六両三.台灣食堂 (已結業)

之前尖沙咀岩岩開果陣已經食過一次，知佢開係公司附近梗係要試下😍 新開張仲有9折優惠😍.餐牌有主打牛肉麵，乾拌麵，飯，湯，台式小食，飲品。lunch可以任何一款飯麵加$18轉套餐就可以有多一份小食同飲品😍.牛肉麵 （川味紅燒）$75 麵類既湯底有川味紅燒或者清湯簡，湯底均以天然食材同大量蔬果用文火熬煮而成既牛骨湯😍 所以湯底飲落好香濃既牛骨味之餘，仲唔會好油膩，而且川味仲帶有微辣同藥材味，真係飲得出好有誠意👍🏻 牛肉每片既比例都差唔多，而且油脂分布得好好，而且個湯好濃味，所以牛肉食起上黎更加入味，同咬落微軟煮得岩岩好之餘仲啖啖肉。（好細心地如果怕麵量唔夠，可以落單果陣講定加麵先👍🏻包你食飽飽）.我地總共叫佐三個套餐，嗌佐三款小食試：涼拌小黃瓜🥒：咬落好爽口；台式泡菜：好開胃😍 有啲感覺似酸菜；百頁豆腐：加佐少少醬，食落有啲感覺似釀豆腐，三款都比我地清晒🤭 仲有飲佐冬瓜檸檬茶，飲落唔會太甜，甜度岩岩好😚 配返個牛肉麵止渴解膩一流👅.總結，店舖用料認真之餘裝潢都好花心思，環境仲好舒服😍

最近留意到呢座大廈新開咗間台式店, 今日就去試食, 可能樓上舖再加上新開, 所以冇乜人知道, 去到唔駛等位, 環境都好舒服, 食物價錢有平有貴, 當然牛肉麵款式就真係貴咗啲, 仲要唔包飲品, 可以加$18包飲品同小食一客, 如果包埋飲品就差唔多, 但講賣相同同區既阿元, 龍鳳號比較就呢到優勝,  留心啲睇原來呢間係黃店, 支持黃店既朋友就要嚟食下啦! 呢碟酸菜係喺店中間有個自助BAR既地方任攞既, 自助BAR都係放啲餐具, 水杯同有檸檬清水比大家飲用, 如果唔另叫飲品都可以有清水飲下其實每枱都有放喺到, 都好奇怪係咩東東, 點解會有橡根喺到呢? 再問店員先知原來係比女士用既橡根, 都幾貼心, 適合長髮女士們台式泡菜, 涼伴牛筋絲 - 台式泡菜好好味, 其實等於整酸咗既酸菜, 好爽口, 而牛筋絲亦都好食甜不辣, 百頁豆腐 - 甜不辣同其他店口感唔同, 有啲甜不辣係炸既, 但呢到既就唔係口感好煙韌, 而豆腐都唔太差阿宏蔥油拌麵 - 賣相不錯, 味道都唔差牛肉麵 - 賣相不錯, 牛肉好軟熟而且入味, 湯底好似仲有啲藥材味, 麵質彈牙, 推介滷肉拌麵 - 賣相一般, 滷肉半肥瘦, 味道都唔錯牛

觀塘又有新野開！仲要係我最愛的台灣菜！是日同同事去食個lunch try try。職員說套餐只限lunch時段，晚餐就只可單點。店裡環境潔淨，座位之間寬闊，坐得幾舒服。蘋果西打冬瓜檸檬茶呢杯冬瓜茶完全係我杯茶，唔會太甜，加幾片檸檬幾fresh下，估唔到又幾match喎！涼拌小黃瓜入口偏淋，一d都唔爽口，而且幾酸下。滷水溏心蛋溏心蛋放落去碗麵食一流，真係好流心，岩岩好，不略嫌唔夠滷水味。切豆干小食之中，我地覺得呢個豆干最好味！個醬汁係靈魂，推介推介。川味紅燒牛筋麵最期待的牛筋！牛筋炆得夠淋又入味，入口啖啖骨膠原咁。湯底唔算好濃，淡淡藥材味，香而不膩，個人都覺得算合格。最估唔到係個麵底，掛湯力好，煙韌彈牙，應該係手打麵？！炸醬麵就咁望真係好唔吸引哈哈，不過撈埋一齊食味道又ok喎，炸醬份量都幾多，足夠撈哂成碗麵！除左唔洗加一之外，試業期間全單九折(未知優惠做到幾時？)，share食除返開每人都唔洗$80，都算抵食，以後lunch又多個選擇啦。