公車泰國餐廳

营业中

休息中

今晚朋友仔專成帶我去元朗西菁街食泰國菜，話好抵食，同埋知我冇得去泰國，懷念下家鄉之情看看餐牌，價錢唔算貴，於是我地order左紅咖喱雞、泰式火車炒飯、馬拉盞炒雜菜、泰式香茅雞翼泰式炒雜菜，裏面有西蘭花、椰菜、紅蘿蔔、雜菇、芥蘭，多款菜，炒出來味道不錯。泰式火車炒飯，材料有蕃茄、雞肉、洋蔥、蛋，炒飯帶有少少甜味，都幾好食。紅咖喱雞，入邊有斬件雞髀，好濃嘅椰漿味，雞件都好入味，如果辣少少仲好泰式香茅雞翼，雞翼塗滿蜜糖，甜甜地，外脆內嫩，十分Juicy，連沙嗲醬一齊食，味道非常之夾青檸梳打，成粒青檸放在杯內，加埋梳打，夠曬味道

又入嚟元朗探朋友朋友話有間新開泰式餐廳未食過我哋就約過黎食下啦餐廳都幾大 所以唔怕無位等耐入面多數係4人雅座方便人少少邊食邊傾計 又唔怕有人搭枱睇菜單 發現二至三人套餐比散叫抵食甘就叫套餐啦！泰式炒雜菜先上菜款多又炒得惹味 最合我心意 我最鍾意食菜和菇小食拼盤跟著上 都係水準之作我哋兩個食到舔舔脷 兩碟對比下就知份量足料 兩個人食完其實都飽咗一半再黎就係泰式炒海鮮汁多海鮮也ok青檸茶 甜澀適中 正！最後上泰式炒金邊粉又係好足料 我哋已經食到好飽 最後要打包呢總計447 性價比 ok 啊！

睇戲前先簡單食個晚飯,時間尚早,不用排隊等位, 見呢間新開舖, 還有個大大落地玻璃, 感覺開揚, 同友人嚟試下我哋兩個人叫咗呢幾樣嘢, 每樣都好好味泰式海哲-海哲厚實脆口, 酸酸甜甜好開胃, 特別欣賞以青檸和香草作醬汁,非常入味泰式拼盤(細)有蝦片、春卷、蝦餅、魚餅、豬、雞串燒各2件,蝦餅魚餅炸得唔會太乾身, 入面好juicy, 春卷蝦片好香脆, 另豬同雞兩串燒肉質鮮嫩, 加埋個沙嗲醬食相當惹味火車頭炒飯-一上台就香噴噴, 飯亦炒得粒粒分明,每粒都好入味, 個飯入面有菜、蛋絲、同大大嚿雞肉,非常豐富青檸冰-淡淡青檸清香,酸甜適中,十分解渴

今晚食泰國嘢, 之前舖位好似唔係泰國餐廳, 可能開左唔係好耐, 燈光光猛吸引, 開口仲有一對泰國人像, 幾得意. 座位寬敞, 食客都開心D.泰燒和牛串和牛好腍, 牛味重, 而且燒到好香, 唔知係咪用炭火燒, 但係好有炭火既香味!配綠色既醬汁, 唔好睇外表綠色好似怪怪地, 味道用牛超夾, 酸酸甜甜, 好好味!串燒沙爹豬豬肉肉質唔韌, 加埋沙爹醬汁好惹味, 淨係用沙爹醬汁撈飯食都得!泰式炸蝦餅熱辣辣, 外皮炸到好鬆脆, 一D都唔硬, 裡面蝦肉爽滑, 唔會死實實, 又唔會乾爭爭. 推介!泰式海南雞配油飯海南雞好滑, 雞肉好腍, 好香雞油味, 油飯都好濃雞油味, 唔錯既選擇, 配菜有酸蘿蔔絲, 好入味, 配飯食都一流!冬蔭大頭蝦湯驚太辣, 所以叫左小辣, 辣味正常, 唔太辣, 下次可以試下中辣. 強烈冬蔭公香味, 超級香濃! 隻大頭蝦成隻手掌咁大, 好厚肉, 份量都唔少, 有5碗(佢D碗都唔細隻架), 香料又足, 必點推介!

最近香港天氣熱辣辣，日日一出街就滴晒汗搞到無乜胃口，所以選擇了泰國餐廳可以點小食為主！串燒(雞肉/豬肉)，每次食泰國野必點一定係串燒，配合埋醬汁非常惹味泰式炒金邊粉，炒得好有鑊氣，而且配菜有雞蛋、肉、乾蝦、蔥等好足料，醬汁粘上每一條金邊粉上，是不錯的！木瓜沙律，辣辣地幾開胃，仲有新鮮生菜可以包住食，可以份量較少。泰式香茅豬扒，份量超多，而且香茅味入左去豬扒度，超好味，配碗白飯一流！總結：人均約一百多元有沙律小食主菜和飲品，而且坐得舒服。

一向喜歡吃泰國菜，當然要試下門口泰國娃娃已經好有泰國氛圍。鋪面大，入到去覺得座位算多，最緊要係好寬敞乾淨。➿海南雞飯（$58/午餐）擺盤相當不錯，份量也大，雞切得大小適中，嫩滑。特別喜歡食這個飯，很香，忍唔住食完一啖又一啖。➿泰式炒金邊粉（$58/餐）金邊粉炒得幾乾爽，難得。材料很豐富，有花生碎、雞肉、豆乾等夏天特別喜歡呢種甜甜甜甜的味道。➿木瓜沙律（$78）平時超級喜歡食木瓜沙律，呢度伴以生菜，可以包住食。忍唔住讚埋配角，生菜好新鮮爽脆！絕對係開胃之選。➿跟餐凍食，大大杯，青檸茶和泰式奶茶茶味都濃。好飲！

元朗一向係我搵食的地頭今日去左西菁街見到一間新開的泰國菜門面幾靚，入面企理乾淨好坐，決定試下😋點了2個午餐set🐱泰式炒金邊（配熱飲）$58份量很多，炒得很乾身，不會太油膩雞肉挺多而且彈牙唔乾（似雞髀肉）味道酸酸甜甜，挺開胃推薦度：👍🏻👍🏻👍🏻👍🏻🐱海南雞飯 （配熱飲）$58飯很大碗，有很香的雞油味雞的份量略少，稍嫌唔夠滑但醬汁挺特別，酸酸辣辣的推薦度：👍🏻👍🏻👍🏻🐱 生蝦刺身 $108雖然價錢偏貴，但超級新鮮彈牙蝦也很大隻秘製青檸醬汁酸酸甜甜辣辣配搭蒜頭辣椒味道非常好令人回味無窮推薦度：👍🏻👍🏻👍🏻👍🏻👍🏻🐱 木瓜沙律 $78很少見配搭生菜生菜很新鮮爽脆木瓜比較硬身有口感調味比一般重但酸酸辣辣甜甜配生菜很爽口清新推薦度：👍🏻👍🏻👍🏻👍🏻🐱（下午茶）雞肉串燒2串（配熱飲）$35好抵食忍唔住加點的雞肉燒得剛剛好不會過燶肉很大塊滑嫩香口沙嗲醬很惹味推薦度：👍🏻👍🏻👍🏻👍🏻👍🏻🐱套餐凍飲加$2點了凍泰式奶茶和凍青檸茶沒有叫少甜都沒有過甜茶味濃推薦度：👍🏻👍🏻👍🏻👍🏻👍🏻整體而言，午餐、下午茶抵食，好食，仲要座位舒適餐牌選擇甚多，絕對會再去👍🏻😋

有見母親大人最近想吃泰國菜，所以就到朋友推介的「公車泰國餐廳」用膳。這裏光線充足，地方寬敞，也有相當多的卡座，所以我們都坐得十分舒適。冬蔭大頭蝦湯看完一輪餐牌之後，我們便點了冬蔭大頭蝦湯。冬蔭大頭蝦湯味道酸酸辣辣，辣勁適中，不會有嗆喉的感覺，整體上還非常開胃！而大頭蝦大大隻之餘，又非常鮮甜，配上秀珍菇和湯頭在一起，相當不錯！泰式海蜇雖然泰式海蜇賣相不算是十分討好，但是口感爽口彈牙，味道甜甜酸酸，開胃得來又美味，實在是驚喜之作！泰燒和牛串泰燒和牛串香口惹味，牛肉味亦算相當濃郁，所以吃上去都相當不錯！泰式咖喱海鮮泰式咖喱海鮮內裏有蝦、青口和魷魚。蝦爽口彈牙又相當鮮甜，青口和魷魚兩者都完全不會靭又帶鮮味，而咖喱香口得來帶微甜，無論把它配薄餅還是飯一起吃都非常惹味！泰式火車炒飯泰式火車炒飯炒得粒粒分明又香口，內裏還有不少雞蛋、蔬菜粒、蕃茄和雞肉，所以吃上去口感豐富又美味，加上味道又濃郁，難怪我們都吃過不停！椰青最後我們還點了椰青，椰青冰凍之餘又清甜，最適合炎炎夏日！這裏食物的價位相當合理，味道又討好，服務也不錯，難怪朋友把這間餐廳推介給我。

一行4人一起吃晚飯，平日都吃中菜多，所以選了久違的泰國菜。這晶店在元朗新開不久但店裡都幾乎坐滿人，看來是不錯～泰式炸魚餅$78去泰國餐廳怎少得叫泰式小食，叫了個炸魚餅，魚肉夠頗為彈口，且炸得面很香脆，惹味。馬拉盞通菜$78馬拉盞不少，所以味道很夠，香濃～要是配飯會覺更開胃。泰國肉碎生菜包$88炒的肉碎很香口，料很多，生菜也很鮮，配著叫咬起機來又清香中帶點香辣。菠蘿炒飯$128很大一碟，份量足～有大胃王叫絕對不浪費。夠足味～又不會太濕身，不錯。整體這店價格及味道都是不錯～

我一向喜歡泰國菜，經過一間泰國餐廳叫「公車泰國餐廳」，被店前的泰國公仔吸引了，便入去試試。泰式海南雞這是有骨的海南雞，雞肉是煮到剛好熟，便浸冰水，於是見到骨膠原凝固，令肉質更嫩滑，雞肉有齒頰留香的雞味，沾上酸酸辣辣的醬汁，這真讓人愛不釋手！冬陰大頭蝦湯份量很多，我們兩人可以飲幾碗，冬陰功湯有很多香料、蕃茄、味道偏酸微辣，每一口也是感受！馬拉盞炒通菜份量十分足夠，炒得好有鑊氣，通菜好爽嫩之餘，不失馬拉香料香味，加入了辣椒炒，增添惹味，十分開胃。泰式火車炒飯這是泰菜的招牌菜，即叫即炒，熱呼‘呼的一陣熱氣散出，材料豐富，有雞肉啊，有蕃茄，有菜，特別係好香的雞油香味，愛雞如命的我特別喜歡！

來到元朗食泰國菜「公車泰國菜館」，友人說不錯的！叫了個「泰式豬肉生菜包」，微辣的，好香泰式香料味，加上新鮮爽脆的生菜葉，都幾開胃！串燒日是一定要叫，即叫即燒，熱辣辣的！叫了2串雞肉，加上特製的沙爹醬，什是惹味！見menu是推介的泰式蝦醬炒飯，果然冇叫錯！濃濃的蝦醬味，加入了臘腸粒，逼出了油香味，飯上仲有隻流心蛋黃！十分好味，是忍不住一口接一口！泰式豬手倒牌也不錯，份量適中，有7-8塊，微甜的醬汁是拌飯的好菜式！肉質鮮嫩，也不會乾柴。最後是必叫的椰青，清甜好飲，悶熱的天氣最岩飲！

公車泰國餐廳 (元朗)元朗西菁街2號興旺樓地下2-3號舖燒和牛串 $28/串粒粒和牛口感嫩滑，配上特別汁醬連青椒洋蔥一起燒，絕對值得翻㦸！牛粒牛味濃郁，口感有咬口，肥瘦均勻入口咬幾下就鬆開。泰式香茅雞翼$22/隻原隻香茅雞翼，燒得香脆可口！加上沙嗲醬，好吃！炸蝦餅$88炸蝦餅大大粒，蝦肉鮮甜，口感彈牙，炸得香脆，必食推介。海南雞飯$58比平時吃的海南雞飯有點不同，要好吃多！不同之處在那？首先飯用上汁醬拌均，粒粒飯香。雞肉嫩滑，配上特製汁醬，汁醬也與平常吃到的不同！配料如花生，也是炸得香口，不是平常吃到的隨意放點花生，這裡所有材料也是精心製作過。椰青$22（跟餐）平時飲椰青，需要加$35 ，這裏只不過是$22。還很貼心的給你一個匙羹把。裏面的果肉刮出來。椰青水清甜可口非常解渴。泰式蝦醬炒飯$42蝦醬味甚濃，裏面有臘肉青豆，配上肉鬆，飯炒得粒粒分明！這個竟然是下午茶餐的份量！？要比正餐大呢！泰式奶茶一定要試泰式奶茶，茶香幼滑！老闆見我個女，還特意給了一份炸蝦餅，非常之有人情味的小店。

朋友介紹去呢間位於茜菁街新開嘅泰國菜館，味道果然有份濃濃嘅泰國味道，好有當地水準👍炒菜都特別出色，好有鑊氣，鍾意食嘢嘅朋友就一定知道，明火生鐵鑊炒出嚟嘅菜特別惹味香口👍一食就知生菜包必食之選，一樣鑊氣十足，火力够沒有太多水份，炒得恰到好處，少少辣，配料香氣撲鼻，食不停口青咖哩令我記起以前在泰國食過嘅一模一樣，香料和份量十足👍想食正式泰國青咖哩嘅朋友有口福了還有這個小食，厚切海蜇配生蝦汁，酸酸甜甜又爽口彈牙，醒神開胃❤️👍海南雞肉質十分滑食物質素無可質疑，而且貴錢不貴，今日三個人呢餐飯都只不過三百幾元，座位又寬闊舒適👍

人一生也不可能每天在吃上也花費大量金錢，因此如何消費得當、擁有更高享受，已成為我個人生活大方向。元朗區餐廳眾多，泰式餐廳真心不少，環境、服務及食物平均值高也容易找到，但價錢實惠的卻甚少有印象，今天吃了「公車泰國餐廳」則甚有驚喜。泰式炸魚餅 大大件厚肉飽滿脹卜卜、外皮煙韌內里彈牙、魚香濃郁，沾泰式辣醬更減低油膩感。馬拉盞炒通菜 馬拉盞香而濃郁、通菜吸附醬汁，入口香辣惹味，若果份量更多點就更讚。古法烤焗槽魚槽魚肉質香滑幼嫩，加上骨大而甚少幼刺，適合大齡及小朋友享用。槽魚以古法烤焗，魚鮮香而帶點葉香，輕淡而並不蓋過魚的原始鮮味。香葉辣椒肉碎炒河雜菜、辣椒、菜、豬肉碎再炒河粉，河粉厚度適中質感平滑、雜菜比例高、肉碎碎香味濃，油香惹味。總括來說，按照平民價錢吃上一頓泰式晚飯，整體還是不錯的。

終於到左星期六，又可以抖下☺️但係發現屋企隻狗仔d糧食晒，惟有落去元朗幫佢買啦😅買完狗糧，就同老公去醫肚，見到狗仔鋪對面新開左間泰國🇹🇭餐館，近近地就去食個下午茶😋原來我地都好耐無食泰國菜，亦都好耐無去過泰國了，咁就點番幾樣懷緬下🤣兩個人點左個小食拼盤(細)，入面有蝦片，春卷，蝦餅，魚餅，串燒就係豬+雞🤤🤤春卷外皮香脆餡料多，蝦餅彈牙有咬口感，蝦味鮮濃，而且食落唔粉，香料魚餅啖啖滋味，一定要點埋泰式酸酸辣醬，令人食慾大增串燒配上沙嗲醬，超惹味泰式火車炒飯:炒飯炒得夠乾身粒粒分明，唔會痴埋一舊，一d都唔會太油，香料味道徹底融入於每粒米飯之中份外開胃泰式炒芥蘭老公鍾意有碟菜，就叫左炒芥蘭，有少少辣🌶芥蘭鮮嫩爽脆，好惹味點左兩杯泰式飲品，青檸梳打及咸檸七，不單可以降降溫😌仲可以醒醒胃，爽呀