六丸(居食屋)日本料理 (已結業)

2個人,又真係唔知食d咩野好la成條通菜街咁大,真係大把野食la~哈哈€見到間野咁大,就入去食~~簡簡單單叫左個牛肉火湖煱真係勁唔掂lor~牛肉雖然係好大塊,但係好老好鞋,一人食左一塊後,就再都無掂過佢la~$25半磅,都幾抵.(其實係比佢個價錢吸引左先入去)本人唔係食生食,好唔好食就唔知la~至愛鰻魚sushi~~呢間就真係mama地la~~鰻魚比軟干身,無乜汁,不過不失,但好明顯係唔夠蟹子用la~如果唔係最後個一塊,做咩野少左咁多蟹子!!!!哈哈€野食痳痳,但係服務都幾好~~朋友話,下次都係改食放題好d~~笑左~~

打完風..突然出左黎旺角有飯局..朋友推介話六丸好好食...咁佢又有開咪試下囉...入到去都唔係好多人...燈光好暗...我就唔食魚生,所以我都係照舊自己揀熟食...佢地話d三文魚好好食,又好厚生...咁我比唔到comment喇...蟹子沙律, 好多沙律醬呀...好水咁..麻麻地...只可以答...d青瓜都新鮮o既..軟殼蟹手卷, 個蟹炸到好乾身...剩係食到炸粉,唔係好覺隻蟹...紫菜唔夠脆....no good火炎蟹棒壽司, 都係麻麻地,舊飯就好細,唔夠醋味...炸雞軟骨,好大碟呀,不過下面就墊晒菜o既...其實就唔脆口,食落都林林地....都係麻麻燒牛排, 個樣就幾好,但唔係靚o既牛扒,冇乜牛味...同過火少少...芝士海鮮烏冬鍋,朋友話一定要食,好好食...咁我又like芝士又like烏冬緊係好啦....黎到,原來係焗o既,我初初以為係湯烏冬,一夾d烏冬散晒啦, 冇味啦, 同冇芝士味啦,好多三文魚碎,蟹柳,同d烏冬係好粉...朋友話上次食唔係咁差喎..咁我地同店員講...佢都整過比我地...second round...個樣好d,烏冬都係好返少少,但都痴晒底....有返d 味o

神推鬼X之下就坐，發覺唔係幾對路，但係費事閃，就柯打兩樣野咁多試下：1. 特價廿五蚊半磅三文魚刺身；2. 一舊水鬆啲嘅雜錦壽司感想：1. 三文魚無味禾2. 連果杯綠茶都無味禾3. 壽司飯一pat野咁，又散唔對路之下即手機上網check食評，原來一眾巴打已劣評，今次真係自己攞嚟衰。最後，埋單時見到壽司仔戴著膠手套抓頸背，唉…

天氣咁熱, 行到個人熱晒, 而且又多人, 所以就鬼掹腳行咗去呢間嘢一試。已經有心理預備唔會係太好食, 因為從門面可想像到, 但係就估唔到真係咁差。都知道平嘢無好嘅道理, 所以就叫咗一個最貴嘅剌身拼盤嚟食, 心諗無理由最貴嘅都唔見得人呀?!點知真係!!!!三文魚一向都知道係唔食食嘅下欄嘢, 因為無論敦幾耐, 三文魚喺外表上睇嚟都係色澤鮮艷, 食落就知真係虛有其表---無味!!!另外, 啲螺就更離譜, 完全就係食緊一塊擦膠咁, 一啲味道都無!!!再加埋啲唔值錢嘅魷魚仔同無味嘅鯨龍魚, 唉!!!!!不過, 好彩啲海膽都叫可以, 令我未至於食完個拼盤就立即走人!食剌身又點少得一支清酒, 叫咗一支平嘢飲, 我就唔記得叫咗咩啦, 因為一叫咗後, 侍應就立即倒入個靚樽入邊, 靚係靚, 不過, 可唔可以俾我睇真啲我叫嘅同嚟嘅係同一樣嘢嚟先?!唔夠飽, 叫咗個鱆紅魚剌身, 嘩!呢個直頭係全日最好食嘅, 因為我食到有魚味呀!!!另外, 叫多咗個燒蠔, $55半打就唔至在食多次同乃多次嘢啦, 味道一般啦, 一食就知係雪過吨蠔囉!

開場白 : 超爛囉間野星期日見報章有佢廣告, 介紹得幾好諗住試下啦, 我都已經好保險check左operice食評, 見好壞參半啦, 以為個老細希望重拾消費者信心, 大執過d食物水準and服務先走去賣廣告, 點知就......海膽...好腥, 我成板比返佢咁滯和牛刺身.....我唔知食緊乜囉, 牛無牛味, 更無和牛香, 我吐返出來服務員好唔醒目, 落單個阿姐我每樣野都要講3次, 無荼又唔主動fill, 張枱d空碟又唔收, 都唔知想點結果我食左30min就走去奧海城食返轉回轉壽司清一清個口, 呢間六丸請我去都唔再去呀

同fd去食飯,唔知食咩好,不過好想食日本野,周圍行見到喱間就試下,佢同一休,七本果d都係差唔多呀~!加$25三文魚半磅,佢有冇半磅就唔知,只係知唔好食呀~!三文魚腩卷,個賣相一般,食落又係冇乜味~!又係冇乜味,懷疑凡係有三文魚既都係冇味呀~!芝士吉列蝦卷,個吉蝦好淡冇乜味,連芝士都係偏淡唔好食~!槍燒蟹棒壽司+槍燒和牛壽司~!當然唔係真野,不過都幾濃牛肉味既~!雖然槍燒既,but睇到d飯濃到咁黑已經唔太想食,蟹棒味道普通~!燒帶子,都幾大粒,不過食落係硬硬地,唔多新鮮既,又冇乜味呀,唔好食,反而係菇比較重牛油味好食點~!綜合來講真係幾差......唔值喱個價,同落單同上菜都好慢,仲要漏單...d店員態度又差十問九唔應,你話d野食好味都可以忍忍你,but野食又唔見得好仲要唔好食,真係貼錢買難受~!

尋日搵食搵到黎六丸, 冇人等位, 一入去即刻有得坐見入面都有半場人客, 睇下Menu都好似好吸引我地叫左雜錦魚生飯, 雞扒地獄拉麵, 炒雜菌, 半磅三文魚其中雞扒地獄拉麵要另外$8, 因為雞扒本身唔係配地獄湯底!雜錦魚生飯極不新鮮, 甜蝦唔甜, 仲要係苦, 希靈魚同樣難食, 好臭!雞扒地獄拉麵地獄湯係唔辣, 味精又重, 雞扒好酸炒雜菌相信係最好食的東西半磅三文魚份量原來其小, 而且唔肥唔油, 芥辣唔辣的!!!好後悔冇影低相俾各位睇下!!!女侍應講野冇尾音, 而且冇禮貌, 全場半滿, 唔覺得多人到要粗聲粗氣冇眼鏡的男侍應, 係餐廳入面唱歌只係識指三指四, 紮頭髮的高大男侍應拎多左個醬油碟俾我, 佢就走黎話"拎多左啦"我叫佢拎隻碗黎, 佢都聽唔倒, 仲走左去有個帶眼鏡男侍應同客人爭論, 爭論客人有冇點個天婦羅個客人話冇, 個男侍應就拎住碟天婦羅同個客講話"有落單, 係第二輪落的單, 你試下啦, 幾好食"個客冇所謂, 最後要左只有一個紮頭髮的高大男侍應勤力有禮貌, 不停出菜相比之下, 其他人好得閑餐廳食物質數唔得, d 侍應仲咁冇禮貌, 絕對不推介!

原本想等下午茶，結果等不了，試左佢地個牛油三文魚拉麵。order時我都有問張圖係生架？佢答係，我話生既可唔可以分開上，佢話唔可以，仲話好快就上架啦唔怕架！結果係俾左5塊熟如麻雀大小的三文魚。我問返果位服務員，佢就話我地一向都係咁架！仲對唔住唔好意思都冇講就走左，本人對食下午茶要求都唔係咁高至少連少許禮貌都要有囉！我都係食開佢地不過今次就真係失望囉！

我晚行黎行去都搵唔到食咩見到呢間野無乜人加上成日行過D野都好似幾唔錯咁點知令我大失所望點左三樣野食。手打冷烏冬。三文魚次身。小杯三文魚壽司冷烏冬 - 真係搞到我好鬼火滾，一碗欠缺口感+怪異口味既烏冬45蚊簡直係離譜行過少少八福都只係17蚊好味過佢口感又好D 重要既係平成倍有多三文魚次身 - 有8塊，簿其實係要買夠50蚊先有門口又只係寫賣25蚊比佢FAKE左，又唔算好食雪藏味好重，不過25蚊係咁上下小杯三文魚壽司 - 味道唔錯不過d飯係熱既怪怪地。呢餐無野飲t!m ~ 你話火唔火

o尋晚同太太兩個人去左試呢間野，叫左以下嘅野:- 海鮮茶壺湯 HK$38.00 個湯無味無道，壺裹面嘅海鮮食落都係係味無道，裹面嘅海有2塊三文魚、1條蟹柳、6隻蜆、1片日本魚蛋、3粒白果...呢個真係好麻麻下- 蟹膏炒飯 HK$48.00 跟飯送個麵鼓湯 (仲好飲過個茶壺湯)，個飯都幾好食，不過如果你唔鍾意食青椒的話...我會建議你唔好試，我太太佢就係唔鍾意青椒嘅人，佢話青椒味太濃- 芒果帶子小杯壽司 HK$26.00呢個味道上都冇乜特別，特別只係在於用隻杯裝住大約兩件壽司嘅份量- 2份半磅三文魚刺身 HK$50.00咁平賣嘅三文魚，我都幾乎係預左無乜三文魚味兼重雪味...又真係無俾我估錯- 焗薯蓉 HK$14.00勁細個...佢嘅份量大慨只係最大隻嘅雞蛋嘅3/4容量咁上下份量大約只係3~4隻茶匙咁上下，不過味道都算幾okay嘅- 2件槍燒和牛壽司 HK$18.00和牛...食唔出佢係和牛 (甚至我食唔到有牛味)如果我諗唔到去邊隻又或者其他地方人太多，我都唔會介意再黎呢間食嘅

叫左餃子,壽司,加州卷,刺身餃子一般,冇話好好食,又唔係太難食壽司麻麻,好似帶子同埋吞拿魚咁,都唔係太新鮮,好乾,好似放左好耐咁加州卷唔錯,賣相ok至於刺身,以咁既價錢,都唔預佢太好食,有大陣雪味...如果第二度冇位,而呢度唔使等,我都會黎食既

首先真心說這間的水準都錯，但今天的經歴真扣分，特別這侍應的態度(應是第一次吃她的黑面)本來叫了碗地獄拉麵，但上來是的像猪骨湯+數滴辣油。問這侍應地獄拉麵是這樣的嗎？她側起面淡淡的說是，不夠辣嗎便行了去。(從她的眼神像說：你吃過地獄拉麵沒有？以為她會想想辦法但是她真的不顧而去。再請她取辣油後，她的口面更黑。

因為早入既關係唔洗等位，同女朋友入左去，坐低，當然點左＄２５半磅三文魚刺身先啦個ｗａｉｔｅｓｓ好好禮貌同我地講”唔好意思呀，兩位刺身要ｏｒｄｅｒ每５０蚊先可以以＄２５半價咁ｏｒｄｅｒ，有冇問題架？”我地話”知道架啦，唔該哂”跟住ｏｒｄｅｒ左腐皮壽司１客，特大凡立貝１客，天婦羅炸蝦手２客，冬菇２客腐皮壽司１客　一般啦　個腐皮唔知點解好似好薄　比平時ｄ腐皮壽司薄ｄ同無咁甜特大凡立貝１客　一般　唔甜　一般新鮮天婦羅炸蝦手２客　呢個幾好食冬菇２客　女友２串　我２串　不過一般般啦　好細粒．．＄１８串真係幾貴　　

$25 半磅的三文魚刺身, 來到好期待呀! 但食落去，真係好難食呀! 完全冇味! 比起係超市買的仲差好多 記得有次下午荼在金太郎叫咗 $12 三塊的三文魚刺身, 都好味架! 但這個完全冇味 好失望呀! 之后點了鹽燒牛舌, d 肉好"鞋"呀, 上面有好多鹽! 朋友點了海膽燒飯, 比起上面兩樣算好, 但味道好咸! 想吃多點蔬菜, 叫了日式炒野菜, 這個不過不失! 壽司: 點了帶子壽司, 海鰻壽司! 不過不失! 服務: d waiters 好唔掂, 張台好細, 佢再拿野食來，居然係度bear 住我地, 示意我地執埋d 野去一邊 有冇靚錯 總括而言, 淨叫的價錢, 食放題質素的食物, 各位朋友, 請三思而后行! 埋單都成 2xx 元/ 2人, 非常唔抵! 因為唔好味的!