六個餸，湯加主食，所以就簡蟹柳，蟹籽蟹粉丸，娃娃菜，滑牛肉，大腸，芋絲，白胡椒湯加土豆粉，食到丸菜肉，咩都齊，豐富滿足，最中意果湯，夠晒辣，入味濃香，胡椒味好重，土豆粉亦好煙韌好有咬口！涼拌麻辣蓮藕片食咗個涼拌麻辣蓮藕片😋，真係好正！起初拎上嚟個樣靚得滯🌸，粉紅色嘅蓮藕片配上綠色嘅香菜，擺得好有心思👌🏼。一啖入口，脆口同埋爽口嘅口感完美融合，辣度適中，夠晒醒胃🌶️。啲蓮藕片仲切得好薄，食起上嚟唔會覺得笠，好易入口👍🏼。除咗辣味，佢仲有啲麻麻哋嘅感覺，但係又唔會搶咗其他味道嘅風采⚖️。用料好，調味得宜，食完之後仲想再食架🥄。蓮藕本身嘅清甜味道都保留咗落嚟，同麻辣味道大大嘅反差，真係有層次感㊙️。值得一讚嘅係，個辣汁唔係好油膩，所以食完之後都唔覺得嗜口😚。總括嚟講，呢個涼拌麻辣蓮藕片真係好過癮，夠晒開胃，又夠晒惹味🔥。下次去餐廳，我一定會再點嚟食㊗️！食到飽飽地飲罐凍嘅王老吉更加爽！

今次同朋友一齊去試一間食材份量豐富，地點又就腳既四川菜：冒喜👍🏻望見隔籬枱食已經好吸引👀🌺 肉食王-越食越有驚喜。湯底辣得嚟又有層次感，仲帶岀陣陣既芝麻同芫茜味。滑雞、五花腩同滑牛都入哂湯汁既味道，好食到流哂口水🫦 推薦指數100分🌺涼拌酸辣土豆絲-好多芝麻好香口，土豆絲入哂味，酸酸辣辣好開胃。土豆絲口感仲好爽脆，強烈推薦🫴🏻🌺紅油涼拌豬肚-豬肚豬味濃郁，肉質爽口，仲有紅油既辣味刺激，越食越上癮，值得一試再試💋🌺 銅錢-最愛最愛，好喜歡可以自己揀，有芝士丸，海帶結，豆皮，五花腩，再配埋蕃茄湯同土豆粉，正！最愛芝士丸有濃濃既芝士，同埋吸哂蕃茄湯既豆皮🤟🏻食材豐盛，店員好友善，地理位置方便，推介👍🏻